Agregador de novas

GAIN afronta 2018 con máis orzamentos e máis foco no talento e na innovación

códigocero - Mér, 11/08/2017 - 12:58
Patricia Argerey, directora de GAIN, nun dos actos de celebración dos 25 anos da Tecnópole

Onte tivemos ocasión de coñecer boa parte da folla de ruta para 2018 da Axencia Galega de Innovación, GAIN, un roteiro que se centrará principalmente en cousas que nos tocan de preto, como incrementar a competitividade das PEME a través da innovación, impulsar a transferencia de tecnoloxía dos investigadores ás empresas, apoiar o espallamento da Industria 4.0 no noso tecido produtivo ou captar e reter talento innovador. Os plans para o ano vindeiro foron dados a coñecer no Parlamento pola directora da axencia, Patrica Argerey, quen salientou que os orzamentos do organismo medraron nun 26%, situándose preto dos 80 millóns de euros. Respecto dos eidos onde se rexistrou meirande crecemento, foi sobre todo no ámbito das partidas de investimento.
Respecto do talento e a captación e retención do mesmo, Argerey sinalou que se lle dará continuidade aos programas Oportunius e Principia, con 3,4 millóns de euros, “aos que se engadirá unha liña para facilitar a contratación de persoal investigador sénior por parte de centros de coñecemento e empresas, cun orzamento dun millón de euros”.
No que atinxe á transferencia tecnolóxica, prolongarase e reforzarase o programa Ignicia, con 2,5 millóns de euros, co obxectivo de “impulsar entre 7 e 10 novos proxectos de proba de concepto que acheguen a investigación galega ao mercado”. Ademais, activarase unha convocatoria para o fortalecemento dos centros tecnolóxicos galegos para apoiar a dotación e actualización de equipamento actualizado e diferencial, que permitirá mobilizar 13 millóns de euros.
Respecto da cultura da innovación nas PEME, manterase o programa Innova PEME e lanzaranse dous novos programas: o Reacciona Innovación (en colaboración co IGAPE e destinado ás firmas que queiran orientar o seu camiño cara á innovación e para que teñan acceso a servizos especializados) e un programa de impulso do deseño como factor facilitador da innovación, “que conecta a empresa co mercado cun enfoque de innovación non tecnolóxica”.
Así mesmo, lanzarase a cuarta convocatoria do Conecta PEME, con 25 millóns de euros, coa finalidade de “desenvolver proxectos innovadores en cooperación”. Por outra banda, no marco do polo tecnolóxico e industrial de vehículos non tripulados de Rozas (que conta con 9 millóns de euros consignados no orzamento do vindeiro ano), Argerey explicou que se vai pór en marcha un programa de aceleración de proxectos aeroespaciais “para que emprendedores de todo o mundo poidan validar as súas solucións e xerar actividade económica”. A aceleradora, que contará coa colaboración de Indra e Babcock, busca apoiar 15 start-ups. Tamén está prevista a incorporación dun espazo de coworking e viveiro de empresas en Lugo, nas instalacións do antigo hospital.
Do mesmo xeito, tamén se dará continuidade ao programa de I+D+i da Civil UAVs Initiative, que segundo fixo saber a directora de GAIN, “está a xerar 170 empregos altamente cualificados, tanto en Indra como en Babcock como nas 17 PEME e centros tecnolóxicos galegos que están subcontratados até o de agora”.

Categorías: Ciencia

O certame europeo de navegación por satélite premia o proxecto Alivetor de Gradiant

códigocero - Mér, 11/08/2017 - 12:33

Finalmente houbo presenza galega no palmarés do Concurso Europeo de Navegación por Satélite (ESNC 2017, polas súas siglas en inglés), resolto en Tallin (Estonia) durante a noite deste 7 de novembro ao abeiro da celebración da Semana Europea do Espazo. Máis en concreto, a do Centro Tecnolóxico Gradiant, que viu recoñecido no devandito certame o seu proxecto Alivetor, destinado, entre outras cousas, a extremar a eficacia nos labores de rescate das persoas vítimas dun terremoto, dun alude ou da caída dun edificio. Alivetor, segundo nos recorda Gradiant, tira proveito para o seu funcionamento dun equipo de sensores montados sobre un vehículo aéreo non tripulado e comunicado por satélite, un UAV polas súas siglas en inglés. Respecto da súa participación no dito certame impulsado pola Comisión Europea, Alivetor chegou á final tras proclamarse vencedor da competición galega, organizada polo Consorcio da Zona Franca de Vigo.
Respecto do papel despregado en Tallin, o proxecto galego obtivo un dos tres premios especiais de servizos incubación que outorga E-GNSS Accelerator, o programa europeo de aceleración de start-ups que realizan desenvolvementos tecnolóxicos a partir do sistema Galileo, o sistema europeo de navegación por satélite.
Os líderes do equipo de Gradiant que estivo á fronte de Alivetor foron os encargados de defender o proxecto na fase final do ESNC 2017. Da explicación das características e funcionalidades de Alivetor encargáronse o director do Departamento de Comunicacións Avanzadas de Gradiant, Jorge Munir El Malek Vázquez, e o enxeñeiro Pablo González Fernández.
Como dixemos, Alivetor permite buscar vítimas en extensas contornas de territorio en pouco tempo e en escenarios de catástrofe. Os seus sensores funcionan con ondas electromagnéticas e poden detectar a presenza de persoas atrapadas até a medio metro de profundidade e a través de materiais como pedra, madeira, terra ou tea. A través da súa conexión satelital GNSS, Alivetor transmite a localización exacta dos datos que obtén. Entre outras cousas, posibilita unha importante redución nos tempos de procura de persoas con vida despois dunha catástrofe, “algo fundamental para minimizar o número final de vítimas”, sinalan os seus desenvolvedores.

Categorías: Ciencia

A web redepatrimonio.gal, eixe das celebracións galegas do Día do Patrimonio Mundial

códigocero - Mér, 11/08/2017 - 12:07

O vindeiro 16 de novembro celébrase o Día do Patrimonio Mundial, unha data para pór de relevo o moito que temos que avanzar en determinadas contornas (coma a nosa) para conservar e reivindicar a riqueza arquitectónica, artística, etnográfica, cultural ou lingüística creada e transmitida polos que viñeron antes ca nós. Dito doutra maneira: en Galicia temos moito que preservar e reivindicar, pero tamén moito que roer e moito que avanzar. Só así se explica que cada pouco tempo se esborralle sen remedio unha casa nun casco histórico ou que a maquinaria arrase cun castro ou cunha mámoa. Estas e outras cousas son as cuestións que quere pór de relevo a Rede do Patrimonio Cultural con motivo da celebración do 16. Haberá unha manchea de actividades (case 40) en defensa dos nosos bens, moitas delas nas nosas vilas e cidades e outras tantas na contorna dixital. Teremos que estar atentos do que se faga ao abeiro de #DiadoPatrimonio e na web redepatrimonio.gal.
O programa inclúe, entre outras cousas, roteiros, visitas guiadas, conferencias, concertos, xantares e actividades varias, a desenvolver ao longo das vindeiras fins de semana (esta que se achega e máis a que vén) co obxectivo de concienciar aos galegos da importancia da conservación e promoción da súa riqueza histórica. Convocadas pola Rede do Patrimonio Cultural (RPC), un total de 25 entidades realizarán case 40 actividades para celebrar a festividade internacional do 16.
Segundo informa a Rede, será a primeira vez que a entidade contribúa á visualización do patrimonio cultural galego e das entidades que o promoven, protexen e poñen en valor.
Para darlle unidade á campaña e achegarlle cumprido eco no plano dixital, a RPC propuxo empregar o cancelo #DiadoPatrimonio para as as comunicacións nas redes sociais relativas aos distintos eventos convocados.
Actividades
Así, entre as devanditas accións, a Asociación Cultural e Pedagóxica Ponte nas Ondas realizará un programa de radio sobre o pergameo Vindel. O Sorriso de Daniel fará o domingo 19 unha xeira románica por Guntín e unha visita guiada ao museo diocesano de Lugo. Amigos do Patrimonio de Castroverde realizarán o sábado día 11 un percorrido por parte do roteiro do val do río Tórdea e Xérmolos, unha andaina ata a Pena Xiboi de Parga.
Pola súa banda, Petón do Lobo, Asociación Galega Cova Crea e Asociación Ouriol do Anllóns organizan un roteiro tras ao antigo cemiterio civil de Corcoesto o 18 de novembro e a Asociación de Amigos do Pasatempo unha visita guiada ao Parque do Pasatempo o 19 de novembro. Tamén a Gentalha do Pichel convoca ás III Conversas sobre a xestion cultural e a presentación do tríptico sobre o Megalitismo en Compostela, así como a un roteiro polos castros e mámoas de Santiago.
A Asociación Cultural Apelón Educación organiza unha andaina Cultural con visita ao xacemento romano de Noville o 18 de Novembro e a Asociación Amigos dos Castros de Cuntis unha saída fotográfica. Tamén Patrimonio dos Ancares realizará un roteiro e a Asociación Monte Pituco, o sábado 25, unha visita aos conxuntos rupestres da Carrasca e Champás. Pola súa banda, a Asociación Festa da Prehistoria organiza unha visita á Laxe das Cruces e a Asociación Batistales, un concerto nas campás da Igrexa de Mondoñedo.
Segundo recalca a Rede, toda a información, horarios, lugares e días de actividades pódese consultar na web redepatrimonio.gal onde tamén hai un mapa interactivo e os carteis con toda e cada unha das accións da RPC.


Categorías: Ciencia

Os desafíos da ciberseguridade no tecido produtivo, ao detalle no Club Financeiro Atlántico

códigocero - Mér, 11/08/2017 - 11:40

A Escola de Finanzas e a Academia Galega de Seguridade Pública (AGASP) organizan esta semana un encontro profesional dirixido a atallar e frear as ameazas intelixentes que proliferan nas contornas dixitais con recursos análogos: metodoloxías avanzadas e intelixentes. A xornada Intelixencia & Ciberseguridade. Retos ante un mundo global desenvolverase no Club Financeiro Atlántico, na Coruña, o vindeiro venres día 10 a partir das 9:30 horas. O seminario, que será inaugurado por Alfonso Rueda, vicepresidente da Xunta, responde ao reto a prol da protección dixital da Escola de Finanzas, responsábel da posta en marcha de recurso como a Unidade Académica de Intelixencia e Ciberseguridade, que responde ás demandas do tecido empresarial galego e que ten o obxectivo de “achegar formación a todo o capital humano das empresas así como aos candidatos que se incorporen a elas”.
A respecto dos porqués da organización da xornada, a Escola de Finanzas salienta que “as ameazas intelixentes comezan a acaparar protagonismo e a asentarse como unha preocupación e un reto para os CISO na defensa das contornas dixitais e os sistemas da información”. Desta maneira, grazas á crecente converxencia entre a seguridade física e a informática, o compromiso corporativo coa seguridade integral aumentou. Dese compromiso e da necesidade de darlle resposta abrollan actividades como a xornada do día 10. Nela participarán representantes do noso tecido tecnolóxico-dixital, como por exemplo o presidente do CPEIG, Fernando Suárez, que intervirá na mesa redonda O desafío da ciberseguridade, xunto con outros relatores como Roberto Baratta, director de Loss Prevention de ABANCA, e Antonio Bueno Iglesias, xefe do Servizo de Infraestruturas e Arquitectura Tecnolóxicas do SERGAS. Moderará Rafael Ave, director da Área de Transformación Dixital e Ciberseguridade de Emetel.

Categorías: Ciencia

Dark-matter hunt fails to find the elusive particles

Nature - Mér, 11/08/2017 - 11:23

Physicists begin to embrace alternative explanations for the missing material.

Nature 551 153 doi: 10.1038/551153a

Categorías: Ciencia

Dormir poco favorece los lapsos cognitivos

Investigación y Ciencia - Mér, 11/08/2017 - 00:00
La privación de sueño interrumpe la comunicación de las neuronas, fenómeno que afecta  la memoria y la percepción visual.
Categorías: Ciencia

La extrema temporada de huracanes de 2017, ¿se debió al cambio climático?

Investigación y Ciencia - Mér, 11/08/2017 - 00:00
El calentamiento global parece que está haciendo ya que los huracanes sean más intensos.
Categorías: Ciencia

Twitter di adeus ao límite dos 140 caracteres

códigocero - Mar, 11/07/2017 - 23:00

A finais de setembro Twitter anunciou que estaba a probar a ampliar o seu límite de caracteres de 140 a 280, facilitando así que os usuarios puidesen expresar as súas ideas sen ter que realizar un grande traballo de síntese, e o experimento funcionou tan ben como era de prever, e pese a que a medida podería considerarse unha traizón aos principios de Twitter, foi ben acollida, o que levou a que a directora de produto Aliza Rosen constatase hoxe que xa están a ampliar para todos os usuarios do mundo o número máximo de caracteres por chío.
A partires de agora Twitter non amosa unha conta regresiva dende 140, senón que presenta o progreso da lonxitude das mensaxes de xeito gráfico, até que nos aproximamos ao límite dos 280 caracteres, o que, segundo as probas realizadas, non vai ser precisamente habitual. Os usuarios que non tiñan o límite de 280 caracteres durante as últimas semanas mantiveron o seu hábito de chíos breves, e só empregaron máis de 140 caracteres cando o precisaron, de xeito que dá a impresión de que Twitter vai conservar a brevidade das súas comunicacións, mantendo a súa esencia.
Durante as probas realizadas só o 5% dos chíos superaron os 140 caracteres, e só o 2% pasou dos 190, de xeito que a cronoloxía de Twitter non se veu afectada de xeito notable pola existencia de chíos de maior lonxitude. Incluso advertiron que os usuarios que se aproximaban aos límite dos 280 caracteres só facían tal os primeiros días, dando a impresión de que só estaban a aproveitar a novidade, e non atendía a un comportamento que fose a normalizarse.
Aseguran que o contar con máis espazo para chíar ten un maior impacto no número de gústames, rechouchíos e mencións, así como no número de seareiros, conseguindo que os usuarios tamén estean máis tempo en Twitter, ou sexa, que a compañía conseguiría os seus obxectivos cunha medida realmente sinxela, aínda que os usuarios máis veteranos non deixan de comentar que a limitación de caracteres nunca foi o grande problema de Twitter, mentres que a imposibilidade de editar os chíos si é unha esixencia histórica que continúan a negarse a solucionar.

Categorías: Ciencia

O Goberno de Ecuador visita as instalacións da firma Tecalis en Milladoiro

códigocero - Mar, 11/07/2017 - 22:23
De esquerda a dereita, Alberto Campos (CEO de Tecalis), Jose Luis Cabascango (director de Pro Ecuador España (Ministerio de Comercio Exterior), Isidoro Martínez (CMO en Tecalis e Dexga Tecnologies), María Gloria Dávila (adxunta Comercial de Pro Ecuador España (Ministerio de Comercio Exterior), Berta Caro (coordinadora de Desenvolvemento de Negocio de Tecalis)

A sede da empresa Tecalis, firma tecnolóxica galega emprazada en Milladoiro (Ames), recibiu hoxe a visita dunha delegación do Goberno de Ecuador, representado pola Embaixada e membros do Ministerio de Comercio Exterior (Instituto de Promoción de Exportacións e Investimentos, Pro Ecuador). No encontro celebrado nas instalacións de Tecalis, que forma parte dunha xira do Goberno ecuatoriano pola nosa terra (hoxe e mañá, co obxectivo de establecer encontros empresariais con diferentes empresas TIC, consultoras e alimentarias, para establecer sinerxías e fomentar o investimento no mercado ecuatoriano), participaron Cristóbal Roldán Cobo, embaixador de Ecuador en España, Christian Espinosa, conselleiro Económico da Embaixada de Ecuador en España, José Luis Cabascango, director de Pro Ecuador España e María Gloria Dávila, adxunta comercial de Pro Ecuador España. Na sede de Tecalis, os representantes da empresa amosáronlles polo miúdo a súa actividade, centrada no desenvolvemento e deseño a medida de software, portais web e aplicacións móbiles.
A visita a Tecalis respondeu, en palabras dos responsábeis da firma galega, “ao seu papel de referente no sector das tecnoloxías da información, tanto pola calidade dos nosos proxectos como pola proxección da compañía”. Durante a estadía dos representantes do Goberno ecuatoriano na empresa de Milladoiro, os responsábeis de Pro Ecuador convidaron á compañía a participar na sétima Convención Anual da Asociación Latinoamericana de Exportadores de Servizos (ALES 2017) que se celebrará en Quito os vindeiros días 15 e 16 de novembro.

Categorías: Ciencia

Os argalleiros invadirán a Domus da Coruña o vindeiro sábado

códigocero - Mar, 11/07/2017 - 22:00

O vindeiro sábado celebrarase a OSHWDem, unha feira dirixida a que todos os públicos, especialmente os non profesionais, poidan gozar e iniciarse nas coñecidas como tecnoloxías abertas. Durante todo o día haberá exposición de proxectos explicados polos seus propios autores, competicións de robots de todos os niveis de sofisticación e talleres e charlas sobre estas tecnoloxías.
O evento está organizado pola asociación Bricolabs, leva celebrándose anualmente desde 2012 e á pasada ediicón asistiron 2.150 persoas e preto de 800 máis participaron nas actividades organizadas os días próximos á feira.
Este ano a exposición encherá todos os recunchos da Domus, e contará con máis de 150 proxectos realizados por máis de 100 argalleiros vindos de toda España e parte de Europa.
Os proxectos abarcan desde xogos sinxelos ata as montaxes máis complexas. Todos eles teñen en común que a información de como se fan está publicada para que calquera poida reproducilos, adaptalos ou mesmo melloralos. Na OSHWDem poderás coñecer aos creadores de cada proxecto que responderán as túas preguntas e contaranche as características e dificultades que atoparon na súa realización.
Ao longo de todo o día celebraranse competicións de robots. Desde os máis sinxelos na competición de Hebocon, feitos con cinta illante e pezas dispares, ata os máis sofisticados capaces de resolver labirintos de forma autónoma ou carreiras de segueliñas autónomos. Mención especial merecen os combates nos que só un robot sobrevive.
Calquera que o desexe pode construír un robot básico para Hebocon e está a tempo de apuntarse para competir nesta ou outra das competicións.
Tamén haberá obradoiros e charlas que abarcan desde a iniciación ata técnicas máis sofisticadas. Os obradoiros non rematan o día 11, senón que ao longo de todo o mes desenvolveranse sesións de iniciación á soldadura, construción de robots, instrumentos musicais e programación.
O horario da OSHWDem o día 11 de novembro é de 10:00 a 20:00 horas e a entrada é de balde.

Horarios

Categorías: Ciencia

Vodafone achega a Internet das Cousas aos consumidores

códigocero - Mar, 11/07/2017 - 21:00

Vodafone entra hoxe no mercado da Internet das Cousas (IoT) para clientes particulares co lanzamento de V by Vodafone, permitindo aos usuarios conectar millóns de produtos electrónicos á rede global de IoT do Grupo Vodafone, a maior do mundo.
A tecnoloxía IoT proporciona intelixencia para conectar unha ampla gama de dispositivos en mobilidade, no traballo e no fogar. As estimacións dos analistas prevén que en 2020 máis de 370 millóns de dispositivos electrónicos serán capaces de conectarse a redes móbiles IoT nos países nos que Vodafone opera. Na actualidade, aproximadamente, están xa conectados 50 millóns de dispositivos.
V by Vodafone permite a consumidores poder conectar e xestionar unha ampla gama de dispositivos intelixentes como localizadores GPS para coches, cámaras de seguridade 4G, trackers para localizar e monitorizar a actividade de mascotas, maletas, mochilas ou chaves.
O Grupo Vodafone é líder mundial móbil en IoT, cunha rede internacional e unha plataforma de servizos da que dependen máis de 30.000 compañías con aplicacións críticas para o seu negocio, polo que os pasos actuais parten da experiencia adquirida na aplicación deste tecnoloxía na empresa.

Novos produtos e servizos

A proposta de conectividade V by Vodafone está composta por:
- V-SIM by Vodafone
- A aplicación móbil V by Vodafone
- Conexión inmediata á rede internacional de IoT de Vodafone
- Unha subscrición mensual fixa para cada categoría de produto conectado cunha V-SIM de Vodafone
- E unha nova plataforma aberta a desenvolvedores de IoT (que lanzarase ao longo do ano que vén)

O servizo tamén inclúe 4 categorías de produto:
- V-Auto by Vodafone (para dar servizo aos coches conectados para chamadas de emerxencia, localización do vehículo e puntuación de condución segura)
- V-Pet by Vodafone (localizador de mascotas que ten un prezo de 7 euros/mes)
- V-Bag by Vodafone (localizador de maletas e mochilas, cunha cota de 5 euros/mes)
- V-Camera by Vodafone (unha cámara conectada que terá unha cota de 7 euros/mes)
Estes novos produtos están dispoñibles en grandes superficies comerciais, cadeas especializadas e tendas de comercio electrónico, así como nos puntos de venda habituais de Vodafone.

Categorías: Ciencia

A RAGC recoñece un proxecto 4.0 para reducir as emisións dos motores

códigocero - Mar, 11/07/2017 - 21:00

A Industria 4.0 e as posibilidades do cómputo de alto rendemento para o ámbito do motor (no camiño dunhas meirandes sustentabilidade, eficiencia e respecto polo medio ambiente) están presentes nos Premios de Transferencia de Tecnoloxía en Galicia 2017, que entrega cada ano a Real Academia Galega de Ciencias (RAGC), en colaboración coa Axencia Galega de Innovación (GAIN), e cuxos destinatarios (nesta terceira edición) veñen de darse a coñecer. No certame, destinado a salientar as mellores prácticas impulsando coñecemento científico e tecnolóxico dende onde se “fai” ese coñecemento cara as nosas empresas, distinguiuse (co premio ao mellor caso de éxito de transferencia de tecnoloxía na categoría de grandes empresas) o labor de BorgWarner Emissions Systems Spain, filial española da multinacional Borgwarner, con sede en Vigo (Pontevedra) e responsábel, co Grupo de Tecnoloxía Enerxética da UVigo, dunha ferramenta innovadora para o deseño e validación dos sistemas anticontaminación en motores de combustión interna de vehículos. Os galardóns entregaranse en datas vindeiras en Compostela.

Os premiados ao mellor traballo desenvolvido por un grupo de investigación aplicada

O premio ao mellor traballo desenvolvido por un grupo de investigación aplicada, dotado con 6.000 euros netos e unha axuda de 4.000 euros para a formación dun dos investigadores, recaeu no Departamento de Enxeñería Agroforestal da USC, no Campus Terra de Lugo, en colaboración co enxeñeiro de industrias alimentarias Hiram Varela, por un proxecto para pór en valor o sangue procedente dos matadoiros (a través da súa transformación en fariña de alta calidade).

O equipo distinguido como mellor caso de éxito empresarial de transferencia de tecnoloxía

Na categoría de PEME, o premio ao mellor caso de éxito empresarial de transferencia de tecnoloxía, dotado con 12.000 euros, correspondeulle a HGBeyond Materials Science, proxecto xurdido ao abeiro da USC, impulsado por Lentimed e o Grupo I+D Farma da USC, e consistente no desenvolvemento de hidroxeles para a liberación de substancias activas no organismo (sendo o seu primeiro achado unha lente de contacto capaz de liberar fármacos e outras substancias activas na superficie ocular).
Como dixemos, o premio ao mellor caso de éxito de transferencia de tecnoloxía na categoría de grandes empresas recae en BorgWarner Emissions Systems Spain. O seu traballo co Grupo de Tecnoloxía Enerxética da Universidade de Vigo (UVigo) permitiulle desenvolver unha ferramenta innovadora para o deseño e validación dos sistemas anticontaminación en motores de combustión interna de vehículos. Este sistema será implantado en todas as fábricas que BorgWarner ten repartidas polo mundo. O premio para a empresa ten carácter honorífico, mentres que o grupo de investigación percibirá 6.000 euros netos polo seu esforzo no eido da transferencia de tecnoloxía.
Segundo informa a RAGC, o proxecto galardoado consiste “nunha ferramenta de cálculo computacional que permite simular o comportamento dos sistemas de redución de emisións contaminantes para vehículos que a empresa fabrica”. Isto, engade a academia galega, “suporá unha vantaxe competitiva importante, dado que a normativa europea revisa continuamente á baixa os límites das emisións dos coches, polo que é determinante para o sector contar con solucións máis avanzadas e eficientes no menor prazo posíbel, coa garantía de que cumpren os requisitos establecidos”.
No capítulo de vantaxes concretas, o desenvolvemento recoñecido pola RAGC posibilita non só reducir a cifra de ensaios físicos para cada novo desenvolvemento ou modificación (probas que adoitan ser custosas e estenderse moito no tempo), senón tamén optimizar a capacidade de resposta e a fiabilidade. En virtude desta tecnoloxía, todos os centros de BorgWarner poderán testar cada novo sistema anticontaminación ou cada modificación dun existente, “de xeito rápido e económico”, a través de prototipos virtuais xerados por ordenador.

Categorías: Ciencia

A Rede CeMIT participa nun encontro de dinamizadores de telecentros a nivel estatal

códigocero - Mar, 11/07/2017 - 20:30

O dinamizadores das aulas CeMIT dos concellos de Cerceda, Cuntis, Fisterra, Oroso, Ortigueira e Santa Comba participarán este mércores e xoves, 8 e 9 de novembro, no Encontro de Dinamizadores de Redes de Telecentros Changemakers: Dinamizadores do cambio, xornadas organizadas pola Asociación Comunidade de Redes de Telecentros de España, da que a Rede CeMIT de Galicia é membro.
Xunto con representantes galegos, tamén participarán dinamizadores de redes de telecentros existentes en Andalucía, Cantabria, Castela e León, Canarias, Estremadura, Murcia, Cataluña e Castela A Mancha, sumando un total de 75 participantes e 10 redes distintas.
O formato deste encontro é dun obradoiro participativo, no uso de ferramentas e técnicas de pensamento creativo aplicables ao seu traballo diario coa cidadanía. Contando coa experiencia de cada Rede de Telecentros, o encontro axudaralles a debuxar novas propostas, propoñer novos retos e converter en realidade o rol dos dinamizadores como axentes do cambio nas súas localidades.
Afondarase nas boas prácticas impulsadas dende cada unha de las Redes de Telecentros a nivel nacional sobre aspectos como a e-Inclusión, o envellecemento activo, as competencias dixitais, a innovación social, a ciberseguridade, os eServizos, ou o uso seguro e responsable da tecnoloxía en contornas educativos. Oe encontro permitirá analizar de que forma desde estas redes poden seguir ofrecendo iniciativa que respondan ás liñas estratéxicas e desafíos formulados dentro da Axenda Dixital para España 2020 e da Axenda Dixital Europea.

Categorías: Ciencia

Genetically modified apple reaches US stores, but will consumers bite?

Nature - Mar, 11/07/2017 - 19:40

Success for the ‘Arctic apple’ could herald a new wave of lab-grown foods.

Nature 551 149 doi: 10.1038/551149a

Categorías: Ciencia

Indian scientists urged to speak out about pseudoscience

Nature - Mar, 11/07/2017 - 19:40

Cancelled astrology workshop prompts calls for researchers to be vigilant about stamping out unscientific beliefs.

Nature News doi: 10.1038/nature.2017.22957

Categorías: Ciencia

Pirate paper website Sci-Hub dealt another blow by US courts

Nature - Mar, 11/07/2017 - 19:40

American Chemical Society wins lawsuit against the site, and could seek to block access to the portal in the United States.

Nature News doi: 10.1038/nature.2017.22971

Categorías: Ciencia

Pontevedra acubilla este mes seis obradoiros TIC ao abeiro de SmartPEME

códigocero - Mar, 11/07/2017 - 18:30

A Deputación de Pontevedra vai organizar este mes de novembro media ducia de obradoiros TIC no edificio administrativo da entidade que preside Carmela Silva (na capital provincial) e máis nas instalacións de AEMPE Pontevedra, Estas actividades desenvólvense ao abeiro da rede TIC impulsada pola Deputación, a rede SmartPEME, constituída polas sedes operativas de Pontevedra, Vigo, Porriño, Ponteareas, Cambados e Lalín, dende as que os profesionais da Deputación (en colaboración cos Concellos e as asociacións) despregan un importante labor de capacitación dixital ao servizo de autónomos, PEME e traballadores. A entidade provincial xa deu a coñecer os programas de Lalín, Cambados, Vigo, Porriño e Ponteareas. Polo que respecta a Cambados, o Centro Exposalnés acollerá en novembro seis obradoiros. No que atinxe á zona de Vigo (Vigo, Porriño e Ponteareas) desenvolveranse durante todo o mes de novembro un total de 18 obradoiros. En Lalín celébranse, tamén, media ducia de actividades.
Volvendo aos obradoiros de Pontevedra, comezan este martes 7 de novembro co taller Promove o teu negocio: mercadotecnia sectorial e seguirá cos seguintes cursos: o xoves 9 impartirase o obradoiro Desenvolve a túa propia estratexia de email marketing; o martes, día 14, Imos chamar á porta da túa clientela: Posicionamento SEO; o martes 21 Deseña sinxelamente imaxes abraiantes e profesionais; o xoves 23 de novembro Crea o teu propio logotipo con Canva, e Woocommerce I – A solución para vender por internet, o martes 28 de novembro. A única actividade que realizarase fóra do Edificio Administrativo da Deputación de Pontevedra será o de Imos chamar á porta da túa clientela: Posicionamento SEO, que se organizará nas instalacións de AEMPE.
Como lembraremos, a oficina SmartPEME de Pontevedra está emprazada no Edificio Administrativo da Deputación, na Gran Vía de Montero Ríos, s/n e as inscricións pódense facer no número de teléfono 886 202 020, no correo electrónico info.smartpeme@depo.es ou na páxina web www.smartpeme.depo.es. Todas as actividades deste mes comezarán ás 19 horas agás o obradoiro que terá lugar en AEMPE, que arrancará ás 17:15 horas.
O proxecto SmartPEME
SmartPEME é un novo modelo de servizo orientado á mellora competitiva das PEME e á procura dunha melloría nas vendas e na eficacia e eficiencia das tarefas, que abre novos eidos de actuación e acada novos grupos de interese coma os emprendedores, as asociacións empresariais e os axentes de dinamización en concellos.
O devandito obxectivo, nas oficinas do Porriño, Cambados, Pontevedra, Lalín, Ponteareas e Vigo abrangue as seguintes actividades: itinerarios de obradoiros temáticos con diversos niveis de dificultade adaptados ás necesidades das empresas, eventos de networking trimestrais coa participación de profesionais de prestixio, colaboración con asociacións e promoción de alianzas institucionais, especialización sectorial dos asesores en función das necesidades da súa área de influencia, kits de asesoramento en novas tecnoloxías a emprendedores, identificación e difusión das necesidades TIC aos provedores de solucións para as PEME e, tamén, impulso de novas carteiras de servizos de asesoramento.

Categorías: Ciencia

Protección de Datos sanciona a Google pola recollida de datos efectuada polos vehículos de Street View

códigocero - Mar, 11/07/2017 - 17:00

A Axencia Española de Protección de Datos (AEPD) ditou unha resolución que pon fin ao procedemento aberto á empresa Google en relación á recollida e tratamento de datos persoais de redes Wi-Fi levada a cabo polos vehículos empregados no proxecto Street View. No marco da investigación realizada, a AEPD constatou que Google recolleu e almacenou datos persoais transmitidos a través de redes Wi-Fi abertas sen que os afectados tivesen coñecemento de dicha recollida e sen obter o consentimento dos mesmos. En consecuencia, a Axencia declara a existencia dunha infracción grave e impón a Google unha sanción de 300.000 euros.
A AEPD iniciou de oficio a investigación destes feitos en maio de 2010. Con todo, a existencia dun procedemento xudicial penal aberto no Xulgado de Instrución Nº 45 de Madrid obrigou á AEPD a suspender a tramitación do seu procedemento sancionador en virtude do artigo 7 do Real Decreto 1398/1993, polo que se aproba o Regulamento do Procedemento para o Exercicio da Potestade Sancionadora. Unha vez tívose coñecemento da firmeza do auto polo que se acorda o sobresemento provisional e arquivo das dilixencias previas, a Axencia Española de Protección de Datos renovou o procedemento administrativo, resolvéndoo tras o correspondente prazo de presentación de alegacións.
No marco da investigación realizada, a Axencia Española de Protección de Datos constatou que Google recolleu información de diversa tipoloxía sen que os afectados tivesen coñecemento de que dita recollida de datos estaba a levarse a cabo e sen o seu consentimento. A compañía solicitou, entre outra, información relativa a direccións de correo electrónico de persoas físicas, códigos de usuario e contrasinal que permiten o acceso a contas de correo electrónico, enderezos IP, enderezos MAC dos routers e dos dispositivos conectados aos mesmos ou nomes de redes sen fíos (SSID) configurados co nome e apelidos do seu responsable. Non se constatou que Google tratase datos especialmente protexidos a través destes sistemas.
En canto a que os datos se recollesen de redes Wi-Fi abertas, a resolución especifica que «o feito de que os titulares de redes Wi-Fi non aseguren o cifrado destas redes, en prexuízo da seguridade dos seus datos, non autoriza de ningún xeito a recollida da información levada a cabo nin ningún uso posterior da mesma».
Para determinar a contía da sanción, a maior no caso das infraccións graves, considerouse, entre outros factores, o carácter continuado da infracción (desde maio do 2008 a maio de 2010), o volume masivo de datos persoais recolleitos; a vinculación da actividade de Google coa realización de tratamentos de datos de carácter persoal, o volume de negocio ou actividade da compañía considerando o seu modelo económico; que as infraccións son o resultado do sistema de recollida e tratamentos de datos deseñado por Google, así como o prexuízo que devandito sistema causa á privacidade das persoas afectadas.

Categorías: Ciencia

A galega Siguetuliga pecha unha rolda de investimento de 135.000 euros

códigocero - Mar, 11/07/2017 - 16:00
O equipo de Siguetuliga.com está formado por Alberto Guimarey, Diego López e Alberto López.

A empresa coruñesa Siguetuliga vén de pechar unha rolda de investimento de 135.000 euros grazas á confianza de destacados emprendedores da nosa terra, como Diego Mariño (fundador de Ducksboard e Abiquo), Rubén Ferreiro (fundador de GaliciaBanner e CEO do Grupo Viko), David Bello (fundador de IPGlobal), Ramón Pombo (fundador de Asubío Media), Raúl Díaz (fundador de ai10) e Brais Méndez (fundador de Docuten).
Siguetuliga cubre a información de todas as ligas do fútbol afeccionado e base de España gracias á autoxestión que realiza a súa grande comunidade, que xa supera os 2 millóns de persoas. Son eles os que reúnen, comparten e gozan dos resultados, aliñacións, comentarios, goles, fotos e vídeos de calquera liga e a calquera nivel.
A grande razón de ser da plataforma é axudar ós 22.000 clubs de fútbol que hai en España ante problemas que son comúns a todos. Xa conseguiron, con éxito, que moitos deles xeren ingresos coas visitas que o seu club ten en Siguetuliga. Todo sen esforzo, xa que non é necesario que o club cree ningún tipo de contido.
A raíz de esta ampliación de capital e co grande aporte humano de todos os que pasan a formar parte do accionariado, Siguetuliga vai un paso máis alá, aportando solucións ó propio funcionamento interno dos clubs. Cada vez son maiores as esixencias de futbolistas, socios, afeccionados e institucións públicas, non importa o número de equipos que teñan ou a categoría na que xoguen. Aí é onde incidirá o seu novo servizo. Os clubs gozarán de ferramentas para estar mellor organizados, automatizar as tarefas máis custosas e, en definitiva, facerse máis eficientes e rendibles.

Categorías: Ciencia

A xornada sobre metodoloxías áxiles que prepara Vitae, éxito de convocatoria

códigocero - Mar, 11/07/2017 - 14:23

O evento Xestión de Proxectos Áxiles vs. Xestión de Organizacións Áxiles, que se vai celebrar o 21 de novembro na sede do CITEXVI en Vigo, mostrando boa parte das metodoloxías máis avanzadas para coñecer aos usuarios dos nosos servizos (permitíndonos anticiparnos ás súas demandas), está a ser un éxito de seguimento e de capacidade de convocatoria. Segundo nos contan dende a consultora Vitae, impulsora do evento xunto co CITEXVI, a Universidade de Vigo e Scrum Manager, xa se contaba a comezos desta semana con máis de 70 asistentes inscritos.
A cita, para a que xa van quedando poucas prazas, encamíñase a afondar no escenario actual das metodoloxías áxiles e do seu futuro, facendo fincapé en como deseñar de maneira adaptativa produtos e servizos, e afondando en cuestións como a xestión da calidade do software, na xestión das persoas e en como implantar metodoloxías eficaces nunha organización con casos reais.
Outro dos retos da convocatoria é combinar enerxías, intercambiando experiencias e amosándoas ao detalle, a prol de conseguir unha integración óptima das metodoloxías áxiles no seo dunha empresa. “As metodoloxías áxiles para a xestión de proxectos”, explica Vitae, “estanse a introducir con moita forza e rapidez nas organizacións e ás veces estas non están preparadas para o cambio de prioridades nin dos procesos nin nas persoas”.

Programa de actividades

9:45 - 10:00 Recepción de asistentes
10:00 - 10:10 Benvida e introdución
Nacho Armesto, Universidade de Vigo
Marcos Carbonell, Vitae
10:10 - 10:40 Relatorio: Axilidade e Innovación
Juan Palacio
10:40 - 11:20 Relatorio: Deseño adaptativo con Design Thinking
Adrián Ager
11:20 - 11:40 Café - Networking
11:40 - 12:10 Casos de éxito : Calidade e Testing en Proxectos Áxiles
Juan Martínez
12:10 - 12:50 Casos de éxito, Xestión de Persoas en Metodoloxías Áxiles
Josefina Alonso Nocelo
12:50 - 13:50 Casos de éxito, Implantación de Metodoloxías Áxiles nunha organización
Manuel Doval
13:50 - 14:00 Rogos e preguntas

Relatores

- Juan Palacio. Profesor de Enxeñaría do Software e profesional con máis de 20 anos de experiencia en xestión de empresas, proxectos e equipos. Dirixiu a área técnica de iA Soft (actualmente Grupo Oesía - Zaragoza). É fundador de Scrum Manager, proxecto que actualmente preside, e tamén fundador de Safe Creative e Safe Stamper, empresas que dirixe a día de hoxe.
- Adrián Ager. Licenciado en Publicidade e Relacións Públicas cun master en Mercadotecnia ademais de posgraos en Innovación e Creatividade. Profesional con máis de 5 anos de experiencia desenvolvendo proxectos dixitais a través de metodoloxías como Design Thinking e Lean Startup tanto para grandes empresas como para proxectos en startups. Traballou en Orange, na Fundación Telefónica e en BEEVA, consultora de Innovación e Tecnoloxía do grupo BBVA.
- Juan Martínez Neira. Licenciado en Matemáticas pola Universidade de Santiago de Compostela. A día de hoxe é director da área de desenvolvemento de software de Plexus, consultora tecnolóxica galega con máis de 700 empregados. Profesional con máis de 15 anos de experiencia no sector TI traballando con metodoloxías áxiles e preditivas.
- Josefina Alonso Nocelo. Enxeñeira Superior en Informática pola Universidade de Vigo. Actualmente é responsábel da área de Aseguramento da Calidade e Seguridade Funcional da División de Electrónica, HMI e Sistemas ITS do Centro Tecnolóxico de Automoción de Galicia (CTAG). Posúe máis de 18 anos de experiencia no eido do desenvolvemento de software destacando a súa actividade na xestión e dirección de proxectos TI con metodoloxías áxiles (Scrum, XP) e Preditivas (PMI, CMMI) para os sectores do motor, o aeronáutico e do espazo.
- Manuel Doval. Licenciado en Ciencias Biolóxicas pola Universidade Complutense de Madrid e posgrao en Dirección de Empresas polo IESE. Foi durante 19 anos o director IT na empresa R Cable e Telecomunicacións, sendo uns dos pioneiros en implantar metodoloxías áxiles tanto a nivel de proxectos como na organización.

Categorías: Ciencia

Páxinas

Subscribirse a IGACIENCIA lector de novas