Ciencia

Novo curso para obter a certificación galega de competencias dixitais en ofimática

códigocero - Lun, 01/22/2018 - 11:48

A AMTEGA abre mañá o prazo de inscrición para a obtención da certificación galega de competencias dixitais en ofimática (CODIX) tal e como recolle a convocatoria publicada hoxe no DOG con 180 prazas para o curso de teleformación preparatorio que comezará o día 19 de febreiro e rematará o 25 de maio, previo ao exame presencial que terá lugar na última semana dese mes de maio.
Para acceder a este curso os únicos requisitos necesarios son ser maior de 16 anos e estar dado de alta como usuario da rede CeMIT. A inscrición realizarase a través da Internet na web da rede CeMIT, durante os cinco días hábiles a partir do seguinte da publicación da convocatoria no DOG.
Unha vez finalizado o prazo de inscrición, publicarase a relación provisional das 180 persoas admitidas na páxina web da rede CeMIT así como un número adecuado de reservas. As persoas admitidas deberán aboar posteriormente unha taxa de 10,20 euros correspondente aos dereitos de exame, sendo excluídos aqueles aspirantes que non aboen a citada taxa.
O curso de preparación impártese na modalidade de teleformación con titorías de apoio, polo que soamente será necesario contar cun ordenador persoal e conexión a internet para seguir a formación dende calquera lugar e en calquera momento.

Plan Formativo Ofimático de Galicia

Durante as 12 semanas de duración deste curso, as persoas matriculadas formaranse nos contidos que compoñen o Plan Formativo Ofimático de Galicia, composto actualmente polas cinco unidades nas que se estrutura o módulo formativo MF0233_2 Ofimática (190 horas) do Repertorio Nacional de certificados de profesionalidade:
- Sistema operativo, busca da información: internet/intranet e correo electrónico (30 horas)
- Aplicacións informáticas de bases de datos relacionais. LibreOffice Base (50 horas)
- Aplicacións informáticas para presentacións: gráficas de información. LibreOffice Impress (30 horas)
- Aplicacións informáticas de tratamento de textos. LibreOffice Writer. (30 horas)
- Aplicacións informáticas de follas de cálculo. LibreOffice Calc (50 horas)
Todos estes contidos están abertos e poden ser consultados libremente na plataforma de teleformación da rede CeMIT, baixo a modalidade de autoformación.

Vindeiras convocatorias de exames presenciais

Esta convocatoria forma parte do Plan de Formación da rede CeMIT para este ano 2018, que terá a súa continuación cun novo curso de teleformación titorizada previsto para o segundo semestre (no mes de setembro).
Ademais destes cursos preparatorios, realizaranse ao longo deste ano dúas novas convocatorias de exames presenciais en marzo e outubro para aqueles cidadáns que xa posúan os coñecementos necesarios – ben pola súa experiencia no manexo destas aplicacións, pola formación adquirida por outras vías ou que opten pola modalidade autoformativa-, ata chegar a un número superior ás 1.100 prazas dispoñibles para que a cidadanía poida acreditar as capacidades, destrezas e coñecementos en ofimática definidos no dito plan.

Categorías: Ciencia

Porco Bravú leva un dos seus proxectos a Infomix

códigocero - Lun, 01/22/2018 - 09:43
Algúns dos participantes na curtametraxe durante a súa estrea no Fórum Metropolitano

O Comediante, curtametraxe da produtora galega Porco Bravú, vén de estrearse en exclusiva na canle de televisión en liña Infomix, a pioneira plataforma tecnolóxica de vídeo baixo demanda adicada a impulsar o novo talento audiovisual dos creadores do ámbito estatal. A peza, dirixida e producida por Óscar Cruz, dá o chimpo a Infomix cos mellores precedentes: o éxito de público na súa estrea o pasado ano no Fórum Metropolitano da Coruña. Agora, grazas á súa inclusión na plataforma poderá verse sen pequenas ataduras propias dun certame audiovisual, coas súas datas e os seus espazos propios de proxección, ou sexa, “a calquera hora e dende calquera lugar”.
O argumento xira arredor de Óscar, un mozo de 26 anos que soña con ser cómico, que está só, que vén de ser abandonado pola súa moza e que ten o único apoio moral de dous amigos, Julio e Julio. Máis adiante decidirá presentarase a un concurso de monólogos co material que leva preparando durante anos. Con todo, a tres días da cita recibe unha chamada da súa ex informándoo de que estará unha noite en Coruña, a mesma noite do concurso.
Infomix, como lembraremos, pasa por ser a primeira canle española de televisión en liña que impulsa o talento novo audiovisual, con variedade de contido á carta de produción propia e externa. O proxecto nace en 2014 por “mor da carencia de formación práctica que actualmente existe nas aulas universitarias de Comunicación (Xornalismo, Comunicación Audiovisual e Publicidade)” e pola “pouca difusión que teñen as obras audiovisuais realizadas por mozos creadores”. Infomix aposta polas ideas innovadoras e os seus programas céntranse no contido snack (doado de consumir e en calquera recanto) e evergreen (sen data de caducidade). Infomix contou, a longo do seu proceso de materialización, co apoio de Think Big de Fundación Telefónica, o programa Yuzz de Santander Universidades, o micromecenado de Ron Ritual e o apoio da Escola de Organización Industrial (EOI), entre outros.

Categorías: Ciencia

Para el cerebro, el estilo de música también importa

Investigación y Ciencia - Lun, 01/22/2018 - 00:00
El cerebro de un pianista de jazz funciona de manera diferente que el de uno de música clásica, aunque toquen la misma canción.
Categorías: Ciencia

Mordor submarino

Investigación y Ciencia - Dom, 01/21/2018 - 00:00
Un paisaje que recuerda al de la obra de Tolkien se oculta bajo el mar a lo largo de la costa meridional de Australia. Demuestra que alrededor del continente no siempre hubo la misma estabilidad tectónica que hoy.
Categorías: Ciencia

Office 2016 para Mac incorpora edición colaborativa

códigocero - Ven, 01/19/2018 - 23:00

Aínda que normalmente considérase que a suite ofimática de Microsoft para os ordenadores de Apple é inferior á de Windows, a distancia entre ambas acúrtase versión tras versión, e hoxe reduciuse a fenda entre plataformas coa publicación dunha actualización de Office 2016 para Mac que destaca principalmente por facilitar a edición de documentos entre varios usuarios en tempo real nas aplicacións Word, Excel e PowerPoint.
Outra funcionalidade moi de agradecer é o feito de que as aplicacións tamén realizarán copias automáticas dos documentos, follas de cálculo e presentacións almacenados na nube, coa vantaxe de que no caso de querer reverter algún cambio pode tirarse proveito do historial de versións dos documentos para así acceder a unha copia anterior.
As aplicacións tamén incorporaron accesos rápidos a sitios e grupos, Excel incorpora novos tipos de gráficos, PowerPoint permite recortar o inicio ou o final dun audio ou vídeo inserido nunha presentación así como tamén permite empregar o rato a xeito de punteiro láser para destacar elementos en pantalla e Outlook engadiu a posibilidade de arquivar ou borrar mensaxes cun simple xesto con dous dedos no touchpad.

Categorías: Ciencia

Ponteareas e a UVigo xuntan forzas a prol da innovación e o eido smart

códigocero - Ven, 01/19/2018 - 22:00

O Concello de Ponteareas e a Universidade de Vigo asinaron este 19 de xaneiro un convenio de colaboración destinado a promover a cooperación e a colaboración para o desenvolvemento científico e tecnolóxico, procurando "unha aplicación práctica do coñecemento en proveito da sociedade". O acordo foi rubricado polo reitor da Universidade de Vigo, Salustiano Mato, e o alcalde de Ponteareas, Xosé Represas. Segundo fixeron saber, grazas ao convenio as dúas entidades comprométense a traballar conxuntamente a prol da investigación e a innovación e a organizar, ombro con ombro, actividades académicas como cursos, simposios ou seminarios. Asemade, impulsarán o proxecto local de Cidade Intelixente (Smart City).
Para o alcalde de Ponteareas este convenio de colaboración, que ten unha duración de catro anos, é "o primeiro paso para unha longa relación na que todos os esforzos irán destinados a apoiar ás mentes máis inquedas que queiran abrir novos eidos na investigación".
Ao abeiro do programa local Ponteareas, Hábitat Saudable e seguindo as liñas deste convenio asinado hoxe tamén se contempla a posta en marcha dun centro de dinamización da innovación e emprendemento (viveiro de empresas) e a definición da plataforma Smart City na que se implantará o control dos servizos como o da calidade da auga, contaminación acústica e tráfico, entre outros servizos, dos que se irá dando conta en datas vindeiras e a medida que se vaia dando novos achados.
Na xuntanza, o rexedor propuxo a posta en marcha dunha mesa de traballo para "concretar o deseño deste centro de dinamización que mellor se adapte ás necesidades de Ponteareas". Para este proxecto a Universidade aportaría a súa experiencia e coñecemento técnico e cientítico. A idea é que amais de ser un espazo innovador, tamén sexa práctico para toda a cidadanía de Ponteareas e da comarca e mesmo para a Universidade.
Pola súa banda, o reitor da Universidade de Vigo adiantou a necesidade de estreitar esta relación pola proximidade e polo obxectivos comúns e puxo enriba da mesa a definición dun plan de accións anual e "a importancia de trasladar as capacidades dos Campus á cidadanía con proxectos máis próximos e visíbeis que xeren dinámicas de entendemento".

Categorías: Ciencia

Rouban milleiros de números de tarxetas bancarias na tenda en liña de OnePlus

códigocero - Ven, 01/19/2018 - 19:00

Esta semana o fabricante chinés de smartphones OnePlus eliminou temporalmente a opción de pagamento mediante tarxeta bancaria tras detectarse por parte dalgúns usuarios transaccións sospeitosas nas súas contas e, tras unha investigación tiveron que anunciar que foron vítima dun ataque que inxectou código no apartado de pagamentos da súa páxina web.
Este código que operaba de xeito intermitente capturaba e enviaba datos directamente dende o navegador web do usuario. Os responsables de OnePlus eliminaron totalmente o código malicioso e implementaron novas medidas de seguridade noso seus sistemas.
Os usuarios que poderían verse afectados por este problema de seguridade son os que teñan introducido a súa tarxeta bancaria en OnePlus.net entre mediados de novembro de 2017 e o 11 de xaneiro de 2018, recibindo todos os afectados unha comunicación por correo electrónico dando conta desta vulneración da seguridade que non afectaría aos que pagaron a través de PayPal ou aos que tiveran introducido o seu número de tarxeta con anterioridade (xa que o roubo da información non se realizaba nos servidores da páxina web, senón no equipo do usuario).
Recomendan aos afectados (que poderían ser uns 40 mil) que comproben que non lles realizaron ningún cargo fraudulento ás súas tarxetas bancarias.

Categorías: Ciencia

Corrixen o problema do Chromecast coas redes Wi-Fi

códigocero - Ven, 01/19/2018 - 19:00

O fallo detectado en numerosos routers que presentaban problemas coas conexións Wi-Fi e chegaban incluso a reiniciarse por culpa dun comportamento incorrecto dos dispositivos Google Cast como o Chromecast, que realizaban un número esaxerado de conexións en moi pouco tempo, finalmente está solucionado, e para poder gozar do parche que corrixe o fallo en cuestión chega con actualizar o software do Chromecast.
A actualización do Chromecast está a distribuírse globalmente e dende Google tamén recomendan que os smartphones con Android estean debidamente actualizados e procurar que os routers afectados tamén conten coa última versión do seu firmware, reducindo así as posibilidades de verse afectados polos fallos coma este.

Categorías: Ciencia

Os proxectos da 5ª edición de ViaGalicia entran en preaceleración na Fundación CEL

códigocero - Ven, 01/19/2018 - 18:00

A Fundación CEL Iniciativas por Lugo acolleu esta semana as primeiras sesións da fase de academia (ou preaceleración) da 5ª edición de ViaGalicia, programa de aceleración de empresas posto en marcha pola Xunta de Galicia e Zona Franca de Vigo, e no que colaboran outras entidades relevantes do ecosistema emprendedor galego (entre eles a propia Fundación CEL), a través do que se ofrece formación, asesoramento, sesións de networking, titorías, sesións de presentación (pitch), coworking e financiamento a emprendedores innovadores galegos.
Nesta fase, que se prolongará até o mes de marzo, os promotores dos proxectos seleccionados participarán en sesións formativas a través das que madurarán as súas ideas en procura do éxito empresarial, aprendendo a desenvolver o seu modelo de negocio, a súa proposta de valor, a probala no mercado con experimentos e mediante produtos mínimos viables (metodoloxía lean), a defendela e comunicar, a importancia do equipo e os seus roles na startup, a orientar a súa idea ao mercado en liña e fóra d eliña, a realizar proxeccións económico-financeiras e os aspectos legais relacionados co lanzamento dos seus proxectos (todos eles, innovadores, escalables, acelerables e relevantes).
Tamén se contemplan titorías individualizadas e asistencia especializada para o desenvolvemento da idea de negocio e apontoar a posta en marcha de cada iniciativa.
Finalizada a academia, dos 40 proxectos participantes que entre Lugo e Vigo están nesta fase, seleccionaranse os que accederán á fase final de aceleración de ViaGalicia, que inclúe financiamento (até 125.000 euros), apoio e seguimento durante varios meses para a posta en marcha e consolidación/crecemento.

Categorías: Ciencia

O Concurso Lucus Intercentros retransmitiuse en streaming grazas ao alumnado da Fundación TIC

códigocero - Ven, 01/19/2018 - 16:46

Este 19 de xaneiro entregáronse en Lugo os premios da sétima edición do Concurso Lucus Intercentros do IES Muralla Romana. No acto, unha xornada lúdica e formativa organizada polos estudantes de Asistencia á Dirección do dito centro lucense, participou o responsábel de Deportes e Mocidade na Deputación de Lugo, Pablo Rivera. O certame foi retransmitido en directo con tecnoloxía streaming polos estudantes da Fundación TIC (Deputación de Lugo), que editarán un DVD co material gravado co fin de contribuír á difusión da actividade.
A xornada, como dixemos, está organizada polos alumnos de Administración e Xestión do IES Muralla Romana, coa axuda da Escola de Imaxe e Son de Lugo (EIS, Fundación TIC), da Escola de Arte e Superior de Deseño Ramón Falcón e o departamento de Informática do CIFP Politécnico de Lugo.
A sétima edición do certame reuniu a alumnos e profesores dos institutos de Educación Secundaria públicos de Lugo: Anxel Fole, Lucus Augusti, Nosa Señora dos Ollos Grandes, Xoan Montes, Leiras Pulpeiro, San Xillao e Muralla Romana. Ao longo da mañá disputáronse distintas probas eliminatorias ás que se enfrontaron os equipos participantes. Os alumnos sometéronse en cada unha delas a dez preguntas tipo test elaboradas por profesores das distintas áreas do instituto anfitrión.
Retransmisión en streaming
Dez alumnos e alumnas de segundo curso de Realización Audiovisual da Escola da Fundación TIC, baixo a supervisión dun docente, encargáronse da transmisión en streaming. Os estudantes rotaron entre os postos de realizador, mesturador, son e cámara. Estre traballo rotativo tivo o obxectivo de permitir que todas e todos tiveran as mesmas oportunidades de aprendizaxe. A de hoxe foi a primeira experiencia cunha práctica fóra das instalacións da Escola este ano. Segundo informa a Deputación de Lugo, repetirase esta oportunidade no Campionato Internacional de Baristas que se celebra dentro dun mes no Concello de Foz.

Categorías: Ciencia

Máis da metade dos galegos usan as TIC para informarse de cuestións de saúde

códigocero - Ven, 01/19/2018 - 14:30

Medra a actividade dos galegos no que se vén coñecendo como eSaúde (eHealth), o ámbito de confluencia no que a atención médica optimízase e faise máis eficiente, exacta e inmediata grazas á contribución das novas tecnoloxías dixitais. Este crecemento foi confirmado hoxe mesmo polo conselleiro de Sanidade, Jesús Vázquez Almuiña, na apertura da Xornada técnica E-Health. Definición dos principios de interoperabilidade e innovación de apps. Liñas de empoderamento de pacientes.
Na súa intervención, Almuiña referiuse aos pacientes do Servizo Galego de Saúde como pacientes con meirande capacidade de acción e de análise: “Persoas que deixan de ser lectoras e buscan interactuar cos contidos e tamén cos profesionais por medio das tecnoloxías da información”. Tamén lembrou que a día de hoxe o 63% dos galegos maiores de 16 anos emprega Internet para procurar coñecemento sobre temas médicos. Esta cifra, dixo, mostra un incremento de case 10 puntos porcentuais nos últimos catro anos.
O titular de Sanidade afirmou que o crecemento do uso das tecnoloxías no ámbito sanitario é “imparábel”, polo que é “absolutamente necesario entender a contorna na que estamos e adaptarse a esta revolución que xa está aquí”.
O conselleiro lembrou que no Servizo Galego de Saúde “apostouse desde sempre pola innovación, tratando de aplicar as vantaxes das novas tecnoloxías para mellorar o día a día”. Destacou así o proxectos coma a plataforma de intercambio de información E-Saúde ou o proxecto Código 100, que se está en fase de desenvolvemento e inclúe unha liña de empoderamento de pacientes.

Categorías: Ciencia

O GPU Hackaton do CESGA e Appentra recunca en marzo

códigocero - Ven, 01/19/2018 - 13:01

O Centro de Supercomputación de Galicia (CESGA) e a firma galega Appentra Solutions veñen de anunciar a vindeira celebración da segunda convocatoria do GPU Hackathon na sede do CESGA, en Santiago. A cita, que se vai desenvolver dende o 5 ao 9 de marzo de 2018, terá este ano un marcado cariz internacional, coa vontade de establecer máis pontes entre o noso ámbito innovador avanzado e os do resto do mundo. En palabras do CESGA e Appentra, o GPU Hackathon ten como obxectivo axudar aos científicos e programadores a acelerar a execución das súas aplicacións de simulación científica usando o hardware, o software e a un equipo de mentores expertos en optimización, paralelaxe e execución de programas de simulación.
Ao remate do evento, os participantes disporán dunha nova versión acelerada en GPU ou dunha folla de ruta para alcanzar dito obxectivo. O equipo gañador recibirá unha GeForce GTX 1080Ti, ofrecida por NVIDIA.
Appentra e máis o CESGA tamén lembran que os participantes, novamente, poderán chegar a crear casos de éxito, como aconteceu o ano pasado co equipo que traballa na predición de tsunamis da Universidade de Málaga, EDANYA. Coa colaboración de Appentra e Fernanda Foertter (ORNL) publicaron un artigo de investigación exhibido no SuperComputing17, en Denver, que pasa por ser a cita máis relevante no eido da Computación de Alto Rendemento.
A xornada artellarase nun día de conferencias para “todos os que queiran asistir”, e outras 5 xornadas intensivas de traballo para a optimización da aplicación de simulación científica de cada equipo participante. O prazo de inscrición estará aberto ata o 11 de febreiro e a participación é de balde.
Co fin de acadar a máxima repercusión, o CESGA e Appentra animan aos responsábeis de proxectos científicos a participar e obter “esta formación individualizada tan escasa e necesaria”, que, segundo engaden, “axudaralles a avanzar e aforrar tempo nas súas aplicacións de simulación”.
Como lembraremos, o CESGA (Fundación Publica Galega Centro Tecnolóxico de Supercomputación de Galicia) é o centro de calculo, comunicacións de altas prestacións e servizos avanzados da Comunidade Científica Galega, Sistema Académico Universitario e do Consello Superior de Investigacións Científicas (CSIC).
Appentra, pola súa banda é unha spin-off tecnolóxica da Universidade da Coruña fundada en 2012. Ofrece ferramentas de software de alta calidade que permiten un uso extensivo das técnicas de computación de alto rendemento (HPC) en todas as areas de enxeñería, ciencia e industria. Os clientes obxectivo son empresas e organizacións que executan con frecuencia aplicacións informáticas en eidos como o aeroespacial, o automóbil, a enxeñería civil, a biomedicina ou a química.

Categorías: Ciencia

Senssia converte en experiencia virtual a nosa busca do fogar ideal

códigocero - Ven, 01/19/2018 - 12:12

Senssia, emprega galega de mobiliario de cociña e baño, presentou esta semana en Santiago, no Hotel Los Abetos, a súa nova liña de innovación, unha estratexia que pasa por introducir a virtualidade e os espazos en 3D no achegamento dos clientes-usuarios á súa oferta de equipamento doméstico. Na cita cos medios deuse a coñecer un software especificamente deseñado para experimentarmos virtualmente os elementos de Senssia e os espazos onde se insiren eses elementos: o software TeoLive.
Amais desta ollada ao futuro, da empresa fixo balance dos seus catro anos de andaina, achegando os principais fitos de mercado do período (por exemplo a súa facturación de 1.604.000 euros, un 30% máis que o pasado ano) e, tamén, os grandes desafíos aos que se enfronta en 2018 (por exemplo ampliar o número de tendas nun 10%).
Porén, unha das grandes cuestións tratadas na cita en Santiago foi o papel despregado pola empresa a prol da innovación e a Industria 4.0, un compromiso coa tecnoloxía que se traduciu en produtos de mellores prestacións, novos métodos de comunicación e avances no sistema de embalaxe e entrega. Nun plano máis concreto, o ano pasado Senssia puxo en marcha o servizo Vistas 360 graos, que achega percorridos virtuais que permiten mostrar espazos e ambientes, interactuando con eles. De maneira complementaria, a empresa lanzou tamén un ambicioso catálogo de 140 páxinas a toda cor que fornece dous tipos de lectura. Por unha banda mostra a colección “máis innovadora e rompedora”, onde o espazo e a contorna son os verdadeiros protagonistas: as imaxes que se representan tratan de pór en valor a arquitectura industrial mesturada co recordo. Doutra banda, preséntase un ambiente máis íntimo, un lugar onde compartir momentos coa familia, “apostando por recuperar a tradicional idea da cociña como o epicentro do fogar”, explican dende Senssia, engadindo que o carácter pioneiro do catálogo e os resultados obtidos valéronlle para obter o I Premio Paraugas de Comunicación e Mercadotecnia Galega.
Volvendo aos fitos e retos presentados, sen dúbida foi o software TeoLive unha das grandes estrelas da cita cos medios de comunicación. Segundo explicaron os responsábeis da empresa galega, trátase dunha evolución na maneira de presentar os proxectos, podendo visualizalos a través dunhas lentes de realidade virtual, permitindo a interacción cuns mandos. “O que posibilita esta aplicación”, explicaron, “é poder viaxar a outro mundo, interactuando virtualmente con todo o que nos rodea, permitindo un certo grao de desprazamento físico e seguimento real coas mans”. Grazas a TeoLive, engadiron, “o usuario sente plenamente a posición das mans na escena da súa cociña deseñada”, quedando os movementos físicos dos mandos plasmados no desprazamento físico que se fai dentro do espazo doméstico virtual (cociña, baño, salón, etc). Desta maneira, os pasos que se dan tamén se trasladan á contorna recreada.

Categorías: Ciencia

WhatsApp estrea aplicación para empresas

códigocero - Ven, 01/19/2018 - 12:04

Tras moitos meses de rumores e esperas, por fin é realidade a aplicación WhatsApp Business, tamén coñecida como WhatsApp para Negocios, que permite que as PEME poidan facer un uso axeitado de WhatsApp, para unha boa relación cos seus clientes, e facilitando a separación das conversas profesionais das conversas con amigos e familiares.
Polo momento WhatsApp Business estréase como unha aplicación para Android de balde que pode descargarse dende Indonesia, Italia, México, Reino Unido e EE.UU., chegando ao resto do mundo nas vindeiras semanas e sendo tamén compatible con WhatsApp Web para facilitar o seu manexo dende un ordenador.
A nova aplicación facilita a creación de perfís de empresa, onde pode indicarse información de utilidade como o correo electrónico, o enderezo e a páxina web; as contas de empresa amosaranse como tal para o resto de usuarios e algunhas compañías poderán gozar de conta confirmada tras verificarse que o número de teléfono da conta coincide co teléfono da empresa; a aplicación será como a ferramenta de mensaxería particular, pero engadíndolle elementos como respostas rápidas, mensaxes de benvida e mensaxes de ausencia; e tamén contará con estatísticas, para que as compañías poidan coñecer informacións como o número de mensaxes lidas.

Categorías: Ciencia

Las heces presentes en esqueletos antiguos permiten identificar los parásitos descritos en los primeros textos médicos

Investigación y Ciencia - Ven, 01/19/2018 - 00:00
Mediante el análisis de restos arqueológicos se ha determinado a qué especies de gusanos parasitarios corresponden las descripciones realizadas por la escuela hipocrática
Categorías: Ciencia

A Deputación de Lugo enche a Rede de novos vídeos sobre os atractivos da provincia

códigocero - Xov, 01/18/2018 - 22:55

Entre as entidades galegas que se atopan estes días no salón de turismo FITUR, en Madrid, lucindo xeodestinos e servizos innovadores para garantir a mellor estadía dos visitantes, atópase a Deputación de Lugo. Este mesmo xoves, sen ir máis lonxe, a entidade que preside Darío Campos presentou os novos traballos audiovisuais da campaña de promoción turística provincial que leva por nome Lugo Cambia. Trátase, segundo fixo saber en FITUR o propio Darío Campos, das primeiras iniciativas que o Goberno provincial ten preparadas para este ano, compostas por 7 vídeos en galego, castelán, inglés, alemán, francés, italiano e portugués. As pezas, que xa se poden ver na web da Deputación no apartado específico para visitantes e viaxeiros, turismo.deputacionlugo.org, divulgaranse nas redes sociais e en todo tipo de plataformas internacionais, comezando por medios galegos, españois e portugueses.
Segundo engadiu o presidente do Goberno provincial, os contidos dos vídeos son os recursos turísticos dos 67 concellos lucenses, nos que o coñecido presentador lucense Martín Barreiro convida a visitar a provincia, dando conta dos sentimentos que produce facelo e salientando que “unha viaxe á nosa provincia vos cambiará para sempre”.
Campos Conde presentou as pezas Os sentimentos dunha viaxe xunto a Martín Barreiro, embaixador da campaña Lugo Cambia, e dos Aacaldes dos principais Concellos da provincia polo seu número de habitantes: Lugo (Lara Méndez), Viveiro (María Loureiro) e Monforte de Lemos (José Tomé Roca). Tamén estivo na presentación, o Deputado de Turismo, Eduardo Vidal Baamonde.
Estes novos spots difundiranse a nivel internacional en reputadas plataformas para dar a coñecer os recursos patrimoniais, naturais, culturais ou gastronómicos que se poden atopar nos 67 Concellos co obxectivo de atraer á provincia máis visitantes. En primeiro lugar, farase en medios de Galicia, España e Portugal, posto que, como lembrou Conde, son as zonas inmediatas de captación de turistas.
O titular da Deputación tamén explicou que a presentación deste novo material é “un paso máis no traballo do Goberno provincial para promover o conxunto do territorio lugués e facer do turismo un motor económico da provincia capaz de xerar emprego e riqueza”. Neste senso, a campaña Lugo Cambia enmárcase no primeiro Plan Estratéxico de Turismo, “totalmente participativo”, que elaborou o Executivo. O presidente engadiu que en 2018, o Goberno da Deputación intensificará a campaña Lugo Cambia e reforzará a súa colaboración co sector turístico, desenvolvendo máis e novas iniciativas ao abeiro do Plan Estratéxico de Turismo.

Categorías: Ciencia

O bug chaiOS pode bloquear a aplicación de mensaxería do iPhone cunha ligazón

códigocero - Xov, 01/18/2018 - 22:00

No ano 2015 xurdiu un texto que, de recibirse a través da aplicación de mensaxería do iPhone, provocaba o bloqueo da aplicación e incluso do teléfono, fallo bastante problemático xa que persistía ao tentar volver abrir iMessage, e agora este bug coñecido como Effective Power está de volta baixo o alcume de chaiOS, de xeito que reprodúcese o fallo a través dunha ligazón a unha páxina web, aproveitando o feito de que a aplicación de Mensajes precarga algunhas ligazóns para amosar unha vista previa do contido, o que provoca a carga de contido prexudicial para a aplicación.
Polo momento este fallo só está presente nunhas poucas páxinas web creadas coa intención de comprobar este erro na aplicación de mensaxería do iPhone, comprobándose que o problema no é consistente, de xeito que tanto pode bloquear a aplicación e forzar o reinicio do dispositivo como pode simplemente presentar un pouco de retardo. O fallo estaría presente nas versións de iOS da 10.0 até a 11.2.5 beta 5, e Apple xa ten listo o parche para corrixir este problema, que distribuirase a través dunha actualización a semana que vén.
Este caso resulta un tanto preocupante porque súmase a varios acontecidos en poucas semanas e que, en liñas xerais, parecían consecuencia de fallos nos controis de calidade das actualizacións dos sistemas operativos de Apple, algo que non acontecía no pasado dun xeito tan visible.

Categorías: Ciencia

Movistar incrementa o prezo das súas tarifas móbiles o mes que vén

códigocero - Xov, 01/18/2018 - 22:00

Como se viña comentando nas últimas semanas, as compañías de telecomunicacións prepáranse para comezar o ano con subas de prezo, sendo unha das primeiras que afectan a un maior número de consumidores o cambio de tarifas móbiles de Movistar, que a partires do 18 de febreiro pasarán a custar 2-3 euros máis ao mes.
Concretamente a Tarifa #2, con chamadas a 0 céntimos/min. e 3 GB de datos pasará de 15 a 17 euros/mes, mentres que a Tarifa #6 (con 200 minutos en chamadas e 8 GB de datos) pasará de 27 a 30 euros/mes, a Tarifa #10 (con chamadas ilimitadas e 15 GB de datos) pasa de 37 a 40 euros/mes e a Tarifa #20 (con chamadas ilimitadas e 25 GB de datos) pasa de 47 a 50 euros/mes. Cómpre salientar que a renovación de tarifas realízase seguindo unha práctica habitual nos operadores: incrementar o volume de datos para xustificar o cambio de prezos. Neste casos, a Tarifa #2 inclúe 1 GB máis que coas tarifas anteriores, a Tarifa #6 2 GB adicionais e as tarifas #10 e #20 suman 5 GB cada unha ao seu límite de datos ao mes.

Categorías: Ciencia

Como construír un R2D2 con material de reciclaxe, polo miúdo no Campus de Vigo

códigocero - Xov, 01/18/2018 - 21:23

O 23 de xaneiro, a Escola de Enxeñaría Industrial do Campus de Vigo vai acoller unha conferencia-obradoiro sobre as amplas posibilidades da robótica caseira e, máis polo miúdo, sobre o moito que lle debe a saga Star Wars a este ámbito de creación tecnolóxica. Por tratarse dunha conferencia-obradoiro, haberá unha vertente teórica (poñendo aos asistentes en materia do compoñente tecnolóxico da dita saga) e unha vertente abertamente práctica. A través desta última parte da actividade, mostrarase aos asistentes como construír unha réplica de R2D2 con material reciclado.
O relatorio virá da man de Eduardo Santos, un mozo de Cambre que forma parte da entidade Echo Base 28th Elite Forces, unha asociación que dende o ano pasado vén desenvolvendo diferentes actividades arredor do universo Star Wars. Unha das estrelas da súa liña de acción é precisamente o robot R2D2, un “personaxe” que máis alá do mérito de ter sido creado con materiais procedentes doutros aparellos, ten o mérito da mobilidade: xa percorreu unha manchea de escolas, institutos, hospitais e feiras tecnolóxicas por toda Galicia.
O obxectivo da conferencia-obradoiro do 23 é dar a coñecer a experiencia de Eduardo e amosar como os materias de refugallo poden ter unha segunda vida.
Para explicar o proceso de construción deste droide, o vindeiro martes 23 de xaneiro, Eduardo Santos e mailo seu pai (Eduardo Santos Baldomir) impartirán un relatorio titulado Construye tu propio R2D2. Robótica y educación para el presente na Escola de Enxeñería Industrial do Campus de Vigo. A conferencia, organizada polo profesor do Departamento de Enxeñaría de Sistemas e Automática José Ignacio Armesto, celebrarase ás 16.00 horas na aula 15. A actividade, segundo informa a Universidade de Vigo, forma parte do programa de relatorios e xornadas paralelo ás JAI 2018, Xornadas sobre Tecnoloxías e Solucións para a Automatización Industrial. De feito, o robot regresará ao campus en marzo para participar na demostración de Industria 4.0 que abrirá as JAI.
Segundo salienta Santos Baldomir, que preside a asociación Echo Base 28th Elite Forces, a conferencia está dirixida a calquera persoa interesada na tecnoloxía e na reciclaxe ou simplemente que sexa seareira dos filmes de Star Wars. seguidora dos filmes. Ademais, considera que tamén pode motivar o público asistente a concienciar da importancia da reciclaxe, amosando os resultados que se poden conseguir só empregando RAEE, Residuos de Aparellos Eléctricos e Electrónicos. “O droide está feito nun 98% con material reciclado, o que axuda a concienciar sobre a reutilización do lixo electrónico”, destaca Santos Baldomir, e na súa construción empregáronse paus de vasoira, unha roda dun carro de supermercado, parte dun farol circular, ademais de pezas impresas en 3D, 150 LED e un motor de aspiradora para que o pequeno droide sexa quen de moverse e iluminarse, sempre teledirixido da man de Santos Pérez mediante unha aplicación móbil que vai conectada ao cerebro de R2D2, feito a partir dunha placa base libre de Arduino.


Categorías: Ciencia

Amena en casa estrea bonos de 20 GB adicionais por 9,95 euros

códigocero - Xov, 01/18/2018 - 20:30

Dende o ano 2013 Amena propón o uso de conexións móbiles 4G como solución para gozar de banda larga no fogar, mellorando as súas condicións ano tras ano, de xeito que partía dun volume de datos mensual de 10 GB até chegar aos 40 GB actuais, o que é unha interesante oferta por 29,95 euros/mes, que vén de mellorar coa posibilidade de poder engadirlle até 5 bloques de 20 GB adicionais por 9,95 euros cada un. Superado o volume de datos contratados a velocidade de conexión baixa até os 128 Kbps.
As conexións Amena en casa carecen de custos de instalación e cota de liña, podendo empregarse simplemente con conectar o seu router a corrente eléctrica onde haxa cobertura 4G, pasando así a gozar dunha conexión con velocidades de entre 20 e 50 Mbps de baixada (con picos de até 150 Mbps), o que en moitos casos é máis rápido que as conexións de ADSL. Outra vantaxe deste tipo de conexións é que son móbiles, ou sexa, que poden empregarse en distintos domicilios, polo que pode resultar práctico para familias que teñan unha segunda vivenda.

Categorías: Ciencia

Páxinas

Subscribirse a IGACIENCIA agregador - Ciencia