Agregador de novas

A policía danesa lembra que é delito compartir contidos ilegais a través da Internet

códigocero - Mar, 01/16/2018 - 12:25

Os corpos policiais daneses están a dar realizar unha campaña de concienciación entre a mocidade sobre as consecuencias do que se fai na Rede, ante a percepción de que a actividade en liña como os insultos e as ameazas non teñen a mesma importancia que no mundo físico, aínda que o exemplo que poñen é bastante radical, xa que trátase dun caso no que 1.004 mozos de Dinamarca (con idades de entre 15 e 20 anos) enfróntanse a un grave cargo de distribución de pornografía infantil.
As autoridades danesas están a actuar ante un caso de distribución dun vídeo de contido sexual no que as persoas que figuran na gravación tiñan 15 anos, o que supón un delito tipificado no seu Código Penal como pornografía infantil. Os denunciados non foron conscientes de que reenviar un contido ilegal a través do Messenger de Facebook supón un acto de distribución, pois non hai diferenza entre o que se fai no mundo virtual e o real a vistas da Lei, polo que instan a pensar dúas veces antes de premer o botón de publicar entre as nosas redes sociais.
A Policía asegura que a meirande parte das persoas involucradas compartiron o vídeo un par de veces, pero algún fíxoo centos de veces. A investigación do caso foi bastante complexa, tendo que traballar a policía danesa coa Europol e as autoridades de EE.UU. para desenredar este caso que responde ao nome de Umbrella. As consecuencias serán graves para os denunciados, de xeito que recibirán unha sanción en función de cada caso e, de resultar condenados, non só poderían ter que enfrontar condenas de cadea, senón que tamén poderían entrar a formar parte dunha listaxe de agresores infantís que os vetaría para empregos relacionados con menores e incluso poderían ter problema para entrar en países como EE.UU., de xeito que estamos ante unha broma que pode saír moi cara.

Categorías: Ciencia

A viguesa TokApp abre 2018 mostrando as súas aplicacións en cinco feiras internacionais

códigocero - Mar, 01/16/2018 - 12:06

A empresa galega Tokapp, responsábel da aplicación do mesmo nome (dirixida a facilitar a comunicación no seo das empresas, entidades e asociacións) e de TokApp School (a versión para ámbitos docentes), comeza ano cun completo roteiro de presentacións internacionais. Participará, de arranque, en cinco feiras referenciais de diferentes sectores. O obxectivo da firma de Vigo non é outro que ampliar ao máximo a marxe de presenza das súas aplicacións de mensaxes instantáneas, e facelo en todo tipo de ámbitos produtivos onde haxa demanda de melloras para as comunicacións internas e externas. Entre os eventos nos que vai participar atópase a Feira Internacional de Turismo, que se celebra en Madrid entre o 17 e o 21 de xaneiro e reúne a máis de 130.000 profesionais.
Nesta cita madrileña farase fincapé no potencial de TokApp para ceibar aos usuarios das repetidas problemáticas de uso do WhatsApp. Segundo apunta a empresa galega respecto da devandita feira, case un milleiro de concellos pecharon xuntanzas cos responsábeis de TokApp para acadar “comunicacións oficiais, seguras e que cumpran coa legalidade”.
Outra das citas ás que asistirá a compañía de Vigo é Bett Show 2018, feira de corte internacional que pasa por ser unha das máis importantes do mundo educativo, xuntando a máis de 34.000 asistentes e 850 firmas. Entre o 25 e o 27 de xaneiro TokApp viaxará a Londres para asistir a esta xuntanza onde, en colaboración co ICEX España, participará presentando a aplicación de mensaxes TokApp School e máis as súas iniciativas sociais contra o bullying e o ciberacoso.
Amais, TokApp realizará a comezos de febreiro unha viaxe a Israel co apoio da Cámara de Comercio da Coruña, a Xunta de Galicia e o IGAPE, para participar en OurCrowd Global Investor, unha das máis importantes reunións de investidores e novas firmas innovadoras. En Israel, TokApp tentará establecer sinerxías con outras start-ups e realizar contactos de face a continuar co seu espallamento internacional.
O 7 e o 9 de marzo TokApp estará a participar en Edugal, a feira educativa organizada polo Concello de Pontevedra e a Universidade de Vigo, onde informará das novidades de TokApp School. Para rematar este primeiro trimestre TokApp concorrerá na Misión Comercial a Centroamérica, buscando reforzar a súa posición nesta contorna.

Categorías: Ciencia

O proxecto MultiGenera da USC, premiado pola Fundación BBVA

códigocero - Mar, 01/16/2018 - 09:40
De esquerda a dereita, Carlos Valcárcel, María José Domínguez, María Teresa Sanmarco e Isaac González. Foto: Fundación BBVA

A Fundación BBVA vén de distinguir un proxecto da Universidade de Santiago ao abeiro do seu certame de axudas a prol da investigación científica en Humanidades Dixitais. O proxecto galego, seleccionado entre 143 achegas e premiado xunto con outras catro propostas doutras universidades, é Xeración multilingüe de estruturas argumentais do substantivo e automatización de extracción de datos sintáctico-semánticos (MultiGenera). Segundo informa a USC, a convocatoria da Fundación BBVA premia as contribución a un uso innovador das tecnoloxías da información e de técnicas estatísticas avanzadas para o tratamento de obxectos propios das Humanidades. Os outros catro proxectos financiados por esta convocatoria desenvolveranse nas universidades de Girona, Lleira, Autónoma de Barcelona e Politécnica de Valencia.
O equipo de investigación galego está integrado por trece especialistas que coordina María José Domínguez Vázquez, xunto a quen tamén participa Teresa Sanmarco Bande, Mónica Mirazo Balsa e Laura Pino Serrano da Universidade de Santiago de Compostela. O resto do equipo confórmano: Rosa Martín Gascueña (Universidade Complutense de Madrid); David Lindemann (Universität Hildesheim); Natalia Catalá Torres (Universidade Rovira i Virgili); Carlos Valcárcel Riveiro (Universidade de Vigo); Isaac González López (CIFP Politécnico); Alberto Bustos Plaza (Universidade de Extremadura); José Antonio Calañas Continente (Universitat de València); Carolin Müller-Spitzer e Sascha Wolfer (Institut für Deutsche Sprache).
MultiGenera ten como principal obxectivo o deseño dun prototipo de aplicación lingüística didáctica que xere de maneira automática estruturas nominais con información semántica. A través dunha metodoloxía de fornece ás estruturas nominais de significado, a idea é facer que “a busca en bases de datos léxicas de diferentes idiomas se faga con maior rapidez e eficacia, de xeito que poderá ser un reforzo fundamental para a investigación en lingüística”, engade o equipo responsábel do proxecto, explicando tamén que as estruturas incorrectas que se poidan xerar permitirán mellorar as regras polas que funcionan os tradutores automáticos, “dotándoos así de maior rigor, precisión e similitude coa linguaxe natural (NLP)”.
O obxectivo é que MultiGenera achegue unha manchea de exemplos útiles en eidos como a docencia, a gramática contrastiva, os novos dicionarios (mesmo actualización dos antigos) ou a tradución automática.

Categorías: Ciencia

Cómo la dieta afecta al sistema inmunitario

Investigación y Ciencia - Mar, 01/16/2018 - 00:00
La respuesta de las células inmunitarias es más agresiva cuando se consumen alimentos ricos en grasas y azúcares. El efecto se observa incluso después de adoptar hábitos alimentarios más saludables.
Categorías: Ciencia

Un experimento remozado para confirmar (o rechazar) los indicios de nueva física

Investigación y Ciencia - Mar, 01/16/2018 - 00:00
Mediante las colisiones de electrones y positrones se van a buscar partículas desconocidas y se investigarán los problemas que presenta el marco teórico de la física.
Categorías: Ciencia

Cómo la dieta occidental afecta al sistema inmunitario

Investigación y Ciencia - Mar, 01/16/2018 - 00:00
La respuesta de las células inmunitarias es más agresiva cuando se consumen alimentos ricos en grasas y azúcares. El efecto se observa incluso después de adoptar hábitos alimentarios más saludables.
Categorías: Ciencia

A Deputación de Lugo combate a exclusión laboral con community managers , mecánicos e expertos en mercadotecnia

códigocero - Lun, 01/15/2018 - 22:47

O presidente da Deputación de Lugo, Darío Campos, comprobou hoxe de primeira man a pegada social e laboral que deixa o programa da entidade provincial para favorecer a contratación na provincia, abranguendo tamén colectivos en risco: o programa Ben Empregado. Máis polo miúdo, mantivo este luns unha xuntanza con tres persoas beneficiarias desta iniciativa (terceira edición), tres novos traballadores que retomaron o fío da actividade laboral en dúas entidades de Cospeito, contando coa colaboración das entidades COGAMI e FADAS co fin de promover a súa inserción.
Segundo lembrou no encontro Darío Campos, a día de hoxe un total de 28 lucenses con capacidades diversas ou en risco de exclusión están a traballar xa en empresas da provincia. Tamén recordou que Ben Empregado é un programa que favorece a contratación co financiamento, por parte da Deputación, do cen por cen cos custes laborais dos novos traballadores en establecementos de autónomos e PEMES da provincia. Co temos sinalado en repetidas ocasións, moitas destas ocupacións teñen relación directa coas novas tecnoloxías da información. Sen ir máis lonxe, unha das profesionais que participou na visita de Darío Campos traballa de responsábel de comunicación web e redes sociais (community manager).
Na cita, amais do presidente da Deputación, participou a deputada de Promoción Económica e Social, Sonsoles López Izquierdo. Estiveron acompañados polos representantes das empresas contratadoras, o deputado da Terra Chá, Eduardo Vidal Baamonde, así como de membros de COGAMI e FADAS (que se encargan do Servizo de Intermediación Laboral do Ben Empregado).
Campos Conde salientou que “coa terceira edición do Ben Empregado ofrecemos por vez primeira financiar na súa totalidade os custos laborais de lucenses desempregados de colectivos vulnerábeis dentro da nosa aposta por unha Deputación coas persoas e máis social, que traballa pola igualdade de oportunidades”. Respecto dos bos resultados que están a acadar as diferentes edicións da iniciativa, engadiu que “é unha satisfacción comprobar que somos útiles e capaces de romper calquera tipo de barreira con compromiso e sumando esforzos”.
Como dixemos, entre as persoas que participou hoxe na xuntanza atopábase unha experta en redes e comunicación dixital: Raquel, veciña de Castro de Rei, que traballa como comunity manager na casa rural Pazo de Verdes, en Cospeito, xestionando as redes sociais e a páxina web deste establecemento. Na visita tamén participaron Francisco, veciño de Lugo de 48 anos, que tamén traballa en Pazo de Verdes, realizando as funcións de xardinería, mantemento e carpintería; e Gonzalo, natural de Cospeito e de 50 anos, que traballa grazas a Ben Empregado en Saiga Muimenta, unha empresa de Cospeito adicada ao comercio ao por maior de maquinaria para o sector agroalimentario, á reparación desta maquinaria nos seus talleres e á venda de recambios.
Darío Campos engadiu que son un total de 28 os lucenses de colectivos vulnerábeis que estaban no paro e hoxe están a traballar en empresas da provincia grazas ao Ben Empregado 3 da Deputación: 1 traballa nunha empresa da Mariña, 12 da Terra Chá, 11 da Comarca de Lugo, 1 da Comarca de Sarria, 1 da Montaña e 2 de Lemos.

Categorías: Ciencia

O CPEIG e Educación suman forzas para impulsar no alumnado as competencias STEM

códigocero - Lun, 01/15/2018 - 17:41

Contribuír a que abrolle e medre o talento tecnolóxico e dixital que toda a nosa mocidade leva dentro. Este é o gran obxectivo, en liñas xerais, do acordo que veñen de asinar (hoxe) o Colexio Profesional de Enxeñaría en Informática de Galicia (CPEIG) e Consellería de Cultura e Educación, un acordo que se insire na vertente máis formativa e divulgativa da actividade do colexio e que implica a renovación do acordo para continuar cos seus programas Navega con Rumbo e Programación nas Escolas. O obxectivo, en palabras das dúas entidades, “é mellorar as competencias dixitais dos estudantes así como asegurar que se desenvolven dun xeito seguro no ámbito tecnolóxico”. A alianza foi formalizada e presentada polo presidente do CPEIG, Fernando Suárez, e máis o conselleiro Román Rodríguez.
Segundo engadiron, un total de 250 centros escolares (colexios e institutos de toda Galicia) beneficiaranse este ano de accións específicas no eido da programación informática e no uso seguro dos recursos tecnolóxicos, postas en marcha pola Consellería en colaboración co órgano colexiado de Informática.
O acordo encádrase nunha das liñas da Estratexia de Educación Dixital 2020 da Consellería de Educación como é a de promover as vocacións STEM (Ciencias, Tecnoloxías, Enxeñerías e Matemáticas) entre a comunidade escolar galega, ao tempo de dotala dos recursos e as ferramentas precisas para o uso seguro da tecnoloxía.
Navega con Rumbo
Navega con rumbo, que xa vai pola súa sétima edición, abrangue tanto ao alumnado como aos docentes e ás familias, guiando ás crianzas cara a unha navegación segura, responsábel e útil en Internet e, deste xeito, previr que sexan vítimas de condutas como o ciberacoso. Doutra banda, tamén fai partícipes aos pais, nais e profesores das recomendacións precisas e que, á súa vez, actúen como correa de transmisión.
Para tal fin, o Colexio de Enxeñaría en Informática encargarase de realizar xornadas divulgativas nos centros escolares Abalar de toda Galicia que chegará a uns 200 centros. Segundo lembran a Consellería e o CPEIG, dende que arrancou o programa no curso 2010/11, que xa se impartiu en 461 colexios e institutos e nas actividades realizadas ao seu abeiro, participaron arredor de 65.000 persoas, na súa maior parte alumnado. Ademais, o programa está apoiado polas Guías de Boas Prácticas elaboradas polo CPEIG e dirixidas a alumnos, familias e profesores, que poden descargarse a través do web www.navegaconrumbo.es.
Programación nas Escolas
Púxose en marcha no curso 2014/15 como unha acción pioneira para iniciar aos escolares no pensamento computacional e na programación informática. Uns 10 centros escolares de Primaria (que se suman aos outros 30 da primeira, segunda e terceira edición) beneficiaranse neste curso desta iniciativa na que as rapazas e os rapaces aprenden a programar dun “xeito lúdico e proactivo”. Para iso, ofrécenselles as ferramentas axeitadas para que comprendan que é un computador, como funciona, e como elas/eles mesmas/os poden crear sinxelas aplicacións interactivas, como videoxogos ou animacións, entre outros.

Categorías: Ciencia

Nova edición do certame Lingua de Namorar

códigocero - Lun, 01/15/2018 - 13:31

A Secretaría Xeral de Política Lingüística e a Dirección Xeral de Xuventude, Participación e Voluntariado da Xunta convocan unha nova edición do certame de declaracións de amor na rede Lingua de namorar, unha iniciativa que premiará por sexto ano a creatividade en lingua galega da xente nova. Nesta ocasión, e coincidindo coa estadía do Pergamiño Vindel en Galicia, os premios entregaranse no Museo do Mar de Galicia, en Vigo, o 14 de febreiro, día dos namorados, tal e como deron a coñecer esta mañá en rolda de prensa os titulares dos dous departamentos promotores desta iniciativa, na que participan cada ano máis de medio milleiro de mozos e mozas, Valentín García e Cecilia Vázquez, respectivamente.
Valentín García asegurou que «o galego é, de sempre, lingua de namorar e queremos animar a mocidade para que así o siga sendo, para que sexa ferramenta útil dos seus afectos e das súas relacións interpersoais; para que siga tendo presenza na internet e nas tecnoloxías da comunicación», ao que Cecilia Vázquez engadiu que «o evento está a cumprir un dos seus obxectivos fundamentais, que non é outro que fomentar o uso do galego entre a xente nova e en calquera ámbito: o académico, o laboral, o social, o persoal e o familiar».

Participación aberta até o 29 de xaneiro

A participación na nova edición de Lingua de namorar está aberta desde hoxe ata o vindeiro 29 de xaneiro a todos os mozos e mozas de 14 a 35 anos, que poderán concorrer coas súas mensaxes orixinais en dúas categorías de idade: dos 14 aos 19 e dos 20 aos 35.
Os textos participantes deberán estar escritos en lingua galega e poderán redactarse en prosa ou en verso. A súa extensión máxima será de 350 caracteres, incluídos os espazos en brancos. Cada participante poderá enviar un máximo de dúas mensaxes ao concurso.
Para poder enviar as mensaxes, cómpre rexistrarse no espazo web do concurso e cubrir o formulario de inscrición. Todas serán publicadas nesta páxina e estarán identificadas polo título e máis polo número que se lles asigne. A data límite para enviar as mensaxes de amor é o 29 de xaneiro. Unha vez rematado este prazo, abrirase outro para realizar as votacións, que abranguerá do 30 de xaneiro ao 2 de febreiro.

Resolución do xurado e premios

O xurado do concurso elixirá as mensaxes gañadoras de entre as 50 declaracións máis votadas en cada categoría. As mensaxes e mais a listaxe cos nomes das persoas gañadoras publicaranse na páxina web do concurso e tamén no Portal da Lingua Galega o día 7 de febreiro. Ademais dos premios que se sinalan a continuación, nos seis casos incluirase cadansúa reprodución facsímile do Pergamiño Vindel conmemorativa do seu regreso a Vigo.
Así, establécense tres premios por cada unha das categorías. Na categoría A (de 14 a 19 anos) a persoa gañadora do primeiro premio será galardoada cun Hoveboard Nilox (rodas 6,5, batería 20 km., velocidade máxima 10 km/h); a do segundo unha cámara Fuji instantánea mini 9 (fotos 62 x 46 mm.) e a do terceiro un auricular Panasonic Diadema (bluetooth, 20 horas de autonomía).
Pola súa banda, na categoría B (de 20 a 35 anos) o primeiro premio recibirá un Smart TV Panasonic de 32 polgadas; o segundo un smartphone Wiko con pantalla de 5 polgadas; e o terceiro unha cámara deportiva.

Categorías: Ciencia

O DOG publica a convocatoria de axudas para levar Internet a 100 Mbps a poboacións de menos de 150 habitantes

códigocero - Lun, 01/15/2018 - 11:15

O Diario Oficial de Galicia (DOG) publica hoxe a convocatoria de axudas a operadores de telecomunicacións para despregar redes de cando menos 100 Mbps en entidades de poboación do rural que non contan con cobertura nin previsión de dispoñer deste servizo. É a terceira medida do Plan de Banda Larga de Galicia 2020, que desenvolve a Xunta a través da Axencia para a Modernización Tecnolóxica de Galicia (AMTEGA) e que foi aprobada no último Consello do Goberno galego.
Os operadores poderán actuar en calquera das 26.386 entidades de poboación de menos de 150 habitantes e noutros 80 núcleos de entre 150 e 300 habitantes. Poderán presentar varios proxectos cunha subvención mínima de 20.000 euros para cada un deles ata esgotar a dotación orzamentaria prevista.
A AMTEGA concederá unha subvención máxima do 90% do custo total de cada proxecto. Estas subvencións cofináncianse ao 75% polo Fondo Europeo Agrícola de Desenvolvemento Rural (FEADER) no marco do Plan de desenvolvemento rural de Galicia 2014-2020 (PDR).

Prazos e características da convocatoria

Os operadores de telecomunicación poderán presentar as súas solicitudes no prazo máximo dun mes dende o día seguinte á publicación da convocatoria no DOG.
A convocatoria inclúe un anexo coas entidades de poboación que se establecen como obxectivo por ser considerados zonas brancas de redes de nova xeración, é dicir que carecen de cobertura destas redes nin previsión de dispoñer delas.
As redes coas que se dote ás entidades de poboación deberán proporcionar servizos de cando menos 100 Mbps de baixada e 20 de subida, non establecer limitacións de descargas e permitir a realización de comunicacións de voz e vídeo en tempo real.

Complementariedade entre administracións

Con esta medida a Administración autonómica actuará nos núcleos máis pequenos con fondos FEADER, mentres que o Estado focalizará os seus esforzos en cubrir as entidades de maior tamaño coas convocatorias que licite nos vindeiros anos no marco do Programa Nacional de Extensión da Banda Larga de Nova Xeración (PEBA).
Actualmente, o Goberno do Estado ten adxudicados 21 millóns de euros do PEBA, que permitirán dotar de cobertura de 100 Mbps a preto de 260.000 galegos nos vindeiros dous anos. Grazas á complementariedade e coordinación entre ambas Administracións en 2020, un 74% dos galegos terá acceso a redes ultrarrápidas. Esta porcentaxe de cobertura poderá ampliarse coas próximas convocatorias previstas polo Estado no marco Programa Nacional de Extensión da Banda Larga de Nova Xeración.

Categorías: Ciencia

O alumnado da Fundación TIC transmitirá en streaming o novo certame Lucus Intercentros

códigocero - Lun, 01/15/2018 - 09:46

A Fundación TIC da Deputación de Lugo segue a achegar o seu apoio ás entidades formativas da provincia. Neste senso, e no de contribuír a espertar vocacións creativas entre a mocidade, a Fundación anunciou que transmitirá novamente, en directo, o Concurso Lucus Intercentros do IES Muralla Romana, que este ano se adianta ao 19 de xaneiro. A cita, que celebra a súa sétima edición, está organizada polos alumnos de Administración e Xestión do centro lucense, coa axuda da Escola de Imaxe e Son de Lugo (EIS), da Escola de Arte e Superior de Deseño Ramón Falcón e o departamento de Informática do CIFP Politécnico de Lugo. No encontro, dez alumnas e alumnos de segundo curso de Realización Audiovisual da Escola da TIC, baixo a supervisión dun docente, encargaranse da transmisión en streaming.
Segundo informa a Deputación, os estudantes rotarán entre os postos de realizador, mesturador, técnico de son e cámara, “permitindo así que todas e todos teñan as mesmas oportunidades de aprendizaxe”. A entidade que preside Darío Campos tamén explica que esta cita do 19 será a primeira experiencia cunha práctica fóra das instalacións da Escola este ano. Poderán repetir esta oportunidade no Campionato Internacional de Baristas que se celebra dentro dun mes en Foz.
Probas tipo test
Alumnos e profesores dos institutos de educación secundaria públicos de Lugo daranse cita ás 11.00 horas no salón de actos do IES Muralla Romana.Ao longo de toda a mañá terán lugar distintas probas eliminatorias ás que se enfrontarán os equipos. Os alumnos someteranse en cada unha delas a dez preguntas tipo test elaboradas por profesores das distintas áreas do instituto anfitrión. Ao finalizar o certame, terá lugar a entrega de premios aos centros que se sitúen en mellor posición.
Onde se pode ver en directo
Como lembraremos, a Fundación TIC e o IES Muralla Romana teñen asinado un convenio co que se promoven as ensinanzas do instituto lucense á vez que se complementa a formación dos estudantes da EIS. Con este acordo, levarase a cabo a emisión en directo da cita, que se poderá seguir premendo sobre o banner que aparecerá nas webs da TIC (www.fundaciontic.org) e do IES Muralla Romana (www.edu.xunta.es/centros/iesmurallaromana). Unha vez finalizada a competición, os estudantes de Realización editarán un DVD co material gravado co fin de contribuír á difusión á actividade.

Categorías: Ciencia

El transporte de espín en el grafeno, más cerca de sus aplicaciones prácticas

Investigación y Ciencia - Lun, 01/15/2018 - 00:00
El hallazgo de una marcada anisotropía de espín en el grafeno allana el camino hacia la fabricación de nuevos dispositivos espintrónicos.
Categorías: Ciencia

El transporte de espín en el grafeno, más cerca sus aplicaciones prácticas

Investigación y Ciencia - Lun, 01/15/2018 - 00:00
El hallazgo de una marcada anisotropía de espín en el grafeno allana el camino hacia la fabricación de nuevos dispositivos espintrónicos.
Categorías: Ciencia

Los púlsares como GPS

Investigación y Ciencia - Dom, 01/14/2018 - 00:00
Un experimento muestra que una nave espacial puede utilizar las señales de estrellas de neutrones que rotan rápidamente para navegar por el espacio profundo sin instrucciones humanas.
Categorías: Ciencia

Os últimos parches de seguridade provocan reinicios en certos procesadores de Intel

códigocero - Ven, 01/12/2018 - 23:30

As medidas para mitigar os potenciais efectos de Meltdown e Spectre están a resultar moito máis problemáticas dos esperado, e non só xurdiron problemas cos procesadores de AMD, senón que agora advírtese de que usuarios con procesadores Intel Broadwell e Haswell (ou sexa, os procesadores lanzados en 2013 e 2014), tanto no caso de usuarios particulares como en centros de datos, están a experimentar un incremento no número de reinicios dos seus sistemas tras aplicar as últimas actualizacións de firmware.
Dende Intel aseguran estar a traballar coas persoas que detectaron estes problemas para atopar unha solución, tras o que distribuirán unha nova actualización que corrixirá os problemas detectados.
Estes días Intel tamén publicou as súas probas de rendemento iniciais tras aplicar os parches de seguridade a distintos equipos con procesadores das últimas 3 xeracións, das que desprenden que de cara aos consumidores o impacto no rendemento non é significativo, pois en boa parte dos casos de uso non se chegaría a perder un 6% de rendemento e, no caso dos videoxogos, a caída non chegaría nin sequera ao 1%.
En calquera caso continuarán a traballar para reducir o impacto dos parches de seguridade, xa que o seu obxectivo é maximizar a seguridade e o rendemento do seu hardware.

Táboa coas últimas probas de rendemento elaboradas por Intel tras a aplicación dos parches de seguridade contra Meltdown e Spectre
Categorías: Ciencia

Os grandes partidos políticos adoitan crear en Twitter comunidades dispersas

códigocero - Ven, 01/12/2018 - 23:14

As contornas políticas máis tradicionais xeran en Twitter comunidades dispersas. Esta, en liñas xerais, é unha das conclusións que se pode tirar do estudo sobre redes sociais e partidos polo realizado polo profesor da Facultade de Ciencias Sociais e da Comunicación Xabier Martínez Rolán, e maila investigadora da Universidade da Coruña Teresa Piñeiro. En termos máis concretos, o seu traballo buscou afondar na estrutura xerada en Twitter polas principais formacións políticas en Galicia durante a campaña das eleccións municipais de 2015.
O estudo, recollido nun artigo da revista El Profesional de la Información, amosa como os “partidos tradicionais”, PPdeG e PSdeG, artellan en Twitter “comunidades dispersas”, nas que a interacción coa “conta matriz”, o perfil autonómico, vese complementada por “grupos de usuarios que interactuan co partido de maneira indirecta”, o que é reflexo, explica, “do seu asentamento local e a fortaleza da súa estrutura política”.
Este modelo foi tamén o que definiu a actividade de Podemos Galicia durante estes comicios, mentres que formacións como EU e Ciudadanos presentan “redes xerárquicas” na que a relación co perfil da formación é máis directa. O BNG, pola contra, constituíu neste estudo o único caso de “rede heterárquica”, aquela na que se produce unha maior “conectividade” entre as diferentes comunidades de usuarios. Segundo engade Xabier Martínez, “as eleccións municipais son as que temos máis próximas, nas que podemos dirixir aos candidatos ou candidatas de maneira máis sinxela, porén son as menos estudadas”, sinala este investigador, que no artigo Lazos invisibles de la comunicación política. Comunidades de partidos en Twitter en unas elecciones municipales, buscaba analizar a rede de relacións que “se tecen arredor dos partidos políticos nun contexto electoral municipal”, a partires da análise de 53.000 chíos publicados entre 0 20 de abril e o 31 de maio de 2015.

Categorías: Ciencia

Ampla presenza galega nun cumio sobre cidadanía dixital

códigocero - Ven, 01/12/2018 - 22:30

O vindeiro día 20 vai celebrarse no Espacio Fundación Telefónica de Madrid o Digital Citizenship Summit España, un foro de debate para impulsar o consenso sobre a vida conectada da infancia e a mocidade no que se dan cita axentes implicados na educacións das xeracións dixitais en chave positiva para contribuír á creación dunha Rede máis colaborativa e humana.
O evento está composto por tres relatorios e 4 paneis de debate, que abordarán a figura do cidadán dixital dende un catro puntos de vista: o positivo, o creativo, o responsable e o seguro, destacando a presenza galega nestes paneis, xa que o panel Cidadán Dixital Creativo estará moderado por Alba Alonso Feijoo, fundadora de Real Kiddys; no panel sobre o Cidadán Dixital Responsable intervirá Santiago Rey, presidente da Asociación Educativa AtlanTICs; e Mar Castro, experta en Netiqueta, participará no panel sobre o Cidadán Dixital Seguro.
A asistencia ao evento é de balde, sendo preciso inscribirse previamente.

Mar Castro, Alba Alonso e Santiago Rey participarán no cumio do día 20
Categorías: Ciencia

NextVR realizará retransmisións en realidade virtual da WWE

códigocero - Ven, 01/12/2018 - 22:00

Os cascos de realidade virtual, dende o sinxelo cartón de Google até as potentes solucións que precisan dun ordenador de alta gama para funcionar, son ferramentas de grande utilidade para a visualización de eventos en directo, por seren capaces de transmitir con grande fidelidade a sensación de estar presente nos estadios deportivos e nas salas de concertos, de aí que a compañía NextVR decidise especializarse neste eido, colaborando coas organizacións de numerosas competicións deportivas para permitir que o público poida vivir os partidos coma se estivese véndoos en directo, sendo bastante curioso o seu último acordo de colaboración, xa que estes días anunciaron que van permitir un achegamento á WWE, ou sexa, á loita libre americana que tantos seareiros ten nas televisións de todo o mundo.
NextVR retransmitirá experiencias de realidade virtual duns 10 minutos de duración de balde para todos os seareiros do mundo a través dunha nova canle da WWE na aplicación de NextVR, chegando cada entrega despois de cada evento, do que amosaran os momentos máis destacables, dun xeito que os incondicionais da WWE non viron nunca e que seguro que agradecerán.
Para facer posibles as gravacións en realidade virtual NextVR traballará co equipo de produción televisiva da WWE para así poder colocar as cámaras de realidade virtual en cada evento do xeito máis inmersivo posible, estando ao alcance de usuarios de Samsung GearVR, Google Daydream, PlayStation VR ou incluso a emerxente Windows Mixed Reality.
As retransmisións de NextVR buscan achegar unha perspectiva de espectador, de xeito que optan polo vídeo de 180 graos (xa que mirar para atrás carece de interese para o usuario) , aínda que a compañía está a explorar algunhas innovacións nesta tecnoloxía coas que mellorar a calidade de vídeo ou incluso permitir tirar proveito das tecnoloxías de seguimento de posición.

Categorías: Ciencia

En marcha un proxecto para protexer e impulsar o cabalo ceibo galego con GPS e drons

códigocero - Ven, 01/12/2018 - 20:00

Mellorar o noso coñecemento dos cabalos salvaxes dos nosos montes, facilitando o seu seguimento, o seu estado de saúde e optimizando os procesos de xestión. Estes son algúns dos obxectivos do proxecto presentado hoxe pola Universidade da Coruña, unha iniciativa que pon as tecnoloxías de localización e de información ao servizo dos propietarios de cabalos bravos e, en última instancia, ao servizo dos cabalos mesmos e do noso medio ambiente. No proxecto, que abranguerá dous anos, tamén traballa a Asociación Rapa das Bestas de Sabucedo, o Centro de Investigacións Agrarias de Mabegondo e a empresa 3EDATA. A UDC está representada polo equipo de investigación liderado polo profesor do departamento de Bioloxía Jaime Fagúndez e cos investigadores Laura Lagos e Carlos Muñoz, con sede no CICA, Centro de Investigacións Científicas Avanzadas.
A iniciativa ten dúas vertentes: accións tecnolóxicas e de divulgación. As primeiras diríxense a acadar obxectivos como a adquisición de coñecemento práctico sobre o uso dos cabalos a prol de mellorar a xestión forestal. As segundas está orientadas a “mellorar a visión que a sociedade ten desta actividade”, explicaron as ditas entidades na presentación deste proxecto con fondos europeos (a través do Fondo Europeo Agrícola de Desenvolvemento Rural, FEADER).
A orixe da proposta sitúase a comezos do verán pasado, cando a Asociación Rapa das Bestas de Sabucedo sentou os alicerces dunha fronte colectiva innovadora (cunha axuda da Xunta de Galicia) para a “creación de grupos operativos de innovación da Asociación Europea de Innovación en materia de produtividade e sustentabilidade agrícola e forestal”. O propósito era conformar unha equipa de traballo para, en palabras do colectivo de Sabucedo, “identificar e analizar os diversos problemas aos que se enfronta a poboación de cabalos bravos nos montes de Galicia e o seu manexo tradicional, e definir un proxecto innovador centrado na solución dos problemas identificados”.
Este grupo operativo, que aglutina unha serie de entidades públicas e privadas co nexo común do seu interese a prol da continuidade das poboacións de cabalos ceibos no monte e do seu manexo tradicional, apoiará boa parte do seu traballo no uso de solucións innovadoras para o manexo dos animais, como por exemplo marcaxe con GPS, o uso de drons para a localización dos animais nas zonas máis remotas e de difícil acceso, e a instalación de valados que eviten accidentes de tráfico, ademais de outras medidas para a posta en valor dos cabalos bravos.
Entre os obxectivos está “evitar os conflitos entre besteiros e propietarios forestais, e diminuír o risco de incendios empregando os cabalos para a redución de biomasa”. As entidades implicadas confían en que os resultados repercutirán directamente sobre a poboación de cabalos de Sabucedo, “pero serán de gran interese para besteiros en todas as zonas de Galicia en que se atopan estas poboacións de cabalos ceibos”.

Categorías: Ciencia

A viguesa MOVELCO achega unha app para compartir vehículos no eido corporativo

códigocero - Ven, 01/12/2018 - 18:59

A empresa viguesa MOVELCO (Mobilidade Eléctrica Ecolóxica) vén de lanzar ao mercado unha innovadora tecnoloxía que facilita os procesos de compartir vehículos no ámbito corporativo. O sistema en cuestión chámase Eccocar e está enfocado á xestión de frotas nas empresas, favorecendo unha xestión máis áxil, innovadora e eficiente. A pedra de toque da iniciativa é a aplicación móbil do mesmo nome, que colleu impulso grazas a un acordo previo entre MOVELCO e a firma Eccocar. Amais de optimizar eficientemente as frotas corporativas, a app tamén se dirixe a fomentar o uso do vehículo eléctrico con “solucións de ecomobilidade á medida”, sinalan as compañías impulsoras do lanzamento.
En termos máis detallados, Eccocar busca ofrecer “solucións integrais ás empresas, adaptadas ao seu tamaño e necesidades”, fornecéndoas de procesos de integración da frota de seu na nova aplicación ou permitindo a incorporación de vehículos novos á compañía-cliente. Tamén fai posíbel procesos como a instalación e xestión de puntos de recarga para os automóbiles eléctricos dunha empresa. En base a todo isto, un usuario da devandita app poderá ter no seu smartphone ou tableta información actualizada e completa sobre o emprazamento e localización dos seus vehículos, cal é o seu nivel de carga ou a que hora ficarán libres e en que lugar. O usuario só necesitará un móbil e a aplicación descargada para poder localizar o automóbil, abrilo e mesmo polo en marcha.
Segundo informa o director executivo de MOVELCO, Rubén Blanco, todas as devanditas vantaxes, e máis que se inclúen na dita ferramenta, tradúcense “nun importante aforro de custos”, ao que cómpre engadir que a práctica do carsharing corporativo é para as compañías un gasto mensual deducíbel, cunha manchea de vantaxes fiscais.
O servizo Eccocar ofrecido por MOVELCO inclúe, ademais, seguro a todo risco, mantemento, asistencia 24 horas, atención ao cliente, vehículos de substitución, substitución de pneumáticos, mantemento e limpeza, entre outros engadidos.

Categorías: Ciencia

Páxinas

Subscribirse a IGACIENCIA lector de novas