Agregador de novas

Investigan unha suposta fraude en subvencións xestionadas por Gradiant

códigocero - Mér, 08/09/2017 - 11:58

O diario La Voz de Galicia dá conta hoxe dunha investigación do xulgado de instrución nº 1 de Vigo na que estarían involucrados Jorge Cebreiros (CEP, Ineo e InfoJC), Manuel Varela (exdirector xeral de Innovación da Xunta de Galicia) e José Luis Fernández Carnero (Televés) por un suposto delito de apropiación indebida de subvencións europeas para a promoción da innovación tecnolóxica en Galicia.
Segundo a información publicada, a Fiscalía quere clarexar se os investigados forman parte dunha trama que xeraba facturas falsas de xeito sistemático para inflar gastos e a bolsa de horas de traballo de enxeñaría para xustificar e cobrar as subvencións europeas xestionadas por Gradiant, entidade da que os tres investigados formaban parte do padroado.
A investigación parte da denuncia dun exdirectivo de Gradiant, despedido ha dous anos, quen descubriu catro facturas falsas por importe de 55.000 euros que non se correspondían con traballos reais, o que levou á Fiscalía a estudar se os implicados crearon ou autorizaron proxectos pantasma de innovación para facerse con cartos de subvencións europeas para proxectos de I+D+i. Tamén se investiga se o que podería ser un acto puntual podería terse convertido nunha trama a grande escala.
Estamos ante unha investigación que podería declararse complexa, polo que a súa instrución prolongaríase até maio de 2018, pola grande cantidade de documentación e material informático por investigar.
O xornal coruñés tamén recolle a resposta de Jorge Cebreiros ante as acusacións contra a súa persoa, o que considera que pode tratarse simplemente do froito do resentimento por un despedimento, engadindo que os investigados e o sector está «estrañado» pola denuncia.

Categorías: Ciencia

Instagram acepta convidados nos vídeos en vivo

códigocero - Mér, 08/09/2017 - 11:30

O servizo de retransmisións de vídeo en directo dende o móbil de Instagram, moi na liña de Meerkat e Periscope, está a dar un importante salto de cara á súa socialización e popularización, xa que agora é posible engadir a un convidado durante as retransmisións, de xeito que, tras iniciar o directo chegará con premer ao botón de engadir para poder sumar ao vídeo a calquera das persoas que estea a seguir o directo, o que levará a que a pantalla se divida en dous amosando a ambos interlocutores á que que o resto de espectadores poderán seguir a comentar en tempo real.
Será posible eliminar ao convidado e engadir a outro en calquera momento, así como tamén compartir o directo como historia tras o remate do emisión ou simplemente descartalo, en función da difusión que se lle queira dar, pero resulta innegable que a posibilidade de poder sumar a outras persoas aos directos vai ser un importante incentivo para o uso desta plataforma, que facilita así dende a realización de vídeos con colaboradores até un contacto máis directo cos seareiros.

Categorías: Ciencia

Insomnia linked to premature birth in study of 3 million mothers

Nature - Mar, 08/08/2017 - 23:58

Women with sleep disorders were about twice as likely to deliver babies more than six weeks early.

Nature News doi: 10.1038/nature.2017.22419

Categorías: Ciencia

Imatia estrea nova oficina na Coruña

códigocero - Mar, 08/08/2017 - 23:30

Imatia, empresa galega referente en desenvolvemento web e iniciativas de optimización dixital para empresas e administracións, vén de abrir oficina na Coruña. O novo centro de operacións de Imatia na cidade herculina está situado no Parque Empresarial de A Grela, onde a súa equipa coruñesa contará con máis espazo para poder facer fronte ao actual ritmo de crecemento da compañía. En palabras da empresa, as dependencias acabadas de estrear “supoñen un importante avance para Imatia, que a partir de agora contará cun espazo de 1.300 m2 nesta cidade”. Dese total, as oficinas actuais ocupan algo máis da metade, 750 m2, deixando o resto dispoñíbel para vindeiras ampliacións ou usos alternativos.
Segundo engade a compañía galega TIC, o traslado a unha oficina de maior tamaño véu motivado polo medre experimentado pola empresa nos últimos tempos, o cal levouna a aumentar de maneira considerábel o seu persoal, achegándose aos 100 empregados (situados fundamentalmente entre as oficinas de Vigo e A Coruña). “Era por tanto necesario buscar un espazo axeitado para dar acubillo aos nosos novos compañeiros, así como os que están por chegar”, engaden fontes da firma, explicando que a día de hoxe Imatia busca xente nos seguintes postos: desenvolvemento de software (junior e senior), xestión de proxectos de comercio electrónico ou especialistas no desenvolvemento de probas, entre outros.

Categorías: Ciencia

Chega dende Vigo unha web para pór orde nos nosos contidos de Instagram

códigocero - Mar, 08/08/2017 - 22:45

O Grupo Sicom, compañía de Vigo especializada no mundo en liña (liñas de actividade como a comunicación dixital, o posicionamento ou o comercio electrónico), vén de deseñar e presentar o servizo IGDates, en palabras dos seus responsábeis “unha sinxela web onde os usuarios da rede social Instagram, de maneira gratuíta, poden clasificar as publicacións do seu feed en función da data ou a etiqueta que se empregue”. A idea, polo tanto, é poñer as cousas o máis doadas posíbel para os integrantes da comunidade Instagram.
Nun plano máis concreto, que saca en limpo o usuario? Pois que de maneira rápida e simple, a través desta web, poida localizar todas as súas publicacións realizadas nun período de tempo, ou aquelas que se engloban baixo un mesmo cancelo (hashtag).
Segundo engaden os responsábeis da compañía, a devandita web supón “toda unha novidade para os usuarios desta rede social”, xa que a función non está dispoñíbel por si mesma na aplicación do servizo de intercambio de fotografías. IGDates, explican, é “a mellor maneira de sentir novamente os mellores intres capturados pola nosa cámara e compartidos en Instagram”, axudándonos, cun número mínimo de clics, a localizar as imaxes que queiramos procurar.

Categorías: Ciencia

Commit to talks on patient data and public health

Nature - Mar, 08/08/2017 - 18:44

Gene-edited embryos are exciting, but the truly urgent conversations concern genomic medicine, says Vivienne Parry.

Nature 548 137 doi: 10.1038/548137a

Categorías: Ciencia

A Xunta reinstalará unha versión anterior do software xudicial Minerva por problemas de seguridade

códigocero - Mar, 08/08/2017 - 16:33

A Xunta trasladoulle ao Ministerio de Xustiza, responsable do sistema de xestión procesual Minerva, a incidencia sobre a funcionalidade que permite modificar documentos dos procedementos, detectada na última versión de Minerva.
Tras a reunión técnica mantida co Ministerio de Xustiza, acórdase proceder a reinstalar a versión anterior de Minerva, na que non aparece esta opción, mentres o Ministerio de Xustiza non publique a nova versión que corrixe esta incidencia. A previsión é que o proceso de reinstalación da versión anterior se complete esta semana.
Galicia é unha das 8 comunidades usuarias dos sistemas de información xudicial que prové o Ministerio de Xustiza (Minerva, Fortuny e LexNET), que é o departamento que actualiza as versións e decide as funcionalidades destes sistemas. As comunidades autónomas se ocupan da instalación dos sistemas, de dar soporte aos usuarios e de trasladar as incidencias ao Ministerio.
Ademais das xestións referidas á Minerva, a Xunta vén de solicitarlle formalmente ao Ministerio de Xustiza información sobre a dispoñibilidade, seguridade e as medidas que se están a levar a cabo para garantir a funcionalidade do sistema informático LexNET, ante os cortes de servizo producidos a finais de xullo e os fallos de seguridade denunciados.

Categorías: Ciencia

A Xunta destaca que VíaGalicia exemplifica o compromiso que existe en Galicia polo emprendemento innovador

códigocero - Mar, 08/08/2017 - 16:29

A directora da Axencia Galega de Innovación (GAIN), Patricia Argerey, destacou esta mañá en Nigrán, durante a visita a cinco das iniciativas de VíaGalicia que están a traballar nos viveiros industriais de Porto do Molle, que esta aceleradora apoiada pola Xunta exemplifica o compromiso que existe na Comunidade por impulsar o emprendemento innovador e por contribuír, deste xeito, ao fortalecemento do tecido industrial e empresarial galego.
Sinalou que tanto a aposta polo emprendemento como pola innovación son dúas das claves para conseguir unha Galicia máis competitiva, favorecendo así a creación de emprego de calidade e a posta en marcha de novas solucións deseñadas desde a Comunidade para calquera lugar do mundo. Neste sentido, subliñou que Galicia quere consolidarse como unha terra de oportunidades e un ecosistema innovador.
A directora, que asistiu acompañada da delegada do Consorcio de Zona Franca de Vigo, Teresa Pedrosa, e do delegado territorial da Xunta en Vigo, Ignacio López-Chaves, puido coñecer de primeira man o traballo que están a realizar os emprendedores de Calabizo, Dika, Help Flash, Idawen e Resetea en sectores tan diferentes como a alimentación, o automóbil, a seguridade, o téxtil ou a reciclaxe.
Patricia Argerey lembrou que ata o 29 de setembro os interesados en participar na quinta edición de VíaGalicia -unha iniciativa realizada pola Axencia Galega de Innovacion xunto co Igape e XesGalicia en colaboración co Consorcio Zona Franca de Vigo e Vigo Activo- poden presentar os seus proxectos para ser un dos 15 seleccionados que accederán á aceleración das súas iniciativas. O programa, que ofrece acompañamento na maduración, financiamento e posta en marcha dos proxectos, conta cun investimento de 2,65 millóns de euros.
VíaGalicia activouse en 2013 e, desde entón, investíronse preto de 6,4 millóns de euros e apoiáronse máis de 120 proxectos, dos que 54 xa son realidades empresariais. Unha das novidades desta edición é que aos 15 proxectos seleccionados se sumarán outros dous procedentes das fases de Academia das anteriores edicións.

Tal e como sinalou a directora de GAIN, VíaGalicia enmárcase no programa de aceleración de empresas innovadoras -un dos instrumentos da Estratexia de Especialización Intelixente de Galicia (RIS3)-, xunto con aceleradoras como Agrobiotech, Galicia Open Future, Connecting for Good Galicia ou a Business Factory Auto. A través desta rede de aceleradoras, xa se levan impulsado máis de 500 proxectos nos últimos catro anos.

Proxectos

Durante a visita, Patricia Argerey mantivo reunións cos emprendedores para coñecer o avance dos seus traballos. Así, a iniciativa Calabizo adícase á elaboración de chourizos de cabaza, un produto 100% vexetal, con sabor e aspecto de chourizo tradicional. Pola súa parte, Dika permite aos talleres a limpeza automática do sistema de control de emisións contaminantes dos vehículos de xeito respectuoso co medio ambiente.
O proxecto Help Flash está centrado na mellora da seguridade viaria cun sistema de luz de emerxencia que facilita a sinalización dun vehículo de xeito máis rápido e seguro. Idawen é unha marca de moda deportiva que utiliza avanzada tecnoloxía e aposta pola funcionalidade dos seus deseños; mentres que Resetea crea e comercializa produtos sustentables obtidos a partir da reutilización e reciclaxe de residuos.
Patricia Argerey felicitou aos integrantes dos proxectos pola súa aposta polo emprendemento innovador e destacou que un dos principais obxectivos do Goberno galego é conseguir que as boas ideas se convertan en realidade e non se queden sen executar, poñendo ao seu alcance todos os recursos cos que conta a Administración para que consigan os seus obxectivos.

Categorías: Ciencia

Home-grown scientists step up to save Africa’s primates

Nature - Mar, 08/08/2017 - 15:56

Scientific network aims to train a generation of African leaders in primate research.

Nature 548 144 doi: 10.1038/548144a

Categorías: Ciencia

Xa se pode votar polas mellores imaxes do concurso de fotos co móbil de Gondomar

códigocero - Mar, 08/08/2017 - 15:30

O Concello de Gondomar, a través da Concellería de Xuventude, convocou este verán un concurso de fotos co móbil, o certame Gondomar en Foto. O obxectivo da iniciativa é promover e difundir o patrimonio natural, social e cultural do municipio pontevedrés, “a través da visión da mocidade” e facendo fincapé no uso das novas tecnoloxías da información. As fotos recibidas plasmarán a vida de Gondomar cotiá, as paisaxes, os monumentos e os recunchos de interese do concello, poñendo en valor os recantos locais que aínda estean pendentes por descubrir. O certame vai dirixido a mozas e mozos con idades comprendidas entre os 12 e os 35 anos. Por certo que hoxe mesmo, 8 de agosto, ábrese o prazo para votar as imaxes recibidas os días pasados. Podemos facelo até o 13 deste mes na páxina web do concello de Gondomar, www.concellodegondomar.org.
O 17 de agosto a organización dará conta das 10 mellores fotos elixidas polo público internauta. As 10 imaxes que obteñan un maior número de cualificacións positivas (gústasme) serán utilizadas polo Goberno local para fins de promoción turísticos, culturais, etc. Respecto das bases do concurso establécese que calquera persoa que envíe as fotografías realizadas con seu móbil a este concurso garante ser o/a autor/a exclusivo das mesmas. Tamén se fixa (entre outras cousas) que os participantes cederán o dereito de uso e reprodución da fotografía ó Concello de Gondomar para fins de promoción. Toda a información do concurso está pendurada este verán na web do Concello de Gondomar.

Categorías: Ciencia

O Concello de Moeche sobe ao carro da participación na súa nova web, moeche.gal

códigocero - Mar, 08/08/2017 - 11:52

O Concello de Moeche vén de estrear nova páxina web baixo o dominio moeche.gal. O sitio, un espazo remodelado e con novos servizos para as veciñas e veciños, susténtase sobre tres piares fundamentais: participación veciñal, transparencia e usabilidade. Ademais, o obxectivo do Goberno local é converter a páxina nunha canle referencial de información sobre todo tipo de accións do Concello ou do tecido asociativo local. Ademais, quérese impulsar como unha plataforma para o impulso do turismo e, polo tanto, para visualizar ante a comunidade internauta os atractivos do concello. Segundo informa o Concello, a páxina seguirá evolucionando en datas vindeiras “cara a unha maior información e participación”.
Respecto do proceso de modernización da súa páxina web, o Goberno local sinala que se concibiu dende a súa orixe como “unha necesidade no desenvolvemento actual da vida municipal”, tanto para fornecer de información á veciñanza sobre servizos e actividades municipais como para mostrar ao detalle a realidade asociativa do concello, como (tamén) para ser unha vía de participación e transparencia.
A nova web, desenvolvida por Gnomio portal web municipal, ofrece un amplo abano de contidos (feiras, servizos municipais, rutas, datos estatísticos, patrimonio, un completo apartado sobre o Castelo de Moeche, axenda, novas, andainas, boletíns, galerías de fotos, etc) e unha vertente de comunicación directa cos veciños a través da que se quere informalos de incidencias e avisos urxentes (cortes de auga, árbores caídas, cortes de estradas, etc). Esta vertente de comunicación directa cos teléfonos móbiles das persoas residentes, sinala o Concello, é o elemento fundamental do novo traballo web.
Segundo engade o Goberno local nun plano máis detallado, o novo sistema de información inclúe a comunicación directa coa alcaldía, a posta a disposición de audios e textos das sesións plenarias, o estado de execución dos investimentos principais, un espazo para consulta de todas as redes sociais relacionadas co Concello e a comunicación veciñal a través dun mecanismo que facilita trasladarlle incidencias á Administración local.
Polo que respecta ás asociacións, ofrécese un apartado para cada unha delas, no que contan cun espazo de seu para comunicar as súas actividades e información.
Ao tempo, partindo da importancia das informacións na actualidade, o sistema publica automaticamente na web municipal e nas redes sociais as novas municipais.

Categorías: Ciencia

Firefox integra o estándar WebVR

códigocero - Mar, 08/08/2017 - 11:48

Aínda que os sistemas de realidade virtual aínda non son moi populares, é preciso que as plataformas actuais se adapten ás mesmas para non quedar marxinadas, e así, ao igual que Google Chrome e Microsoft Edge son navegadores que integraron tecnoloxías de realidade virtual hai bastantes meses, agora é a quenda de Mozilla, que ten programado para hoxe a estrea de Firefox 55, que finalmente incorpora de xeito oficial o estándar WebVR, que permite aos navegadores web gozar de experiencias de realidade virtual.
Xa podemos descargar o Firefox 55 en galego para Windows, macOS e Linux, o que permítenos pasear logo polos exemplos de MozVR, de xeito que podemos ver experiencias de realidade virtual que non precisan de software adicional, o que no ordenador pode resultar moi atractivo para usuarios que posúan uns cascos Oculus Rift ou HTC Vive. Amais, dende Mozilla tamén promoven A-Frame, un framework de código aberto pensado para levar a realidade virtual á web dun xeito moi doado, o que non só servirá para o ordenador, senón que tamén é compatible cos cascos de realidade virtual para móbiles, contribuíndo así á creación de contidos que poidan chegar a un público máis amplo, aínda que cómpre lembrar que neste ámbito Mozilla terao complicado, xa que Google xa ten montada toda unha plataforma de contidos en realidade virtual baseada en Chrome.

Categorías: Ciencia

A filtración da HBO desvélase como un caso de extorsión

códigocero - Mar, 08/08/2017 - 11:21
Ao estarmos en plena emisión da nova tempada de Game of Thrones calquera filtración da HBO cobra unha especial relevancia

Os problemas da HBO por mor dunha importante intrusión nos seus sistemas continúan, agravándose ao filtrarse o último episodio de Game of Thrones (a serie estrela da compañía) antes da súa emisión, e aínda que inicialmente daba a impresión de que só pretendíase causar dano á HBO, agora podemos ter a impresión de que as intencións non son outras que quitar proveito económico a través da chantaxe.
Nas últimas horas os responsables da intrusión en equipos da HBO publicaron un vídeo no que aseguran ter superado a seguridade da rede da compañía tras 6 meses de traballo, á vez que filtran unha serie de correos electrónicos de uso interno desvelando plans empresariais e de mercadotecnia, para demostrar que teñen información sensible, tras o que demandan o pagamento dun rescate. Os criminais aseguran que a HBO foi o seu obxectivo número 17, e dos anteriores só 3 rexeitaron pagar.
Entre a última información filtrada figurarían un resumo do vindeiro capítulo de Game of Thrones, información de contacto de varios actores da serie , documentos confidenciais... un total de 3,4 GB de material sensible.
Dende a HBO están agora centrando os seus esforzos en analizar o sucedido e tomar medidas para que non se repita, aínda que o feito de que o roubo de información fose hai tempo dá a entender que queda moita información sensible por desvelar, e as vindeiras tres semanas (as que quedan para o remate da tempada actual de Game of Thrones) poden converterse en todo un pesadelo para a HBO.

Categorías: Ciencia

O proxecto SINDA pechou con éxito na Coruña

códigocero - Mar, 08/08/2017 - 09:31
Un intre das probas con UAV celebradas nas instalacións de Prosegur na Grela

O pasado mes de xullo celebrouse na Coruña, nas instalacións do CITIC (Centro de Investigación TIC), a auditoría final do proxecto SINDA por parte do Centro para o Desenvolvemento Tecnolóxico Industrial (CDTI). O proxecto, como lembraremos, é unha iniciativa conxunta para dar forma a un innovador modelo de vídeo vixilancia en interiores mediante o emprego de drones autónomos baseados en visión artificial 3D. SINDA (Sistema de Seguridade en Interiores con Drones Autónomos), financiado ao abeiro da convocatoria Innterconecta 2015 do CDTI, baséase nun novo modelo de vixilancia en interiores, evolución dos servizos tradicionais de domótica e vídeo vixilancia.
Na reunión tamén estiveron presentes representantes das empresas e centros participantes no consorcio formado para o desenvolvemento do proxecto, como Prosegur, Avansig, Aeromedia e Gradiant.
Os desenvolvementos executados na iniciativa resultaron ser todo un éxito, xa que, segundo informou ou CITIC, as tecnoloxías desenvolvidas en SINDA están a incorporarse a outros proxectos en ámbitos tan diversos como a robótica, a industria 4.0 ou a loxística.
Por certo que a auditoría celebrada no CITIC tivo unha exhaustiva demostración previa no centro loxístico de Prosegur no Polígono da Grela, o 11 de xullo. Nesta sesión despregouse unha frota formada por tres drones intelixentes que navegan de forma autónoma en interiores. O feito de achegar plena operatividade en espazos pechados é un dos grandes elementos innovadores dos equipamentos desenvolvidos ao abeiro de SINDA. Segundo explican dende Avansig, até o de agora as aplicacións de UAV (vehículos aéreos non tripulados, polas súas siglas en inglés) estiveran sempre restrinxidas a espazos exteriores, apoiándose na conectividade co Sistema de Posicionamento Global, GPS, determinando o propio drone o seu emprazamento exacto a través da comunicación con polo menos tres satélites da rede. Porén, en interiores este sinal non existe ou é moi feble. “Por esta razón”, engaden dende a empresa galega, “a navegación en interiores de UAV foi o principal reto tecnolóxico ao que se deu solución, desenvolvendo un sistema de navegación baseado en visión 3D”.
Respecto ás probas realizadas, foron en palabras dos seus responsábeis “todo un éxito”. Nun plano máis detallado, os drones realizaron rutas de vixilancia “de forma completamente autónoma”, cambiando de estancias, xerando o modelo 3D da contorna, detectando e evitando obstáculos en tempo real e enviando á súa vez os datos recolleitos en tempo real á aplicación de control. Ademais, ao rematar cada roteiro aterraron con precisión nas súas respectivas bases. Por certo que unha das bases estaba equipada cun sistema de carga autónoma para recargar as baterías do drone e reiniciar o servizo.
Como dixemos, SINDA (Sistema de Seguridade en Interiores con Drones Autónomos Baseados en Visión Artificial 3D) foi un proxecto de I+D+i desenvolvido no marco do programa FEDER Innterconecta 2015 (proxecto ITC-20151329) e financiado polo Centro para o Desenvolvemento Tecnolóxico Industrial (CDTI).
O consorcio do Proxecto SINDA, formado polas empresas Prosegur SIS, Aeromedia UAV, EGATEL e Avansig e os centros tecnolóxicos CITIC e Gradiant, desenvolveu un sistema de vixilancia en interiores baseado en drones autónomos, de pequenas dimensións, con capacidade para realizar roldas de vixilancia no interior de edificios e infraestruturas “de maneira totalmente desatendida”.

Categorías: Ciencia

A galega Situm, entre o centenar de finalistas do vindeiro South Summit 2017

códigocero - Mar, 08/08/2017 - 09:31

Entre os días 4 e 8 de outubro celebrarase en La N@ve de Madrid o South Summit 2017, un prestixioso encontro que xuntará, establecendo importantes conexións, a investidores mundiais e empresas en proceso de optimización e modernización cos emprendedores máis innovadores. A cita incluirá entre outras unha Startup Competition a xeito de escolma das mellores historias de éxito. Para este último apartado foron seleccionados cen proxectos para ter espazo propio no evento e amosar o seu compoñente innovador. Entre as 100 startups seleccionadas atópase a firma galega Situm Technologies (amais de Avansig, como sinalamos o pasado 31 de xullo, e Councilbox, tamén representando a nosa vangarda tecnolóxica). Situm mostrará en Madrid a ampla listaxe de posibilidades que abre a súa plataforma de localización e navegación en interiores: unha tecnoloxía de precisión que pasa, en palabras da empresa, por ser unha das máis competitivas do mercado.
Como recordaremos, o seu sistema baséase na obtención de datos precisos dende dúas grandes fontes: por unha banda a información procedente do interior dun dispositivo intelixente (compás, acelerómetro, sensores inerciais) e pola outra os datos xerados pola contorna na que se atopa o aparello e os sinais que recolle (Wi-Fi, Bluetooth, modificacións do campo magnético). Grazas a todo este pormenorizado exame interior e exterior, o dispositivo é quen de funcionar sen a necesidade de realizar ningún tipo de instalación adicional de hardware. Xusto aí, nesta autonomía de seu e nesta independencia con respecto a outras tecnoloxías complementarias, é onde radica boa parte do seu pulo competitivo.
Por certo que na edición de 2015 de South Summit, Situm foi elixida como unha das startup Top 5 na categoría Digital Solutions for Mass Markets.
Este mesmo ano, ademais, a empresa galega foi recoñecida (xunto con Linknovate) polo Colexio Profesional de Enxeñaría en Informática de Galicia (CPEIG) co Premio Iniciativa Emprendedora.
Máis sobre Situm
Situm Technologies S.L. é unha spin-off do Centro de Tecnoloxía Avanzada da Universidade de Santiago de Compostela (CITIUS), fundada en 2013. Un dos seus principais achados é ter desenvolvido unha tecnoloxía de posicionamento en interiores única tras máis de 7 anos de investigación aplicada en robótica móbil e intelixencia artificial. Os seus fundadores, doutores en Enxeñaría e Robótica, xuntaron forzas para lograr os mellores emprazamento e localización en interiores de alta precisión para smartphones, sen a necesidade de instalar ou investir en hardware adicional.

Categorías: Ciencia

Half of papers searched for online are free to read

Nature - Lun, 08/07/2017 - 22:23

Large study of open research analysed reader data from Unpaywall tool, which finds freely available versions of articles.

Nature News doi: 10.1038/nature.2017.22418

Categorías: Ciencia

First genetically engineered salmon sold in Canada

Nature - Lun, 08/07/2017 - 18:38

US firm AquaBounty Technologies says that its transgenic fish has hit the market after a 25-year wait.

Nature News doi: 10.1038/nature.2017.22116

Categorías: Ciencia

A Revista Galega de Educación presenta na Coruña o seu monográfico sobre videoxogos

códigocero - Lun, 08/07/2017 - 14:33

No marco da Feira do Libro da Coruña presentouse esta mañá o monográfico Aprendendo con Videoxogos da Revista Galega de Educación promovida pola Nova Escola Galega, publicación pedagóxica en lingua galega que cada catro meses diríxese aos educadores para achegar ferramentas e fomentar un clima e unha mentalidade pedagóxica propicia para acadar «un sistema educativo público, galego, renovado e democrático».
Esta última entrega da Revista Galega de Educación contou coa pedagoga e especialista en materiais didácticos dixitais Silvia López Gómez como coordinadora, e entre os artigos que compoñen este monográfico especial hai referentes actuais do sector do videoxogo e tamén experiencias relatadas polo profesorado que utiliza os videoxogos nas aulas, como ben detallou esta mañá na Coruña acompañada polo director da publicación, Jesús Rodríguez, quen salientou que a revista contribúe a desbotar numerosos mitos sobre os videoxogos que están moi asentados entre o público.
A revista comeza introducindo ao fenómeno dos videoxogos, para achegar un punto de vista histórico, dando conta dos seus efectos nas persoas segundo investigacións relacionadas e incluso analizando as súas oportunidades e desafíos na súa inclusión nas aulas e no fogar. Colaboran nesta sección Marcus Fernández (Código Cero), Xurxo Mariño (UDC), Silvia López Gómez (DIMElab), Carlos González Tardón (People & VIDEOGAMES) e Mª Esther del Moral Pérez (Universidade de Oviedo).
Tamén preséntanse proxectos de centro e experiencias de aula relacionadas coa análise e reflexión crítica sobre os videoxogos, así como coa creación de contidos e xogos dixitais por parte do alumnado de educación primaria, secundaria e bacharelato nas que se empregan ferramentas como Minecraft, e-adventura e Scratch. Achegan as súas experiencias María Begoña Codesal Patiño (CEIP Ponte dos Brozos de Arteixo), María Loureiro González (IES Primeiro de Marzo de Baiona), Agapito Muñiz Llanos e Sonia Vivero Nogueiras (IES de Sabón en Arteixo) e Miguel Vázquez Freire (IES Eduardo Pondal de Santiago).
Ademais no monográfico inclúense achegas relacionadas con outros espazos diferentes ás aulas e aos fogares onde os videoxogos teñen cabida. Amósase a presenza dos videoxogos nas bibliotecas escolares e afóndase na importancia destes medios nos museos, ademais de presentarse un videoxogo xurdido dende o ámbito sanitario.
Completan o tema deste monográfico o apartado Para sabermos algo máis... no que Silvia López e Aitor Barbosa (Imagames) inclúen recursos de interese sobre xogos dixitais, e a entrevista realizada á Dra. Begoña Gros Salvat (Facultade de Educación da Universidade de Barcelona). Na sección A lingua Santiago García Sanz (Universidade de Vigo) reflexiona arredor do estado actual do galego nos videoxogos.
Jesús Rodríguez lembrou que este monográfico pode adquirirse en librarías de toda Galicia ou contactando por correo electrónico coa Nova Escola Galega.

Categorías: Ciencia

A directora de GAIN felicita a Gato Salvaje polo seu pulo innovador

códigocero - Lun, 08/07/2017 - 14:03

A directora da Axencia Galega de Innovación (GAIN), Patricia Argerey, visitou hoxe as instalacións dunha empresa referencial galega en materia de desenvolvemento e deseño de videoxogos: a firma Gato Salvaje. Durante a estadía de Argerey no centro de operacións na Coruña de Gato Salvaje (responsábel de fitos tecnolóxicos como a exitosa aventura gráfica AR-K ou o xogo de acción Bullshot, que é o primeiro xogo publicado en galego na plataforma Steam), a directora de GAIN salientou “as oportunidades que abre o mercado dos videoxogos”, que medra máis dun 8% ao ano.
Argerey, ademais, felicitou á empresa polo seu esforzo por internacionalizarse e pola súa aposta pola formación como “xeito de diversificarse e crear emprego de calidade, cunha elevada cualificación a través da aposta pola innovación”.
Tamén lembrou, ao fío do exemplo de creatividade e pulo empresarial de Gato Salvaje, que “a innovación non é só para as grandes empresas, senón tamén para que as pequenas firmas poidan aumentar a súa competitividade grazas a apostar pola innovación e, deste xeito, impulsar o crecemento económico da nosa Comunidade”. Tamén lembrou “o esforzo que a Xunta está a facer por apoiar os proxectos de innovación de PEME e microPEME galegas a través de convocatorias como Innova PEME”, que está activada até o 25 de setembro cun orzamento de 5 millóns de euros e que “permitirá mobilizar 10 millóns, beneficiando arredor de 60 compañías da Comunidade”.

Categorías: Ciencia

Alpify consolídase como unha das aplicacións preferidas de viaxeiros e excursionistas

códigocero - Lun, 08/07/2017 - 12:57

Se hai algunha época do ano especialmente axeitada para “camiñar” Galicia, esta época é o verán. Dispáranse os servizos para viaxeiros, dispárase o número de xente que se bota ao camiño e dispáranse as horas nas que poden estar ao aire libre sen ser vítimas das inclemencias do clima. Dun tempo a esta parte estanse a consolidar ferramentas que manteñen informados aos excursionistas dos principais puntos turísticos das contornas nas que se moven. De maneira paralela, dispárase o uso de ferramentas para a súa seguridade. Unha das máis empregadas é Alpify, aplicación destinada a facilitar a localización de persoas que se atopen en situacións de emerxencia. A ferramenta, para que non o saiba, está integrada dende 2015 no Centro de Atención de Emerxencias 112 Galicia, tanto para teléfonos Android como iOS.
A app Alpify salienta por botar man das novas tecnoloxías de localización e información para facer o máis efectiva posíbel a tarefa de busca dunha persoa que estea extraviada, entre outras funcións relacionadas co salvamento e coas emerxencias. En 2016, a comunidade galega de usuarios desta aplicación era de 24.821 persoas. Entre as accións recentes nas que tivo protagonismo atópase o achado dun motorista accidentado na Pobra do Caramiñal, nun vieiro de montaña da serra do Barbanza.
Respecto da súa operatividade, é de doado manexo e para empregala abonda que premamos o botón vermello de emerxencia para que o sistema unha alerta ao 112. A continuación, os traballadores do servizo reciben o aviso ao tempo que os datos sobre o emprazamento exacto dende o que foi subministrado aquel, “sexa en zonas urbanas ou de montaña”.
Alpify funciona coma unha radiobaliza e permite ao usuario estar emprazado xeograficamente en todo intre polo 112 ou polo servizo de emerxencia que estea conectado á aplicación, comentan dende Barcelona os creadores da app: os integrantes da firma Grup Basera. Alpify opera con cobertura a Internet, pero se non se dispoñemos dela é quen de enviar un sinal por SMS. Así, no caso de perder a cobertura do móbil, a aplicación envía unha mensaxe de texto ao 112 e ao mesmo tempo sitúa a emerxencia para o centro coordinador cun rango de erro de entre 3 e 10 metros.

Categorías: Ciencia

Páxinas

Subscribirse a IGACIENCIA lector de novas