Agregador de novas

O INCIBE subministra teléfono de balde para asesorar na cuestión das TIC e os menores

códigocero - Ven, 09/08/2017 - 13:17

O Instituto Nacional de Ciberseguridade (INCIBE) pon en marcha partir do luns 11 de setembro unha liña de asistencia telefónica 900 116 117 para resolver, en palabras da entidade dependente do Ministerio de Enerxía, Turismo e Axenda Dixital, “as dúbidas e conflitos que decote xorden no uso de Internet e as tecnoloxías por parte de nenos, adolescentes e os seus pais”. O servizo quere ser un recurso de utilidade e asesoramento fronte a un problema crecente: o uso non axeitado das redes e dos aparellos tecnolóxicos por parte dos menores idade, unido á presenza de ameazas que tiran proveito deste emprego non supervisado nin asesorado das TIC.
Segundo informa o INCIBE, a liña de asesoramento telefónico estará atendida por un equipo multidisciplinar formado por psicólogos, expertos en seguridade das tecnoloxías e cuestións legais. As chamadas atenderanse en horario de 10:00 a 20:00 horas de luns a venres e de 10:00 a 14:00 horas os sábados. Ademais, durante as 24 horas do día, existe a disposición dos usuarios unha dirección de correo electrónico ayuda@is4k.es ao que se poden remitir dúbidas e consultas.
O servizo será “confidencial e de balde” e fornecerá aos menores “de asistencia sobre calquera consulta relacionada co uso seguro e responsábel de Internet e os seus riscos”, como poden ser os conflitos sobre privacidade e reputación, o ciberbullying, o uso indiscriminado das novas tecnoloxías (posíbeis adiccións), contidos e contactos inapropiados, comunidades perigosas, así como cuestións sobre protección de dispositivos, virus ou fraudes, entre outros.
Xunto a nenos e adolescentes, tamén poderán facer chamadas pais, educadores e profesionais do ámbito do menor e atopar axuda para facer fronte a calquera circunstancia que poida xurdir en relación ao uso de Internet.
Esta liña de asistencia forma parte da iniciativa Internet Segura for Kids que se puxo en marcha o pasado mes de febreiro.

Categorías: Ciencia

O Goberno galego achegará unha app para axilizar as autorizacións de acceso ás Catedrais

códigocero - Ven, 09/08/2017 - 12:52

O Goberno galego quere optimizar a xestión da afluencia de turistas á praia das Catedrais. E quere facelo botando man das novas tecnoloxías da información e, máis polo miúdo, dos teléfonos móbiles. Por esta razón, hoxe mesmo anunciou a vindeira posta en marcha dunha aplicación que axilice as autorizacións de acceso ao devandito Monumento Natural do concello de Ribadeo. Os detalles foron dados pola directora xeral de Patrimonio Natural, Ana Díaz, durante a súa visita a esta paraxe da Mariña, xunto co delegado provincial en Lugo, José Manuel Balseiro.
A representante da Consellería de Medio Ambiente avanzou que a aplicación móbil estará dispoñíbel a partir da próxima Semana Santa e “permitirá aos usuarios solicitar, desde o seu propio terminal, o permiso correspondente para visitar o areal e descargar o código QR identificativo, que deberá presentar nos controis de acceso”. Desta maneira, dixo a directora xeral, “poñemos ao alcance do cidadán un recurso rápido e cómodo e damos continuidade ao Plan de Conservación elaborado pola Xunta de Galicia para equilibrar a protección do enclave e facilitar a afluencia”.
A representante da Consellería de Medio Ambiente sinalou que estas medidas van en consonancia “co aumento progresivo de visitantes”, que durante este verán supuxeron un 23 por cento máis con respecto ao mesmo período en 2016. En total, durante os pasados meses de xullo e agosto, 245.000 persoas coñeceron o Monumento Natural da Praia das Catedrais, que contrastan coas 198.000 que visitaron este enclave no mesmo período en 2016. Xa o ano pasado, se rexistrou un aumento do 20 por cento en relación ao 2015, cando se contabilizaron 165.214 visitas.

Categorías: Ciencia

Lugo lémbralle á cidadanía a dispoñibilidade da app para o pago de impostos locais

códigocero - Ven, 09/08/2017 - 11:37

O Concello de Lugo vén de lembrar ás veciñas e veciños a dispoñibilidade dunha aplicación móbil para facilitarlles o pago dos impostos locais a través de smarphones ou tabletas, sen custo adicional. Trátase dunha app recentemente implantada en Lugo grazas ao Goberno local e a ABANCA, e que permite ás persoas contribuíntes o pagamento de recibos as 24 horas do día durante os 365 días do ano. A ferramenta foi debullada pola concelleira de Economía, Emprego e Desenvolvemento Económico, Ana Prieto, quen salientou que a día hoxe están ao cobro os impostos sobre vehículos de tracción mecánica e de pasaxes. A aplicación, como sinalamos no seu día dende Código Cero, iniciou a súa actividade o pasado mes de maio.
Respecto ao recordatorio desenvolvido esta semana, a concelleira Ana Prieto lembrou que a app está dispoñíbel tanto para dispositivos Android como iOS co nome de Concello de Lugo. “Soamente é necesario dispoñer dunha tarxeta de débito ou crédito”, sinalou aludindo ás facilidades de uso que pon en xogo, engadindo que “a aplicación permite realizar o pagamento do recibo en dous cómodos pasos”. Primeiro, elíxese como se introducen os datos do recibo (facendo unha foto coa cámara do móbil ou tableta ao código de barras, introducindo os números do código de barras ou escribindo os datos do recibo) e, a continuación, “cómpre teclear os datos da tarxeta para efectuar o pagamento”. Prieto fixo saber que para axilizar a achega de información persoal, tanto da tarxeta como do recibo, “a ferramenta permite engadilos facéndolles unha foto coa cámara do dispositivo”.
Tamén recordou que a aplicación conta, ademais, cun asistente que axuda ao usuario a formalizar o pagamento de recibos guiándoo en todo o proceso. O abono de recibos a través deste recurso informático é de balde, sen ningún tipo de comisión. “Este”, sinalou a edil, “é un avance máis no pago telemático, para facelo máis doado e accesíbel, e que se suma ás ferramentas de pago en liña que ofrece o Concello dende o 2009”.
Lugo, informou, é o segundo Concello que dispón desta aplicación, tralo da Coruña, e a cuarta institución, tralas Deputacións de Coruña e Ourense e a entidade local coruñesa.

Categorías: Ciencia

A fabricación dixital, a creatividade e a innovación, eixes da Pont-Up Store 2017

códigocero - Ven, 09/08/2017 - 11:12

O evento Pont-Up Store 2017 vai ser o referente galego e estatal do emprendemento innovador este mes de setembro. Por que motivo? Pois para comezar, porque máis de corenta empresas amosarán os seus produtos e servizos (sobre todo no recinto da Praza de España) e, tamén, porque o programa vai incluír preto de 40 actividades, entre obradoiros, seminarios, coloquios e encontros. A maiores, no roteiro participarán arredor dun cento de especialistas en emprendemento. A nivel de cobertura urbana, sinalar que estas actividades desenvolveranse nunha ducia de emprazamentos da cidade. Amais da devandita Praza de España, as salas de exposicións da Facultade de Belas Artes e da Escola Superior de Conservación de Bens Culturais acollerán presentacións de propostas empresariais innovadoras. Máis polo miúdo, nestas salas celebrarase (a partir do día 19) un fablab con diferentes obradoiros e coloquios sobre fabricación dixital e creatividade.
A cuarta edición da Pont-Up Store 2017 celébrase entre o 21 e o 23 de setembro e vén novamente da man do Universidade de Vigo (Campus de Pontevedra) no marco do proxecto e especialización CREA S2i. Amais, cóntase coa colaboración de tres ducias de empresas e institucións, co Concello como patrocinador principal.
O programa definitivo do evento foi presentado este 7 de setembro polo seu director, Pedro Figueroa, acompañado polo vicerreitor do Campus, Juan Manuel Corbacho; a concelleira de Promoción Económica, Anabel Gulías, e o deputado provincial de Economía, Carlos López Font. Corbacho e Figueroa salientaron o poder de convocatoria da feira e o seu carácter multidisplinar. De feito, destacaron, “ten capacidade para xuntar empresas de múltiples sectores, desde a moda, a alimentación ou ecoloxía, ata o deseño gráfico, a educación e as novas tecnoloxías da información, outorgando ademais un “papel moi importante á economía social", como salientou o director dun evento que reúne a emprendedores de toda Galicia e no que “máis do 33% dos proxectos proceden das vilas e do rural”.
Como dixemos, Pont-Up Store terá como núcleo o recinto da Praza de España no que, os días 22 e 23, as 41 empresas con menos de tres anos e medio de traxectoria seleccionadas de entre máis de 120 candidaturas, amosarán á cidadanía os seus produtos e servizos. Farano nos 36 stands cos que contará este recinto e a través de diferentes actividades de dinamización, que abranguen propostas como a arte floral, o álbum ilustrado ou a cata de cervexas, así como no Puntazo Express, evento no que dez emprendedores presentarán o seu proxecto empresarial a perante directivos de compañías galegas referenciais.
A carpa verase complementada cun recanto de foodtrucks, tanto de emprendedores seleccionados como da PonteVan, promovida por diferentes institutos da cidade, así como pola súa prolongación nas salas de exposicións do edificio que comparten Belas Artes e Restauración. Segundo se fixo saber na presentación instalarase nas salas un fablab que arrincará a súa actividade o mércores 19 co obradoiro de creatividade e fabricación dixital Fabricando cidade, cuxos resultados exporanse o venres 22. A esta iniciativa súmanse ademais talleres de fabricación dixital e robótica, coloquios e un obradoiro para docentes e familias.
O evento quecerá motores o día 21 cunha sesión de networking sobre economía social na Casa das Campás organizada pola Unión de Cooperativas Espazocoop. Amais disto, está programado un seminario de mercadotecnia dixital, na sede de AJE Pontevedra; dous coloquios promovidos polas cámaras de comercio de Pontevedra, Vigo e Vilagarcía e Santiago; un obradoiro sobre posicionamento en internet, promovido pola Deputación, e o encontro Familias Creativas, organizado por Equipo Sequoia.
O venres 23 o recinto do evento será a sede dunha sesión de networking das e os emprendedores participantes, un obradoiro sobre economía social para nenos de 6 a 10 anos, promovido pola rede Eusumo, así como de diferentes actividades de dinamización. A estas súmanse a celebración do Puntazo Express no Museo, a sesión formativa Preparado para a inversión?, que ABANCA celebra no Café Moderno, e a presentación dunha plataforma de venda de empresas que traballan con criterios sociais e éticos en Belas Artes.
Lembrar tamén que o evento Pont-Up Store foi seleccionado por diferentes colectivos para promover os seus encontros, como o que celebrará a comunidade WordPress de Pontevedra en Belas Artes, e as actividades que a Asociación Galega de Méntoring (Amces), desenvolverá o sábado no Liceo Casino. Nesa xornada de clausura, ademais, terá lugar unha nova edición da Xincana Bike, dirixida promover o traballo en equipo e a cooperación entre nenos e nenas de ata 14 anos.

Categorías: Ciencia

Fíltranse os datos persoais de 143 millóns de usuarios dunha axencia de crédito

códigocero - Ven, 09/08/2017 - 11:11

Unha das maiores axencias crediticias do mundo, Equifax, vén de recoñecer un incidente de ciberseguridade que podería ter afectado a 143 millóns de consumidores estadounidenses ao aproveitarse un fallo de seguridade nunha aplicación web da compañía para acceder a certos ficheiros.
A investigación iniciada pola empresa desvelou que os accesos sen autorización aos seus sistemas tiveron lugar entre mediados de maio e o mes de xullo, sen atoparse evidencias de actividade non autorizada nas bases de datos de crédito comercial ou de consumo.
Os datos expostos incluirían nomes, números de seguridade social, datas de nacemento, enderezos e, nalgúns casos, matrículas de vehículos, e números de tarxetas de crédito duns 209.000 consumidores estadounidenses, así como documentos que involucrarían a uns 182.000 consumidores estadounidenses. Tamén se identificou algún acceso sen autorización a información persoal dalgún residente en Canadá e Reino Unido.
Tal é o impacto deste fallo de seguridade que Equifax puxo en funcionamento unha páxina web destinada a dar información sobre esta importante filtración de datos que iría moito máis aló dos que outras compañías recoñeceron nos últimos anos, xa que desta volta a información é moi sensible e achega demasiada información de cada afectado, facilitando enormemente a súa suplantación.
A intrusión da que están a dar conta detectouse o 29 de xullo, resultando un tanto alarmante que tardasen tanto tempo en dar conta dun roubo de datos que podería ter serias repercusións para os cidadáns, cos que Equifax porase en contacto por correo electrónico para advertilos da filtración dos seus datos.

Categorías: Ciencia

Un estudio genético a gran escala muestra la evolución actual de nuestra especie

Investigación y Ciencia - Ven, 09/08/2017 - 00:00
El análisis del ADN de 215.000 personas indica que se está produciendo una selección negativa de las variantes que acortan la vida.
Categorías: Ciencia

O CPEIG colabora no máster de dirección de proxectos da IFEE Business School

códigocero - Xov, 09/07/2017 - 23:18

O Colexio Profesional de Enxeñaría en Informática de Galicia (CPEIG) colabora no desenvolvemento do Máster de Dirección de Proxectos e Xestión Empresarial que imparte a entidade IFFE Business School na súa sede de Oleiros, A Coruña. Segundo nos conta Fernando Suárez, presidente do CPEIG e (a maiores) director do propio máster, esta actividade formativa ten a súa orixe na frutífera e estreita relación entre a escola IFFE e máis a entidade profesional TI. O colexio e a escola de negocios coinciden en salientar as posibilidades que se abren co máster: é indispensábel para garantir que nunha empresa se consigan os obxectivos propostos no seu plan estratéxico, permite coñecer as múltiples metodoloxías do project management e, ademais, sitúa aos profesionais participantes no centro de valor dunha empresa.
Respecto das vantaxes que inclúe, está enfocado á realidade dunha iniciativa empresarial, céntrase no ensino efectivo (o alumno é o centro de atención de todas as actividades académicas), dispón dun salientábel cadro de persoal de docentes (formado por executivos e especialistas con procedencia nas compañías e institucións máis referenciais), desenvólvese cunha metodoloxía activo-participativa que facilita e potencia os procesos de aprendizaxe (desde a propia reflexión, a posta en común e o debate), e, maiores, ten lugar nunha contorna académica, o Campus IFFE, no que, en palabras da organización, “xérase un auténtico ecosistema de aprendizaxe colaborativa”.
O máster celebrarase de outubro a xullo, os venres pola tarde e os sábados pola mañá, na sede do Campus.
Os seus obxectivos fundamentais son tres: permitir que se coñeza ao detalle a función que cumpre a oficina de proxectos cara ao interior e o exterior das empresas, especializar ao alumnado na dirección e xestión de proxectos (tanto nos seus aspectos técnicos como humanos) e aprender a empregar de maneira eficaz as ferramentas de xestión propias dos proxectos.

Categorías: Ciencia

Bats slam into buildings because they can't 'see' them

Nature - Xov, 09/07/2017 - 21:55

Smooth, vertical structures such as steel and glass buildings appear invisible to bats' echolocation system.

Nature News doi: 10.1038/nature.2017.22583

Categorías: Ciencia

A Fundación Vodafone e a Xunta poñen en marcha a segunda edición de Connecting for Good Galicia

códigocero - Xov, 09/07/2017 - 17:24

Os impulsores de Connecting for Good Galicia, a iniciativa da Fundación Vodafone España (en colaboración coa Axencia para a Modernización Tecnolóxica de Galicia, a operadora Vodafone, a Axencia Galega de Innovación -GAIN- e o Instituto Galego de Promoción Económica -o IGAPE) para converter a Cidade da Cultura nun polo de iniciativas emprendedoras de innovación social dixital (facendo fincapé en proxectos cuxo foco estea na inclusión e nos colectivos de persoas con diversidades funcionais e motrices, amais de persoas maiores), están a pór en marcha esta semana a segunda edición do programa.
Como lembraremos, as devanditas entidades seleccionaron os días pasados os seis proxectos que formarán parte desta nova convocatoria de Connecting for Good Galicia.
Nesta segunda edición, o xurado (formado por membros de AMTEGA, GAIN, XesGalicia, Vodafone España e a Fundación Vodafone España) fallou por unanimidade a selección dos seis mellores proxectos de emprendemento de entre as candidaturas recibidas:
· 3DAcoustic, que proporciona audífonos personalizados con moldes impresos en 3D, conseguindo unha redución nos custos, tempos de produción, e unha mellor experiencia de uso grazas a un produto propio e innovador totalmente axustado a cada persoa.
· It!, unha empresa de creación e fabricación 4.0, que ofrece servizos integrais de deseño, modelado 3D, fabricación de novos produtos e enxeñería aplicada. It! ten como obxectivo achegar e popularizar o uso da tecnoloxía de impresión 3D en todos os sectores mediante o seu espazo de venda en liña It!Market e o seu FabLab na Coruña It!Lab.
· Formadox. Unha plataforma de formación interactiva en tecnoloxía que achega ao usuario a experiencia da formación presencial dos talleres ou os laboratorios, mediante vídeos, simuladores e kits didácticos. A formación que se ofrece é a relacionada, entre outras materias, co Internet das cousas, a Industria 4.0, a robótica, a impresión 3D, as técnicas de fabricación dixital, a visión artificial, a realidade virtual e aumentada.
· Mediación Móbil. Trátase dun proxecto que busca axuntar novas tecnoloxías e plans integrais de mellora da convivencia en catro ámbitos (educativo, familiar, empresarial e deportivo) co obxectivo de prover a todo tipo de persoas dunha ferramenta de prevención e resolución de conflitos accesíbel, económica, personalizada e profesional.
· Sense(x), un dispositivo biométrico que permite a toma de datos e parámetros, tanto fisiolóxicos como alimentarios, mediante sensores para a análise pormenorizada dos alimentos para inxerir. Ademais, grazas a un software específico, integra o sensor con diferentes dispositivos, o que posibilita para obter estatísticas detalladas dos diferentes sensores, análises de uso, e mesmo compartir resultados nunha rede social.
· Tapper. Consiste nunha aplicación móbil que contribúe a reducir o refugallo alimentario. Grazas a Tapper, os establecementos poden publicar ofertas de produtos preto do fin da súa vida útil, que os usuarios poden adquirir a un prezo rebaixado.
Beneficios de formar parte do programa Estes seis proxectos seleccionados poderán beneficiarse dun plan de formación de polo menos seis meses, durante os cales se impartirán sesións sobre modelo e plan de negocio e contarán con asesoría experta en temas de comunicación, vendas, negocio, e accesibilidade para o desenvolvemento dun plan personalizado para cada proxecto. Os seleccionados poderán tamén dispoñer dun lugar de traballo no espazo Vodafone Connecting for Good, emprazado na Cidade da Cultura en Santiago de Compostela.
Cada un dos proxectos seleccionados conta cun patrocinio de 2.000 euros, outorgado pola Axencia Galega de Innovación (GAIN), para a posta en marcha dos seus proxectos de emprendemento e poderán acceder a unha axuda para a formación e contratación dunha persoa con discapacidade que se incorpore ao equipo de traballo dos proxectos seleccionados outorgada por Fundación Vodafone.
Ademais, as iniciativas poderán optar á concesión dunha axuda de 25.000 euros da Xunta de Galicia ao mellor proxecto para a súa execución e posta en marcha, e Fundación Vodafone outorgará o Premio Conectados pola Accesibilidade de 10.000 euros, ao proxecto que destaque en maior medida pola incorporación dos principios de accesibilidade universal.

Os participantes na primeira edición nunha imaxe da Fundación Vodafone

Primeira Edición
O pasado 30 de maio celebrouse en Santiago o acto de clausura da primeira edición do programa, no que participaron os proxectos Insulclock (dispositivo electrónico que se axusta á pluma de insulina e almacena de maneira automática toda a información relativa á súa administración: hora e día, dose e tipo de insulina), Robobo (ferramenta educativa que facilita a utilización de robots na aula, promovendo a adquisición de competencias básicas por parte do alumnado), KeeperTech, (dispositivos pensados para facilitar a tarefa do coidador de enfermo de alzhéimer ou outra demencia, incluíndo un sistema de localización integrado nun reloxo ou unha pulseira e un sistema que detecta cando o paciente pretende levantarse da cama, xerando unha alerta ao familiar ou coidador) Phottic (iniciativa para a alfabetización dixital de maiores que recupera as historias do mundo a través da fotografía), PsicoVR (software desenvolvido para lentes de realidade virtual, destinado ao tratamento psicolóxico de fobias, tensións ou pánico) e Xesmar (aplicación web que permite mellorar a xestión, a organización do traballo e o acceso á información no colectivo de mariscadores das confrarías de Galicia).
Destes seis proxectos, a axuda de 25.000 euros concedida por Xunta de Galicia a través de GAIN, recaeu no proxecto Robobo, robot educativo que combina unha plataforma robótica móbil cun teléfono intelixente (smartphone) para fomentar a dixitalización nas aulas.
Ademais, Fundación Vodafone España outorgou o Premio Conectados pola Accesibilidade, valorado en 10.000 euros, ao proxecto Insulclock, por ser o que mellor incorporou o que se coñece como Principios de Accesibilidade Universal.
Obxectivos
O programa ten como finalidade “apoiar a aqueles emprendedores que contribúan á innovación social a través do impulso e uso das Tecnoloxías da Información e Comunicación (TIC) en Galicia”. Desta forma, informan a Fundación Vodafone e máis AMTEGA, os proxectos que acceden ao programa poden converterse en negocios reais “con maiores garantías de éxito e de poder contribuír a resolver os retos recolleitos na Axenda Dixital de Galicia 2020”.

Categorías: Ciencia

La 2 de TVE dará o salto á alta definición

códigocero - Xov, 09/07/2017 - 13:46

Aínda que estamos afeitos a que os cambios na grella da TDT veñan da man das canles privadas, agora as boas novas chegan dos medios públicos, xa que Televisión Española vén de anunciar que na súa nova tempada La 2 vai pasar a emitirse en alta definición. Será en outubro cando La 2 dea ese salto de calidade, segundo anunciaron no marco do FesTVal de Vitoria, o que permitirá que a histórica segunda canle poida estar por fin á altura de La 1 e Teledeporte, canles que xa levan bastante tempo ofrecendo o seu sinal en HD. Deste xeito só quedarían en definición estándar Canal 24h e Clan TVE. Para ver a nova canle será preciso resintonizar, e a data de chegada pode mudar en función da provincia na que nos atopemos (confiándose en rematar o proceso de espallamento de La 2 HD a primeiros de 2018).
O salto á alta definición de La 2 farase notar nos programas de produción propia e, moi especialmente, nos documentais e las películas, atendendo así unha longa demanda da audiencia, que esixe cada vez unha maior calidade de imaxe. Incluso pode sorprender que a transición á alta definición estea a ser tan lenta, pois TVE xa conta con emisións en probas en 4K en Madrid, Barcelona e Sevilla, o que supón un marcado contraste provocado pola grande velocidade na que está a avanzar esta tecnoloxía que ten que padecer o lastre de que os primeiros receptores de TDT instalados non son compatibles cos sinais de alta definición (e incluso hai televisores 4K que non son compatibles co estándar que implantarase para ese tipo de sinais).

Categorías: Ciencia

Amena promociona unha oferta combinada agochando custos

códigocero - Xov, 09/07/2017 - 11:49

Esta semana Amena está a lanzar unha campaña promocional na que oferta aos seus clientes móbiles «fibra gratis», no que podemos considerar como un exercicio de opacidade que vai radicalmente en contra do lema da marca, «así de claro», xa que non está a ofrecer nada de balde, e agocha profundamente o prezo real do servizo contratado, de xeito que hai que acceder ás condicións legais para poder coñecer os detalles e a letra miúda, de aí que esta promoción estea a ser fortemente criticada na Rede.
A promoción Fibra Orange para clientes Amena consiste en permitir que os usuarios con liñas móbiles de Amena de 19,95 ou 24,95 euros/mes poidan gozar de fibra óptica de 50 Mbps de Orange no seu fogar supostamente sen custo adicional, contando tamén con chamadas ilimitadas a números fixos e router, aínda que agochando bastante que hai que afrontar o pagamento dunha cota de liña de 21 euros aos que habería que sumar 2 euros máis de querermos identificación de chamada e, para rematar a faena, subscribindo un compromiso de permanencia en fibra por 12 meses.
No caso de interesar esta oferta, existe a garantía de que se mantería como mínimo durante un par de anos, pero posiblemente non resulte tan atractiva ao coñecerse que a conexións de fibra óptica contratada non é tan boa como poderiamos pensar inicialmente, xa que, lonxe das conexións simétricas que imperan hoxe (ou das que teñen unha boa velocidade de subida) a fibra de 50 Mbps ten unha velocidade de subida de 5 Mbps, ou sexa, que tería unha relación entre a subida e a baixada equivalente á meirande parte das ofertas de ADSL e cable, o que pode resultar moi decepcionante (especialmente se comparamos con outros operadores de baixo custo como Lowi, que para 50 Mbps de baixada ofrece 50 ou 30 Mbps de suba segundo a tecnoloxía coa que teña cobertura).
En calquera caso, promocionar ofertas combinadas de telecomunicacións a 19,95/24,95 euros/mes que na práctica poden quedar en 42,95/47,95 euros, é unha práctica que roza o engano (especialmente porque para instalar fibra óptica non é precisa unha liña de telefonía fixa), e que, vista en profundidade, pode incluso resultar pouco atractiva (non só polos custos ocultos, senón polas condicións do servizo de banda larga fixa).

Anuncio televisivo da polémica promoción de Amena

Categorías: Ciencia

Redondela achega unha manchea de cursos TIC para maiores de 16 anos

códigocero - Xov, 09/07/2017 - 11:42

Entre os Concellos galegos que nesta tempada se están a mostrar máis activos en divulgación e formación TIC atópase o de Redondela. Se hai uns días falamos das propostas de achegamento ás tecnoloxías avanzadas que propón o espazo Startupvila na Casa da Cultura local (con Daniel Cerqueiro achegando un obradoiro de mercadotecnia dixital, David Pombar expoñendo a súa experiencia en SetPay, e Paloma Barreiro fornecendo de recursos para coñecer ao cliente), un algo máis tarde o Departamento de Novas Tecnoloxías que dirixe Julio Mougán presentou o programa de cursos de balde dirixidos a persoas maiores de 16 anos. Desenvolverase entre o 11 de setembro e o 14 de decembro nas dúas aulas CeMIT coas que conta o Concello: en Redondela e en Chapela. Artellaranse en tres bloques, cada un deles acubillando cursos específicos.
A continuación damos conta das actividades, que xa teñen aberto o prazo de inscrición:
Primeiro bloque: Alfabetización informática e actividades dixitais básicas
· Iniciación á informática e Internet para adultos, cunha duración de 24 horas lectivas impartíndose en Redondela e Chapela a razón de dúas horas diarias durante un total de 12 días nos meses de setembro e outubro.
·Informática e internet para adultos, tamén de 24 horas, dúas horas diarias durante 12 días. Este curso tamén impartirase nos meses de setembro e outubro nas dúas Aulas CeMIT de Chapela e Redondela.
· Mecanografía. Curso de 24 horas que se impartirá so na aula de Redondela nos meses de outubro e novembro a razón de dúas horas diarias durante 12 días.
· Informática e Internet para maiores de 60. Na aula de Redondela durante os meses de outubro e novembro. O curso tamén é de 24 horas con dúas horas diarias durante 12 días.
· Contabilidade financeira. Curso que se impartirá na aula CeMIT de Redondela no mes de novembro. Ten 14 horas lectivas a razón de dúas horas durante 7 días.
· Windows 7. Curso intensivo de 16 horas que se desenvolverá a razón de catro horas diarias en 4 días. Terá lugar tanto en Chapela como en Redondela durante o mes de novembro.
Segundo bloque: Procura de emprego e TIC
·Deseño de currículos e cartas de presentación. Iniciativa de catro horas de duración a desenvolver nunha única xornada na aula de Redondela.
· Procura de emprego en Internet. Curso de catro horas, con dúas edicións en setembro e decembro, que se desenvolverá durante 4 horas nun só día na aula CeMIT de Redondela.
· Aplicacións móbiles (apps) para a procura de emprego. Curso de 4 horas a desenvolverse nun só día na aula de Redondela e durante o mes de decembro.
Terceiro bloque: Formación dirixida sobre todo a entidades sen ánimo de lucro: asociacións, ONG...
· PhotoShop Básico.
· Edición de video con MovieMaker.
· Presentacións de alto impacto con Prezi.
· Redes Sociais para uso persoal.

Categorías: Ciencia

Inicia Coworking enfía a recta final do verán cun obradoiro de startups

códigocero - Xov, 09/07/2017 - 11:17

A concelleira de Economía, Emprego e Desenvolvemento Económico, Ana Prieto, inaugurou este mércores un obradoiro especialmente dirixido a emprendedoras/es que se atopen en proceso de pór en marcha as súas iniciativas de mercado innovadoras. O taller Onde estamos? Creando Startups e Empresas: Design Thinking, Investigación Mercados foi impartido por Juan Luis Jimeno, especialista en consultoría estratéxica e en formación e adestramento para futuros responsábeis de firmas innovadoras e tecnolóxico-dixitais.
Segundo informa o Concello, con este obradoiro continúa a actividade da segunda fase do programa Inicia Coworking, que conta con mentores e relatores referenciais a nivel galego e estatal, “ao igual que na primeira quenda” do programa.
Neste nova etapa do proxecto toman parte 20 emprendedores, que recibirán durante cinco meses de xeito gratuíto apoio integral, individual e personalizado aos emprendedores e emprendedoras de Lugo para poñer en marcha con éxito a súa empresa, asegurando así a súa viabilidade tanto técnica como económica.
Inicia Coworking, como lembraremos, é unha iniciativa de emprendemento e innovación desenvolvida polo Concello de Lugo e a Escola de Organización Industrial (EOI) e mediante a cal o empresariado novo local ten a oportunidade de impulsar os seus proxectos (contando de maneira gratuíta con apoio individual e personalizado) até convertelos en negocios. Boa parte das 20 startups que participan na primeira e na segunda fase do programa están ligadas ás novas tecnoloxías e o turismo.

Categorías: Ciencia

O CPEIG organiza en novembro o Curso de Peritaxe Informática

códigocero - Xov, 09/07/2017 - 10:19

O Colexio Profesional de Enxeñaría Informática de Galicia, o CPEIG, organiza este mes de novembro en Compostela unha actividade formativa sobre as metodoloxías máis avanzadas e eficaces para previr un incidente TIC e para responder ante el da maneira máis axeitada: que coñecementos teóricos e prácticos atesourar, que medidas tomar, que pescudas seguir, como avaliar pegadas e datos en aparellos informáticos, etc. O Curso de Peritaxe Informática do CPEIG, inserido no seu plan de formación para o ano 2017, artéllase en dous módulos.
O primeiro deles (dez horas de duración, os días 3 e 4 de novembro) está enfocado a aquelas persoas que desexen formarse en peritaxe informática ou que queiran reciclar e ampliar os seus coñecementos. Tocaranse cuestións (entre outras moitas) como a xestión dun incidente, a adquisición e clonado de evidencias, o rexistro de Windows, as ferramentas de procura activa, as características do malware actual, a análise da memoria RAM ou as metodoloxías para achar intrusións e ataques laterais.
O segundo módulo (17 e 18 de novembro) está centrado en peritaxe de dispositivos móbiles, un eido de actividade que, en palabras do CPEIG, está hoxe en día moi demandado nos procesos xudiciais. Abordaranse cuestións como a natureza dos diferentes sistemas operativos móbiles, as fontes de adquisición de datos, as copias de seguridade, as aplicacións ou as principais metodoloxías de análise.
Respecto dos relatores, para o primeiro módulo contarase coa presenza de Pedro Sánchez, profesional con ampla experiencia en consultoría especializada (en importantes empresas como Computer Forensics, Honeynets), en detección de intrusións, en redes trampa e no en pen-testing. Tamén ten traballado implantando normas ISO 27001, CMMI (nivel 5), PCI-DSS e diversas metodoloxías de seguridade especialmente no sector bancario durante mais de dez anos. Igualmente, colabora cos organizacións comerciais, con corpos de seguridade, con empresas do sector e con axencias gobernamentais en materia de resposta ante incidentes, seguridade, peritaxe e análise forense informática. Ademais, segundo lembra o CPEIG, ten participado nas xornadas LookShields organizadas polo Ministerio de Defensa e obtido a certificación Nato Secret, impartindo tamén conferencias en NATO Cooperative Cyber Defence Centre of Excellence Tallinn, en Estonia. Actualmente é o responsábel do equipo de resposta ante incidentes (IR) de Deloitte.
O outro relator será Lorenzo Martínez, enxeñeiro informático de profesión con gran experiencia no eido da seguridade TIC e responsábel, entre outras cousas, de iniciativas como Securízame. Prestixioso comunicador en congresos de seguridade informático, de alcance estatal e internacional, tamén contribuíu á posta en marcha de espazos de comunicación como Security By Default. Lorenzo Martínez pertence a ANCITE (Asociación Nacional de Ciberseguridade e Pericia Tecnolóxica), ademais de dispor de recoñecidas certificacións CISA e CISSP (ata o 13 de Marzo de 2015). O relator atesoura unha ampla experiencia de traballo nunha chea de integradores, e ten coñecemento dos erros de seguridade informática máis comúns e recorrentes (polo regular debidos a unha falta de coordinación entre os departamentos técnico e comercial). Esta bagaxe serviulle para apostar hoxe en día por “unha visión diferente na seguridade”, alicerzada nunha relación de confianza, sinceridade e transparencia entre provedor e cliente.
O curso ten unha duración de 20 horas e impartirase en Santiago os días 3, 4, 17 e 18 de novembro de 2017 en horario de 16:30 - 20:30 (os venres) e de 9:30 - 13:30 (os sábados). Haberá prazas para 20 persoas.

Categorías: Ciencia

Massive genetic study shows how humans are evolving

Nature - Xov, 09/07/2017 - 01:00

Analysis of 215,000 people's DNA suggests variants that shorten life are being selected against.

Nature News doi: 10.1038/nature.2017.22565

Categorías: Ciencia

Researchers riled by lack of detail in Brexit science plans

Nature - Xov, 09/07/2017 - 01:00

UK government document fails to extinguish concerns over funding and migration.

Nature News doi: 10.1038/nature.2017.22566

Categorías: Ciencia

Una proteína bacteriana induce un «frenesí sexual» a otro organismo unicelular

Investigación y Ciencia - Xov, 09/07/2017 - 00:00
La proteína EroS de la bacteria Vibrio fischeri desencadena un cambio de conducta asexual a sexual a Salpingoeca rosetta, un organismo unicelular eucariota.
Categorías: Ciencia

A feira IBC 2017 terá novamente sabor galego

códigocero - Mér, 09/06/2017 - 21:31

A feira IBC 2017 de Ámsterdam, que se celebra do 15 ao 19 de setembro mostrando a vangarda das tecnoloxías multimedia aplicadas á comunicación, vai ter presenza galega. Para comezar, a de catro empresas adheridas ao Clúster Audiovisual Galego: as firmas CTV, Intereuropa TV, Producciones Audiovisuales Sete Media e TV Siete Productora de Vídeo. Segundo informa o Clúster, a delegación galega acode co “obxectivo de propiciar oportunidades de negocio para o o noso audiovisual”. Máis polo miúdo, terán oportunidade de coñecer as últimas tendencias en materia de contidos e servizos dixitais, creación, xestión e provisión de contidos de lecer.
Entre as novidades deste ano, a feira IBC de Ámsterdam estrea a iniciativa Startup Forum, un espazo de presentacións e mesas redondas para que os proxectos innovadores, audiovisuais e/ou dixitais, dean a coñecer as súas propostas en materia de realidade virtual e realidade aumentada, redes sociais, tecnoloxías para anuncios, intelixencia artificial, aprendizaxe de máquinas, comercio electrónico, eSports, aplicacións móbiles, posicionamento web ou optimización de conversión ou seguridade.
A feira IBC, como lembraremos, é un clásico para as nosas firmas do ámbito TIC e do audiovisual. En anteriores ocasións teñen amosado nela tecnoloxía vangarda compañías galegas referenciais como EGATEL (mostrando recursos de eficiencia enerxética), CINFO (solucións avanzadas de vídeo na nube) ou ITELSIS (exhibindo tecnoloxías para o ámbito da TDT).

Categorías: Ciencia

Os responsables da rede CeMIT, persoal de concellos e aliados dixitais recibirán formación sobre eAdministración

códigocero - Mér, 09/06/2017 - 20:21

A AMTEGA inicia este mes un ciclo formativo sobre Administración electrónica dirixido a responsables das aulas CeMIT, persoal de concellos e aliados dixitais. Baixo o título Faite Dixit@l e tramita nun clic desenvolveranse xornadas prácticas nas catro provincias galegas, para o que xa está aberta a inscrición en liña.
Os asistentes recibirán formación específica sobre os principais servizos dixitais que ofrece a Administración autonómica como o Chave 365 e outros sistemas de identificación e sinatura electrónica; como empregar a sede electrónica da Xunta, ou como acceder ao sistema de notificacións electrónicas Notifica.gal.
Cos coñecementos adquiridos, posteriormente organizaranse na Rede CeMIT actividades formativas para espertar o interese e reforzar a confianza das persoas no uso dos servizos públicos dixitais e conseguir que a cidadanía se beneficie das vantaxes de realizar os seus trámites coa Administración por Internet.
Adicionalmente, porase a disposición de todos os participantes os contidos formativos tratados nas xornadas a través da plataforma de teleformación EMA.
O vindeiro 12 de setembro, en horario de 10:00 a 14:00 celebrarase na Aula de informática da Delegación Provincial de Lugo (Ronda da Muralla, 70, 1º andar) a primeira das xornadas organizadas pola AMTEGA Faite Dixit@l e tramita nun clic. Ao longo do mes, realizaranse outras sesións no resto de provincias en horario de mañá:
- Ourense: 14/09/2017 na Aula de informática da Delegación Provincial de Ourense (Av. da Habana 79, 2 Ourense)
- Pontevedra: 20/09/2017 na Aula de informática da Delegación Provincial de Pontevedra (Avenida Fernández Ladreda 43, 9ª planta Pontevedra)
- A Coruña: 25/09/2017 na Aula de informática da Delegación Provincial da Coruña (Edificio Administrativo de Monelos Praza Luis Seoane, s/n - A Coruña)

Categorías: Ciencia

Illegitimate journals scam even senior scientists

Nature - Mér, 09/06/2017 - 19:55

Kelly Cobey has seen a litany of researchers preyed on by predatory journals — and has ideas on how to stop it.

Nature 549 7 doi: 10.1038/549007a

Categorías: Ciencia

Páxinas

Subscribirse a IGACIENCIA lector de novas