Agregador de novas

Google quere potenciar o seu sistema de pagamentos en liña

códigocero - Lun, 10/23/2017 - 16:00

Aínda que durante moitos anos os pagamentos a través da Rede parecían un territorio dominado por PayPal e as tarxetas bancarias, non faltaron os intentos de grandes compañías para entrar nese negocio para facilitar os pagamentos e fomentar o comercio electrónico, e agora quen reforza a súa actividade neste eido, e agora dan conta das posibilidades de Pay with Google, servizo que busca que o usuario non teña que enredar con complicados formularios de pagamento ao mercar produtos a través do teléfono e a tableta, aproveitando os datos de pagamento que o usuario tivera introducido en Google Play, YouTube, Chrome ou Android Pay.
Esta funcionalidade está a funcionar tanto en aplicacións móbiles de compañías de distintos países como nas súas páxinas web, e dende Google lembran que os desenvolvedores só teñen que incluír unhas poucas liñas de código para facer compatibles as páxinas web e as aplicacións con Pay with Google, servizo que non cobrará taxas por transacción.
Google quere promover o uso do seu sistema de pagamentos para compras de produtos, restaurantes e incluso aparcadoiros, facendo que pagar en mobilidade sexa cada vez máis doado e rápido, deixando claro que o principal interesa da súa plataforma é derrubar barreiras.

Categorías: Ciencia

O prazo para participarnos no curso de animación en 3D de Allariz, aberto até novembro

códigocero - Lun, 10/23/2017 - 14:52

O Concello de Allariz está a organizar un obradoiro que nos sitúa de face ás novas tecnoloxías ao servizo do audiovisual, máis polo miúdo co eido da animación en 3D. O Curso de introdución ao desenvolvemento de películas de debuxos animados vaise desenvolver até xullo do ano vindeiro, establecéndose os contidos en dous bloques: un de contidos prácticos e outro de teóricos. O Concello vén de anunciar que quere acadar a máxima participación nesta actividade, de aí que abrise até novembro un novo prazo para formalizarnos nela a nosa inscrición.
O obradoiro está dirixido a aquelas persoas que desexen introducirse no mundo da animación xerada por computador. “Os seus contidos”, sinala o Concello, “darannos una visión de conxunto do software en 3D e da produción de debuxos Animados, amais dun coñecemento en profundidade das ferramentas de traballo e o ámbito no que se desenvolven cinematograficamente”.
O Goberno local tamén informou de que o obradoiro, que se vai desenvolver na Casa da Mocidade, inclúe unha clase semanal de tres horas e media de duración, a sexta feira (venres) pola tarde, e o sábado pola mañá. A formación compleméntase cunha clase por video-conferencia semanal durante a cal resolveranse dúbidas sobre exercicios prácticos e farase un seguimento dos proxectos persoais que alumnos e alumnas estean a desenvolver durante o curso.
O primeiro dos bloques abordará cuestións como a interface, o modelado (técnicas, mallas e curvas, modelado de textos), cámaras e iluminación, texturas e materiais, modelado de personaxes, animación (claves e liña de tempo, editores, animación de obxectos, de personaxes e de FX) e composición.
O bloque teórico introducirá aos participantes en procesos de produción, pre-produción (linguaxe cinematográfica, ideas para o guión, storyboard), creación de personaxes (anatomía, estereotipos, poses e siluetas, liñas de acción), teoría da animación (técnicas, os principios da animación, as leis físicas aplicadas, tempo e ritmo, animación facial, locomoción) e elaboración de proxectos de animación (mercados e festivas, axudas á produción).
As persoas que estean interesadas en asistir ao obradoiro deberán chamar ao 615 395 871 ou ben enviar un correo electrónico a animacion3d@allariz.com.

Categorías: Ciencia

Quantum machine goes in search of the Higgs boson

Nature - Lun, 10/23/2017 - 13:49

D-Wave system shows quantum computers can learn to detect particle signatures in mountains of data, but doesn’t outpace conventional methods — yet.

Nature News doi: 10.1038/nature.2017.22860

Categorías: Ciencia

Sabre-toothed cats prowled Europe 200,000 years after supposedly going extinct

Nature - Lun, 10/23/2017 - 13:49

Ancient-DNA analysis also suggests a surprising connection with sabretooths in North America.

Nature News doi: 10.1038/nature.2017.22861

Categorías: Ciencia

The science of puppy dog eyes

Nature - Lun, 10/23/2017 - 13:49

Dogs' facial expressions depend on human attention.

Nature News doi: 10.1038/nature.2017.22867

Categorías: Ciencia

Os usuarios das redes elixirán a mellor achega emprendedora TIC de Ferrolterra

códigocero - Lun, 10/23/2017 - 13:18

O venres pasado, AJE Ferrolterra presentou no consistorio local a quinta edición do seus Premios Ferrolterra Emprende, unha iniciativa que conta coa colaboración do Concello, a Deputación da Coruña, IESIDE (Escola de Negocios AFundación) e o IGAPE, e que se encamiña a recoñecer o pulo emprendedor e innovador das firmas con sede de operacións nas comarcas de Ferrol, Eume e Ortegal. O certame, cuxo prazo para a presentación de candidaturas estará aberto a partir deste 23 de outubro, inclúe dúas categorías e catro accésit. As primeiras son Premio Empresaria/o Nova/o (3.200 euros en formación a cargo de IESIDE, para empresarias/os que leven constituídas/os máis de tres anos) e Premio Emprendedora/or Nova/o (1.000 euros de contía, abranguendo participantes con 3 anos ou menos de actividade e cunha facturación inferior a 1 millón de euros). Os accésit son á creación de emprego, á RSE e conciliación laboral, á innovación e, por último, ás novas tecnoloxías.
Os tres primeiros inclúen, a xeito de premio, formación do IESIDE. O accésit TIC, pola súa parte, vén co seguinte recoñecemento: un ano de publicidade de balde en Ferrol. Esta distinción específica ás iniciativas emprendedoras do ámbito das novas tecnoloxías será elixido polo público nun concurso que se convocará a partir de que se abra o prazo de presentar as candidaturas nas redes sociais.
O xurado que emitirá o fallo das restantes modalidades estará composto por diversas personalidades do mundo empresarial, financeiro e institucional. O prazo para a entrega da documentación será ata o día 17 de novembro do 2017, na sede da asociación ou por correo electrónico a info@ajeferrolterra.org. O acto de entrega de recoñecementos será nunha gala prevista para o venres 24 de novembro ás 19:30 h na Fundación Exponav sita en Cantón de Molíns de Ferrol.

Categorías: Ciencia

Lingua.gal convoca a nova edición do concurso-exposición das Letras Galegas 2018

códigocero - Lun, 10/23/2017 - 12:35
A escritoria María Victoria Moreno, homenaxeada o ano vindeiro no Día das Letras Galegas

O Portal da Lingua Galega (Lingua.gal) e mais o Portal Educativo da Xunta de Galicia (Edu.xunta.gal) veñen de publicar a nova convocatoria do Concurso-Exposición Letras Galegas, que cada ano se leva adiante co obxectivo de, en palabras dos devanditos espazos web, “potenciar o coñecemento do autor ou autora homenaxeada o 17 de maio, da situación sociolingüística que lle tocou vivir e, en xeral, da súa época histórica”. Os centros que concorran neste certame da Secretaría Xeral de Política Lingüística teñen de prazo até o 22 de xaneiro de 2018 para presentaren unha exposición que faga un percorrido polas devanditas vertentes obra de María Victoria Moreno Márquez, a quen a Real Academia Galega (RAG) homenaxea o vindeiro ano na festividade da nosa cultura.
Os proxectos gañadores difundiranse profusamente na Internet, a través do Portal da Lingua Galega, e serán distribuídos por máis de 2000 puntos de interese (centros educativos, lectorados da Rede de Centros de Estudos Galegos, entidades da Rede de Dinamización Lingüística, centros da emigración ou bibliotecas, entre outros emprazamentos). Os colexios e centros participantes na súa elaboración recibirán un premio en metálico por importe de 2000 € e o profesorado obterá, por segundo ano, un certificado de premio de innovación educativa, cunha equivalencia de 20 horas de formación permanente do profesorado, ou 30 no caso do coordinador ou coordinadora do proxecto gañador.
Segundo informa a Secretaría Xeral de Política Lingüística dende o Portal da Lingua, a convocatoria do Concurso-Exposición Letras Galegas 2017 “está dirixida a todos os centros docentes de ensino público non universitario dependentes da Consellería de Cultura, Educación e Ordenación Universitaria, que poderán concursar na categoría que lles corresponda entre as dúas que se establecen”. Por unha banda, a categoría A para infantil e primaria e, pola outra,a categoría B para educación secundaria e bacharelato, formación profesional e restantes centros de ensinanzas especiais. Os centros educativos en que se imparta infantil, primaria e secundaria poderán concursar en ambas as categorías.
Os colexios e institutos deberán formar equipos integrados por un máximo de 10 docentes de diferentes áreas que colaboren activamente e fomenten a participación do alumnado na elaboración do traballo.
As exposicións que se presenten ao certame deberán constar de 10 carteis orixinais e inéditos de 70x50 cm acompañados dunha guía con actividades que orienten a observación da mostra e fomenten o labor de investigación do alumnado. A técnica que se empregue nos devanditos carteis será libre e estes poderán ser presentados a cor.

Categorías: Ciencia

Samsung regala móbiles Galaxy Note8 aos pasaxeiros dun voo que chegou á Coruña esta mañá

códigocero - Lun, 10/23/2017 - 12:28

Os preto de dous centos de pasaxeiros do voo IB514 con destino A Coruña recibiron unha grata sorpresa, xa que puideron beneficiarse da campaña Benvido a bordo Galaxy Note8 emprendida por Iberia e Samsung, de xeito que recibiron o último smartphone de alta gama da compañía surcoreana: o Samsung Galaxy Note8.
Os pasaxeiros colleron o voo ás 7:30 horas en Madrid, nunha aeronave personalizada con mensaxes da campaña promocional, aínda que non foi até a conclusión da engalaxe cando o comandante dirixiuse aos pasaxeiros para confirmarlles que eran os protagonistas desta acción especial conducida polo vicepresidente corporativo de Samsung España, Celestino García, quen explicou que este xesto buscaba agradecer o apoio e a confianza que os consumidores deron a Samsung nos últimos meses.
A campaña xa beneficiou a usuarios da ponte aérea entre Madrid e Barcelona e con voos a Bilbao, Granada e Xerez, completándose coa viaxe a Galicia.
Lembremos que o Note8 é o smartphone máis completo que existe actualmente no mercado, pero chegou ás tendas co reto de ter que facer esquecer o acontecido con seu predecesor, o Samsung Galaxy Note7, que tiña problemas coa batería que fixo que nin sequera chegase a venderse oficialmente en España, o que non impediu que daquela volta as aeroliñas tivesen un comportamento bastante absurdo, confundindo aos consumidores indicando en todos os voos a prohibición de viaxar en cabina cun Galaxy Note7 (o consumidor medio non entende de modelos tan específicos, e resultaba especialmente doado entender que o fallo de seguridade afectaba ao Galaxy S7, pois era a liña de móbiles de Samsung que se vendía realmente cun 7 no nome), de aí que agora teña bastante sentido que Samsung xuntase forzas con Iberia para deixar clara a seguridade do Note8.

Categorías: Ciencia

O Álvaro Cunqueiro de Vigo mostra en novembro todo o que a Impresión en 3D pode facer pola nosa saúde

códigocero - Lun, 10/23/2017 - 12:22

O vindeiro 20 de novembro vanse celebrar no Hospital Álvaro Cunqueiro de Vigo uns encontros destinados a mostrar o potencial médico das tecnoloxías de fabricación aditiva para dar forma a obxectos tridimensionais (obxectos tridimensionais que nos axuden a interpretar a realidade da que abrollan estes obxectos). As Xornadas de Impresión 3D: Medicamento Personalizado celebraranse ao longo do día, sendo o evento da mañá de acceso restrinxido a xerentes, xefes de área, profesionais sanitarios, enxeñeiros e empresas do sector e todos aqueles actores que se atopan na cadea de valor da impresión 3D en saúde. Esta xeira de mañá, de carácter eminentemente profesional, celébrase en colaboración con 3DHeals, plataforma global con base en San Francisco que traballa na achega de materiais tridimensionais no ámbito da medicina.
Nesta primeira metade da xornada abordaranse os aspectos máis técnicos da bioimpresión e as súas aplicacións nos eidos da odontoloxía, a enxeñaría, a traumatoloxía ou a cirurxía torácica. Tamén se van tratar, ante o público especializado (directivos, xefes de área, enxeñeiros, fabricantes, provedores e, en xeral, axentes involucrados na cadea de valor da Impresión 3d en saúde), os regulamentos e as normativas dos ditos espazos de traballo e investigación.
A xeira de tarde, Chapter Health 2.0 Galicia, oriéntase cara a unha difusión máis ampla do coñecemento en fabricación aditiva. Trataranse os conceptos crave, experiencias, como se aborda a formación e os desafíos futuros máis aló do horizonte visíbel da man de pacientes, enxeñeiros, médicos, cirurxiáns e farmacéuticos.
En ambos os eventos contarase con demostracións prácticas e, en palabras da organización da xornada, “unha sala de exhibición chea de sorpresas”.
Segundo lembran os impulsores do evento a conto dos porqués do mesmo, “a tecnoloxía de Impresión en 3D emprégase desde hai anos en distintos sectores e as súas posibilidades van alén dos límites do esperado, poñéndose á par dos ámbitos da robótica, a intelixencia artificial, o Big Data ou a nanotecnoloxía, para dar forma á última revolución industrial denominada 4.0”. E engaden: “A fabricación aditiva con diversos materiais fornece dunha manchea de beneficios económicos, loxísticos, ecolóxicos e achegan un grao de personalización para cada paciente cun alto impacto na saúde individual e colectiva, podendo ser aplicada en case a totalidade de especialidades médicas”.

Categorías: Ciencia

Entregados en Lugo os premios do quinto campionato D3Mobile, impulsado pola USC, a Deputación, o Concello e Vodafone

códigocero - Lun, 10/23/2017 - 11:54

O salón de actos da Escola Politécnica Superior de Lugo acolleu o venres pasado a entrega de premios da quinta edición do certame 3DMobile Metrology World, un concurso impulsado polo Campus local (polo grupo de investigación CIGEO da USC, e previamente polo grupo USCAN3D) dirixido a potenciar as vocacións científicas en estudantes de secundaria e bacharelato servíndose do teléfono móbil. No acto de entrega de galardóns participaron a deputada de Cultura, Deseño e Artesanía, Pilar García, a alcaldesa de Lugo, Lara Méndez; o vicerreitor de Coordinación do Campus de Lugo, Javier Bueno Lema; o Director do Servizo Rexional, Pablo Carballo; e a coordinadora do grupo CIGEO-USC e o director do proxecto, Mariluz Gil e Juan Ortiz. O Campionato Internacional de Modelado 3D contou coa colaboración da Deputación de Lugo e máis do Concello. Tamén apoiaron o certame a FECYT, a Fundación Vodafone España, o Centro Español de Metroloxía (CEM) e o Instituto Xeográfico Nacional (IGN-CNIG). Neste nova entrega do certame presentáronse proxectos educativos de distintos puntos do mundo, como Turquía, Grecia, México ou Colombia, entre outros moitos países.
O primeiro premio foi para os estudantes do IES Acci, da localidade granadina de Guadix, coordinados pola profesora Cecilia Fernández López. A equipa andaluza acadou na última proba un índice de erro medio inferior a 0,2 mm nas medicións dun modelo 3D de 200 mm de diagonal maior. Cada membro deste equipo recibirá un premio tecnolóxico, ademais dunhas gorras autografiadas por Marc Márquez, que apoiou con esta doazón a presente edición do campionato, como o fixeran ante uníndose así a Pau Gasol, Rafa Nadal, Iker Casillas e Máverick Viñales con outros agasallos autografiados.
A maiores do devandito, dous equipos da Unidade Educativa Fiscomisional Calasanz de Loja (Ecuador) e do Nurettin Dolgun Mesleki ve Teknik Anadolu Lisesi, de Agri (Turquía) proclamáronse subcampión e terceiro clasificado, respectivamente, deste torneo.
O equipo FLÛSHD, do CPI A Xunqueira de San Valentín (Fene), formado polos alumnos Mario Bolaño Ameneiro, Óscar González Yáñez e Víctor Graña Martínez, coordinados pola profesora Blanca López Moreno, acadou o premio como mellor equipo do mundo na categoría de modelo 3D de maior calidade visual, cunha figura da ceramista galega Carme Romero.
O galardón á difusión do labor científico desenvolvido na USC foi para o equipo do IES A Sangriña de A Guarda coordinado Carmen López Fernández, cun modelo 3D dunha caracola, representativo do traballo do investigador local Emilio Rolán Mosquera.
O premio Estratexias para a educación no mundo da UNESCO foi para a Unidade Educativa Fiscomisional Calasanz de Loja (Ecuador) por un modelo 3D dun libro. O galardón Estratexias para a ciencia no mundo recaeu no CPI a Xunqueira de Fene cun modelo 3D de un Dew Bank, un contedor deseñado por Pak Kitae para recoller auga de choiva.
O IES Quartó de Portmany de Eivissa obtivo o premio Estratexias para o desenvolvemento social, o patrimonio e a cultura no mundo por un modelo 3d dunha escultura. Asemade, o premio Estratexias para a comunicación e a información no mundo recaeu tamén nun equipo ecuatoriano da Unidade Educativa Fiscomisional Calasanz de Loja por un modelo 3D de una máquina de escribir.
O galardón da D3Mobile orientado a fomentar as competencias dos alumnos na realización dunha campaña de difusión en 3D a valorar polo público foi, na categoría de metrólogos, para o equipo do Institute of Mathematics and Informatics de Razlog (Bulgaria) formado por Maria Radoslavova Manzurova e Blagoy Radoslavov Manzurov, e coordinado pola profesora Maria Brauchle, gracias a un vídeo promocional co que deron a coñecer o seu modelo 3D dunha escultura. Na modalidade Artistas 3D o recoñecemento foi para outro vídeo e unha campaña en redes sociais dun modelo 3D do maniquí de anatomía humana realizado por estudantes da Unidade Educativa Mariscal Sucrre de Guayaquil.
O premio da Xunta ao mellor equipo galego foi para os participantes do IES Sofía Casanova de Ferrol coordinados por Eva Leira Bouzamayor. Vladímir Shmidt, Pablo López Río, Adrián Carballido Lamas e David Carballido Lamas, catro alumnos do IES Vilar Ponte de Viveiro coordinados por Ana Belén Lamas Lombao, proclamáronse gañadores do premio que outorga a Deputación de Lugo ao mellor equipo da provincia. O Premio Innovación D3Mobile (Concello da Coruña) foi para o equipo do IES Plurilingüe Eusebio da Guarda formado por Alfredo Chavert Sánchez, Roque Placer Regueira, Alejandro Vázquez López e Diego Moral Fernández, coordinados por Mario Simón García González.
O premio D3Mobile-Fundación Mujeres, que distingue modelos representativos dunha científica/tecnóloga de éxito nos eidos da enxeñaría/arquitectura, foi para o dúo do IES Iturrama de Pamplona formado por Irene Salvoch e Iker Alfonso, coa titoría de Miren Josune Ballarena Urroz, por un modelo 3D sobre Margaret Knight.
D3Mobile é unha experiencia educativa dirixida a novas promesas STEM (acrónimo en inglés de Ciencia, Tecnoloxía, Enxeñaría e Matemáticas), que axuda a que os participantes adquiran “diversas competencias do século XXI, en termos da UNESCO”, e en cuxa edición 2017 tomaron parte 1.476 alumnos e 350 profesores de 268 centros educativos de 44 países.

Categorías: Ciencia

La ciencia de la mirada suplicante de los perros

Investigación y Ciencia - Lun, 10/23/2017 - 00:00
Este gesto de los canes depende de que les estemos mirando más que de si les llevamos comida.
Categorías: Ciencia

Las cien derrotas de AlphaGo

Investigación y Ciencia - Dom, 10/22/2017 - 00:00
El go, juego asiático, es monstruosamente complejo. El programa de inteligencia artificial AlphaGo logró en 2016 derrotar a un campeón de ese juego. Ahora, sin embargo, debe reconocer su derrota ante su propio sucesor, AlphaGo Zero.
Categorías: Ciencia

A realidade mixta de Microsoft xa está a empregarse en quirófanos reais

códigocero - Ven, 10/20/2017 - 23:00

Aínda que ao grande público a realidade mixta chegou aínda esta mesma semana, o programa piloto baixo o que se desenvolven as HoloLens de Microsoft leva xa moitos meses funcionando, e o seu último fito foi a súa aplicación en quirófanos, onde poden colocarse proxeccións virtuais en calquera punto do espazo, incluso sobre o paciente, facilitando que o cirurxián poida acceder a toda a súa información (TAC, resonancia, radiografías e modelso de reconstrución 3D) para mellorar as intervencións e acurtar os tempos cirúrxicos.
Esta tecnoloxía que parece sacada dunha película de ciencia ficción está a ser probada con éxito no Hospital Gregorio Marañón a través da súa Fundación de Investigación Biomédica e a Unidade de Tumores Musculoesqueléticos, xunto á empresa española Exovite, que emprenderon un programa piloto pioneiro a nivel mundial que facilitou o uso das HoloLens nun caso de cirurxía real no que actuaron sobre un tumor muscular maligno.
Unha das grandes vantaxes da solución emprega é que o sistema pode manexarse con xestos no aire e con comandos de voz, de xeito que o cirurxián non ten que entrar en contacto físico con elementos que poidan ser fontes de infeccións, á vez que as pantallas de información que ten ao seu redor poden ser virtuais, de xeito que non ocupan espazo real.
O programa continúa a avanzar para aproveitar a capacidade de rexistro e posicionamento das HoloLens para guiar procedementos, identificando instrumental cirúrxico e puntos exactos da anatomía do paciente.

Categorías: Ciencia

Xornalistas e blogueiras de Rusia e Letonia visitan Galicia para coñecer a nosa oferta turística

códigocero - Ven, 10/20/2017 - 22:28

Xornalistas e blogueiras rusas percorren estes días a nosa terra convidadas por Turismo de Galicia para coñecer os aspectos máis senlleiros da oferta turística galega, o que as levará a visitar parte do territorio das catro provincias ata o próximo domingo.
Ademais, entre hoxe e o vindeiro luns, un grupo de xornalistas e técnicos da Televisión de Letonia visitan Galicia para coñecer o Camiño Francés e a ruta Fisterra Muxía, ademais de Santiago de Compostela, meta da peregrinación xacobea.
As rusas, Olga Rastegaeva, blogueira de Orange Traveler, Olga Baklanova, blogueira en Вся Соль; e as xornalistas Anastasia Makina, da revista Women Health; e Olga Koynova, da publicación Ural Airlines Magazine, participan nesta viaxe de familiarización co destino turístico Galicia, organizada por Turismo de Galicia.
As visitantes teñen a oportunidade de coñecer o Camiño de Santiago e a cidade de Santiago de Compostela, e comprobar a súa influencia en Galicia como destino turístico de características propias. Ademais, están a visitar distintas contornas de costa para coñecer as posibilidades de Galicia neste eido, asociadas á natureza e á cultura.
Na súa estadía en Galicia, tamén poden coñecer distintas vilas costeiras galegas, así como contornas urbanas do interior de interese monumental e turístico.
As xornalistas e blogueiras de Rusia visitan todos os bens Patrimonio Mundial da Unesco e coñecen produtos relacionados coa marca do Turismo de Galicia como a Ruta da camelia, Paseando entre viñedos ou Patrimonio oculto.
Por outra banda, visitan varias adegas de distintas denominacións de orixe protexidas dos viños de Galicia e teñen a oportunidade de gozar da gastronomía de Galicia en distintos restaurantes e locais de hostalaría da Comunidade galega.

Categorías: Ciencia

Núñez Feijóo salienta o pulo innovador da Tecnópole na celebración dos seus 25 anos

códigocero - Ven, 10/20/2017 - 14:57

A Tecnópole de San Cibrao das Viñas (Ourense) está a celebrar este venres os seus 25 anos de traxectoria. E faino contando coa participación das empresas, os centros de coñecemento e outras entidades de innovación que tiveron a súa sede alí ao longo deste cuarto de século. A xornada, que abrangue actividades até a tarde, contou coa presenza do presidente da Xunta, Alberto Núñez Feijóo, quen salientou que o Parque Tecnolóxico de Galicia (Tecnópole) é un exemplo referencial de como facer que a innovación sexa un foco para atraer investimentos. Asemade, destacou que o complexo tecnolóxico ourensán está “en condicións de atraer capital e novos proxectos empresariais por ser un polo de innovación en Galicia”. Nos actos de hoxe rendéuselles homenaxe ás 300 firmas ás que xa deu acubillo a Tecnópole ao longo do seu percorrido.
Volvendo á intervención do presidente, este subliñou que o Parque Tecnolóxico de Galicia atesoura “un claro compromiso coa divulgación científico-tecnolóxica, especialmente, entre os máis novos”. Isto, sinalou, tradúcese en cousas como o feito de que máis de 20.000 visitantes participasen nas 11 convocatorias do certame Galiciencia ou nos sete cursos das Aulas Tecnópole dirixidos a escolares galegos.
Tamén salientou a importante actividade despregada polo Centro de Empresas e Innovación da Tecnópole, que funciona como incubadora de novos proxectos, ao que cómpre engadir o Laboratorio de Biotecnoloxía, o Centro de tecnoloxías médicas avanzadas e o Centro experimental de enerxías renovábeis. “En definitiva”, dixo, “estamos a falar dun espazo de referencia en Galicia dirixido a acoller, apoiar e potenciar iniciativas de marcado carácter innovador que apostan pola tecnoloxía e a investigación como unha forma de xerar valor e actividade económica”.
Ano de celebracións
Como lembraremos, boa parte das celebracións dos 25 anos da Tecnópole xa se están a desenvolver ao longo de 2017. Entre as máis relevantes, informativamente falando, situouse o encontro celebrado en xuño co obxectivo de presentar a memoria global de actividade do parque. Segundo se fixo saber daquela, o recinto acolleu ao longo da súa historia un total de 284 empresas, centros tecnolóxicos e entidades relacionadas coa innovación.
Tamén se destacou no almorzo que a sociedade xestora participou en 28 proxectos de I+D+i e promoveu a posta en marcha de tres instalacións científico-tecnolóxicas ao servizo de todo o tecido empresarial galego: un laboratorio de biotecnoloxía, un centro de tecnoloxías médicas avanzadas e un centro experimental de enerxías renovábeis. Ademais, organizou dúas conferencias internacionais de parques tecnolóxicos e unha chea de actividades formativas e eventos centrados no intercambio de coñecemento.

Categorías: Ciencia

A UDC lanza portal para que a comunidade participe e decida na vida dos campus

códigocero - Ven, 10/20/2017 - 14:57

A Universidade da Coruña presentou hoxe un novo recurso dixital destinado a “facer” comunidade e a estimular nos campus o traballo conxunto con estudantes, profesorado, investigadores e demais integrantes do “colectivo UDC”. Trátase do seu novo Portal de Participación, destinado a posibilitar que “calquera usuario da comunidade universitaria poida debater sobre os temas que lle preocupan, propoñer ideas de mellora da UDC e decidir, co seu voto, as que se leven a cabo”. O portal foi dado a coñecer en rolda de prensa polo reitor da Universidade da Coruña, Julio Abalde, a vicerreitora de Estudantes e Participación, Margarita Amor, e o Adxunto de Participación, José Rodrigo Sanjurjo. Segundo fixeron saber, con este recurso dixital a Universidade da Coruña subirá novos e significativos chanzos en materia de comunicación. En boa medida, segue e amplía o ronsel das iniciativas de orzamentos participativos postas en marcha en concellos como o da Coruña ou Santiago.
O seu funcionamento, en liñas básicas, será o seguinte: os usuarios dos campus terán grazas ao portal a posibilidade de crear e apoiar novas propostas que en caso de acadar unha cantidade de votos elevada serán estudadas por un grupo de traballo para decidir despois se se leva a cabo. A plataforma, que está en probas, ficará aberta para toda a cidadanía, aínda que só poderán presentar e apoiar propostas os membros da comunidade universitaria.
Haberá dúas modalidades de visita: poderá accederse a udcdecide.udc.gal como usuario anónimo, só para ver os debates e as propostas, ou como usuario rexistrado como membro da UDC, para crear, votar e comentar propostas. Os mecanismos de participación inclúen debates, propostas e comentarios. Segundo se fixo saber, “calquera membro rexistrado pode comezar un debate sobre calquera tema relacionado coa universidade que se publicará no portal; debates en base aos que logo poderase votar, compartir, comentar ou marcar como inapropiado”. As propostas poderá facelas calquera usuario rexistrado da comunidade universitaria; deste xeito, será só a propia Universidade a que decida as propostas que lle interesa como comunidade.
Na rolda cos medios tamén se informou de que esta plataforma de participación responde a un dos retos propostos polo actual reitor na súa campaña electoral, na que se comprometeu “a garantir a participación activa da comunidade universitaria, de xeito que toda a comunidade universitaria poida ser partícipe na toma de decisións e no debate como mellora da xestión da universidade”. O reitor manifestou a súa firme decisión de contar coa participación das/os estudantes “no momento da toma de decisións estratéxicas e nas de carácter máis cotián que teñan que ver coa docencia e a calidade de vida universitaria”. O Portal de Participación, engadiuse, está feito con software libre.

Categorías: Ciencia

Vodafone achega as múltiples vantaxes do Big Data ás empresas e ás administracións

códigocero - Ven, 10/20/2017 - 13:23

Pode a información a gran escala (Big Data) mellorar a eficiencia e a rendibilidade de empresas e institucións públicas? Pode, e practicamente non queda a estas alturas ningún profesional das TIC que o poña en dúbida, limitándose estas (as dúbidas) a xeitos de proceder e metodoloxías de aplicación (ou sexa, máis aos “comos” que aos “ques” e os “porqués”). Entre as empresas que queren apostar de xeito máis decidido polo Big Data para poñelo a disposición das entidades figura Vodafone, cuxa división española anunciou onte un acordo con Carto, plataforma que permite facer análises granulares e visualizar as relacións entre mancheas de datos, coa vista posta en axudar a que os negocios das empresas obteñan os mellores resultados.
Segundo explica Vodafone, Carto ten a capacidade de saber o que pasou, o que pasa e o que pasará. Semellante actividade no tempo só podía achegar vantaxes para cidades, países ou negocios, engade a operadora, que en virtude desta alianza engadirá ao seu catálogo de servizos para grandes clientes e administracións unha solución de Big Data (Vodafone Anaytics) “doada de usar e moi intuitiva”.
A solución, ademais, ten o punto forte de que non precisa da concorrencia activa de especialistas e de expertos en analítica de datos dentro das organizacións para tirar proveito do seu rendemento. Vodafone Analytics, engade a operadora, “permitirá ás administracións públicas mellorar a xestión das cidades e a calidade de vida dos cidadáns, ao ser posíbel a súa aplicación en diferentes ámbitos como o transporte urbano (optimizando rutas e recursos adicados ao transporte ou reducindo atoamentos de tráfico), no turismo (dispoñibilidade de aloxamento, desprazamento de turistas, planificación de eventos con afluencia masiva de visitantes), eficiencia enerxética, censo en tempo real, etc.”
No caso das empresas, a aplicación axudaralles a “seren máis eficaces dentro dos seus mercados ao poder adecuar a súa estratexia dunha forma máis acertada”. Por exemplo, esta ferramenta podería permitir coñecer cal é a mellor zona onde localizar unha nova tenda tendo en conta o perfil de consumidor que transita preto, realizar unha planificación loxística máis eficiente, ou xestionar mellor o stock en función do público que visita os espazos.
Para quen a estas alturas non escoitara falar de Big Data, dicirlle que constitúe un dos eidos que máis interese está a espertar na actualidade, non só entre a comunidade académica e investigadora, senón tamén entre as empresas, pola súa aplicación e a súa posta en valor nunha ampla variedade de ámbitos. De feito, as técnicas de análise de coñecemento a gran escala son un valor en auxe que transforma datos en información clara e eficaz, permitindo un coñecemento detallado sobre procesos, clientes, etc.

Categorías: Ciencia

O Grupo eMonte presenta tres novos recursos TIC para impulsar o noso sector forestal

códigocero - Ven, 10/20/2017 - 12:33
Na imaxe, Víctor Rivas, promotor de eMonte

Os responsábeis da plataforma dixital eMonte.es, iniciativa galega dirixida a tirar partido das novas tecnoloxías para favorecer a compravenda de madeira na nosa terra (facilitando o fluxo de operacións forestais coa aplicación de novas tecnoloxías), veñen de dar a coñecer os seus últimos resultados e novidades (un portal e dúas aplicacións web) na Escola Superior Politécnica de Lugo. No acto, os impulsores da plataforma TIC, como lembraremos recentemente galardoada pola Deputación da Coruña, achegaron unha serie de datos de interese sobre a actividade que lles colle de preto, por exemplo: que o pasado vendéronse en Galicia máis de 6.200 leiras rústicas, e a nivel estatal 125.000. O Grupo Operativo de Innovación eMonte está integrado polo Clúster da Madeira e o Deseño de Galicia, a Universidade de Santiago, eMonte Solucións Forestais e Manuel Graña. Creouse coa finalidade de “permitir que todos os axentes do eido forestal galego puidesen realizar as xestións de seu dunha maneira máis sinxela, a partir da aplicación das TIC”.
No acto, os impulsores da plataforma fixeron tamén un percorrido polas novidades introducidas no seu seo durante este último ano, novas ferramentas co obxectivo de facilitar distintas tarefas vencelladas ao sector forestal. Por exemplo o portal Vendofinca.es, portal inmobiliario en liña que xorde co obxectivo de converterse nun punto de encontro para as persoas que estean interesadas no mercado de compra e venda de leiras rústicas. Segundo se fixo saber na cita no Campus de Lugo, o portal “pretende cubrir o baleiro deixado polos grandes portais inmobiliarios en liña, centrados na compra e aluguer de vivendas”. Pola contra, a ferramenta Vendofinca.es pon o foco nas leiras rústicas, desde parcelas agrícolas até forestais. O portal, sinalaron, salienta pola súa sinxeleza de uso e por estar centrado na identificación das leiras rústicas a través dun mapa interactivo. Así, de cara aos anunciantes, a incorporación das súas entradas unicamente require que se rexistren na plataforma e incorporen a leira a través de catro sinxelos pasos a través dun proceso que é de balde. Por certo que dende a posta en marcha do portal, máis de 300 leiras rústicas incorporáronse ao portal.
Outra das novidades é eMonte Cubicar, unha aplicación que permite estimar o volume de madeira coa que conta unha parcela, tendo en conta varios datos como son a altura total da árbore, o seu diámetro, a especie da madeira ou o número total de árbores por parcela. Con esta aplicación, permítese estimar o volume de material dun lote de árbores das principais especies forestais de Galicia. Segundo se fixo saber no acto, “a ferramenta axuda aos propietarios forestais a xestionar as súas plantacións e á toma de decisións, amais de converterse nun excelente recurso de traballo para as empresas rematantes distribuídas por toda Galicia, posto que lles axuda a obter unha previsión da materia prima que se obterán en cada aproveitamento forestal”.
O feixe de cousas novas tamén inclúe outra ferramenta, eMonte conxuntas, unha aplicación web que destinada a axudar aos propietarios forestais na venda de lotes de madeira situados en parcelas dun tamaño moi reducido, feixes que na actualidade non suscitan gran interese para o seu aproveitamento forestal. A venda conséguese mediante a súa conversión en lotes dunha meirande envergadura a través da unión por Internet de propietarios forestais con parcelas nun ámbito xeográfico próximo.

Categorías: Ciencia

O CPEIG e AMTEGA alentan o talento innovador dos nosos estudantes en xornadas itinerantes

códigocero - Ven, 10/20/2017 - 11:48

A fórmula de promoción talento innovador funciona, e se funciona no ámbito empresarial, por que non aplicala de cheo ao ámbito educativo? Esta é a premisa do programa Transformación Dixital e Talento impulsado polo Colexio Profesional de Enxeñaría en Informática de Galicia (CPEIG) e a axencia AMTEGA, unha premisa que vén de marcar un fito coa xornada XTdT celebrada os días pasados en Santiago (facendo voar o espírito innovador en compañía dun centenar de profesionais e universitarios) e que chegará os días vindeiros a diversas localidades galegas, xuntando estudantes de secundaria para fomentar as vocacións nos estudos relacionados co sector TIC, en palabras das dúas entidades “un dos máis dinámicos da economía española e con máis saídas laborais”.
O programa de charlas comezou onte no IES Concepción Arenal de Ferrol. Os días 24 e 26 de outubro desenvolveranse no IES Rosalía de Castro, en Santiago; o día 26 no Seminario Menor A Inmaculada, de Ourense, e o 27 deste mesmo mes no IES Número 1 do Carballiño. Tamén está previsto impartir unha charla na cidade da Coruña.
Nas charlas, colexiadas/os do CPEIG achegaranlle ao alumnado destes centros “como é o perfil das/os profesionais da Informática”, xunto cos motivos para estudar unha enxeñaría e, concretamente, a Enxeñaría en Informática. Asemade, daranlles a coñecer as saídas laborais destes estudos.
Como dixemos, esta iniciativa itinerante representa unha continuidade da Xornada Transformación Dixital e Talento desenvolvida o pasado 16 de outubro en Santiago con grande éxito de convocatoria. Nela, o CPEIG e a AMTEGA foron quen de crear, nas súas palabras, “un punto de encontro para empresas, universidades e estudantes ao redor da economía dixital”. Na xuntanza, enmarcada no convenio de colaboración que manteñen as dúas entidades, participaron profesionais referenciais das TIC como Constantino Fernández, presidente executivo de Altia; Enrique Dans, profesor de Innovación do IE Business School; Juan Carrillo, Director de Relacións con Clientes de LinkedIn; e David Tomás, co-fundador e director executivo (CEO) de Cyberclick.

Categorías: Ciencia

Xeopesca resolve o seu concurso de fotos libres sobre o noso mar

códigocero - Ven, 10/20/2017 - 10:25
A imaxe de Roberto Millán

A Asociación Xeopesca vén de comunicar a resolución do seu Concurso de Fotografía Libre, un certame creativo dirixido a avanzar na difusión e no coñecemento do patrimonio natural e cultural da nosa terra, facendo fincapé, desta volta, na nosa rica cultura mariñeira. Segundo nos conta Pablo Belay dende Xeopesca, o pasado 8 de outubro de 2017 reuniuse o xurado do certame formado por polas fotógrafas Lorena Couto Rey (formada na Escola de Arte Mestre Mateo e segundo premio de fotografía no Xuventude Crea 2014) e Rocío Brage (técnica superior en fotografía e máster de fotografía na escola EFTI de Madrid) e polo presidente e o secretario de Xeopesca.
Nesta primeira edición do certame presentáronse 62 instantáneas válidas segundo as bases do concurso, que foron realizadas por 43 autores diferentes. Segundo informan dende Xeopesca, as obras presentadas reflicten “unha diversidade de intres únicos das nosas paisaxes, costumes, gastronomía,… que conforman a cultura mariñeira galega”. Dende o xurado agradeceron a todos os participantes a súa vontade “de compartir estes recordos cunha licenza libre con toda a comunidade da Internet”.
O primeiro premio foi para Roberto Millán (Alacante), coa fotografía Mariscadora, que reflicte o traballo da muller galega na actualidade. A fotografía foi tomada ao amencer cando as mulleres comezan a mariscar na costa do Grove. Esta obra foi liberada coa licencia GFDL.

A fotografía de Laura Domínguez

O premio accésit foi gañado por Laura Domínguez Couselo (Poio) cunha composición en branco e negro, amosando a dúas mulleres cargando un caldeiro cheo de ameixas e o material de faena. A instantánea foi realizada na praia de Lourizán (Pontevedra). Esta obra foi liberada coa licencia Creative Commons Recoñecemento – Compartir Igual.
As restantes fotografías participantes podemos consultalas en liña con baixa calidade na web de Xeopesca, pero tamén podemos descargalas todas nunha ligazón específica de Githu.
O concurso de Xeopesca forma parte das actividades que a asociación realiza no marco do convenio de colaboración asinado coa Axencia para a Modernización Tecnolóxica de Galicia (AMTEGA), e incluídas no Plan de Acción de Software Libre 2017 da Xunta de Galicia.

Categorías: Ciencia

Páxinas

Subscribirse a IGACIENCIA lector de novas