Ciencia

Statues that perpetuate lies should not stand

Nature - Lun, 09/18/2017 - 15:43

Monuments to the ‘father of gynaecology’ cannot be defended as historical documents because they hide grave injustices, says Harriet A. Washington.

Nature 549 309 doi: 10.1038/549309a

Categorías: Ciencia

O recoñecemento facial en móbiles podería popularizarse en 2018

códigocero - Lun, 09/18/2017 - 14:35

Unha das novidades máis polémicas do iPhone X é a supresión do Touch ID para substituílo polo Face ID, ou sexa, que ao integrar recoñecemento facial desbótase o recoñecemento de pegada dixital, o que levantou moitas dúbidas sobre a seguridade e comodidade de tal medida, pero parece que o seu impacto no sector vai ser moito máis fondo do que poderiamos pensar, e que en poucos meses comezaremos a ver numerosos smartphones que fagan o mesmo.
Deste xeito, ao igual que o recoñecemento de pegadas dixitais non se fixo popular até a súa incorporación por parte de Apple (pese a que había móbiles que tiñan tal funcionalidade antes do lanzamento do primeiro iPhone), o recoñecemento facial baseado en medidas volumétricas do rostro vai camiño de converterse nalgo normal en móbiles (de feito, xa o é en ordenadores portátiles modernos, pois un dos sistemas de identificación de Windows Hello funciona de tal xeito) xa que Qualcomm Technologies está a traballar con Himax Technologies para acelerar o deenvolvemento e a comercialización dun sistema de cámara de alta resolución e baixo consumo capaz de recoller a profundidade en 3D para que, mediante visión artificial poder empregar estes datos como identificación biométrica, así como para outros usos como reconstrucións 3D ou percepción de escenas, o que tamén podería ter aplicacións en sistemas de vixilancia, no mundo do motor ou incluso para conseguir unha realidade aumentada precisa.
A combinación da tecnoloxía Qualcomm Spectra cos sistemas ópticos de Himax conseguirían facer realidade unha solución 3D SLiM (módulo de luz estruturada) que permitise captar a profundidade en tempo real, tanto en interiores como en exteriores, sen ter un grande impacto na autonomía dos smartphones, confiando en que esta tecnoloxía chegue ao mercado no primeiro trimestre de 2018.
Non sería de sorprender que o vindeiro smartphone insignia de Xiaomi fose o que estrease esta tecnoloxía, pero en vista de que estamos ante unha solución desenvolvida por Qualcomm, practicamente estaría aberta a todos os fabricantes (a través, posiblemente, do futuro procesador Snapdragon 845), de xeito que o recoñecemento facial en móbiles podería converterse na tendencia de 2018 de conseguir gañarse o favor do público (que este momento desconfía do feito de que a súa cara poida estar a ser recoñecida constantemente por dispositivos electrónicos).

Categorías: Ciencia

Ábrese a inscrición para a vindeira edición de Coruña Bloggers

códigocero - Lun, 09/18/2017 - 14:05

O encontro Coruña Bloggers despediuse antes do verán coa celebración do seu primeiro aniversario, saldando as súas primeiras 10 edicións cun total de 1.751 quilogramos de alimentos recollidos para a Cociña Económica, e agora anuncian o inicio dunha nova tempada na que pretenden superar as 2 toneladas de alimentos recollidos neste evento solidario aberto a calquera interesado no mundo tecnolóxico, non sendo unha actividade exclusiva para blogueiros, e pregándose aos asistentes a inscribirse previamente e acudir cun mínimo de 1 quilo de alimentos non perecedoiros a xeito de contribución para os máis desfavorecidos da cidade herculina.
A XI edición de Coruña Bloggers terá lugar o vindeiro 27 de setembro ás 19:30 horas na Fundación Barrié da Coruña, sendo desta volta os relatores que compartirán os seus coñecementos cos asistentes Óscar Domínguez, fundador de DesarrolloSEO, e Javier Varela, community manager experto en posicionamento en redes sociais.
Domínguez impartirá unha charla titulada A Importancia do SEO, na que explicará a importancia para empresarios, blogueiros... de estar ben posicionados, ter presenza en buscadores, unha imaxe destacada e facer visible os negocios a ollos dos usuarios da Internet; mentres que Varela, comentará as mentiras na Rede nos momentos nos que se produce unha emerxencia, polo que dará consellos para facer un bo uso das redes sociais durante unha emerxencia como os recentes atentados de Barcelona.

Categorías: Ciencia

Richard Stallman, un dos pratos fortes da Galicia Maker Faire

códigocero - Lun, 09/18/2017 - 13:47

O monte Gaiás de Santiago, emprazamento da Cidade da Cultura de Galicia, será no mes de novembro o gran referente do movemento argalleiro e auto-desenvolvedor. Ou sexa, do colectivo Maker, ou, o que o é o mesmo: a gran fronte internacional de xente que se xunta para botaren abaixo os límites da creación tecnolóxica de cada quen, individuais, colectivos, reais ou imaxinarios. Esta gran fronte, que ten cada vez máis adeptos e seareiros na nosa terra, ten unha cita a marcar no calendario os días 24, 25 e 26 de novembro, a Galicia Maker Faire de Santiago. Como era de agardar, tratándose como se trata o movemento Maker dunha gran casa integradora, con portas e xanelas abertas, todas e todos estamos convidados. Entre os puntos fortes do programa figura un que vimos de coñecer: a presenza na quedada de Richard Stallman, o creador do movemento do software libre a nivel mundial.
Stallman, que ofrecerá unha charla no evento, é unha das figuras máis sobranceiras do movemento do software libre a nivel mundial, coñecido por ter creado en 1984 o sistema operativo GNU, actualmente GNU/LINUX, a primeira alternativa aos principais sistemas de software privativo: Windows e MacOs. Entre os seus principais cometidos cómpre salientar o de acadar, a través da súa fundación Free Software Foundation, unha meirande concienciación entre os gobernos para que empreguen programas abertos tanto a nivel de xestión e uso cotián como nas escolas públicas.
Segundo informa a organización, amais da charla de Richard Stallman, o programa achegará unha manchea de actividades de divulgación e lecer orientadas a tódolos públicos e disciplinas: obradoiros de innovación e creatividade, campionatos de drones, robótica, actuacións interactivas e moito máis.
A día de hoxe fica aberta a convocatoria para todo aquel que queira participar nesta vindeira edición, tanto na categoría de Maker como de Minimaker (proxectos infantís). O prazo de inscrición remata o 15 de outubro.
O evento vén da man de Enrique Saavedra e Matilde Rodríguez, do Concello de Santiago (Concellería de Igualdade, Desenvolvemento Económico e Turismo) e da Fundación Cidade da Cultura de Galicia.
Na presentación da feira, celebrada o pasado mes de maio, fíxose saber que durante as edicións de 2015 e 2016 acudiron máis de 24.000 asistentes e máis de 300 makers dando conta dos seus enxeños, converténdose “en punto de encontro dos mellores creadores da Comunidade e axudando a potenciar unha Galicia máis innovadora e colaborativa”, explicouse.
Nesta nova edición, ademais, puxéronse en xogo unha serie de novidades. Por exemplo o cambio de emprazamento, que pasa a ser a Cidade da Cultura, con todo o que de visibilidade e amplitude implica o troco de localización. Ademais, a feira terá un día máis de actividade, o venres 24 de novembro, que se reservará para o sector profesional, “favorecendo que os expositores poidan dirixir dun xeito máis óptimo a súa oferta de produtos e servizos, diversificándose en función do diferente público obxectivo”. A fin de semana do 25 e 26 manterase para o público xeral.
A cousa Maker
O movemento Maker é a cultura de “fágao vostede mesmo”, “Do it Yourself” en inglés. O termo Maker é unha palabra acuñada por Dale Dougherty, fundador en 2005 da revista Make, que lle dá nome ó que se levaba facendo dende anos antes nos hackerspaces e fablabs: milleiros de artistas, enxeñeiros, programadores, autodidactas e seareiros dos programas libres de todo o mundo compartindo ideas, experiencias e proxectos, creando unha nova cultura baseada na colaboración e libre acceso á tecnoloxía.

Categorías: Ciencia

A ciberseguridade e intelixencia artificial, eixes temáticos da VII Xornada de Informática Xudicial

códigocero - Lun, 09/18/2017 - 13:04

O Colexio Profesional de Enxeñaría Técnica en Informática (CPETIG) está a ultimar os detalles da sétima edición dun dos nosos eventos tecnolóxicos máis referenciais e dos que máis ramificacións abrollan (non só tecnolóxicas, senón tamén sociais, económicas, policiais e, por suposto, xudiciais). Estamos a falar da Xornada de Informática Xudicial, que se celebra o 4 de outubro na Cidade da Cultura en colaboración coa Axencia para a Modernización Tecnolóxica de Galicia (AMTEGA). Os fíos condutores desta nova entrega serán non só os relacionados coa ciberseguridade, senón tamén os da intelixencia artificial, un ámbito que mostra gran interese por ser, en boa medida, o seguinte chanzo tecnolóxico que nos agarda na escaleira da evolución TIC.

Ofelia Tejerina participará na xornada convodada polo CPETIG

A edición deste ano, convocada baixo o título Ciberseguridade, privacidade e intelixencia artificial, adopta o nome propio de #IURISTICGAL17. Baixo este epígrafe e este nome, a organización busca ante todo “singularizar o evento”, unha cita “moi consolidada” a nivel galego e estatal e que serve de punto de referencia para a reflexión e o debate acerca dos rumbos que debera seguira loita contra o cibercrime.
Segundo nos conta o CPETIG, a xornada reunirá un salientábel panel de relatoras/es expertas/os do ámbito da avogacía, a enxeñaría informática, a maxistratura e as forzas de seguridade do Estado, que “darán unha visión integral da ciberseguridade e da revolución que supón a intelixencia artificial na aplicación da lei”.

Manuel Guerra, relator da xornada

Nun plano máis detallado, farase fincapé en cuestións innovadoras como a condución autónoma ou as fábricas plenamente automatizadas, e en como estes escenarios están a ser percibidos pola sociedade dun xeito ambivalente, á vez como oportunidade e como ameaza, “especialmente pola inevitábel destrución de postos de traballo que serán copados progresivamente por robots intelixentes”. En palabras da organización da xornada, esta “complexa realidade abre numerosas esixencias no eido do dereito, de xeito que os profesionais da xustiza están obrigados a coñecer, interpretar e aplicar estas tecnoloxías para dar unha resposta acorde aos crecentes requirimentos”.
Nun plano máis concreto e meténdonos xa no programa, sinalar que a intelixencia artificial na interpretación e na aplicación da lei, mediante un xuíz robot, será o tema de apertura da VII Xornada de Informática Xudicial, cun relatorio ofrecido por Alejandro Sánchez del Campo Redonet, regulatory counsel en Telefónica Digital.

Alejandro Sánchez

Despois, Ofelia Tejerina, avogada da Asociación de Internautas e membro do Grupo de Traballo sobre Dereitos Dixitais da Secretaría de Estado para a Sociedade da Información e a Axenda Dixital, exporá un relatorio sobre privacidade e dereitos fundamentais.
A ciberseguridade e a peritaxe informática centrarán o terceiro dos relatorios, ofrecido por Pilar Vila, perita informática en Forensic &Security, seguido dunha mesa redonda sobre Privacidade e xustiza ante un mundo plenamente dixital, moderada por Víctor Salgado, avogado TIC e director técnico da xornada.

O xuíz Eloy Velasco falará novamente no evento de Compostela

A sesión de tarde comezará coa exposición de Juan Antonio Frago, fiscal do Grupo de Delitos Económicos en A Coruña, titulada e-Xustiza, mito ou realidade?, para dar paso despois a Manuel Guerra, analista forense na Sección Técnica da Unidade Central de Investigación Tecnolóxica, UIT, da Policía Nacional, que exporá o relatorio titulado A ciberdelincuencia desde o outro punto de vista.

Pilar Vila, relatora da xornada


Como punto e final, #IURISTICGAL17 rematará cunha mesa redonda sobre Efectividade na persecución dixital de delitos e a súa validez probatoria na que actuará como relator e moderador Eloy Velasco, maxistrado da Sala de Apelación da Audiencia Nacional.
Inscrición anticipada ata o 24 de setembro
Segundo sinala o CPETIG, fara favorecer a asistencia a #IURISTICGAl17 nunhas “condicións vantaxosas”, estabñeceuse un prazo de inscrición anticipada até o vindeiro 24 de setembro, tanto para público xeral como para entidades colaboradoras e persoas asistentes a anteriores edicións. Para máis información e inscricións cómpre visitar a web da xornada iuristicgal.cpetig.org

Categorías: Ciencia

A Xunta acada melloras por 7 millóns de euros no contrato do servizo de telecomunicacións

códigocero - Lun, 09/18/2017 - 12:17

A Axencia para a Modernización Tecnolóxica de Galicia (AMTEGA) vén de informar da prolongación do contrato dos servizos de telecomunicacións fornecidos pola operadora galega R (Grupo Euskaltel) e por Vodafone. Segundo informa a axencia que dirixe Mar Pereira, a devandita prórroga de contrato abrangue dous anos, a partir de marzo de 2018. A longo deste tempo, as compañías adxudicatarias investirán ata 7 millóns de euros en diversas optimizacións nos servizos de Internet, telefonía fixa e móbil de centros públicos dependentes da Administración autonómica.
Segundo informa AMTEGA, entre as melloras comprometidas por R (operador adxudicatario dos servizos de telefonía fixa e de Internet) figura a instalación de conexión de fibra óptica en 20 escolas infantís. Ademais, engade a axencia, migrará máis de 40 centros conectados “a unha tecnoloxía máis moderna, que permite acadar velocidades moi superiores ás actuais”.
Por outra, ao abeiro destas previsións fortalecerase a conexión de fibra do Centro de Proceso de Datos Integral (CPDI) co Centro de Proceso de Datos (CPD) de respaldo, o que mellorará, en palabras da axencia, “a redundancia para garantir a continuidade dos servizos ante posíbeis incidencias no CPD”. Ademais, realizarase a migración do CPD do CIXTEC CPDI da Cidade da Cultura “sen custe adicional para Administración”. Asemade, minimizarase nun 15% o custe de altas de liñas e actualizarase o software das centraliñas de telefonía fixa da rede corporativa.
Polo que se refire á telefonía móbil, entre os compromisos da adxudicataria do servizo, a operadora Vodafone, atópase a mellora da conexión a Internet en até 240 sedes de diferentes servizos públicos, grazas á instalación de liñas de datos 4G. Outra das optimizacións previstas é que a Administración autonómica disporá dun bono anual de 200.000 SMS masivas de balde unha vez consumidos as 420.000 mensaxes de texto anuais.
AMTEGA tamén lembra que o vixente contrato de telecomunicacións da Xunta entrou en vigor en 2015. Dende aquela, explica a axencia, foi quen de acadar un aforro de 12 millóns de euros respecto do contrato anterior e “un investimento adicional por parte dos operadores de 12 millóns de euros”. Entre as melloras contempladas está multiplicar por tres a media do largo de banda de máis de máis de 2.300 centros de servizos públicos e a ampliación a 10 GB da capacidade do acceso a Internet da rede corporativa.

Categorías: Ciencia

O 2 de decembro o TEDxGalicia dirá adeus en Compostela

códigocero - Lun, 09/18/2017 - 11:53

A pasada fin de semana, e de xeito excepcional, unha das grandes citas anuais na nosa comunidade autónoma, o TEDxGalicia, anticipouse á súa venda de billetes ordinaria e durante o sábado e o domingo fixo abriu o seu despacho de billetes virtual para que os máis fieis seareiros do encontro puidesen asegurar a súa asistencia, á vez que tamén sortearon un par de entradas dobres entre a audiencia do programa Lambóns Dixitais da Radio Galega. Rematada esta acción, confírmase agora que será o 1 de outubro o día no que se abrirá oficialmente a venda de billetes para a derradeira edición de TEDxGalicia, que desenvolverase o 2 de decembro na Cidade da Cultura de Galicia.
Si, este encontro que naceu a finais de 2010 no Centro Galego de Arte Contemporánea, e pasou por varias localidades galegas (Ourense, Pontevedra e Carballo), dirá adeus finalmente en Compostela, pechando así unha traxectoria de grande éxito de convocatoria no que a Tecnoloxía, o Entretemento e o Deseño (palabras que compoñen a marca TED) serviron de desculpa para dar a coñecer proxectos e iniciativas e fomentar a reflexión sobre diferentes problemáticas, á vez que moitos atoparon a motivación para emprender.
Aínda que falamos dun evento que se desenvolve durante unha xornada nun enclave físico, estes encontros son só unha ferramenta que serve para a gravación dos relatorios que compoñen cada edición, xa que o auténtico obxectivo dos eventos TED é a divulgación das mensaxes rexistradas de xeito audiovisual a través de plataformas en liña como YouTube, favorecendo así a difusión das mensaxes e a creación de coñecemento.
Polo momento non se coñece o cadro de relatores da vindeira edición de TEDxGalicia, pero iso non impide que os asistentes habituais xa se lanzasen a adquirir os seus billetes para poder acudir ao que consideran unha cita anual imprescindible, que serviu tamén para fomentar un formato de evento que proliferou na nosa comunidade, de xeito que agora é máis doado atopar foros dende os que lanzar mensaxes sobre temas tan variados como a lingua galega ou o emprendemento rural.

Categorías: Ciencia

A Fundación TIC esgota as 877 prazas dos seus novos cursos para maiores

códigocero - Lun, 09/18/2017 - 09:55

A Fundación TIC, dependente da Deputación de Lugo, vén de informar do seguimento que está a despregar a cidadanía arredor dos cursos (64 cursos e obradoiros de balde, 21 accións máis ca na anterior tempada) que achega a entidade para este terceiro trimestre de 2017. Segundo informou a fundación, xa se esgotaron as 877 prazas ofertadas a través de InLugo, ao abeiro da programación para a recta final de 2017. Esta mesma semana, como fixemos saber dende Código Cero, presentouse o programa de actividades de novas tecnoloxías destinadas aos lucenses de máis de 55 anos, nas que se inscribiron 1.788 persoas. Os cursos xa arrancaron este mércores, participando nos mesmos 41 persoas durante a primeira semana.
Segundo informa a Deputación de Lugo, os obradoiros que se imparten son de diversa duración. Así, 37 serán de dous ou tres días, mentres que os outros 27 terán unha duración dun día. Estes últimos, que se impartirán os luns pola mañá e pola tarde e os venres pola mañá, están especialmente dedicados ao reforzamento de coñecementos tecnolóxico-dixitais, e precisarán de inscrición previa para cabida a todos os demandantes e poder distribuímos nos correspondentes días.
Como novidade este ano, a Deputación de Lugo salientou que o medre na programación dos cursos con máis demanda, os do uso do móbil e de Internet. Pasarase de dúas a tres edicións, tanto do primeiro nivel como do segundo. Ademais hai obradoiros destinados á mellora da memoria e das habilidades cognitivas e psicomotrices, como os de Xbox ou Wii, que fomentan este tipo de exercicios mentais. Tamén haberá 8 obradoiros de memoria. Por outra banda, dentro da programación os maiores da provincia poderán elixir entre talleres de redes sociais, correo electrónico ou uso de Whatsapp, entre outros.

Categorías: Ciencia

Calor topológico

Investigación y Ciencia - Lun, 09/18/2017 - 00:00
Un trabajo analiza por primera vez el comportamiento de los aislantes topológicos en presencia de focos térmicos. Sorprendentemente, la aparición de un flujo de calor no parece arruinar la robustez de estos materiales.
Categorías: Ciencia

Una misteriosa sacudida detectada tras la prueba nuclear norcoreana desconcierta a los sismólogos

Investigación y Ciencia - Dom, 09/17/2017 - 00:00
Una segunda liberación de energía sísmica, observada solo unos minutos después de la detonación del 3 de septiembre, sigue confundiendo a los investigadores.
Categorías: Ciencia

Josué Monchán dará na SGAE de Santiago unha clase maxistral sobre guións de videoxogos

códigocero - Ven, 09/15/2017 - 23:05

A sede de Fundación SGAE en Santiago de Compostela vai acoller o vindeiro 29 de setembro, a partir das 16.30 horas, unha sesión divulgativa para introducirnos no miolo da construción dun videoxogo. Máis polo miúdo, no alicerce que sostén o edificio dunha aventura dixital: o seu argumento. A clase maxistral Guión de videoxogos virá da man do especialista Josué Monchán. A actividade vén da Asociación Sindical Galega de Guionistas (AGAG) co apoio da Fundación SGAE, que, por certo, está na actualidade celebrando o seu 20 aniversario.
Na cita do 29 de setembro, Monchán dará conta da súa experiencia de máis dunha década traballando como escritor e deseñador narrativo, amais de familiarizar aos participantes coas metodoloxías a seguir para dar forma ao contido dunha aventura dixital. Segundo informa a SGAE, a tarifa básica da sesión será de 20 horas, pero os socios da entidade terán acceso de balde á xornada, así como os afiliados a AGAG, FAGA ou CREA. Para recibir máis información pódese enviar un correo electrónico a pblanco@fundacionsgae.org.
O relator
Segundo nos conta a SGAE, Josué Monchán é un dos guionistas de videoxogos máis recoñecidos dos panoramas estatal e internacional, remontándose a 2005 a súa experiencia neste ámbito creativo. Desenvolvendo o seu labor para Péndulo Studio, foi candidato ao premio Excellency in Storytelling dos IMGA Awards en dúas ocasións, e ao Best Narrative no Game Connection Europe. Recibiu o galardón á Mellor Narrativa polo xogo Blues and Bullets na Game Connection de San Francisco. Tamén traballa como tradutor de videoxogos (Paper Please, Shovel Knight, Deponica...) e como profesor na Universidade Complutense de Madrid, a UFB e a UNAV.

Categorías: Ciencia

Vodafone ofrecerá conexións de fibra a 1 Gbps

códigocero - Ven, 09/15/2017 - 22:00

A carreira pola banda larga leva uns anos co pé no acelerador, e unha vez comezada a competencia na fibra óptica puidemos gozar da simetría a velocidades superiores aos 100 Mbps, e agora Vodafone sube o listón que parecía fixado nos 300-500 Mbps e anuncia que a partires do 25 de setembro ofrecerá a máis de 4 millóns de unidades inmobiliarias conexións de fibra con velocidades de descarga de até 1 Gbps, que irá espallando progresivamente ao resto da súa rede, converténdose no primeiro operador en facer tal para o mercado doméstico español.
Con esta medida Vodafone quere atender á crecente demanda de largo de banda por mor dos contidos de vídeo en ultra alta definición, o xogo en liña e moitos outros servizos baseados na Internet.
As novas conexións a 1 Gbps para fogares e empresas terán un prezo de 65 euros/mes con só fibra (oferta que estrearase o 11 de outubro) ou dende 82 euros/mes con Vodafone One, o que tamén inclúe Vodafone TV, acceso a HBO, Netflix e a todos os contidos de fútbol e motor, roaming en EE.UU e Europa, chamadas ilimitadas dende o fixo e un código para poder gozar de PlayStation Plus de balde durante 1 ano.

Categorías: Ciencia

O Machine Learning Workshop centrarase en levar tecnoloxías intelixentes á nosa industria

códigocero - Ven, 09/15/2017 - 16:49

Esta tempada verán-outono está a ser, sen dúbida, unha tempada sobre intelixencia artificial. Se hai uns días falamos da décima edición do Congreso Internacional INLG (organizada polo CiTIUS en Compostela co obxectivo de mostrar os principais achados actuais no relativo á capacidade de facer intelixíbel a gran cantidade de datos numéricos e científicos que manexan), agora é a quenda de irnos preparando para o que será outro dos grandes eventos tecnolóxicos da tempada, a nova edición do Machine Learning Workshop Galicia, un encontro dirixido a avaliar o estado de saúde (o nivel de desenvolvemento presente e futuro) das máquinas “pensantes”, co fin de estudar a súa aplicabilidade en múltiples ámbitos produtivos.
O workshop, previsto para o 19 de outubro, virá novamente da man do CiTIUS. Segundo nos conta o centro da USC, a comunidade investigadora ten até o día 25 deste mes para enviar propostas e traballos. O MLWG parte dos mellores precedentes: o ano pasado acolleu dúas ducias de relatorios e máis de 100 participantes.
Os temas a tratar serán moitos e variados (aprendizaxe de máquinas, Deep Learning, información a gran escala ou Big Data) pero xirarán todos eles arredor do estado de cousas da tecnoloxía intelixente, ou sexa, tecnoloxías con capacidade de avaliar grandes cantidades de información e tomar as mellores decisións ao respecto en base a algoritmos avanzados. Do que se trata en boa medida, segundo nos conta o CiTIUS, é de visualizar no mercado o que até agora ficaba en parte invisíbel, pechado nos espazos de investigación dos diferentes grupos de traballo pero cun amplo potencial a nivel social, científico e empresarial.
Segundo nos conta o CiTIUS nun plano máis concreto, nesta edición “daráselles prioridade aos traballos que mostren a aplicabilidade dos algoritmos Machine Learning a casos de uso reais co fin de visualizar perante a industria o potencial destas tecnoloxías”. Tamén se valorarán os traballos que, aínda sen contar con algún caso de uso de transferencia real por atoparse nunha fase inicial de desenvolvemento, conten cun potencial importante de aplicabilidade no tecido socioeconómico ou industrial.
Apoios e obxectivos ao detalle
O evento contará co apoio do CESGA (Centro de Supercomputación de Galicia), o CITIC (Centro de Investigación TIC da UDC) e AtlantTIC (Universidade de Vigo). Diríxese como dixemos a avaliar e mostrar a ampla gama de recursos e aplicacións que poñen en xogo as tecnoloxías ML. Recursos e aplicacións xa coñecidos (e outros por coñecer) como sistemas de procura, análise de textos, análises de redes sociais, recoñecemento de obxectos e caras, procesado do ADN, recoñecemento da fala, analítica de datos médicos, mellora e optimización dos sistemas de produción na industria, aplicacións de analítica para a intelixencia de negocio, e “un larguísimo etcétera”, en palabras da organización, que quere achegar unha visión total e certeira das potencialidades de todos estes recursos e das materias pendentes nos mesmos e nos que están aínda por vir. Segundo engaden os impulsores da xornada de traballo, “malia todos os beneficios achegados polo ML á sociedade e á industria, o seu potencial máximo está aínda por explotar, polo que existe un futuro cheo de novos retos e oportunidades”.
Comité científico:
Ricardo Cao (CITIC-UDC, ITMATI)
Milagros Fernández Gavilanes (AtlantTIC - UVIGO)
David Mera Pérez (CiTIUS-USC)
Andrés Gómez Tato (CESGA)
Félix Díaz Hermida (CiTIUS-USC)

Categorías: Ciencia

Érguete organiza na Guarda un obradoiro TIC para mocidade desempregada

códigocero - Ven, 09/15/2017 - 16:00

A Asociación Érguete Baixo Miño vén de convocar un obradoiro para introducir á veciñanza no uso emprendedor das ferramentas dixitais: para adestrarse e impulsar proxectos de mercado e, tamén, para mellorar os seus currículos e incrementar as posibilidades de inserción laboral. O curso para Emprender a través das Novas Tecnoloxías, que conta coa colaboración da Concellería de Política Social (Dirección Xeral de Xuventude, Participación e Voluntariado), diríxese a “crear un espazo de comunicación para a mocidade sobre as potencialidades de uso das novas tecnoloxías ao mesmo tempo que se fomenta a idea de empregabilidade a través da Rede”.
Esta actividade está dirixida a mozos e mozas desempregados/as, facendo fincapé naqueles/as que teñan entre 16 a 35 anos. O horario é de 16:00 a 21:00 h. os luns, mércores e venres. Os obradoiros comezarán o 25 de setembro para rematar o 13 de outubro, cubrindo un total de 50 horas e achegando, ao seu término, un certificado de participación. O obradoiro é de balde e celébrase na Aula de Informática de San Benito (Praza San Benito, 2-3 -36780 de A Guarda). Os bloques temáticos do curso artéllanse nos seguintes temas: mercadotecnia dixital (que, como, cando e onde) e redes sociais (uso da Rede, taller de aplicacións, etc).

Categorías: Ciencia

Os Orzamentos Participativos da Coruña xa rexistraron máis de 4.000 votos dixitais

códigocero - Ven, 09/15/2017 - 13:49

A Concellería de Participación e Innovación Democrática do Concello da Coruña vén de dar a coñecer os primeiros datos da concorrencia cidadá na última fase do proceso de Orzamentos Participativos, unha iniciativa do Goberno local para tirar proveito das tecnoloxías da información (como praza pública, como canles de interacción, como recursos para que cada veciña e veciño poña o seu gran de area de acción pública) e impulsar a colaboración coa xente en materia de decisións e xestión. Segundo fixo saber a concelleira Claudia Delso, dende o día 8 deste mes (data de inicio da fase de votación) e até onte pola mañá, máis de 700 cidadáns emitiron máis de 4.000 votos dirixidos ás súas propostas de cidade e distrito preferidas á través da plataforma dixital www.aportaaberta.coruna.es.
Segundo lembrou, aquelas que reciban máis apoios incorporaranse á proposta inicial de Presupostos da Coruña de cara ao ano que vén. A veciñanza ten até o 24 de setembro para participar.
Delso tamén recordou que, co obxectivo de promover e facilitar a participación, o Goberno local habilitou nesta última fase dos Orzamentos Participativos dous novos puntos de información e dinamización: o sábado 16 no Obelisco e o sábado 23 na Praza de Pontevedra, en horario de 16:00 a 21:00. Nestes espazos a cidadanía atopará información detallada do proceso, amais de poder consultar as propostas candidatas e votar a través de dispositivos móbiles. Estes puntos contarán ademais con áreas de xogo e lecer para facilitar a conciliación. Precisamente este sábado 16, o alcalde da Coruña, Xulio Ferreiro, e a edil de Participación, Claudia Delso, coñecerán de primeira man estes novos espazos informativos.
A concelleira sinalou igualmente que do mesmo xeito que nas fases anteriores do proceso, o Concello puxo tamén a disposición das persoas interesadas en participar espazos de apoio en todas as bibliotecas e centros cívicos municipais, no Centro Municipal de Información Xuvenil (CMIX) e na Federación de Asociacións Veciñais da Coruña e Área Metropolitana, así como información detallada no teléfono de balde 010.

Categorías: Ciencia

O Concello de Ponteareas colabora coa Escola de Música de Xinzo no seu proceso de informatización

códigocero - Ven, 09/15/2017 - 13:45

A Escola de Música de Xinzo (Ponteareas) vai contar co apoio Concellería de Novas Tecnoloxías para impulsar o seu proceso de dixitalización. Así o deron a coñecer os responsábeis da escola o pasado 12 de setembro, tras unha xuntanza co concelleiro Benito Márquez. Na reunión, na que participou (entre outros) o presidente do centro de formación musical, Francisco Represas, acordáronse cousas concretas como dotar á escola cun equipo informático acorde ás necesidades da entidade.
Este equipamento, que virá da man da devandita Concellería, forma parte do que en palabras dos responsábeis da escola constitúe “un profundo profeso de modernización co obxectivo de aumentar a calidade docente e organizativa”. Un dos eixos de mellora é un eixo TIC e abranguerá a informatización de todos os procesos administrativos e contábeis da entidade.
Segundo explicaron, neste curso 2017/2018 a Escola de Música de Xinzo conta con máis de 100 alumnos e alumnas e un cadro de 10 profesores achegando un amplo abano formativo de especialidades musicais. Este importante número de estudantes e de mestres, unido a un proceso de descentralización da escola cara a diferentes emprazamentos (por exemplo as parroquias de Prado, Moreira ou Arcos, todas elas de Ponteareas), fan que sexa preciso abordar na xestión unha serie de procesos renovadores. De aí o apoio do Concello.

Categorías: Ciencia

A Noite Galega das Telecomunicacións 2017 estará presidida por Alberto Núñez Feijóo

códigocero - Ven, 09/15/2017 - 13:06

Xa vai quedando menos para a nova edición, a 22, da Noite Galega das Telecomunicacións e da Sociedade da Información, que este ano xirará arredor da necesidade de adestrarnos e capacitarnos para a que está sendo (e será) unha das grandes ameazas tecnolóxicas do noso tempo: a ciberdelincuencia. Máis polo miúdo, a Noite celebrarase o 29 de setembro na Coruña, no recinto de PALEXCO, e estará presidida polo titular da Xunta de Galicia, Alberto Núñez Feijóo. Segundo informa a organización do evento, o Colexio Oficial e a Asociación de Enxeñeiros de Telecomunicación de Galicia (COETG-AETG), a gala achegará unha serie de novidades importantes con respecto ás anteriores entregas. Será, en palabras do COETG-AETG unha cita “coidada e disruptiva” que comezará cun cóctel-networking que dará paso, no salón Arao, a un espectáculo en cuxo transcurso entregaranse os Premios Galicia das Telecomunicacións e da Sociedade da Información 2017.
Nesta edición a relación de premiados son: Enxeñeiro do Ano a Paulino González; Socio de Honra a Mar Pereira, directora da Axencia para a Modernización Tecnolóxica de Galicia (AMTEGA); Enxeñeiro Gerardo García Campos á mellor iniciativa empresarial no sector TIC a Situm Technologies; Gradiant á mellor tese doutoral aplicada ao sector TIC a Alejandro Ramos Soto; ao Mellor Proxecto TIC con Beneficios Sociais, outorgado en colaboración coa AMTEGA, a Balidea Consulting & Programming; ao mellor expediente académico do Máster en Enxeñería de Telecomunicación da Universidade de Vigo a Víctor Manuel Segura Sieiro; e o premio Acuntia á empresa galega que aposta polo desenvolvemento de infraestruturas intelixentes de telecomunicacións a FINSA.
Volvendo ao fío temático da Noite, será, como dixemos, o da ciberseguridade. Segundo nos contou recentemente o director da AETG, “escolleuse esta temática para analizar os diferentes factores que inflúen no afianzamento da utilización do espazo dixital de forma segura”. Estarán presentes neste foro todos os axentes implicados en ciberseguridade, tanto do ámbito privado como do público, para tomar consciencia da importancia do ciberespazo e a seguridade do mesmo no desenvolvemento económico e social.

Categorías: Ciencia

Unha aplicación permítenos saber se o noso PC é compatible coa realidade mixta de Windows

códigocero - Ven, 09/15/2017 - 11:01

Falta preto dun mes para a chegada ao mercado da realidade mixta de Microsoft, xa que os consumidores poderemos gozar desta tecnoloxía a partires do lanzamento da actualización de outono de Windows 10, que iniciará a súa distribución o vindeiro 17 de outubro, data na que tamén porán á venda os primeiros cascos compatibles coa realidade mixta, e que leva aos interesados en probar esta evolución da realidade virtual a preguntarse se é compatible co seu equipo informático actual, para o que Microsoft vén de publicar a aplicación Windows Mixed Reality PC Check.
A nova ferramenta de software comproba a configuración do noso equipo para dicirnos se ten potencia dabondo para correr a realidade mixta de Windows, pero non queda aí, senón que tamén indica os puntos febles do equipo, o que permítenos comprobar dun xeito doado se chegaría con mercar algún accesorio ou, por exemplo, cambiar a tarxeta gráfica, para superar a barreira que permita introducirnos nesta tecnoloxía sen ter que mercar un ordenador novo.
Temos que lembrar que esta tecnoloxía é moito menos esixente que a dos cascos de realidade virtual actuais, pero ofrecería así dous niveis de experiencia ben diferenciados, de xeito que os ordenadores máis sinxelos tería realidade mixta normal, e os máis potentes poderían gozar dunha realidade mixta ultra, que sería a que realmente ofrecería unha boa experiencia de inmersión.

Categorías: Ciencia

O Goberno galego apoiará 32 empresas co seu II Concurso Industria 4.0

códigocero - Ven, 09/15/2017 - 09:44

O Goberno galego, amais das novidades relativas ao ensino para os vindeiros anos (que pasan pola introdución robótica e a programación como materias de ensino obrigatorio), vén de achegar detalles sobre unha nova iniciativa dirixida a fomentar, tamén, escenarios innovadores de traballo e desenvolvemento, aínda que desta volta nas empresas. Trátase da segunda convocatoria do Concurso de ideas Industria 4.0, cuxo obxectivo é apoiar 32 empresas no desenvolvemento de proxectos que apliquen os procesos e as técnicas de fábrica intelixente.
Foi dado a coñecer, igualmente, polo titular do Goberno galego, Alberto Núñez Feijóo.Segundo fixo saber, o certame vén cun investimento público de 2,8 millóns de euros e cunha previsión de mobilizar 8 millóns. Con este investimento, dixo, apoiaranse catro proxectos nos sectores estratéxicos da motor, a madeira, a alimentación e o naval.
No eido da automoción, Feijóo sinalou que se trata du proxecto liderado por CEAGA e que conta coa participación de nove PEME do sector, centrándose na automatización, a dixitalización e a intercomunicación máquina a máquina, así como na conectividade total ou estendida.
En relación ao sector madeireiro, o Clúster da Madeira coordinará nove PEME de toda a cadea de valor para mellorar “a súa especialización, tecnificación e competitividade”.
No eido alimenario, financiarase a CLUSAGA e a cinco PEME dos sectores lácteo, avícola, pesqueiro, vitivinícola e hortofrutícola, co obxectivo compartido de incorporar novas tecnoloxías de produción e envasado, e perfeccionar a rastrexabilidade.
Sobre o sector naval, o presidente informou que ACLUNAGA aspirará a “revitalizar os procesos produtivos e de xestión do sector naval e a industria auxiliar, apostando pola dixitalización como elemento clave”.
Ademais dos catro proxectos sectoriais, o Goberno galego tamén financiará un proxecto temático centrado na fábrica virtual. ASIME, a Asociación de industriais metalúrxicos de Galicia, será a entidade encargada do seu desenvolvemento.

Categorías: Ciencia

As empresas galegas sitúanse á cabeza do estado no acceso á servizos da administración electrónica

códigocero - Ven, 09/15/2017 - 04:54

As empresas galegas de 10 ou máis asalariados sitúanse á cabeza na clasificación de Comunidades Autónomos na interacción coas Administracións Públicas a través de Internet. Ademais, o segmento das microempresas experimentou un incremento do preto dun 9% na contratación de Internet e de máis dun 7% da banda larga móbil no último ano.
Son datos da enquisa sobre O uso das TIC e do Comercio electrónico nas empresas 2016/2017 publicada hoxe polo Instituto Nacional de Estatística (INE) e que vén de analizar o Observatorio da Sociedade da Información e a Modernización de Galicia (OSIMGA), adscrito á AMTEGA.

Incremento do 19% na contratación servizos a Internet de máis de 30 Mbps

A práctica totalidade das pequenas e grandes empresas de Galicia, as que teñen 10 ou máis asalariados, dispón de ordenador (99,1%), conexión a Internet (98,5%) e banda larga (98,9%), todos estes indicadores en valores semellantes á media estatal
Oito de cada dez empresas galegas de 10 ou máis asalariados (80,5%) con conexión a Internet ten contratado o servizo de acceso á rede a través de telefonía móbil de banda larga.
En canto á velocidade de conexión a Internet contratada, máis da metade das empresas galegas de 10 ou máis empregados (50,9%) conta cunha velocidade de entre 2 Mbps e 30 Mbps, superando a media estatal (49,6%). Ademais, cabe destacar que o 44% das empresas galegas deste segmento ten contratado o acceso a Internet con velocidades de máis de 30 Mbps, un 19% máis que o ano anterior.
Un 88,2% das empresas galegas de 10 ou máis empregados empregan software de código aberto, superando lixeiramente á media estatal (87,4%), o que as sitúa no 5º posto na clasificación de Comunidades Autónomas neste indicador.

Á cabeza no uso da eAdministración

A enquisa do INE indica que as empresas galegas de 10 ou máis empregados con conexión a Internet sitúanse no primeiro posto no clasificación de Comunidades Autónomas na interacción coas Administracións Públicas a través de Internet.
Un 96,3% das empresas galegas deste segmento emprerial interactuou coas AAPP a través de Internet no último ano, experimentando un incremento do 8,6% e superando a media estatal en 3,8 puntos porcentuais
Modelo de xestión empresarial: Cloud computing, big data, RFID e redes sociais
As redes e medios sociais son outro dos fenómenos ligados ás TIC que analiza o OSIMGA a través dos datos do INE. Un 42,5% das empresas galegas de 10 ou máis empregados utilizaron algún tipo de medios sociais (Facebook, Linkedin, Google+, etc), experimentando un incremento do 19,6% no último ano.
As empresas galegas de 10 ou máis asalariados comezan tamén a realizar análises Big Data e actualmente xa un 9,7% destas empresas analizaron Big Data, superando lixeiramente a media estatal (8,8%).
En relación ás tecnoloxías cloud, un 16,4% das empresas galegas de 10 ou máis traballadores compraron algún servizo de Cloud Computing. Tamén cabe salientar que un 13,6% das empresas galegas de 10 ou máis empregados fan uso das tecnoloxías RFID, en valores próximos a media estatal (15,2%).

O uso das TIC nas microempresas galegas

Un 62,3% das microempresas galegas contan con conexión a Internet contratada, o que supuxo un crecemento dun 8,7% no último ano. Isto permitiu reducir a distancia coa media estatal en 5,5 puntos porcentuais.
Entre as microempresas que contan con conexión a Internet, un 84,8% dispón de banda larga fixa e un 69,4% de banda larga móbil. Cómpre salientar o significativo incremento na contratación de banda larga móbil entre as microempresas galegas, un 7,2% no último ano fronte ao 3,9% de crecemento da media estatal.
En relación ao uso das redes sociais, un 33,5% das microempresas galegas con conexión a Internet as empregan, superando en máis de 2 puntos porcentuais a media estatal (31,2%), o que as sitúa no quinto posto na clasificación de Comunidades Autónomas neste indicador.
As micrompresas galegas con conexión a Internet tamén superan en 3 puntos a media estatal no que se refire á interacción coas Administracións Públicas a través de Internet: a media galega sitúase nun 74,8%% fronte ao 71,8%% da media estatal.

Categorías: Ciencia

Páxinas

Subscribirse a IGACIENCIA agregador - Ciencia