Ciencia

Pontevedra e Cambados acollen estes días oito obradoiros de SmartPEME

códigocero - Xov, 01/18/2018 - 11:37

A Deputación de Pontevedra está a informar estes días da vindeira actividade da rede SmartPEME, unha liña de acción para este arranque de 2018 que vén acompañada dun especial significado: pola nova andaina prevista da man da empresa KPMG, pola incorporación do Viveiro de Empresas do Concello da Estrada e, tamén, polos resultados de participación obtidos en 2017 que pasan por ser os mellores da historia de SmartPEME. Volvendo á actividade deste comezo de ano, a Deputación deu a coñecer o seu programa de obradoiros tecnolóxico-dixitais para as sedes de Cambados (con catro obradoiros) e de Pontevedra (outros catro).
Respecto de Cambados, o Centro Exposalnés acolleu este mércores o obradoiro Crea os teus propios informes: Google Data Studio e seguirá o luns 22 co curso Rendibiliza o teu perfil profesional en Facebook. Esa mesma semana, o xoves 25 de xaneiro, Cambados acollerá o obradoiro Sabes como converter a túa páxina web nunha páxina segura? Por último, o martes 30 de xaneiro, celebrarase o curso Como facturar electrónica mente.
A oficina de Cambados, no Centro ExpoSalnés, atópase no paseo da Calzada, s/n e as inscricións pódense facer no número de teléfono 886 202 020, o correo electrónico info.smartpeme@depo.es ou a páxina web www.smartpeme.depo.es. Todas as actividades comezan ás 19 horas.
Respecto de Pontevedra, este 18 de xaneiro, ás 19.00 horas celébrase o curso Sabes como converter a túa páxina web nunha páxina segura?. A seguinte cita terá lugar o luns 22 de xaneiro, tamén ás 19 horas, cando impartirase a actividade formativa Comercio electrónico para microPEME. Pola súa banda, o mércores 24 de xaneiro, a mesma hora, Pontevedra acollerá o curso Guía de boas prácticas para redes sociais. Por último, o luns 29 de xaneiro organizarase o obradoiro Recursos e ferramentas TIC para o teu negocio. A oficina de Pontevedra, no Edificio Administrativo da Deputación, atópase na Gran Vía de Montero Ríos, s/n e as inscricións pódense facer no número de teléfono 886 202 020, o correo electrónico info.smartpeme@depo.es ou a páxina web www.smartpeme.depo.es.
O Proxecto SmartPEME
SmartPEME é un novo modelo de servizo orientado á mellora competitiva das PEME e á procura dunha melloría nas vendas e na eficacia e eficiencia das tarefas, que abre novos eidos de actuación e acada novos grupos de interese coma os emprendedores, as asociacións empresariais e os axentes de dinamización en concellos.
O devandito obxectivo, nas oficinas do Porriño, Cambados, Pontevedra, Lalín, Ponteareas e Vigo abrangue seguintes actividades: itinerarios de obradoiros temáticos con diversos niveis de dificultade adaptados ás necesidades das empresas, eventos de networking trimestrais coa participación de profesionais de prestixio, colaboración con asociacións e promoción de alianzas institucionais, especialización sectorial dos asesores en función das necesidades da súa área de influencia, kits de asesoramento en novas tecnoloxías a emprendedores, identificación e difusión das necesidades TIC aos provedores de solucións para as PEME e, tamén, impulso de novas carteiras de servizos de asesoramento.

Categorías: Ciencia

Pequefilmes mergulla na virtualidade máis imaxinativa aos máis pequenos da casa

códigocero - Xov, 01/18/2018 - 11:20

Os vindeiros días a Cidade da Cultura (20 e 21 de xaneiro) vai acoller un evento especialmente indicado para as crianzas e para as nais e os pais que comparten con elas o seu gusto pola animación e os mundos dixitais. Trátase de Pequefilmes 2018, a nova edición do festival de cinema de curtas que este ano incluirá a proxección de máis dun centenar de pezas e a celebración de obradoiros para familias: dúas accións formativas cuxo obxectivo é que pais, nais, fillas e fillos descubran a través do xogo os principios do cinema de animación.
Os obradoiros, un sobre técnicas stop motion con alimentos e outro sobre emuladores virtuais con mesas de luz, achegaranlles formación básica no uso de técnicas e ferramentas de creación audiovisual. Amais de proxeccións e actividades divulgativas, o certame abranguerá votacións e premios do público.
Boa parte das máis de cen curtas que se van exhibir no marco de Pequefilmes foron premiadas e/ou seleccionadas para os máis prestixiosos festivais de cinema infantil, xuvenil e de animación máis importantes do mundo, por exemplo o de Annecy (Francia), o Chicago ICFF, o Animamundi, o Animafest, o Dresdner Kinderfilfest ou o festival de Clermont Ferrand (Francia). As pezas, con orixe en 33 países dos cinco continentes, artéllanse en tres seccións: Pequefilmes Vagamules (de 0a 3 anos), Pequefilmes Miñocas (máis de 4 anos) e Pequefilmes Fanecas (máis de oito). Co obxectivo de subliñar o protagonismo das crianzas que acudan ao certame, fomentando a vertente activa e crítica da súa participación no mesmo, os dous galardóns (Premio Miñocas e Premio Fanecas) serán elixidos polas nenas e nenos do público.

Categorías: Ciencia

A tecnoloxía de Gradiant para o recoñecemento facial dos viaxeiros, presente en FITUR

códigocero - Xov, 01/18/2018 - 11:04

O salón FITUR que se está a desenvolver en Madrid constitúe unha xanela ao turismo pero, tamén, á innovación de vangarda ligada ao turismo. Un exemplo disto é a solución faceIDNN do Centro Tecnolóxico Gradiant, unha tecnoloxía biométrica cunha completa listaxe de posibilidades para facilitar a operativa dos viaxeiros e dos lugares que acollen os viaxeiros. Por que motivo? Pois porque, entre outras cousas, permite que un establecemento hoteleiro saiba que un cliente é quen di ser (sen a marxe de dúbida e intuición existente nos procedementos tradicionais) só con comparar a súa faciana coa fotografía do DNI, carné de conducir ou pasaporte. A eficacia da solución baséase nas técnicas de recoñecemento facial desenvolvidas por Gradiant, que comproban en tempo real se dúas imaxes pertencen á mesma persoa.
A solución faceIDNN preséntase (até o 21 de xaneiro) en FITUR da man de Roommatik, que conta con presenza de seu na feira madrileña (pavillón 1010F30) e que permite probar a tecnoloxía galega ao tempo que dá conta da súa experiencia con ela na procura dun chek-in seguro en hoteis.
Segundo nos conta Gradiant, faceIDNN constitúe o elemento de seguridade, usabilidade e calidade que moitas das empresas do sector turístico estaban agardando. Entre as principais características desta tecnoloxía figura a de ter sido equipada cun motor de recoñecemento facial baseado en Deep Learning axeitado para os procesos de onboarding dixital (solucións de identificación electrónica de persoas) e de Know Your Customer (KYC). Por outra banda, faceIDNN tamén é salientábel por cumprir cos requirimentos legais que se lle esixen a este tipo de ferramentas, e, en palabras de Gradiant, “adáptase perfectamente aos procesos de check-in que requiren o carné de identidade do cliente ou a verificación co pasaporte”. Ademais, engade o centro tecnolóxico galego, “evita os ataques de suplantación de identidade mediante o emprego de mecanismos de detección de vida que combinan técnicas colaborativas e non colaborativas”.

Categorías: Ciencia

Identifican un actor clave en las centrales energéticas de la célula

Investigación y Ciencia - Xov, 01/18/2018 - 00:00
Se trata de la proteína EXD2 de las mitocondrias, y su bloqueo podría dar lugar a nuevos tratamientos para trastornos metabólicos como la diabetes o el cáncer.
Categorías: Ciencia

¿Y si las neuronas no murieran?

Investigación y Ciencia - Xov, 01/18/2018 - 00:00
Descubren que en la enfermedad de Alzheimer, la pérdida neuronal es menor de lo que se creía. Además, ésta parece no contribuir de forma significativa a la progresión de la demencia.
Categorías: Ciencia

As mellores praias galegas para o surf estarán dispoñíbeis nunha app de Turismo de Galicia

códigocero - Mér, 01/17/2018 - 23:05

Hoxe o salón de turismo FITUR que se está a celebrar en Madrid acolleu a presentación de Galicia Surfing, unha iniciativa para promover o turismo surfeiro da nosa terra a través de diferentes soportes e materiais, incluída unha aplicación para móbiles. A proposta, dada a coñecer pola directora de Turismo, Nava Castro, identifica as 100 praias galegas coas mellores condicións para practicar o devandito deporte. A idea da iniciativa, fixo saber Castro, é impulsar o potencial turístico da nosa costa, que abrangue 1.500 quilómetros de extensión e que presenta o 20% do total do Estado. Segundo engadiu, moitos destes quilómetros son especialmente axeitados para o surf a todos os niveis e na maior parte do ano.
Galicia Surfing, en cuxa presentación participou tamén o deportista galego Gony Zubizarreta, achéganos ás características e á localización de areais tan senlleiros como Pico de Patos, Montalvo, Río Siera, Nemiña, Soesto, Malpica, Razo, Caión, Orzán, Ondalonga, Doniños, Campelo, Pantín, Machacona, Peizás ou Oliñas.
Todas elas aparecen no material de promoción editado, cun mapa que identifica cada recurso e ofrece información de servizo. Ademais, disporase dunha aplicación móbil para facer consultas de xeito actualizado. A través dela poderán atoparse tamén as opcións de viaxe, denominadas Galicia Surf Escape (no caso das escapadas de tres días de duración), Galicia Surftrip (para as estadías de sete días) e Galicia Surfari (nas viaxes de 15 días na nosa Comunidade).

Categorías: Ciencia

Notábel presenza das escritoras galegas nas coleccións dixitais da BNE lanzadas en ePub

códigocero - Mér, 01/17/2018 - 17:30

Autoras galegas como Rosalía de Castro, Emilia Pardo Bazán ou Concepción Arenal son algunhas das escritoras cuxas obras veñen de dar o chimpo ao formato ePub, co fin de achegarse ao máximo ás novas xeracións e á comunidade (crecente) de lectores en formatos dixitais. Así nolo contan hoxe as entidades estatais Red.es e a Biblioteca Nacional de España, que, no marco do seu convenio de traballo conxunto, están a incluír no devandito formato (compatíbel con tabletas, e-readers e mesmo con móbiles) as coleccións dixitais da Biblioteca (a Biblioteca Dixital Hispánica). A iniciativa, máis polo miúdo, supón a posta a disposición dunhas 700 obras en arquivos ePub.
Hai obras de literatura, lingua, historia, xeografía, medicina, biografías e viaxes. A maiores, achégase unha colección de mulleres autoras en cuxa escolma traballou un grupo de investigación da UCM e que xa está dispoñíbel na Biblioteca Dixital Hispánica. Para esta colección de e sobre mulleres recompiláronse títulos de Rosalía de Castro, Emilia Pardo Bazán, Carmen de Burgos, Hildegart ou Concepción Arenal, e tamén obras como Un retrato de muller de José Selgas, A emancipación da muller de Jacques Novicow ou A muller de todo o mundo de Alejandro Sawa.
Igualmente, están xa accesíbeis obras de literatura do século XIX e XX de autores tamén galegos como Valle-Inclán, aos que se engaden Lorca ou Alarcón, entre outros moitos.
Os libros poden descargarse en arquivo ePub ben mediante a icona habilitada na listaxe de resultados, ou ben unha vez accedendo directamente á obra. O obxectivo deste proxecto é duplo: por unha banda permitir a lectura destas obras en dispositivos electrónicos e así poder ofrecer novos formatos de acceso ás coleccións dixitalizadas da BNE, e pola outra corrixir textos obtidos mediante recoñecemento óptico automático dos documentos en PDF.

Categorías: Ciencia

A Cámara de Santiago axudou a máis de 180 empresas nos seus procesos de innovación e dixitalización

códigocero - Mér, 01/17/2018 - 15:30

A Cámara de Comercio de Santiago vén de facer reconto de fitos TIC conseguidos ao longo do ano que deixamos atrás, un 2017 no que a entidade industrial e empresarial forneceu “unha manchea de servizos profesionais de innovación”. Por exemplo o programa InnoCámaras, no que dúas ducias de empresas foron admitidas, contando con asesoramento de balde e axudas directas para actividades de innovación. A Cámara tamén impulsou o programa TICCámaras que, como o seu nome indica, encamíñase a facilitar a incorporación nas PEME de Tecnoloxías da Información e a Comunicación (TIC) como ferramentas competitivas claves nas súas estratexias. Nesta convocatoria participaron 47 empresas.
O programa de actividades tamén incluíu un servizo de certificados dixitais, o servizo Carmerfirma. En 2017, a Cámara emitiu 18 certificados dixitais a empresas e autónomos e 42 a particulares para inscribirse no Programa Integral de Cualificación e Emprego (PICE).
Ademais, organizáronse varias xornadas informativas e divulgativas orientadas á sensibilización das empresas no uso das novas tecnoloxías, que contaron con 183 alumnos. En termos máis concretos, elaboráronse xornadas sobre como atraer visitantes a un sitio web, sobre como fomentar a internacionalización dixital e sobre os aspectos máis significativos da propiedade industrial.
A nivel de seguimento e participación na Rede, a web corporativa www.camaracompostela.com incrementou progresivamente as súas cifras de visitantes distintos e número de visitas, situándose nunha media mensual de 54.292 páxinas vistas en 2017 (cun incremento dun 5% respecto de 2016), e unha media de visitantes distintos mensuais de 5.382, o que achega un medre do 22% con respecto ao ano anterior.
Ademais, a entidade compostelá foi quen de ampliar presenza e comunidades nas redes sociais, con máis de 2.200 Gústame en Facebook e 3.096 seareiras/os en Twitter, incrementando o seu impacto nos social media en relación a 2017. Esta pegada en Facebook e Twitter foi especialmente valorada pola Cámara, que considera que o establecemento da súa marca neste tipo de canles interactivas lle permite “achegar a entidade ás empresas da demarcación coa finalidade de presentarlles os servizos, proxectos, programas e coñecer as súas necesidades dunha forma organizada”.
A entidade adoita incluír nos seus muros información relativa a eventos e actos da organización, cursos e xornadas de formación, actividades de internacionalización ou programas de creación de empresas. “A estratexia xeral da Cámara en mercadotecnia dixital e redes sociais consiste en orientar os esforzos para ser máis accesíbeis ás empresas da nosa demarcación”, apuntou a este respecto o técnico da entidade compostelá Anselmo Díaz.
Outras das ferramentas en liña que emprega a Cámara de Comercio de Santiago é o boletín informativo, do que se enviaron 36 versións no último ano a un total de 4.780 inscritos.

Categorías: Ciencia

YouTube elimina a monetización para canles cativas

códigocero - Mér, 01/17/2018 - 13:10

A polémica ao redor do vídeo de Logan Paul no que se amosaba a un suicida parece ser o detonante (ou e escusa) para un drástico cambio das condicións do YouTube Partner Program, ou sexa, do programa a través do que YouTube comparte os seus ingresos publicitarios cos creadores de contidos, que a partires de agora xa non aceptará a canles de YouTube que superen as 10.000 reproducións, senón que para conseguir a chamada monetización será preciso acumular 4.000 horas de reprodución nos últimos 12 meses e un mínimo de 1.000 subscritores.
Sobra dicir que este tipo de medida non evita en absoluto casos como o de Logan Paul e moitos outros youtubers famosos que superaron certas barreiras nos últimos anos, causando malestar nos anunciantes, senón que o que parece perseguir é consolidar aos creadores establecidos co efecto perverso de dificultar a chegada de novos creadores, que terán moi complicado botar a andar os seus proxectos.
A nova medida entrará en vigor o 20 de febreiro, data a partires da que entrarán en efecto estes criterios para a incorporación de canles ao programa de Partners, mentres que as canles anteriormente admitidas terán un período de graza de 30 días para conseguir os mínimos esixidos ou serán expulsados e de superalos no futuro terán que someterse a unha nova avaliación como calquera outra canle.
Dende YouTube aseguran que o 99% das canles afectadas ingresan menos de 100 dólares ao ano e, de feito, o 90% non chegarían nin aos 2,50 dólares no último mes, de xeito que non corresponderían a creadores que teñen a YouTube como a súa fonte de ingresos principal, polo que consideran que a súa eliminación do programa serviría principalmente para purgar o sistema de moitos usuarios que abusan do sistema e prexudican á comunidade de creadores sen aportar valor.

Categorías: Ciencia

A Biblioteca de Porriño aposta pola alfabetización dixital e por incrementar o uso da súa web

códigocero - Mér, 01/17/2018 - 12:12

A Biblioteca Municipal do Concello de Porriño vén de dar a coñecer o seu programa de actividades para este ano entrante, e dáse a circunstancia de que se trata dun programa con moito contido TIC: non só porque vén de ser pendurado na web de seu, que tamén, senón porque unha parte importante das accións previstas teñen que ver coas novas tecnoloxías da información e, máis polo miúdo, coas novas formas de achegarnos ao coñecemento e á lectura que imprimen as novas tecnoloxías. O nexo común de todas as accións previstas é o de potenciar o papel da biblioteca como espazo de aprendizaxe, inserción social e, tamén, alfabetización dixital. Este último eido dixital será, de feito, o miolo dun dos obradoiros preparados.
En palabras do Concello e dos responsábeis da biblioteca, a idea é ir alén do que servizo natural dunha biblioteca pública, “reorientando a actividade para adaptarse á evolución da comunidade de usuarios e as necesidades sociais”.
Para este ano, a Biblioteca Municipal do Porriño ofrece obradoiros variados, actuacións musicais, roteiros de patrimonio, clubs de lectura para adultos e menores, cursos de cociña, grupos de conversación en alemán e inglés en varios niveis; cursos de alfabetización dixital para maiores en distintos niveis, obradoiros de fotografía dixital, de escritura creativa, formación de usuarios, charlas, proxección de documentais ou encontros de ciencia.
Ademais, a biblioteca iniciará un programa de visitas escolares durante todo o ano para formar ao alumnado local na utilización dos diferentes servizos e recursos que esta ofrece, como a consulta e manexo da súa páxina web e do catálogo, facilitando ordenadores para uso das alumnas e alumnos nestas visitas reguladas.
Na web www.bibliotecadoporrino.com xa aparece publicada a relación de cursos e obradoiros para este ano, indicando que as inscrición xa está abertas para as que se celebren antes do verán. Todas son de balde, aínda que é precisa a inscrición previa (presencial ou no teléfono 986337624), tendo preferencia as persoas empadroadas no Porriño. Os participantes tamén deberán ser socios/as da Biblioteca Municipal ou da rede de bibliotecas de Galicia.

Categorías: Ciencia

A UDC e Everis crean unha cátedra conxunta para afondar na nosa transformación dixital

códigocero - Mér, 01/17/2018 - 11:21

A Universidade da Coruña e a firma TIC Everis veñen de xuntar forzas a prol da formación tecnolóxica e a investigación. Froito da alianza, rubricada e presentada onte polo reitor da UDC (Julio Abalde) e o socio responsábel de Everis en Galicia (Jesús Lage), crearase a Cátedra de Transformación Dixital adscrita á Facultade de Informática. O seu obxectivo é afondar nos cambios aos que están sometidas as nosas entidades públicas e privadas en relación coas novas tecnoloxías da información, cambios que atinxen á forma (comunicación nas redes, transparencia, eficacia, dispoñibilidade de datos, axilidade no traballo diario) e tamén ao fondo.
Entre as actividades que se están a poñer en marcha ao abeiro da Cátedra está a creación do Premio ao mellor Traballo de Fin de Grao Aplicado, a realización de obradoiros e conferencias e o desenvolvemento de prácticas de alumnado da Facultade de Informática na empresa Everis.
O reitor asegurou que hoxe “é un día importante para a UDC pola formalización deste convenio” que “vén establecer unha liña máis de transferencia de coñecemento da universidade á empresa do que se espera se beneficie o tecido industrial galego”.
Para Jesús Lage, “esta alianza reafirma o compromiso de ambas as dúas entidades co desenvolvemento científico e tecnolóxico de Galicia, favorecendo unha aplicación práctica do coñecemento e impulsando a economía galega baseada nun modelo de crecemento dixital”.
Unha alianza que vén de lonxe
Este convenio, engadiron, consolida a colaboración existente entre a Universidade da Coruña e Everis que comezou no ano 2010 e que culmina coa creación da devandita Cátedra de Transformación Dixital, que ten unha duración de tres anos porrogábeis.
Abalde e Lage avanzaron que outro dos eidos de traballo a explorar está relacionado co novo Grao Ciencia e Enxeñaría de Datos que se implantará na Facultade de Informática no curso 2019/2020. Este título sobre xestión da información a gran escala (Big Data) “amplía o abano de posibilidades de colaboración coa empresa Everis”, explicou o reitor, engadindo que pon novamente de manifesto que o concepto de informático tiña un perfil profesional monolítico pero os novos requirimentos tecnolóxicos precisan a diversificación nas titulacións e o novo grao da UDC de xestión de datos é “estatéxico”, segundo cualificou Lage.

Categorías: Ciencia

Cerca de un agujero negro: ¿la explicación de las explosiones rápidas de radio?

Investigación y Ciencia - Mér, 01/17/2018 - 00:00
A tres mil millones de años luz de nosotros, un objeto cósmico emite repetidamente brotes muy potentes y breves de ondas de radio. ¿Es una estrella de neutrones sumergida en el campo magnético del entorno de un agujero negro?
Categorías: Ciencia

Genes para reparar la médula espinal

Investigación y Ciencia - Mér, 01/17/2018 - 00:00
Describen que los genes responsables de la curación natural de la médula espinal de la lamprea también se hallan en los humanos.
Categorías: Ciencia

A Tecnópole achega soporte ás PEME galegas para as xuntanzas do Mobile World Congress

códigocero - Mar, 01/16/2018 - 13:30

A Tecnópole (Parque Tecnolóxico de Galicia) vén de informar da súa dispoñibilidade para achegar soporte ás PEME da nosa terra interesadas en manter encontros bilaterais con outras empresas ou entidades no marco do evento Mobile World Congress, que se celebra en Barcelona do 26 de febreiro ao 1 de marzo. O obxectivo da Tecnópole é dinamizar a participación galega no evento. E faino na súa condición de membro da rede Galactea Plus, o nodo español da Enterprise Europe Network.
Segundo lembra a Tecnópole, nesta edición do Mobile World Congress (o maior evento do mundo no ámbito das comunicacións móbiles) participarán máis de 2300 empresas e entidades procedentes de 208 países, amosando as últimas innovacións en dispositivos móbiles e contando cun amplo programa de relatorios no que se darán a coñecer os retos e tendencias máis relevantes para o futuro do sector.
No seu papel de co-organizador do Brokerage Event que se celebra entre os días 26 e 28 de febreiro no marco da feira, o Parque Tecnolóxico de Galicia ten acceso á listaxe de participantes e ofrece soporte ás PEME galegas para “xestionar a procura de contactos axeitados, así como para concertar reunións con eles”.
A Tecnópole tamén lembra que durante a pasada edición o evento catalán acolleu cerca de dúas mil reunións bilaterais nas que participaron 429 empresas e entidades de 43 países de todo o mundo, “o que supón un marco de oportunidade moi relevante para encontrar socios tecnolóxicos e comerciais a nivel internacional”.

Categorías: Ciencia

Vitae formaranos nos procedementos máis axeitados para crear os mellores programas

códigocero - Mar, 01/16/2018 - 13:00

A calidade, nun mundo tan competitivo coma o noso, é se cadra o factor máis decisivo á hora de facer que un proxecto tecnolóxico caia do lado do éxito e non do fracaso. Estamos a falar, ademais, dun factor que debe aplicarse e garantirse dende a orixe mesma dos traballos a desenvolver, dende o intre mesmo en que os profesionais do desenvolvemento se poñen diante do computador dando forma aos primeiros bosquexos da súa idea. A pregunta que nos podemos facer é: hai metodoloxías que nos axuden a asegurar os mellores resultados? Segundo nos contan dende a consultora galega Vitae, a resposta é afirmativa. Para botar luz sobre algunha das metodoloxías de meirande eficacia a consultora vén de convocar a quinta edición do seu Curso de Fundamentos en Testing, xa dispoñíbel na web.
A cita desenvolverase ao longo de 16 horas no Hotel Attica 21 da Coruña, os días 19 e 20 de febreiro. O obxectivo é formar aos asistentes en ferramentas de utilidade para garantir que os seus traballos de desenvolvemento de software acaden, precisamente, os máis optimizados acabados. Dito doutro xeito: amosarase como traballar para acadar o mellor traballo. O curso, por certo, achega a opción de Certificación en Fundamentos de Testing polo programa de certificación ISTQB (International Software Testing Qualifications Board), que é o estándar mundial para avaliadores de programas informáticos.
Segundo engade Vitae nun plano máis detallado, os obxectivos desta actividade pasan por proporcionar os procedementos e métodos de meirande relevancia actual para capacitar aos asistentes na xestión, na planificación, no deseño e na execución de probas de software coa meirande eficacia. Deste xeito, engade a consultora, quen asista ao curso gozará da oportunidade de entender os conceptos clave das probas de software, de asegurar un alicerce sólido para o medre profesional na súa área e de comprender as técnicas básicas de validación de programas.
O curso está dirixido a profesionais da actividade de probas, como testers, analistas e enxeñeiros de probas, así como responsábeis de calidade de software. Tamén se encamiña a profesionais que desexen acadar unha visión avanzada e integral dos procesos de avaliación, como xefes de proxectos, analistas de negocio, xerentes, consultores TI e programadores.
A persoa encargada de impartir todos estes contidos será Aurelio Gandarillas Cordero, enxeñeiro en Informática e enxeñeiro técnico industrial en Electrónica, con máis de 25 anos de experiencia no sector das novas tecnoloxías da información e máis dunha ducia de anos como consultor e formador nos eidos do deseño, a implantación e a mellora dos procesos de desenvolvemento e calidade do software.

Categorías: Ciencia

Ferrol achega aos veciños unha ferramenta web para faceren seguimento das obras nos viarios

códigocero - Mar, 01/16/2018 - 12:58

O Concello de Ferrol quere tirar proveito da comunicación dixital coa veciñanza para dar forma a unha cidade mellor xestionada, atendida e máis habitábel. Por este motivo, o Goberno local vén de pór a disposición da cidadanía unha ferramenta web que permitirá incrementar a participación no seguimento de obras en viarios e na resposta dos efectivos ante posíbeis incidencias. A idea, polo tanto, é fomentar e garantir a utilidade da información directa dos veciños. A plataforma xa está dispoñíbel vía web baixo o dominio mantementoferrol.gal.
Estes, de feito, logo de rexistrárense como usuarios, poderán visualizar o mapa das obras, seguir unha actuación ou comunicar unha incidencia á empresa que se ocupa do mantemento. O Concello lembra que a firma Misturas ten a pé de rúa, dende novembro, unha equipa de traballo para actuar nos barrios e máis nas contornas rurais.
O Executivo local lembra que todos os veciños pódense rexistrar como usuarios na ferramenta para coñecer as actuacións a desenvolver e as xa rematadas. Poderán, tamén enviar as súas suxestións e as súas consultas sobre as obras e solicitar reparacións no seu barrio. Desde a empresa adxudicataria do servizo, responderán aos usuarios. No Facebook do Concello de Ferrol explícase polo miúdo como pode a cidadanía proceder para rexistrarse neste recurso web de seguimento e participación.

Categorías: Ciencia

A policía danesa lembra que é delito compartir contidos ilegais a través da Internet

códigocero - Mar, 01/16/2018 - 12:25

Os corpos policiais daneses están a dar realizar unha campaña de concienciación entre a mocidade sobre as consecuencias do que se fai na Rede, ante a percepción de que a actividade en liña como os insultos e as ameazas non teñen a mesma importancia que no mundo físico, aínda que o exemplo que poñen é bastante radical, xa que trátase dun caso no que 1.004 mozos de Dinamarca (con idades de entre 15 e 20 anos) enfróntanse a un grave cargo de distribución de pornografía infantil.
As autoridades danesas están a actuar ante un caso de distribución dun vídeo de contido sexual no que as persoas que figuran na gravación tiñan 15 anos, o que supón un delito tipificado no seu Código Penal como pornografía infantil. Os denunciados non foron conscientes de que reenviar un contido ilegal a través do Messenger de Facebook supón un acto de distribución, pois non hai diferenza entre o que se fai no mundo virtual e o real a vistas da Lei, polo que instan a pensar dúas veces antes de premer o botón de publicar entre as nosas redes sociais.
A Policía asegura que a meirande parte das persoas involucradas compartiron o vídeo un par de veces, pero algún fíxoo centos de veces. A investigación do caso foi bastante complexa, tendo que traballar a policía danesa coa Europol e as autoridades de EE.UU. para desenredar este caso que responde ao nome de Umbrella. As consecuencias serán graves para os denunciados, de xeito que recibirán unha sanción en función de cada caso e, de resultar condenados, non só poderían ter que enfrontar condenas de cadea, senón que tamén poderían entrar a formar parte dunha listaxe de agresores infantís que os vetaría para empregos relacionados con menores e incluso poderían ter problema para entrar en países como EE.UU., de xeito que estamos ante unha broma que pode saír moi cara.

Categorías: Ciencia

A viguesa TokApp abre 2018 mostrando as súas aplicacións en cinco feiras internacionais

códigocero - Mar, 01/16/2018 - 12:06

A empresa galega Tokapp, responsábel da aplicación do mesmo nome (dirixida a facilitar a comunicación no seo das empresas, entidades e asociacións) e de TokApp School (a versión para ámbitos docentes), comeza ano cun completo roteiro de presentacións internacionais. Participará, de arranque, en cinco feiras referenciais de diferentes sectores. O obxectivo da firma de Vigo non é outro que ampliar ao máximo a marxe de presenza das súas aplicacións de mensaxes instantáneas, e facelo en todo tipo de ámbitos produtivos onde haxa demanda de melloras para as comunicacións internas e externas. Entre os eventos nos que vai participar atópase a Feira Internacional de Turismo, que se celebra en Madrid entre o 17 e o 21 de xaneiro e reúne a máis de 130.000 profesionais.
Nesta cita madrileña farase fincapé no potencial de TokApp para ceibar aos usuarios das repetidas problemáticas de uso do WhatsApp. Segundo apunta a empresa galega respecto da devandita feira, case un milleiro de concellos pecharon xuntanzas cos responsábeis de TokApp para acadar “comunicacións oficiais, seguras e que cumpran coa legalidade”.
Outra das citas ás que asistirá a compañía de Vigo é Bett Show 2018, feira de corte internacional que pasa por ser unha das máis importantes do mundo educativo, xuntando a máis de 34.000 asistentes e 850 firmas. Entre o 25 e o 27 de xaneiro TokApp viaxará a Londres para asistir a esta xuntanza onde, en colaboración co ICEX España, participará presentando a aplicación de mensaxes TokApp School e máis as súas iniciativas sociais contra o bullying e o ciberacoso.
Amais, TokApp realizará a comezos de febreiro unha viaxe a Israel co apoio da Cámara de Comercio da Coruña, a Xunta de Galicia e o IGAPE, para participar en OurCrowd Global Investor, unha das máis importantes reunións de investidores e novas firmas innovadoras. En Israel, TokApp tentará establecer sinerxías con outras start-ups e realizar contactos de face a continuar co seu espallamento internacional.
O 7 e o 9 de marzo TokApp estará a participar en Edugal, a feira educativa organizada polo Concello de Pontevedra e a Universidade de Vigo, onde informará das novidades de TokApp School. Para rematar este primeiro trimestre TokApp concorrerá na Misión Comercial a Centroamérica, buscando reforzar a súa posición nesta contorna.

Categorías: Ciencia

O proxecto MultiGenera da USC, premiado pola Fundación BBVA

códigocero - Mar, 01/16/2018 - 09:40
De esquerda a dereita, Carlos Valcárcel, María José Domínguez, María Teresa Sanmarco e Isaac González. Foto: Fundación BBVA

A Fundación BBVA vén de distinguir un proxecto da Universidade de Santiago ao abeiro do seu certame de axudas a prol da investigación científica en Humanidades Dixitais. O proxecto galego, seleccionado entre 143 achegas e premiado xunto con outras catro propostas doutras universidades, é Xeración multilingüe de estruturas argumentais do substantivo e automatización de extracción de datos sintáctico-semánticos (MultiGenera). Segundo informa a USC, a convocatoria da Fundación BBVA premia as contribución a un uso innovador das tecnoloxías da información e de técnicas estatísticas avanzadas para o tratamento de obxectos propios das Humanidades. Os outros catro proxectos financiados por esta convocatoria desenvolveranse nas universidades de Girona, Lleira, Autónoma de Barcelona e Politécnica de Valencia.
O equipo de investigación galego está integrado por trece especialistas que coordina María José Domínguez Vázquez, xunto a quen tamén participa Teresa Sanmarco Bande, Mónica Mirazo Balsa e Laura Pino Serrano da Universidade de Santiago de Compostela. O resto do equipo confórmano: Rosa Martín Gascueña (Universidade Complutense de Madrid); David Lindemann (Universität Hildesheim); Natalia Catalá Torres (Universidade Rovira i Virgili); Carlos Valcárcel Riveiro (Universidade de Vigo); Isaac González López (CIFP Politécnico); Alberto Bustos Plaza (Universidade de Extremadura); José Antonio Calañas Continente (Universitat de València); Carolin Müller-Spitzer e Sascha Wolfer (Institut für Deutsche Sprache).
MultiGenera ten como principal obxectivo o deseño dun prototipo de aplicación lingüística didáctica que xere de maneira automática estruturas nominais con información semántica. A través dunha metodoloxía de fornece ás estruturas nominais de significado, a idea é facer que “a busca en bases de datos léxicas de diferentes idiomas se faga con maior rapidez e eficacia, de xeito que poderá ser un reforzo fundamental para a investigación en lingüística”, engade o equipo responsábel do proxecto, explicando tamén que as estruturas incorrectas que se poidan xerar permitirán mellorar as regras polas que funcionan os tradutores automáticos, “dotándoos así de maior rigor, precisión e similitude coa linguaxe natural (NLP)”.
O obxectivo é que MultiGenera achegue unha manchea de exemplos útiles en eidos como a docencia, a gramática contrastiva, os novos dicionarios (mesmo actualización dos antigos) ou a tradución automática.

Categorías: Ciencia

Cómo la dieta afecta al sistema inmunitario

Investigación y Ciencia - Mar, 01/16/2018 - 00:00
La respuesta de las células inmunitarias es más agresiva cuando se consumen alimentos ricos en grasas y azúcares. El efecto se observa incluso después de adoptar hábitos alimentarios más saludables.
Categorías: Ciencia

Páxinas

Subscribirse a IGACIENCIA agregador - Ciencia