Agregador de novas

Amigus despide o ano aprendéndonos a facer robots, drons e téxtiles interactivos

códigocero - Xov, 12/21/2017 - 11:28

O Lar de Endesa (As Pontes) vai volver ser o eixe da actividade galega Maker, da man, unha vez máis, da Asociación Amigus e dos obradoiros Amigus Labs. A nova cita será este 30 de decembro e, no plano específico, desenvolverase a xeito de espazo de fabricación dixital e formación. En termos máis concretos, os asistentes á xeira de traballo aprenderán a usar pequenas placas de prototipado e a converter, con estas placas, diferentes proxectos tecnolóxicos en realidade.
“Mediante Arduino ou Raspberry PI crearemos uns sinxelos robots, drons, téxtiles interactivos ou controlaremos tiras de LED”, informan os integrantes da asociación das Pontes, engadindo que para dar forma aos proxectos os participantes modelarán en 3D (ou coa axuda de escáneres 3D) as diferentes pezas que logo se fabricarán en impresoras 3D ou na fresadora CNC.
Amais de todo o devandito, a materialización das propostas implicará tamén o emprego de diferentes técnicas para a ensamblaxe das creacións, por exemplo micro soldadura con estaño, agulla e fío condutor, para os traballos téxtiles.
A idade mínima para participar nos workshops é de oito anos en adiante. Tódalas actividades realizaranse de 10:30 a 20:00 horas, facendo unha parada para comer de 14:00 a 16:00. O xantar será no propio Lar de Endesa, por un prezo de 15 euros por persoa.
Para asistir á nova xeira dos Amigus Labs poderemos acudir equipados co noso computador, xa que temos dereito a unha praza onde instalalo, a un enchufe de rede eléctrica e outro punto de acceso para a rede de datos.
A inscrición é de balde. Podemos apuntarnos enviando un correo electrónico a amigus@amiguslabs.org (prazas limitadas). Os menores deberán traer a autorización dos pais/titor para asistir a Amigus Labs (PDF).
A xeira de traballo está organizada pola Asociación Informática Amigus, Amigus Labs e Merca Nas Pontes. Colaboran o Concello das Pontes, Cohempo, Endesa, EuroEume, Nauta, No Ping, Nodo Dixital, Triade, Severiano Agrocomercial, Escourido Asociados, Clip Carbono, Ferretería Marcos, Lujo, Matojoma, You can school of English, Fitter, Pontesa Marmoles y granitos, Desguaces Vilabella, Óptica Carmela, Galiorient, Servicio Móvil, Areco, Panadería San José, Fotografía Fabian, Don Dino, CONPLC, IcoEume, Preludio Musical, Arprosa, Radio Eter, MakerGal e Grupo de Empresa Endesa. Amigus Labs é un proxecto da Asociación Informática Amigus.

Categorías: Ciencia

Las mejores imágenes científicas de 2017

Investigación y Ciencia - Xov, 12/21/2017 - 00:00
Un eclipse total espectacular, pulpos haciendo autostop, fuegos artificiales a escala nano, y mucho más.
Categorías: Ciencia

De renos y narices rojas ¿Podría existir Rudolph?

Investigación y Ciencia - Xov, 12/21/2017 - 00:00
Aunque es poco probable, la transferencia de ADN de organismos fluorescentes al genoma del famoso animal explicaría su peculiar hocico.
Categorías: Ciencia

Situm pecha con éxito unha rolda de financiamento con Amadeus Ventures

códigocero - Mér, 12/20/2017 - 23:09
A equipa de Situm nas instalacións do Edificio Emprendia no Campus Sur de Santiago

A empresa galega Situm, responsábel da innovadora plataforma do mesmo nome para a localización e navegación en interiores, vén de pechar con éxito unha rolda ponte con Amadeus Ventures, o brazo corporativo de investimentos de Amadeus (empresa referente no ámbito das TIC para a industria mundial da viaxe), unha rolda de investimento na que tamén participan as sociedades Unirisco e Xesgalicia. O obxectivo de Amadeus, apostando pola dita tecnoloxía galega, é avanzar no seu reto de mellorar as operacións e a eficiencia en todas as áreas do sector do transporte de persoas, principalmente. Na óptica de Amadeus, a plataforma Situm sería a resposta máis axeitada para os usuarios de aeroportos e estacións, xa que os ceiba da inquietude que adoitan provocar as contornas complexas non coñecidas. Segundo recorda Víctor Álvarez, conselleiro delegado e fundador de Situm Technologies, “cando viaxamos atopámonos con frecuencia en lugares novos e espazos descoñecidos, e iso pode resultar abafador”. Porén, a tecnoloxía de Situm fornece unha solución que achega un ingrediente importante de seguridade e confianza, tamén con vistas a asegurar aos viaxeiros que chegarán sen dúbida ao seu destino. Ademais, engade Víctor Álvarez, atesoura as vantaxes de que require unha infraestrutura mínima e que permite aproveitar o poder da tecnoloxía móbil persoal. “Aos xestores de aeroportos, estacións de tren, centros de conferencias ou hoteis, Situm permítelles ver en tempo real os movementos do seu persoal, optimizar a distribución dos recursos para que o tránsito de pasaxeiros sexa máis fluído, reforzar os servizos de seguridade e realizar análise para mellorar o xeomarketing e a segmentación”, explica o conselleiro delegado da empresa galega.
Amadeus realiza este investimento en Situm xunto con Unirisco (sociedade de capital risco constituída co obxectivo de promover a creación de empresas que aproveiten o coñecemento universitari) e Xesgalicia (sociedade xestora de entidades de capital risco galega que financia o desenvolvemento empresarial a través da xestión e administración de diferentes fondos e sociedades).
Respecto de Amadeus, é unha compañía de referencia na provisión de solucións tecnolóxicas avanzadas para a industria mundial da viaxe. Entre os grupos de clientes da compañía, destacan provedores (compañías de voo, hoteis, compañías ferroviarias, liñas de ferrys, etc.), distribuidores de produtos de viaxes (axencias e portais de viaxes) e compradores de viaxes (corporacións e empresas de xestión de viaxes). Segundo lembra Situm, o Grupo Amadeus conta con ao redor de 15.000 empregados en todo o mundo e desenvolve as súas actividades en máis de 190 países. A compañía posúe sedes en España (sede corporativa), Francia (desenvolvemento) e Alemaña (operacións) e oficinas en 70 países de todo o mundo.

Categorías: Ciencia

Firefox chega ao rescate dos Fire TV

códigocero - Mér, 12/20/2017 - 21:30

Nas últimas semanas os posuidores dun dispositivo Fire TV tiñan medo de perder unha das súas funcionalidades máis importantes, a posibilidade de reproducir vídeos de YouTube, xa que a aplicación YouTube.com estaba a amosar unha mensaxe anunciando que o 1 de xaneiro deixaría de funcionar, pero a solución chegou hoxe con grande sorpresa, pois en vez de xurdir unha aplicación oficial de YouTube desenvolvida por Google chegou un novo navegador web ao rescate: Firefox for Fire TV.
Esta nova aplicación funciona perfectamente nos dispositivos Fire TV, estando especialmente optimizada para o seu mando a distancia, facilitando así a exploración de páxinas web dende o televisor e, moi especialmente, páxinas de reprodución de vídeo como YouTube, servizo para o que hai un atallo na súa páxina principal. Temos así unha ferramenta ideal para acceder aos moitos espazos web baseados no vídeo que hai na Rede.
Cómpre salientar que o Fire TV Stick Basic Edition leva só mes e medio á venda en España, e xusto estes días ofértase a 29,99 euros aos clientes de Amazon Prime, polo que o feito de que agora vaia poder ter un mellor aproveitamento grazas a unha versión específica do Firefox é unha magnífica nova.
Aínda que Firefox for Fire TV sexa unha aplicación deseñada pensando nos usuarios norteamericanos, funciona sen problema a nivel global, e incluso está traducida ao español. O seu lanzamento non podería ser máis oportuno, porque chega xusto para evitar unha grande carencia e tras o éxito do lanzamento de Firefox Quantum, o que probablemente contribúa a mellorar a sona deste navegador web. Un grande agasallo de Nadal por parte de Mozilla para os usuarios dun Fire TV.

O Firefox para Fire TV está deseñado pensando nunha boa experiencia de reprodución de vídeo en televisores
Categorías: Ciencia

O Goberno galego apoiará os proxectos máis salientábeis en materia dinamización lingüística innovadora

códigocero - Mér, 12/20/2017 - 18:30
O secretario xerla de Política Lingüística, Valentín García, nunha imaxe de La Región

Esta semana a Secretaría Xeral de Política Lingüística e a Dirección Xeral de Educación convocaron en Lingua.gal a resolución pola que se convoca a participación en proxectos de innovación en dinamización lingüística para os centros docentes de titularidade pública durante o curso académico 2017/2018, á que se pode acceder dende o devandito portal (o Portal da Lingua). O obxectivo desta disposición é apoiar os cinco mellores proxectos de centro, ou de até tres centros agrupados, que “redunden no uso do galego oral, no seu achegamento ao alumnado estranxeiro e ás súas familias, no apoio ao alumnado neofalante, na colaboración con empresas e entidades externas para favorecer o emprego e valoración da lingua, na promoción do seu uso nas Tecnoloxías da Información e da Comunicación ou no fortalecemento das ligazóns coa lusofonía”. O prazo para os centros de ensino públicos presentaren os proxectos estará aberto até o día 2 de febreiro.
Ao abeiro da convocatoria para a realización de proxectos de innovación educativa en dinamización lingüística, seleccionaranse cinco propostas dinamizadoras de centros de titularidade da Consellería de Cultura e Educación que se consideren excelentes e que se dotarán con 2.000 euros co fin de que sexa posíbel levalas á práctica.
Segundo informa Política Lingüística, o profesorado implicado activamente no desenvolvemento dos ditos proxectos recibirá apoio e asesoramento para o desenvolvemento das súas propostas. O seu labor será recoñecido cunha certificación de Premio de Innovación Educativa cunha equivalencia de 30 horas de formación permanente do profesorado no caso da persoa coordinadora e de 20 horas para o resto dos docentes participantes.
Esta convocatoria súmase a outras da Consellería de Cultura e Educación (a través da Secretaría Xeral de Política Lingüística ou deste departamento xunto coa Dirección Xeral de Educación, Formación Profesional e Innovación Educativa) orientadas a promover a dinamización do galego nos colexios e institutos, dentro e fóra das aulas. Entre elas están as axudas aos equipos de dinamización da lingua, tanto de centros públicos coma privados, o apoio ao Proxecto Didáctico Antonio fraguas, a convocatoria do Concurso-Exposición Letras Galegas ou o programa Nós tamén creamos!

Categorías: Ciencia

A OCU denuncia que un par de xoguetes conectados poden ameazar a nosa intimidade

códigocero - Mér, 12/20/2017 - 18:00

A Organización de Consumidores e Usuarios (OCU) está a informar do risco que supoñen os cada vez máis frecuentes xoguetes conectados, xa que en varias ocasións contan con cámara e unha rede Wi-Fi sen contrasinal, de xeito que calquera estraño podería empregalos para invadir a intimidade dos nosos fogares.
Nun principio a conectividade dos xoguetes está deseñada para o seu control remoto a través do móbil, o que pode resultar moi divertido para os cativos, pero o feito de que este acceso sen fíos poida aproveitarse para espiarnos en tempo real é un problema moi serio.
Esta preocupación levou á OCU a analizar 5 xoguetes que se manexan dende o móbil (Teksta cadelo Robot 4G, Minion MIP turbo dave, BB8, Rovospy e Jumping Race Jett), concluíndo que o Jumping Race Jett de Parrot e o Rovospy de Juguetrónica presentan defectos de seguridade que os fabricantes podería ter evitado protexendo as conexións con contrasinal. Tamén destacan a necesidade de que os xoguetes deberían informar dos permisos que vai pedir a súa aplicación móbil, explicando para que se precisan, para evitar abusos.
Con esta denuncia a OCU quere deixar clara a necesidade dunha normativa que regule este tipo de seguridade, material especialmente sensible cando falamos de produtos dirixidos a menores.

Vídeo no que a OCU advirte dos perigos dos xoguetes conectados

Categorías: Ciencia

AtlantTIC e AMTEGA impulsan a loita anti-incendios a través de radares meteorolóxicos

códigocero - Mér, 12/20/2017 - 17:25

Os galegos e portugueses temos, por desgraza, algo máis ca unha cultura e un alicerce común: temos unha política forestal que foi parella durante anos e que, agora, co cambio climático, deixa de manifesto as súas eivas (proliferación de eucaliptos, falta de regulamento na distribución das áreas forestais, etc) e as súas desproteccións. Isto traducirase, se nada cambia, en máis lume e en máis episodios dramáticos como os acontecidos esta tempada en ámbolos países irmáns. O problema agrávase co despoboamento (outro proceso compartido) do rural e cunhas comunicacións que non foron desenvolvidas para este tipo de emerxencias. Tendo en conta estas circunstancias comúns, a Universidade de Vigo, a través do centro AtlantTIC (Grupo de Sistemas de Radio), impulsou a posta en marcha do proxecto europeo Lifetec, que tamén lidera.
A iniciativa, que bebe das fontes de Meiga, proxecto previo para tirar proveito das TIC no achado e loita contra os lumes, pon en xogo elementos eficaces para que o tempo que se adica a localizar incendios e combatelos sexa o mínimo posíbel. En Lifetec tamén participan a AMTEGA, a Dirección Xeral de Calidade Ambiental e Cambio Climático (Meteogalicia), o Instituto Português do Mar e da Atmosfera (IPMA) e operador público galego RETEGAL.
Segundo nos contan as entidades responsábeis de Lifetec, o proxecto aborda dúas grandes vertentes de traballo: primeiro, unha adicada a diminuír o tempo de detección do lume, mediante radares meteorolóxicos, e segundo, outra encamiñada a incrementar a seguridade dos recursos humanos que traballan na extinción de incendios, mediante a localización dos mesmos e a transmisión da súa posición e posíbeis alarmas por incidencias, a través dunha rede radio con cobertura de abondo nas zonas nas que operan estes efectivos.
Como dixemos, o proxecto está liderado polo Grupo de Sistemas de Radio e conta cun orzamento de 1,2 millóns de euros e unha duración de tres anos, de xeito que os primeiros resultados e implantacións en campo están previstos para o ano 2019. Entre os principais puntos fortes da tecnoloxía de Lifetec atópase a súa capacidade para contar con máis información precisa e con intervalos mínimos de actualización, e tamén o seu potencial para ficar plenamente operativa aínda en condicións atmosféricas adversas. De feito, o sistema posto en xogo por AtlantTIC sería quen de “ver” os lumes dende o seu inicio, achegando un importante factor de “detección temperá” que non sería posíbel cos recursos actuais empregados polos radares meteorolóxicos. Isto conséguese co desenvolvemento de algoritmos específicos de detección.
O incremento da seguridade dos recursos humanos que traballan na extinción dos lumes forestais en áreas nas que a cobertura dos sistemas de comunicacións comerciais é a miúdo deficiente, a través do emprego de sistemas de comunicacións Tetra (TErrestrial Trunked RAdio), é outro dos obxectivo do proxecto Lifetec. Segundo explica o catedrático Manuel García, membro do proxecto, “Tetra é un estándar europeo de comunicacións móbiles dixitais non comerciais e ao igual que o GSM, que foi o primeiro estándar europeo de comunicacións móbiles comerciais, estendeuse a numerosos países de fóra de Europa”. Deste xeito, fronte a telefonía móbil comercial, a cobertura que pon en xogo a dita tecnoloxía é mellor, “debido a que se utilizan frecuencias máis baixas”. E engade: “Fronte aos sistemas analóxicos a vantaxe é que a tecnoloxía dixital permite algunhas prestacións adicionais, como o cifrado das comunicacións”. Segundo explica, é necesario que as accións eficientes e coordinadas dos corpos de bombeiros dispoñan de sistemas de comunicación fiábeis.

Categorías: Ciencia

O proxecto Innova Narón, recoñecido por AMTEGA

códigocero - Mér, 12/20/2017 - 13:05

A sede das instalacións da Asociación Nosa Señora de Chamorro (Narón) acolleu esta semana a entrega de diplomas e recoñecementos do Premio Son Dixital, concedido pola Axencia para a Modernización Tecnolóxica de Galicia (AMTEGA) ao proxecto Innova Narón. Na cita, na que participaron representantes deste organismo da Xunta e do Concello (incluída a edil de Formación e Novas Tecnoloxías, Natalia Hermida), puxéronse de manifesto as múltiples vantaxes e beneficios de Innova Narón, posto en marcha dende a Concellería de Novas Tecnoloxías (a través da Aula CeMIT) co obxectivo de pór en valor os produtos do campo e artesanais elaborados en varios obradoiros, a través dun blog e redes sociais e outras canles de venda. O programa abrangueu 130 horas de formación. O Concello, amais desta vertente divulgativa, asumiu o soporte e máis o aloxamento para a plataforma durante a duración do proxecto.
Os representantes de AMTEGA que participaron no acto salientaron o importante labor despregado polos organizadores e polos participantes, que tamén interviron mostrando os proxectos que teñen previsto desenvolver nos vindeiros meses nos diferentes obradoiros con que conta a devandita asociación local.
Natalia Hermida, pola súa banda, valorou o labor que realizan o dito colectivo e os seus integrantes, así como o dos monitores que traballan con eles e do resto do persoal da citada entidade, “pola súa responsabilidade neste proxecto”. A concelleira animou aos rapaces e rapazas a continuar apostando por iniciativas como a premiada polo AMTEGA e comprometeu o respaldo do Goberno local “a cantos proxectos se nos presenten nesta liña, contribuíndo como o viñemos facendo ata agora con esta asociación para que poida desenvolver o seu traballo e impulsar novos proxectos no futuro”.

Categorías: Ciencia

Chrome bloqueará a publicidade abusiva a partires do 15 de febreiro

códigocero - Mér, 12/20/2017 - 13:02

Os navegadores web procuran protexer aos usuarios dos abusos de certas páxinas web, e ao igual que hai anos introduciron un elemento tan importante como un bloqueador de fiestras emerxentes, e nos últimos días estean a facilitar o bloqueo do uso dos altofalantes por parte dalgunhas páxinas web (para evitar que a reprodución automática dun vídeo secuestre o son do noso equipo e provoque unha grande molestia) agora Google adianta que a partires do 15 de febreiro vai tomar medidas contra a publicidade abusiva no navegador Chrome.
Algúns casos de publicidade abusiva poderían ser as fiestras emerxentes, os anuncios en vídeo que se reproducen de xeito automático e con son, os anuncios que cargan antes de entrar nunha páxina web ou os anuncios de grande tamaño fixos en pantalla, no caso dos equipos de escritorio, mentres que nos móbiles estarían estas prácticas e moitas máis que fan case imposible utilizar certas páxinas web ou presentan os anuncios en tamaños esaxerados para a pantalla dun smartphone. O que fará agora Chrome coas páxinas web que inclúan este tipo de anuncios é que, cando os seus usuarios visiten estes espazos, non verán ningún dos anuncios, co que buscan forzar aos editores de espazos web a cumprir coas políticas de boas prácticas en publicidade promovidas por Google e outras compañías.

Categorías: Ciencia

O Tribunal de Xustiza da UE considera que Uber debe cumprir os regulamentos de transporte

códigocero - Mér, 12/20/2017 - 12:35

Antes do verán o avogado xeral Maciej Szpunar en relación ao conflito entre a asociación profesional Élite Taxi e Uber recoñecía que pese a que Uber é unha plataforma electrónica pertence ao ámbito do transporte, polo que tería que contar coas licenzas e autorizacións requiridas en casa país da Unión Europea, e finalmente temos unha sentenza da Gran Sala do Tribunal de Xustiza da Unión Europea confirmando o que adiantaba o letrado.
Este procedemento inicouse en 2014, cando unha asociación profesional de taxistas de Barcelona demandou ante o Xulgado do Mercantil nº 3 da súa cidade a Uber Systems Spain por prácticas enganosas e actos de competencia desleal, xa que nin a compañía nin os seus condutores tiñan licenzas nin autorizacións como prevé o Regulamento Metropolitano do Taxi de Barcelona. Se o servizo de Uber fose considerado como da Sociedade da Información a denuncia non procedería, xa que estaría ligada ao comercio electrónico e non o sector do transporte, pero a sentenza de hoxe deixa claro que o servizo de Uber está indisociablemente vencellado a un servizo de transporte, polo que debe cualificarse como «servizo no ámbito dos transportes» a efectos do Dereito da Unión.
A sentenza determina así que o servizo de Uber queda ao amparo da regulación das condicións de prestación de servizo que determine cada país da Unión, sempre que se respecten as normas xerais do Tratado de Funcionamento da Unión Europea.
Esta decisión do Tribunal de Xustiza non foi doada, xa que é difícil establecer cando un servizo supera a liña da simple intermediación e toma unha posición activa. O Tribunal considera que Uber é imprescindible para a realización dos transportes urbanos que xestiona, ou sexa, que non só sería un intermediario e, ademais, tamén exerce unha influencia decisiva sobre as condicións das prestacións efectuadas polos condutores, de xeito que a intermediación forma parte dun servizo global no que o transporte é o servizo principal, de xeito que non respondería ao que entendemos normalmente por servizo da Sociedade da Información (suxeitos a regulamentos diferentes, rexidos principalmente por unha Directiva europea que non se aplicaría neste caso).

Categorías: Ciencia

A Fundación Everis inclúe Galicia no seu programa para diminuír a fenda científico-tecnolóxica de sexo

códigocero - Mér, 12/20/2017 - 12:00

A Fundación Everis vén de pór en marcha a terceira edición do seu programa de asesoramento para mozas adolescentes, unha iniciativa encamiñada a reducir a fenda de sexo que separa a boa parte das nosas estudantes dos estudos científicos e TIC (unha fenda que, lonxe de diminuír, non para de medrar). O programa Púlsar, así se chama, conta coa participación activa de mulleres referenciais no ámbito das novas tecnoloxías da información e a innovación, mostrando as súas experiencias e botando abaixo os atrancos (estereotipos, discriminación, desinformación) que impiden ás mozas acceder a este tipo de carreiras. A idea, sinala Everis, é que as rapazas (de idades comprendidas entre 15 e 17 anos) descubran e potencien o seu talento.
Nesta terceira edición incrementouse o número de participantes respecto ao ano anterior, intervindo en colexios de Madrid, Barcelona e, por primeira vez, de Santiago de Compostela. Ademais, está a levarse a cabo o espallamento do programa a países de Latinoamérica onde Everis ten presenza, como por exemplo México, Perú ou Brasil.
No capítulo de novidades, amais da estrea galega no programa, este ano haberá charlas de motivación nos centros educativos dirixidas a preto de 1.000 estudantes (mozos e mozas) de 4º ESO e 1º de Bacharelato, para “transmitirlles a importancia da autoestima na adolescencia e concienciarlles da existencia da brecha de sexo na sociedade”.
Segundo informa a Fundación Everis, a metodoloxía desta iniciativa está baseada no learning by doing (aprender facendo), e o método de traballo está orientado “á curiosidade, a exploración, o descubrimento, a interacción e creación dos contidos, así como a reflexión e conexión destas aprendizaxes coa súa día a día”.
Karla Alarcón, directora da entidade, apunta que “é fundamental que os pais e as institucións educativas avancen xuntos para conseguir a igualdade de oportunidades e tamén é preciso que as mozas sexan quen de achar o seu propio talento; para iso, cremos importante achegar as rapazas a mulleres referentes que as impulsen no seu medre persoal e, por tanto, profesional, a través da súa propia experiencia”.

Categorías: Ciencia

Facebook avisará cando alguén saia nunha fotografía aínda que estea sen etiquetar

códigocero - Mér, 12/20/2017 - 11:30

Para poder xestiona a nosa identidade dixital Facebook permítenos saber cando alguén nos etiqueta nunha fotografía, para que así podamos decidir se queremos manter tal etiqueta ou incluso solicitar o borrado da imaxe, pero agora queren levar esta tecnoloxía máis aló, e están a implantar ferramentas opcionais que potenciarán estas funcións grazas ao recoñecemento facial, de xeito que non só recibiremos avisos cando alguén nos etiquete, senón tamén cando Facebook pense que figuramos nunha fotografía, o que permitirá evitar que outros usuarios empreguen a nosa imaxe como fotografía de perfil (algo demasiado frecuente no caso de contas falsas creadas por bots) e tamén permitiramos coñecer as fotografías publicadas en Facebook coa nosa imaxe nas que non se nos etiquete (para poder actuar en consecuencia).
Cando recibamos un aviso de Facebook por considerar o seu sistema de recoñecemento facial que nos identificou nunha imaxe poderemos optar por etiquetarnos, por deixarnos sen etiquetar ou saber máis sobre quen publicou a imaxe (por se temos algún problema con iso). Iso si, non recibiremos aviso se a imaxe na que saímos non nos inclúe entre a súa audiencia (por compartirse cun axuste de privacidade limitado).
Esta tecnoloxía tamén aplicarase para incrementar a accesibilidade de Facebook, de xeito que permitirá que as persoais con eivas visuais poidan saber quen aparece nunha fotografía aínda que estea sen etiquetar.
A tecnoloxía de recoñecemento facial poderá activarse ou desactivarse dentro das opcións de configuración de Facebook, pero polo momento non teremos esta tecnoloxía na Unión Europea, onde a lexislación pon reparos ao seu uso indiscriminado.

Categorías: Ciencia

As posibilidades de Selenium en probas de software, ao detalle nun novo curso de Vitae

códigocero - Mér, 12/20/2017 - 09:52

Para quen non o saiba, hai tecnoloxías para facilitar a posta a punto de tecnoloxías. E algunhas delas, como Selenium, moi eficaces. Botar luz sobre as posibilidades desta ferramenta-metodoloxía de código aberto e prepararnos para sacarlle o máximo rendemento nos nosos traballos de desenvolvemento (achegando importantes ingredientes de automatización en procesos de probas e validación), é o gran obxectivo do Curso Automatización de Probas con Selenium (PDF), organizado pola consultora galega Vitae. A actividade formativa, de dezaseis horas, celebrarase na Coruña (Hotel Attica 21) os días 29 e 30 de xaneiro. Para os responsábeis de curso, trátase dunha moi boa oportunidade para engadir un extra de rendibilidade e eficiencia no noso traballo de testing, permitíndonos centrar os esforzos no miolo dos procesos e esquecer (no bo sentido) as tarefas máis rutineiras.
Entre outras cousas, Selenium pon en xogo importantes recursos de automatización, un complemento ao testeado manual para reducir o tempo destinado ás probas de regresión, smoke test ou probas funcionais. Segundo informa Vitae, durante este curso abordaranse os principais conceptos sobre automatización de probas, presentando unha metodoloxía para acadala e asegurala e, tamén, levándoa á práctica nun caso particular empregando Selenium.
Os obxectivos específicos do obradoiro son os seguintes: comprender a utilidade a necesidade da axilizar o traballo das probas dentro do proceso xeral de desenvolvemento de software; adquirir os fundamentos para deseñar, construír e executar probas de maneira automática con Selenium (permitindo aos asistentes realizar proxectos de automatización xusto despois de rematar o curso); comprender os aspectos que interveñen nunha estratexia de automatización e, tamén, coñecer os aspectos claves dunha destas estratexias, achegando a información precisa para a toma de decisións.
O curso vai dirixido a analistas e enxeñeiros de probas e desenvolvemento de software, así como a programadores e técnicos de sistemas (explotación).
Recoméndasenos, para inscribirnos nel, contarmos con experiencia en iniciativas de desenvolvemento de software e coñecementos básicos de programación. Nun principio, os casos prácticos están orientados ao emprego de linguaxe Java, pero é viábel o uso doutras tecnoloxías.
O encargado de impartir os contidos será Aurelio Gandarillas Cordero, enxeñeiro en Informática e enxeñeiro técnico industrial en Electrónica, con máis de 25 anos de experiencia profesional no sector TI e máis dunha ducia de anos de bagaxe como consultor e formador en desenvolvemento e calidade do software.

Categorías: Ciencia

Las primeras células se basaron en una fábrica metálica de biomoléculas

Investigación y Ciencia - Mér, 12/20/2017 - 00:00
Los primeros procesos metabólicos parecen guardar una estrecha relación con reacciones prebióticas.
Categorías: Ciencia

Algunos monos prefieren vivir solos

Investigación y Ciencia - Mér, 12/20/2017 - 00:00
Un estudio con macacos rhesus demuestra que existen individuos que tienden al aislamiento social. Al parecer, ello podría aportarles ciertas ventajas.
Categorías: Ciencia

ABANCA abre na Coruña o seu centro referencial en servizos dixitais

códigocero - Mar, 12/19/2017 - 23:00
Gerardo Fuertes, director territorial de ABANCA en A Coruña, e Regino Barbeito, director da nova oficina de ABANCA

ABANCA presentou hoxe o que sería o seu novo paso en materia de dixitalización dos seus servizos e das oficinas onde se veñen desempeñando eses servizos. Estamos a falar da nova sucursal de seu, emprazada na praza de Lugo da Coruña, un novo centro de atención ao cliente que responde á perfección ao modelo de sucursal que procura nestes últimos tempos a entidade galega: un novo modelo que combine innovación na organización do espazo cos recursos tecnolóxicos máis avanzados aplicados á actividade bancaria. En palabras de ABANCA, as novas dependencias representan “un mix de atención persoal e operatoria dixital”, a fórmula “ideal para atender as necesidades dos clientes”. Estes poderán realizar as súas operacións de maneira totalmente dixital, híbrida ou de forma persoal cos xestores da oficina. “O centro impulsará a dixitalización da actividade dos seus clientes adaptándose ás súas preferencias”, engaden fontes da entidade galega.
Na nova oficina, ABANCA prestará aos seus usuarios “un servizo diferencial”, adaptándose ás necesidades de cada un deles ao dispor de xestores especializados en cada tipoloxía de clientes: xestores de empresas, comercios e autónomos, xestores e asesores de banca persoal, xestores especializados en seguros, etc. Durante o período do Nadal, desde hoxe día 19 ata o 4 de xaneiro, a oficina abrirá ao público en horario de 8:15 a 14:30 e de 16:30 a 19:30 de luns a venres e os sábados de 10 a 14 horas. No este período a oficina contará coa presenza de R4, o robot humanoide de ABANCA.
Conta cunha ampla dotación tecnolóxica enfocada ás seguintes cinco prioridades:
· Permitir a mobilidade dos xestores comerciais para atender ao cliente en calquera zona coa tableta Microsoft Surface como dispositivo único de traballo.
· Incorporar formatos e contidos audiovisuais en diferentes elementos de vídeo, como pantallas LED e de muro e hologramas 3D.
· Adecuar os seus recursos ás necesidades do cliente coa incorporación de xestores de benvida, Wi-Fi e pantallas multitouch de última xeración en zonas de espera.
· Reenfocar a actividade do seu persoal ás xestións de máis valor para o cliente grazas á dispoñibilidade de caixeiros avanzados na zona 24h.
· Incrementar a súa sustentabilidade ambiental grazas á firma dixital de contratos e a redución do número de impresoras, “avanzando desta maneira na filosofía cero papel”.

Categorías: Ciencia

A galega Miriam Pena introduce aos estudantes da UDC nos segredos de Ads

códigocero - Mar, 12/19/2017 - 17:30
Miriam Pena nunha imaxe de globalgalicia.org

A aula 3.2 da Facultade de Informática (Universidade da Coruña) acollerá este 20 de decembro, ás 17:00 horas, a conferencia The secret life of Ads, impartida por Miriam Pena, enxeñeira de Bueu titulada pola Facultade de Informática da Universidade da Coruña. Segundo informa a UDC, Miriam foi elixida recentemente pola plataforma Women 2.0 como unha das doce enxeñeiras máis importantes de Silicon Valley, onde desenvolve o seu labor profesional a día de hoxe, máis polo miúdo na compañía de software publicitario AdRoll, con sede San Francisco.
Nesta compañía, segundo puidemos saber, Miriam é enxeñeira da equipa profesional (staff engineer) e encárgase de desenvolver e aplicar elementos críticos da infraestrutura de ofertas en tempo real. AdRoll, para quen non o saiba, é unha empresa centrada en servizos encamiñados a manter a fidelidade dos usuarios da Rede con respecto a unha páxina ou páxinas determinadas.
A charla é aberta a toda a comunidade de estudantes, aínda que está enfocada principalmente ao alumnado con interese no funcionamento dos sistemas tecnolóxicos avanzados. Sistemas como o que ela lidera, que salienta entre outras cousas por ser quen de atender un millón de peticións por segundo.

Categorías: Ciencia

AGASOL e o Cluster TIC xuntan forzas

códigocero - Mar, 12/19/2017 - 16:24

A Asociación de Empresas Galegas de Software Libre (AGASOL) e o Cluster TIC Galicia asinaron hoxe un convenio de colaboración para, entre outras cousas, facer fronte común a prol “da defensa e a mellora da competitividade do hipersector das tecnoloxías da información”. O acordo, de duración indefinida, incluirá actividades conxuntas e, de cara a todos os ámbitos sociais (cidadanía, institucións, empesariado, medios de comunicación), unha única faciana institucional. Esta voz unificada será asumida polo Cluster TIC.
Así o deron a coñecer no acto de formalización da alianza o presidente desta entidade, Antonio Rodríguez del Corral, e máis o presidente de AGASOL, Carlos Rodríguez. Segundo engadiron, o Cluster creará na súa organización interna (ao abeiro do acordo) un grupo de interese en software libre e tamén nomeará un portavoz neste eido, que participará nas reunións do seu comité de dirección. Polo que respecta ao papel que vai despregar AGASOL, a identidade e actividade de seu, a asociación manterá a súa xeración de proxectos e actividades, que se fará no seo da estrutura do Cluster e de forma aberta a todos os asociados. “Unha comisión paritaria de seguimento velará polo bo desenvolvemento do convenio”, explicaron.
O presidente do Cluster TIC, Antonio Rodríguez del Corral, indicou que a sinatura supón “un importante avance de cara a establecer marcos de colaboración entre as entidades do sector que axuden ás empresas a desenvolver produtos e servizos innovadores e con capacidade para aproveitar as oportunidades que ofrecen os mercados”. Para o Cluster e para os clientes dos seus socios, engadiu, “é importante contar coa experiencia en software libre de AGASOL, porque cada vez máis proxectos de cliente, de electrónica ou no ámbito das smart cities ou dos data centers execútanse total ou parcialmente en software libre”.
Pola súa parte, Carlos Rodríguez salientou que este acordo permitirá aumentar o interese e a importancia do software libre entre o tecido empresarial TIC de Galicia, “proporcionando solucións innovadoras feitas desde a nosa comunidade e reducindo a dependencia do software privativo, que non achega valor engadido”.
Segundo lembraron, o Cluster TIC representa un sector que dá emprego a máis de 17.000 persoas e ten unha facturación superior aos 3.000 millóns de euros. Pola súa parte, AGASOL está integrada pola maioría das empresas do ámbito do software libre de Galicia, moitas das cales contan cunha ampla presenza en mercados internacionais.

Categorías: Ciencia

Plex lanza un reprodutor multimedia inspirado no Winamp

códigocero - Mar, 12/19/2017 - 12:52

Hai 20 anos o reprodutor multimedia Winamp de Nullsoft converteuse en todo un estándar para escoitar música en formato MP3 no ordenador, pero pouco a pouco foi perdendo popularidade, sendo a súa última grande versión a 5.5 de 2007, para dicir adeus definitivamente o 20 de decembro de 2013 (aínda que na Rede conservan copia parcheada do Winamp 5.666 para os nostálxicos). Pero o espírito do Winamp segue vivo, e os responsables do xestor e servidor de contidos multimedia Plex consideran que aínda existe demanda dun reprodutor multimedia pequeno, e estrearon os seus Plex Labs cunha aplicación chamada Plexamp.
A nova ferramenta non está baseada nos contidos almacenados no noso ordenador, senón nun servidor Plex, facilitando así que poidamos escoitar a nosa colección musical en calquera lugar conectado á Rede. Para facelo posible colleron un reprodutor multimedia de código aberto e adaptárono para convertelo no reprodutor musical de Plex que posiblemente sexa o que menor pegada de píxeles deixa mantendo un bo número de funcionalidades. A aplicación corre de xeito nativo en Windows e macOS, pode controlarse remotamente, permite o uso de atallos de teclado e incluso ten fermosos visualizadores durante a reprodución musical, podendo os subscritores de Plex Pass tamén gozar de funcionalidades adicionais como o acceso ás letras das cancións en reprodución.
Pero Plexamp polo momento é simplemente un laboratorio de probas no que experimentar con funcionalidades que poderán chegar despois de xeito oficial a Plex. Cómpre advertir que o reprodutor pode ser básico de máis para moitos usuarios, así como tamén algo complicado de manexar, pero está a integrar características que poden resultar de utilidade, como nivelación de volume (o sistema equilibrará o volume de diferentes álbums para que non haxa que modificar o nivel de volume do ordenador durante a reprodución de música) e tamén procuran que as transicións entre dúas pistas sexan o máis fluídas posible.
A experiencia tamén busca enriquecerse coa creación de emisoras de radio que poden empregarse para acceder ao noso catálogo musical dun xeito variado (pero non completamente aleatorio), facendo viaxes no tempo (comezando a reprodución pola música publicada antes) ou incluso afinando as listaxes de reprodución en función do estilo dun artista en concreto.
Aínda que Plexamp é unha aplicación completamente de balde, moitas das súas funcionalidades serán exclusivas de subscritores de Plex Pass, do mesmo xeito a como acontece coa aplicación principal de Plex.

Categorías: Ciencia

Páxinas

Subscribirse a IGACIENCIA lector de novas