Agregador de novas

R achegará aos seus clientes os contidos de Netflix

códigocero - Lun, 11/13/2017 - 13:16

O Grupo Euskaltel, constituído polas operadoras Euskaltel (Euskadi), R (Galicia) e Telecable (Asturias), vén de asinar un acordo con Netflix, o líder mundial de subscrición a visualización de películas e series. Grazas a esta alianza, os clientes de televisión das ditas operadoras gozarán dos contidos da multinacional directamente a través do seu deco 4K. No capítulo de cousas novas, amais do acordo en si mesmo e da posibilidade de vermos as series e os filmes de Netflix, a parcería asinada inclúe como novidade a integración no mando de Euskatel dun botón específico e “exclusivo” para accedermos de maneira directa ás devanditas series, documentais e filmes. Neste senso, as empresa do grupo decláranse pioneiras: son as primeiras do eido estatal que fornecen a usuarios da que sería, nas súas palabras, a posibilidade de acceder a Netflix cun só clic.
No que atinxe a títulos concretos, o acordo significará que ao longo dos vindeiros meses a grella de Euskaltel enriquecerase con boa parte das series máis vistas e demandadas da actualidade, como por exemplo Stranger Things, Narcos ou Las chicas del cable, entre outras moitas.
No comunicado no que se informa destas novidades, o Grupo tamén informa que tanto Euskaltel como R e Telecable figuran nos primeiros postos nos estudos mensuais que Netflix realiza sobre a calidade de provedores de servizos de Internet desde outubro de 2016.
Segundo sinala Francisco Arteche, conselleiro delegado do Grupo Euskaltel, para as empresas integrantes, “este acordo co líder mundial de contidos de televisión representa un gran paso na nosa estratexia para ofrecer a mellor experiencia de televisión aos nosos clientes, grazas á alta capacidade da nosa rede e a calidade que ofrece o Deco 4K”.

Categorías: Ciencia

Storytel chega como un Spotify de audiolibros

códigocero - Lun, 11/13/2017 - 13:02

Cada vez estamos máis afeitos a contratar servizos como Spotify ou Netflix, que ofrecen por unha cota fixa ao mes un completo catálogo de contidos musicais ou audiovisuais, e nesta liña chega a España Storytel, un servizo que achega audiolibros e libros electrónicos que van dende bestsellers até grandes clásicos, que podemos probar de balde durante 14 días e que ten un prezo de 9,99 euros/mes.
O funcionamento de Storytel baséase principalmente nas súas aplicacións móbiles para iOS e para Android, que ofrecen non só o acceso ao catálogo completo de Storytel a través da Internet, senón que tamén permiten a descarga dos contidos para o seu acceso sen conexión.
A plataforma quere popularizar o consumo de audiolibros, algo moi pouco habitual en España, pero que resulta moi práctico para quen quere gozar da literatura en momentos nos que non pode ler, como nas viaxes en automóbil, e para conseguir a súa popularización o grande problema que ten Storytel é o seu catálogo, que aínda non conta con suficientes títulos en español como para xustificar unha subscrición mensual agás para usuarios moi específicos.
Estiman que de cara ao Nadal terán un milleiro de títulos en español dispoñibles, o que é bastante inferior aos 35.000 títulos en inglés, pero é un bo sistema para introducirse no mundo dos audiolibros, e de progresar adecuadamente o catálogo dispoñible podemos ter aquí un servizo que se converta en todo un referente, como xa é noutros países europeos nos que está presente.

Categorías: Ciencia

Amazon.es inicia a conta atrás para o Black Friday

códigocero - Lun, 11/13/2017 - 13:00

O vindeiro día 24 celébrase o Black Friday, evento de rebaixas que nos últimos anos converteuse nun fenómeno mundial, e que en España está presente en establecementos comerciais de todo tipo, pero sempre cun carácter moi especial en Amazon, tenda en liña que hoxe mesmo xa iniciou a campaña destas rebaixas previas á campaña de Nadal coa que pretenden achegar máis 15.000 ofertas.
A partires de hoxe Amazon dá a coñecer os detalles deste Black Friday, iniciando unha conta atrás até a data sinalada, de xeito que teremos 2 semanas de ofertas, das que as máis interesantes concentraranse nun único día, aínda que sempre deixan algunha sorpresa para o luns seguinte, o chamado Cyber Monday.
A partires do vindeiro luns os clientes de Amazon.es poderán gozar de ofertas lóstrego, que durante un máximo de 6 horas ofrecerán produtos populares con atractivos descontos, tendo os subscritores de Amazon Prime un acceso prioritario a estas promocións (xa que pare eles as ofertas estarán dispoñibles con media hora de antelación).
Dende Amazon aseguran que o Black Friday está a consolidarse como o inicio da campaña de Nadal, o que no caso español supón estirar considerablemente as datas, xa que as festividades aquí rematan aproximadamente unha semana máis tarde que nos EE.UU., onde o venres negro ten bastante máis sentido (xa que a véspera celebran o Día de Acción de Grazas). Temos así unha celebración que como única xustificación ten a globalización do comercio.

Categorías: Ciencia

Conseguen enganar ao Face ID do iPhone X cunha máscara

códigocero - Lun, 11/13/2017 - 12:47
As afirmacións por parte de Apple de que o Face ID non podía superarse empregando máscaras non parecen ser moi precisas

Durante a presentación do iPhone X dende Apple insistiron na seguridade de Face ID, o seu sistema de recoñecemento facial, chegando a dicir que era imposible enganar ao sistema empregando mascaras que replicasen caras, o que parece non ser tan certo como deron a entender, e ao igual que acontecía co Touch ID (que podía superarse empregando moldes de pegadas dixitais), un grupo de expertos en seguridade vietnamitas (da Bkav Corporation) conseguiu facer unha máscara capaz de enganar ao Face ID do iPhone X.
Cómpre advertir que, ao igual que é moi complicado duplicar unhas pegadas dixitais, imitar unha cara en tres dimensións é extraordinariamente complexo, e tiveron que empregar distintos tipos de máscara até atopar o sistema que conseguise enganar á intelixencia artificial desenvolvida por Apple para recoñecer caras.
Os investigadores en seguridade crearon unha máscara sobre unha base de plástico impresa en 3D, á que engadiron silicona modelada, maquillaxe e papel, tendo que realizar certos trucos sobre os modelos para ser quen de enganar a Face ID, mencionando que realmente só é preciso copiar a metade dunha cara para superar o sistema de recoñecemento (xa que está pensado para funcionar cando partes da cara están cubertas) e matizando que o seu traballo é unha proba de concepto, ou sexa, que non quere dicir que calquera poida facer unha máscara que permita superar o Face ID de Apple, senón que simplemente buscan demostrar que o sistema non é tan seguro como podemos pensar.
Para a creación desta máscara capaz de enganar ao Face ID non foi preciso moito tempo, xa que os investigadores non se fixeron cun iPhone X até o pasado día 5, de aí que sexa bastante impresionante ver como en menos dunha semana foron quen de vulnerar a seguridade do sistema. É de esperar que xurdan métodos sofisticados de superar o Face ID, especialmente dende axencias de intelixencia e outras compañías expertas en seguridade (para, por exemplo, acceder aos contidos do iPhone en investigacións policiais), asegurando os investigadores vietnamitas que o produto que crearon custa uns 150 dólares, polo que sería bastante asumible para certos escenarios, pero cun nivel de complexidade dabondo como para tranquilizar aos cidadáns de a pé.

Vídeo no que explican o desenvolvemento da máscara capaz de enganar ao Face ID

Categorías: Ciencia

A canción Son muller revoluciona as redes coa súa mensaxe contra a discriminación

códigocero - Lun, 11/13/2017 - 12:30

As gañadoras do primeiro premio do certame Quero cantar, promovido pola Deputación da Coruña co obxectivo de difundir a lingua galega e a creatividade poética e musical na mocidade, están a deixar unha fonda pegada nas redes sociais co vídeo-clip da súa canción Son muller, na que defenden a igualdade de xénero. Segundo nos conta a entidade provincial, o grupo de Teo integrado por Lúa, Valeria, Ruth, Ana, Sara, Carme, Cristina e Candela, coñecido nos ámbitos artísticos como a banda Máis boas cás patacas, conseguiu, en poucas horas, que milleiros de persoas reproduciran o devandito tema musical nas redes sociais (5.000 visualizacións ás poucas horas no Facebook de Quero cantar e, días despois, este 13 de novembro, 22.000 visualizacións). A mensaxe para os fogares e para os centros de ensino é ben clara: cómpre promover a igualdade e eliminar a discriminación das mulleres.
Como dixemos, o grupo de Teo acadou o pasado 20 de outubro o primeiro premio do concurso promovido pola Deputación Provincial da Coruña. Co seu tema Son muller, as oito mozas de Teo reivindican os dereitos e a igualdade para as mulleres. O éxito da canción e do vídeo deixouse notar dende a obtención do dito recoñecemento: dende aquela, distintos centros de ensino puxéronse en contacto coa Deputación da Coruña para poder empregar o videoclip como material didáctico nas aulas.
Segundo a vicepresidenta da Deputación, Goretti Sanmartín, o vídeo “contribuirá á defensa da igualdade e á eliminación da discriminación cunha mensaxe que parte de xente das propias mozas co cal resultará moito máis eficaz con xente da súa idade".

Categorías: Ciencia

O bUSCatermos celebra os seus cinco anos en aberto con máis contidos e posibilidades de consulta

códigocero - Lun, 11/13/2017 - 12:15

O servizo bUSCatermos, base de datos en liña de terminoloxía técnica achegada en clave multilingüe pola Universidade de Santiago (Servizo de Normalización Lingüística), está a celebrar os seus cinco anos da súa andaina en aberto, cen por cen accesíbel para todos os internautas. Como lembraremos, o bUSCatermos foi habilitado en 2007 en acceso restrinxido para os membros da USC, e logo, en 2012, botou abaixo cancelas en materia de dispoñibilidade total. Agora, os seus principais responsábeis aproveitan a celebración destes significativos cinco anos en aberto para facer reconto de cousas acadadas. Segundo fan saber, ao longo deste tempo experimentouse un importante proceso de medre “tanto en contidos (chegouse ao pé dos 165.000 rexistros e 500.000 denominacións, delas unhas 200.000 en galego) como en vías para poder consultalos”. Hoxe, engaden, é posíbel procurar nesta base de datos tanto desde un computador como desde dispositivos Android ou iOS.
Porén, o máis importante que lle pasou ao bUSCatermos neste quinquenio ten que ver “co que aconteceu fóra del”, ou sexa, o proveito que se tirou do servizo. Estes son algúns dos datos máis salientábeis: 25.000 sesións de consulta por ano como media, 480.000 rexistros visualizados (uns 95.000 por ano, cunha tendencia crecente que fixo que nos últimos doce meses se superasen os 100.000) e cunha porcentaxe do 85% de consultas feitas dende Galicia.
Os impulsores do servizo, a maiores do devandito, sinalan que estes cinco anos de andaina en aberto foi un tempo de “consolidación”, de asentamento do produto, “que foi quen de medrar en contidos e que mantivo un nivel de uso estábel e con tendencia ao crecemento”.
Respecto ao traballo por facer, o roteiro principal pasa por impulsar os ámbitos da usabilidade e da difusión. No premio eido, a equipa está a traballar nunha nova interface web que agardan poder amosar nos vindeiros meses. No segundo, quérese chegar a máis colectivos docentes doutras universidades ou do ensino secundario, profesionais da comunicación, especialistas das distintas disciplinas...

Categorías: Ciencia

Medran un 39% as vendas do comercio electrónico chinés durante o 11 do 11

códigocero - Lun, 11/13/2017 - 12:14

O pasado sábado foi 11 de novembro, ou 11 do 11, o coñecido como día dos solteiros en China, celebración que pretendía converterse nunha alternativa ao San Valentín, pero que rematou converténdose no grande competidor na Rede do Black Friday, data á que superan sobradamente en facturación a nivel mundial, como demostraron unha vez máis dende o grupo Alibaba, que facturou un 39% máis que o ano pasado, precisando só 13 horas e 9 minutos para igualar as vendas do ano pasado.
En total o grupo Alibaba (GMV) facturou 168.269.635.159 iuans (21.749 millóns de euros), dos que o 90% chegarían a través de dispositivos móbiles, deixando claro os cambios nas tendencias de mercado e o feito de que o ordenadores a nivel global dista moito de ser o eixe do comercio electrónico.
Durante o sábado Alibaba Cloud chegou a procesar 325.000 pedidos ao segundo e procesaron 1.500 millóns de transaccións, ou sexa, que superaron en todos os aspectos a edición do ano pasado, deixando claro que nun único día moven moitos máis cartos dende China que no resto do mundo coa combinación do Black Friday e o Cyber Monday.

Categorías: Ciencia

A web de Afundación, mellor deseño dixital e interactivo

códigocero - Lun, 11/13/2017 - 11:49

A páxina web de Afundación, www.afundacion.org, vén de obter un importante recoñecemento. Máis polo miúdo, foi distinguida polo Clúster da Comunicación de Galicia, que lle entregou o pasado venres, nunha gala celebrada no recinto feiral de Expourense, o premio ao mellor deseño dixital e interactivo. Como lembraremos, o sitio web de Afundación, entidade dependente de ABANCA, foi desenvolvido pola empresa galega Desoños. A maiores, Afundación recibiu outro galardón polo se catálogo Unha mirada de antano: Fotografías de Ruth Matilda Anderson en Galicia, editado por Afundación e The Hispanic Society of America e impreso por Tórculo Comunicación Gráfica. O catálogo foi galardoado como mellor libro de arte.
A coordinadora de Márketing de Afundación, Rosario Rodríguez, foi a encargada de recoller ambos os premios, que, segundo fixo saber, “distinguen dous soportes ben distintos pero que conviven e compleméntanse”. Por unha banda a nova web de Afundación, que é “unha referencia para o máis dun millón de beneficiarios das actividades da entidade”, e pola outra “esa xoia que representa o catálogo de fotos de Ruth Matilda Anderson en Galicia”, reeditado tras esgotar as súas dúas tiradas de imprenta anteriores, lembrou.
Como recordaremos, os Premios de Comunicación e Márketing de Galicia, Premios Paraugas, recoñecen publicamente ás empresas, institucións, organizacións e profesionais que “salientan polo seu bo facer no ámbito da publicidade, o deseño, a edición, a impresión, a mercadotecnia e a comunicación en Galicia”. Máis de 250 candidaturas optaron este ano ás dezaseis categorías establecidas, “todo un éxito de participación”, en palabras do presidente do Clúster, Xosé Luís Reza.

Categorías: Ciencia

High-jumping beetle inspires agile robots

Nature - Lun, 11/13/2017 - 11:42

Machines could get themselves out of a sticky spot, thanks to an insect that can right itself without using its legs.

Nature News doi: 10.1038/nature.2017.22981

Categorías: Ciencia

World's carbon emissions set to spike by 2% in 2017

Nature - Lun, 11/13/2017 - 11:42

Increased coal use in China appears to drive the first increase in global greenhouse-gas output since 2014.

Nature News doi: 10.1038/nature.2017.22995

Categorías: Ciencia

El último informe del Gobierno de EE.UU. corrobora que el cambio climático es real y que los humanos son los responsables

Investigación y Ciencia - Lun, 11/13/2017 - 00:00
Las conclusiones contrastan con los puntos de vista aireados por el presidente Donald Trump.
Categorías: Ciencia

Los dinosaurios, simplemente, tuvieron mala suerte

Investigación y Ciencia - Dom, 11/12/2017 - 00:00
Unos investigadores japoneses han descubierto que el lugar concreto donde cayó el asteroide que extinguió a los dinosaurios, Chicxulub, era especialmente desfavorable. En otro lugar quizá no habría hecho tanto daño.
Categorías: Ciencia

Poderían mercar Musical.ly por uns 800 millóns de dólares

códigocero - Ven, 11/10/2017 - 21:21

A popular aplicación móbil de realización de vídeos cortos Musical.ly, moi popular entre a mocidade, parece estar a tomarse moi en serio, xa que está a ultimar un acordo de venda a Jinri Toutiao, unha compañía chinesa que a primeiros de ano mercou Flipagram, asegurando a prensa chinesa que a operación podería chegar aos preto de 1.000 millóns de dólares, aínda que outras fontes cifran a cantidade en 800 millóns de dólares, cantidade que segue a ser o bastante elevada como para deixar claro o interese que hai en tomar posicións entre aplicacións que poden converterse no futuro en grandes éxitos como aconteceu con Instagram.
Musical.ly está considerada como a primeira grande aplicación móbil de vídeo que non pertencente a un xigante da Internet, de aí que resulta moi atractiva, así como o feito de que tamén teña funcionalidades sociais e de mensaxería (como tamén acontece con Instagram) facendo que entre o público máis mozo teña unha grande aceptación.
A aplicación naceu hai 3 anos, ten uns 60 millóns de usuarios (captados principalmente nos seus 2 primeiros anos de vida) e agora que parece estar estancado o seu crecemento haberá que ver se un cambio de propietario pode supor o pulo que a ferramenta precisa para volver a pórse de actualidade e competir así con grandes aplicacións que coñecedoras da situación do mercado no paran de evolucionar.

Categorías: Ciencia

Resurrected malaria strategy saves thousands of lives in Africa

Nature - Ven, 11/10/2017 - 20:27

Pre-emptively treating kids for malaria is working, despite logistical challenges.

Nature News doi: 10.1038/nature.2017.22982

Categorías: Ciencia

O CCG xunta nun web as actividades galegas do Día do Patrimonio

códigocero - Ven, 11/10/2017 - 16:56

A actividade TIC do Consello da Cultura Galega non cesa. Se os días pasados falamos das súas propostas tecnolóxicas para 2018 e, esta mañá, da súa xornada sobre cultura galega e recursos móbiles, agora o CCG volve subir un chanzo dixital coa presentación dunha web na que xunta as actividades (visitas guiadas, xornadas de portas abertas, pezas do ano, difusión de documentos dixitalizados, etc) dos nosos centros da memoria no Día do Patrimonio, unha celebración (o vindeiro 16 de novembro) á que se adhiren múltiples entidades da nosa terra, dende bibliotecas a arquivos, pasando por museos. Grazas á iniciativa do CCG, estas accións visualízanse de xeito conxunto por vez primeira nun único sitio en liña. En palabras do presidente da institucións, Ramón Villares, “estamos ante unha chamada de atención sobre a importancia do patrimonio moble”.
Canda Villares, participaron na presentación da web os membros da sección de Patrimonio do CCG Concepción Varela e Gabriel Quiroga, que salientaron “a transversalidade e a relevancia de difundir accións sobre o patrimonio”.
Pola súa banda, o técnico do Consello da Cultura, Manuel Gago, fixo saber que o acubillo dixital agrupa “pequenos fitos”, destacando o feito de que as entidades implicadas se puxeran de acordo desta maneira para mostrar canto se fai na nosa terra para celebrar a festa do 16. E fano, engadiu, “desde unha imaxe única que non é o logo de ningunha institución senón unha imaxe gráfica compartida”. Ademais, explicou Gago, “sumáronse a esta proposta centros públicos e privados, grandes e pequenos con accións que se desenvolven en toda a xeografía, tanto rural como urbana”.
Algunhas das accións
No acto celebrado na sede do Consello da Cultura enumeráronse e debulláronse algunha das actividades máis destacadas, como por exemplo a adaptación ao dixital dun facsímile vencellado a Castelao, unhas charlas sobre o traballo dos arquivos ou a dixitalización do Himno Galego gravado en Barcelona en 1919.
En total, estamos a falar de trinta actividades a desenvolver en catorce centros de Galicia.
Os centros que se suman a esta iniciativa son o Arquivo da Real Academia Galega, o Arquivo do Reino de Galicia, o Arquivo Histórico provincial de Lugo, o Arquivo Histórico Provincial de Ourense, o Arquivo Intermedio Militar Noroeste, o Arquivo Municipal de Ferrol, o Ecomuseo de Arxeriz, a Fundación Penzol, a Fundación Vicente Risco, o MDC_L Museo Diocesano Catedralicio de Lugo, o Museo Arqueolóxico Provincial de Ourense, o Museo das Peregrinacións e de Santiago e a Universidade de Santiago de Compostela.

Categorías: Ciencia

A directora da AMTEGA destaca a importancia da ciberseguridade para protexer os servizos públicos

códigocero - Ven, 11/10/2017 - 14:31

A transformación dixital converteu a ciberseguridade nun elemento inherente ao funcionamento de empresas e institucións, que precisan perfís cun alto grao de especialización para implementar os seus plans de seguridade. Durante a inauguración da xornada Intelixencia e Ciberseguridade, que se celebra hoxe na Coruña a directora da AMTEGA, Mar Pereira, acompañada polo director xeral de Emerxencias e Interior, Luis Menor, sinalou que a Administración autonómica busca «ofrecer máis e mellores servizos dixitais pero tamén dinamizar o seu uso, xerando un clima de confianza, que require da colaboración conxunta de gobernos, corpos e forzas de seguridade e sector tecnolóxico».

Alta demanda de perfís especializados

En 2016 o Instituto Nacional de Ciberseguridad (INCIBE) contabilizou 115.000 incidentes informáticos a empresas e particulares en España, un 130% máis que os 50.000 rexistrados o ano anterior. Esta estatística sitúa a España como o terceiro país máis atacado do mundo, tras Estados Unidos e Reino Unido. Para afrontar esta realidade, as organizacións públicas e privadas precisan de perfís cun alto grao de especialización difíciles de atopar.
A Unión Europea calcula que en 2025 haberá unha carencia de 825.000 perfís tecnolóxicos, que continuará aumentando se non e toman as medidas para paliala. Desde a Xunta apóstase pola colaboración conxunta entre administracións, universidades e sector TIC para captar talento tecnolóxico.

Adaptación ao novo Regulamento Europeo

Un dos retos actuais para empresas e administracións públicas é a adaptación ao novo Regulamento Europeo de Protección de Datos, que entrará en vigor en maio de 2018. Esta lei que incorpora novos dereitos para os cidadáns como o dereito ao esquecemento, o consentimento expreso ou a portabilidade dos datos e implica un maior compromiso das organizacións públicas e privadas coa protección de datos.
A Administración autonómica está a abordar este proceso no marco do Plan Director de Seguridade TIC da AMTEGA. Nos dous últimos anos as medidas deste Plan incrementaron a capacidade de prevención, detección e reposta ante incidentes de seguridade e facilitaron unha maior colaboración cos corpos e forzas de seguridade do Estado, achegando información de valor para axudar na investigación de posibles de delitos relacionados co ciberespazo. O Plan incide ademais na concienciación dos empregados públicos, cuxa implicación é fundamental no proceso transformación dixital da Administración.

Categorías: Ciencia

South Africa tackles crime at sea with ship-spotting satellites

Nature - Ven, 11/10/2017 - 14:00

Automated vessel-tracking system aims to spy poachers and smugglers.

Nature News doi: 10.1038/nature.2017.22977

Categorías: Ciencia

Twitter amplía as lonxitudes dos nomes de perfil até os 50 caracteres

códigocero - Ven, 11/10/2017 - 11:52

Ao ampliar o número máximo de caracteres por chío en Twitter até os 280, parece evidente que agora a plataforma social pode ampliar máis límites, e aínda que a lonxitude máxima dos nomes de usuario continúa limitada a 15 caracteres (mudar este factor podería ter repercusións moi serias, tanto por provocar cambios masivos e nomes de usuario como facilitando a suplantación de identidade) o nome longo que figura xunto aos mesmos si amplía de lonxitude, pasando de 20 a 50 caracteres de máximo.
A ampliación da lonxitude dos nomes en Twitter busca que as persoas poidan amosar o seu nome completo, engadir un alcume, ou incluso algunha emoticona, facendo máis variado ese elemento que estaba restrinxido polo reducido espazo en pantalla que Twitter pretendía para os chíos.
Pero esta medida de Twitter está a verse de xeito bastante crítico por moitos, que parecen ver aquí unha cortina de fume para desviar a atención do sistema de verificación de contas de Twitter, que está no medio da polémica tras verificar a conta de Jeson Kessler, o organizador das protestas de Charlottesville nos EE.UU. e unha das cabezas visibles da extrema dereita estadounidense e, aínda que a verificación dunha conta non supón a súa aprobación, vendo o rexeitamento público provocado, decidiron conxelar o proceso xeral de verificación de contas mentres non corrixen os protocolos para facer tal.
Para deixar clara a crítica ao proceder de Twitter, moitos usuarios están a promover o cancelo #WouldPreferThatYouBanNazis, ou sexa, que indícase claramente que o cambio nas lonxitudes dos nomes non é dabondo para arranxar o problema de imaxe tras verificar a conta dun usuario da dereita radical. Cómpre detallar que o procedemento de verificación de contas de usuario non parou de recibir críticas dende o seu inicio, principalmente pola súa arbitrariedade, xa que rexeitan en numerosas ocasións a figuras públicas que incluso achegan documentación de identificación persoal, mentres outras persoas con menor presenza social e mediática gozan da verificación da súa conta de usuario de xeito doado ou incluso sen solicitalo persoalmente.

Categorías: Ciencia

AtlanTICs fomenta o uso seguro de redes sociais en Arteixo

códigocero - Ven, 11/10/2017 - 11:30

A Asociación Educativa AtlanTICs desenvolveu na xornada de onte un encontro organizado dende a ANPA Século XXI no Salón de Actos do IES Manuel Murguía de Arteixo no que durante un par de horas conversaron con nais, pais, fillos e algúns avós sobre Mediación Parental e Educación en Redes Sociais. Fíxose un repaso non só dos riscos e perigos aos que todos estamos expostos no uso cotián da Internet e as redes sociais, senón que tamén compartíronse consellos e informouse de diversas páxinas web nas que atopar ferramentas e información de utilidade.
Dende AtlanTICs insisten en que hai que normalizar o uso da tecnoloxía dende as familias, para o que recomendan seguir catro pasos:
- Acompañar: o que pode facilitarse instalando o ordenador da casa en zonas comúns e non en dormitorios.
- Interesarse: cómpre que os proxenitores pregunten polos gustos en redes sociais, os contidos que se ven en YouTube ou os videoxogos dos que os mozos gustan.
- Supervisar: pór límites, establecer horarios, definir que aplicacións e contidos poden descargarse no móbil... en definitiva, exercer como titores.
- Crear confianza: de realizar ben os pasos anteriores, cando o cativo teña algún problema, se ten a confianza suficiente compartirá o que lle acontece.
A Asociación Educativa AtlanTICs promoven o uso seguro e responsable da tecnoloxía, e colaboran con numerosas entidades para poder levar adiante o seu labor divulgativo.

Categorías: Ciencia

Investigadores do CITIC lideran un proxecto internacional sobre tecnoloxías de secuenciado de ADN

códigocero - Ven, 11/10/2017 - 10:20
Reunión de seguimento entre Investigadores do proxecto e responsables da Axencia Ejecutiva de Investigación (REA) da Comisión Europea

Investigadores da área de Ciencia de Datos e Información do CITIC da UDC lideran o proxecto de Investigación e Desenvolvemento (I+D) de ámbito internacional BIRDS, Bioinformatics and Information Retrieval Data Structures Analysis and Design, financiado pola acción Marie Sklodowska-Curie (RISE) de intercambio de persoal de investigación e innovación pertencente ao programa de financiamento de I+D da UE Horizonte 2020 (proxecto con referencia 690941). No proxecto, ademais da UDC, participan universidades de Finlandia, Xapón, Australia, Chile e Portugal. BIRDS xorde da necesidade de mellorar o procesamento de grandes volumes de datos existentes en diferentes eidos de aplicación como a bioinformática ou a recuperación de información.
Segundo informa a investigadora principal do proxecto, Susana Ladra, hoxe en día existen por exemplo motores de procura que procesan ducias de miles de consultas de usuario por segundo. Aínda así, engaden fontes do Centro de Investigación TIC da Coruña, o futuro da era da información está en risco, xa que a cantidade dispoñíbel de datos aumenta de forma exponencial cada día. As novas tecnoloxías de secuenciado de ADN, por exemplo, están a evolucionar moito máis rápido que as leis que rexen os cambios nas capacidades dos procesadores dos computadores.
Procesar a cantidade de información que fará que o medicamento personalizado sexa unha realidade require un novo enfoque. Recentemente desenvolveuse unha nova clase de estruturas de datos para abordar os novos desafíos no almacenamento, procesamento, indexación, procura e navegación de datos biolóxicos. Tarefas similares tamén foron abordadas por investigadores na comunidade de recuperación de información: tales como o deseño de algoritmos para a análise de secuencias, a representación de redes ou a compresión e indexación de datos repetitivos. Segundo engade o CITIC, as sinerxías dos investigadores de ambos os campos poden conducir a novos enfoques eficientes para mellorar a tecnoloxía utilizada para a análise de datos a escala do xenoma.
BIRDS agarda un impacto real da transferencia dos resultados obtidos na súa investigación na sociedade. De feito, os algoritmos e as estruturas de datos aplicadas á bioinformática permiten mellorar a comprensión das causas e os mecanismos que subxacen na saúde e as doenzas. Só para dar un exemplo ilustrativo, os algoritmos para a análise de secuencias poden usarse para identificar mutacións e reordenamentos xenéticos que están presentes nos xenomas do cancro, e esta identificación, explica o centro coruñés, pode ser esencial para comprender a enfermidade e para desenvolver terapias dirixidas.
Mellorar a excelencia científica dos participantes no deseño de estruturas de datos e algoritmos avanzados para os eidos da bioinformática e a recuperación de información, aproveitando as sinerxías destas dúas comunidades é o obxectivo principal de BIRDS.
Outro dos obxectivos do proxecto é “reforzar as colaboracións existentes e crear novas colaboracións entre todos os participantes, tanto entre os socios europeos como os internacionais coa finalidade de desenvolver asociacións de investigación a longo prazo”.
O proxecto artéllase e desenvólvese con intercambio de persoal, escolas de verán, conferencias e workshops para facilitar o intercambio de coñecemento entre os membros da rede. A última acción deste tipo tivo lugar en Palermo o pasado 29 de setembro, onde máis de 50 investigadores puideron pór en común as investigacións desenvolvidas até ese intre en concreto.
Por último, indicar que este proxecto de I+D fomentará a transferencia de resultados das investigacións realizadas á industria, grazas á participación no proxecto da empresa de desenvolvemento de software Enxenio S.L., empresa con sede na Coruña, asociada á UDC e membro do padroado da Fundación CITIC.

Categorías: Ciencia

Páxinas

Subscribirse a IGACIENCIA lector de novas