Ciencia

Juan Viaño aposta polo talento feminino e pola transformación dixital na USC

códigocero - Lun, 04/16/2018 - 13:23

O actual reitor da Universidade de Santiago, Juan Viaño, presentou a semana o seu programa electoral, un roteiro de accións e obxectivos que aposta forte pola transformación dixital da institución académica. Os detalles do programa foron dados a coñecer polo propio Viaño, quen salientou tamén a importante presenza de mulleres na candidatura da súa equipa, formada na súa maior parte por mulleres (segundo fixo saber, a primeira vez que acontece isto na historia da USC).
Segundo engadiu, o programa está formado por dúas partes. Na primeira avalíase en detalle a misión e a visión da USC como “univers idade pública de calidade”, poñendo o foco na oferta docente, na investigación, na transferencia de tecnoloxías e no espallamento da universidade alén da nosa terra.
Na segunda parte, debúllanse os cambios que debe acometer a USC para “afrontar con éxito o futuro e seguir sendo unha referencia”. A equipa de Viaño, neste senso, avoga por metodoloxías diferentes na xestión dos membros da comunidade dos campus, pola aposta polo talento e por refacer a organización da USC, “unha adaptación da cultura institucional para atender de aneira axeitada ás demandas da sociedade dixital”. Segundo fixo saber, a USC “sabe adaptarse aos cambios porque o leva facendo máis de 500 anos, e agora é o intre de asumir un novo xeito de facer as cousas”.

Categorías: Ciencia

A Biblioteca Ánxel Casal de Santiago inicia un servizo de préstamo de tabletas

códigocero - Lun, 04/16/2018 - 13:00
Fachada da Biblioteca Pública Ánxel Casal de Santiago

A partir deste 16 de abril, segunda feira, os usuarios da Biblioteca Pública de Santiago Ánxel Casal van ter a posibilidade de empregar nas salas de lectura unha tableta co fin de ler libros electrónicos, facer traballos, navegar por Internet, estudar ou mesmo xogar. Os requirimentos que se esixen son (entre outros) os seguintes: que quen pide o dispositivo en préstamo sexa maior de 18 anos, que non se use ou grave software ilegal e que non se acceda a contidos pornográficos, violentos ou xenófobos.
O préstamo das tabletas realizarase no mostrador de información do andar baixo e os trebellos só de poderán empregar dentro do edificio da biblioteca, sendo o prazo máximo para darlles uso dun día (deberá devolverse no dito mostrador sempre unha hora antes do peche do centro).
Polo que se refire á ficha técnica dos dispositivos, trátase de modelos Samsung Galaxy Tab 3 cunha
pantalla de 10 polgadas, procesador dual-core de 1.6GHz, 1 GB de RAM, 16 GB de almacenamento, cámara traseira de 3 MB, cámara frontal de 1.3 MB e acceso Wi-Fi. Funcionan baixo sistema operativo Android 4.4.2. e préstanse coa configuración de fábrica. Instala só aplicacións móbiles da Play Store.

Categorías: Ciencia

En marcha unha comunidade formada arredor das máquinas virtuais Java, CoruñaJUG

códigocero - Lun, 04/16/2018 - 12:39

A nosa terra conta cunha nova comunidade técnica que ten como obxectivo facer colaboración e xuntar forzas arredor das linguaxes que se executan na JVM, as siglas que en inglés designan á Máquina Virtual de Java, que engloba linguaxes como Java, Groovy, Scala ou Kotlin, entre outros, e que teñen a característica común de impulsar aplicacións avanzadas que simulan ser unha computadora (co seu conxunto propio de instrucións, o seu manexo de memoria de seu, o seu propio hardware).
Entre as vantaxes principais do concepto JVM figuran a carrexabilidade do software, meirandes facilidades no manexo de programas, creación e dispoñibilidade de grandes e completas librarías, etc.
A nova comunidade técnica chámase CoruñaJUG e busca compartir experiencias e coñecemento arredor de JVM. Ten o apoio do Concello a través de Coruña Dixital, que facilitar que os integrantes do colectivo dispoñan do espazo Accede Papagaio para as súas actividades.
Estas actividades, nun principio, serán citas con periodicidade mensual a xeito de meetups, a celebrar o terceiro mércores de cada mes. As xuntanzas ábrense este 18 de abril cunha primeira sesión dedicada a Elastic stack: desde obtención e datos ata visualización e análise. Ademais, este mes tamén hai prevista unha segunda sesión, neste caso virtual, o día 28, que tamén conta xa co seu meetup.
Segundo lembran dende Coruña Dixital, CoruñaJUG dispón dun slack ao que podemos acceder en liña, así como unha páxina en Meetup e unha conta no Twitter dende a que podemos estar a tanto das súas actividades.

Categorías: Ciencia

Netflix para Windows 10 permite ver vídeo nunha fiestra flotante

códigocero - Lun, 04/16/2018 - 10:30

A aplicación de Netflix para Windows 10 vén de recibir unha actualización cunha atractiva novidade: a posibilidade de reproducir os seus contidos nunha fiestra de tamaño reducido que flote sobre o resto de aplicacións abertas. Deste xeito, os usuarios desta plataforma de streaming poden reproducir películas e series de televisión no seu ordenador mentres traballan, manténdose sempre o vídeo en pantalla e facilitando así o consumo audiovisual mentres se realizan outras tarefas.
Esta funcionalidade da aplicación de Netflix o que fai realmente é tirar proveito dunha nova prestación da grande actualización de Windows 10 do pasado outono, na que se introduce a posibilidade de que as aplicacións empreguen fiestras flotantes para a reprodución de vídeo, á vez que permiten uns controis básicos visibles. Até o momento Películas y TV era unha das poucas aplicacións para Windows 10 que aproveitaba esta posibilidade do sistema, e o feito de que Netflix optase por facer tal agora é unha magnífica nova para os usuarios que agora, aparte do botón para ver os vídeos a pantalla completa teñen tamén outro botón para gozar dos contidos nunha pequena xanela flotante.

Categorías: Ciencia

O xoves comeza unha nova edición da iniciativa de capacitación dixital Ao lado dos nosos maiores

códigocero - Lun, 04/16/2018 - 08:00

A AMTEGA e operador de telecomunicacións Orange organizan un ano máis a iniciativa Ao lado dos nosos maiores, un ciclo formativo sobre o uso de dispositivos móbiles, un total de 17 obradoiros prácticos e de balde de dúas sesións de dúas horas de duración, que se realizarán de xeito presencial entre o xoves 19 de abril e o mércores 27 de xuño en diversas localidades da Rede de aulas CeMIT de Galicia.
O obxectivo principal desta actividade, impartida por persoal de Orange en calidade de aliado dixital, é ensinar aos participantes as pautas básicas do funcionamento das tabletas e móbiles así como solucionar as dúbidas que poidan ter para facer a súa experiencia máis doada, que adquiran maior autonomía persoal e que se familiaricen coa tecnoloxía móbil.
Durante as 4 horas de actividade ensinarase a enviar fotos, vídeos e mensaxes por WhatsApp, gardar contactos, facer chamadas, acceder e navegar por Internet e resolver todas aquelas dúbidas que lles poidan xurdir no uso do teléfono e/ou tableta.
Para asistir á actividade non é necesario ser cliente de Orange. É preferible que os participantes leven cadanseu terminal para acadar un maior aproveitamento do obradoiro e no caso de que algún dos asistentes non acuda cun dispositivo móbil, os formadores disporán de 2 tabletas e 2 smartphones dispoñibles para o seu préstamo.

Relación de centros da Rede CeMIT nos que se desenvolven os obradoiros
Categorías: Ciencia

Un antídoto contra una escolopendra gigante

Investigación y Ciencia - Lun, 04/16/2018 - 00:00
La identificación del modo de acción del veneno de ciertas especies de ciempiés abre el camino al desarrollo de un antídoto.
Categorías: Ciencia

Nombres para Caronte

Investigación y Ciencia - Dom, 04/15/2018 - 00:00
Mucho hay que descubrir en Caronte, luna de Plutón, y a lo que dar nombre. Ahora lo tienen algunos accidentes geográficos observados allí por la nave New Horizons.
Categorías: Ciencia

Novo número da nosa edición impresa

códigocero - Ven, 04/13/2018 - 23:30

Como todos os meses, chega outro número de Código Cero na súa edición impresa, que se pode achegar de balde nunha completa rede de puntos de distribución, podéndose descargar tamén en formato PDF ou ler en dispositivos móbiles a través da aplicación de quiosco dixital Magzter.
Nesta nova entrega dedicamos unah especial atención á aposta das administracións galegas pola transparencia a través das TIC. Tamén abordamos temas como os seguintes:
- Entrevistamos no CITIC á experta en ciberseguridade Zoriana Dmytryshyna
- A Deputación da Coruña entrega os seus premios á innovación empresarial
- A Deputación de Lugo reforza a apertura da Fundación TIC á sociedade
- Apróbanse máis de 500 millóns de euros para avanzar na estratexia dixital galega
- Máis de 330.000 galegos terán acceso a redes ultrarrápidas no 2020
- O CESGA acolle unha nova edición do Día das Rapazas nas TIC
- Acudimos á presentación do proxecto A Mariña Virtual
- A Deputación de Ourense achéganos ao talento TIC das mulleres galegas na ICC Week
- As Xornadas de Automatización Industrial (JAI) foron a capital mundial da Industria 4.0
- Henrique Neira volve levarnos da man á historia da informática de Galicia
- José Antonio Constenla achéganos á faciana máis preocupante de Facebook
- O CPEIG lémbranos no Día da Internet das Cousas a necesidade de facer bo uso das TIC
- A Deputación de Pontevedra achega

Categorías: Ciencia

Unha resolución xudicial obriga ao bloqueo de Telegram en Rusia

códigocero - Ven, 04/13/2018 - 20:42
Medios fronte ao xulgado de Tagansky agardando á resolución xudicial contra Telegram

Continúan as informacións ao respecto do enfrontamento xudicial entre Telegram e o FSB, e tras confirmarse que o goberno ruso iniciara os trámites para bloquear o acceso á aplicación de mensaxería no seu territorio por non terlle facilitado as súas chaves de cifrado, agora chega a inevitable resolución xudicial, e o Tribunal de Distrito de Tagansky admitiu os requirimentos do goberno para bloquear Telegram por non atender á resolución xudicial anterior na que lles esixían as chaves de cifrado.
Aínda que Telegram podería apelar a decisión dentro dun mes, o xulgado estableceu unha restrición ao acceso a Telegram dentro do territorio ruso até que acheguen as chaves de cifrado ao FSB, decisión que debe executarse de inmediato segundo o xuíz, aínda que hai fontes que consideran probable que as medidas non sexan efectivas até as resolucións das vindeiras apelacións.
Os representantes de Telegram non acudiron ao tribunal por considerar o fundador da compañía, Pavel Durov, que tal presenza lexitimaría a actuación xudicial que consideran contraria aos dereitos humanos. Dende o FSB, pola contra, sosteñen a necesidade de acceder ás comunicacións de Telegram para garantir a seguridade nacional, especialmente tras terse constatado o uso desta ferramenta de comunicación por parte de terroristas como os que atentaron no metro de San Petersburgo en abril do ano pasado (en cuxa investigación Telegram non colaborou pese a ter a obriga legal de facelo).

Categorías: Ciencia

Vodafone estrea SuperPass como resposta aos «gigas infinitos»

códigocero - Ven, 04/13/2018 - 19:32

Esperábase que o lanzamento da tarifa de Yoigo con «gigas infinitos» tivese consecuencias na competencia, e agora Vodafone está a permitir incorporar ás súas tarifas converxentes os seus distintos Vodafone Pass agrupados nun novo SuperPass, o que supón datos ilimitados no móbil para vídeo, redes sociais, música, mapas e chats, o que case unha tarifa sen límites, xa que os contidos que quedan fóra (principalmente as páxinas web) supoñen un volume de datos moi reducido no consumo móbil medio, e que dificilmente sería posible esgotalo só con navegación web móbil.
Como exemplo desta nova tarifa promocionan que Vodafone One 120 Mb | L con SuperPass e 20 GB adicionais no móbil tería un prezo de 95 euros/mes os 6 primeiros meses (103 euros/mes máis adiante).
Lembremos que Vodafone ten actualmente os Vodafone Pass para redes sociais, mapas e música a 3 euros cada un respectivamente, e o Pass para vídeo a 8 euros/mes, e dado que o Pass de redes sociais xa está incluído en moitas das tarifas, o SuperPass non supón ningún cambio a nivel de prezo, xa que supón o pagamento de 14 euros/mes (equivalente á contratación dos distintos Pass por separado).
Queda agora por ver se o resto de grandes operadores moverán ficha para ofrecer cadansúa tarifa con datos móbiles ilimitados ou algo semellante.

Categorías: Ciencia

Os Premios INCUVI Emprende distinguen apps de bus urbano e de reserva de instalacións deportivas

códigocero - Ven, 04/13/2018 - 18:44

Como en anteriores ocasións, as novas ferramentas dixitais pisan forte na sétima edición dos Premios INCUVI Emprende (Universidade de Vigo), que vén de resolver os seus once proxectos de emprendemento gañadores. As iniciativas, os seus nomes, responsábeis e obxectivos, foron dadas a coñecer hoxe polo reitor Salustiano Mato, que entregou os diplomas e as chaves das súas vindeiras oficinas (nos tres campus da UVigo) ás/aos impulsores destes proxectos. Amais de ferramentas dixitais (representadas sobre todo polas propostas Apptobus e ByGymApp), hai iniciativas centradas no deporte, na promoción lingüística, na cultura, na innovación docente, nas enerxías renovábeis, no aproveitamento forestal e no deseño téxtil e aplicacións móbiles. Seis das propostas irán dar a Vigo, tres a Ourense e as outras dúas a Pontevedra.
Mato felicitou aos emprendedores polo seu “empeño e creatividade, porque a través deste programa estades tentando fabricar un bo futuro para vós e levar o nome da Universidade polo mundo adiante a través das vosas ideas e dos vosos proxectos”. Asemade, aproveitou para facer balance do logrado até a data a través de INCUVI Emprende, que foi quen de impulsar 200 ideas innovadoras, “moitas delas xa consolidadas como empresa”.
A vicerreitora de Estudantes, Dolores González, foi a encargada de dar a coñecer os proxectos premiados, e tamén deixou marxe para facer reconto. Segundo fixo saber, dende 2011 o proxecto foi medrando e consolidándose ata estar presente nos tres campus cun programa permanente de asesoramento e formación. “Emprender é difícil, laborioso e incerto, por iso vos felicitamos, aos máis de 100 alumnos e alumnas que participaron nas sete edicións, algúns deles xa vivindo da súa empresa como Monet, Robotilab, Meigalabas, Micogalicia, etc.” recordaba.
As iniciativas que irán dar ao Campus de Vigo son: Last Pick (unha idea de negocio que consiste na posta en marcha dunha tenda en liña de zapatillas e produtos relacionados co baloncesto), Comprimir para Vivir (un proxecto que se basea no almacenamento de enerxía por medio de aire comprimido, Afouteza de Galicia (unha empresa que pon sobre a mesa a creación dunha planta de compostaxe que aposte pola transformación dos refugallos forestais en compostaxe ecolóxica), Galicia Posta (proxecto de promoción cultural e lingüística para crear unha serie de selos e postais, nas que se utilizaran palabras propias do galego, acompañadas, ademais, por unha representación gráfica do seu significado), PER Platform Education Researh (unha plataforma de servizos para que os profesores de secundaria poidan empregala tanto para compartir recursos educativos como apoio do traballo diario) e Apptobus (proposta de mercado que formula a idea dunha aplicación para atopar transporte interurbano de xeito doado e rápido).
Polo que atinxe aos proxectos que terán emprazamento no Campus de Ourense, son: Aproveitamento dos recursos forestais (que consiste en dar novas vidas rendíbeis a forestas autóctonas con criterios cen por cen ecolóxicos), Biolux (creación dun modelo de negocio que desenvolve e comercializa un novo prototipo de boia, incorporando a este microorganismos bioluminiscentes) e ReivindicARTE (que combina a xestión cultural e a intervención social, enxalzando o valor de artistas aínda descoñecidas en Galicia e difundindo o seu traballo na sociedade actual).
En Pontevedra, na sede da Asociación de Empresarios Novos (AJE), madurarán e impulsaranse as iniciativas Lira Tenue e ByGymApp. Lira Tenue é un proxecto que consiste na creación dunha marca téxtil de panos e fulares para mulleres e homes. ByGymApp, impulsada por Vladislav Shvets, da Facultade de Ciencias da Educación e do Deporte, busca crear unha plataforma dixital que sirva para reservar o dereito de uso das instalacións deportivas ou clases dirixidas dos ximnasios.
No acto de hoxe entregáronse tamén os premios INCUVI-Avanza, uns galardóns que pretenden apoiar os proxectos emprendedores da edición anterior que teñen “potencial e viabilidade para poder continuar co seu desenvolvemento”. Os gañadores recibirán 3.000 euros e asesoramento. Nesta terceira convocatoria o xurado elixiu Mediación Móbil no Campus de Vigo e Ouvir no de Ourense. Este céntranse en xerar unha acción transformadora para as persoas con diversidade funcional de todo tipo ofrecendo asistencia persoal. No caso de Mediación Móbil, que realizou o seu ano de pre-incubación no Campus de Pontevedra, achega unha app e unha web para ofrecer un servizo de mediación para empresas, organizacións e particulares que precisen resolver conflitos.

Categorías: Ciencia

O CLAG organiza un curso sobre efectos especiais con fotogrametría e escaneado 3D

códigocero - Ven, 04/13/2018 - 13:11

O Clúster Audiovisual Galego organiza un curso sobre Efectos especiais con fotogrametría e escaneado 3D para cine, televisión e publicidade, que se celebrará na Coruña do 11 de maio ao 15 de xuño, todos os venres en horario de 9 a 14 horas e para o que ofértanse 9 prazas, dirixidas a traballadores en activo de empresas con centro de traballo ou domicilio social en Galicia, tendo prioridade aqueles pertencentes a PEME do sector audiovisual e os asociados do Clúster Audiovisual. O prazo de inscrición está aberto até o 2 de maio.
O obxectivo principal que se pretende acadar con esta formación é que os asistentes aprendan cando e como utilizar as técnicas de fotogrametría simple ou combinada de modelado tradicional. Unha vez finalizado o curso, o alumnado estará en disposición de realizar os seus escenarios en 3D para cine e publicidade tras realizar un proxecto completo a través da parte práctica do curso.
A formación está orientada a técnicos 3D, directores artísticos, profesionais de VFX e autónomos do sector da creación de contidos dixitais interesados nas contornas 3D interactivas para producións audiovisuais, é dicir, para aqueles postos mais técnicos da industria audiovisual que requiren ter uns coñecementos profundos sobre a fotogrametría e escenarios 3D. Asemade, os asistentes deben contar con experiencia previa en software 3D a nivel básico e contar con coñecementos sobre fotografía para poder seguir o contido da formación.
O curso será impartido por Manuel Meijide. director de ILUX Visual Technologies; Roberto Romero. fundador e CTO de Future Lighthouse; Luís Rivero, fundador e director creativo de Urban Simulations, e Andrea Gutiérrez, project supervisor de Urban simulations.

Categorías: Ciencia

A Noite Galega das Telecomunicacións do COET-AETG celébrase o 1 de xuño

códigocero - Ven, 04/13/2018 - 13:06
Foto de grupo da edición do ano pasado

En plena primavera e xa cun pé postos no verán (o día 1 de xuño) chega a edición 23 da Noite Galega das Telecomunicacións e da Sociedade da Información a gran cita anual do Colexio Oficial e a Asociación de Enxeñeiros de Telecomunicación de Galicia (COETG-AETG) e, sen lugar a dúbidas, un dos grandes acontecementos tecnolóxicos e profesionais da nosa terra e do ámbito estatal. O evento, un ano máis, servirá para acubillar a entrega dos Premios Galicia das Telecomunicacións e da Sociedade da Información, dos que avanzamos hoxe mesmo dous dos seus galardóns: o Premio Gradiant á Mellor Tese Doutoral aplicada ao Sector TIC 2018 e máis o Premio Mellor Proxecto TIC con Beneficios Sociais.
Dende o COETG e a AETG están a facer un chamamento para “facer partícipes neste foro a todas as empresas interesadas no patrocinio do evento, no cal estarán presentes as máis destacadas entidades e empresas do sector TIC”.

Galardóns do ano pasado

Na edición 2018 da Noite a relación de entidades e profesionais e investigadores premiados quedou da seguinte maneira: Enxeñeiro do Ano a Paulino González; Socio de Honra a Mar Pereira, directora da Axencia para a Modernización Tecnolóxica de Galicia (AMTEGA); Enxeñeiro Gerardo García Campos á mellor iniciativa empresarial no sector TIC a Situm Technologies; Gradiant á mellor tese doutoral aplicada ao sector TIC a Alejandro Ramos Soto; ao Mellor Proxecto TIC con Beneficios Sociais, outorgado en colaboración coa AMTEGA, a Balidea Consulting & Programming; ao mellor expediente académico do Máster en Enxeñería de Telecomunicación da Universidade de Vigo a Víctor Manuel Segura Sieiro; e o premio Acuntia á empresa galega que aposta polo desenvolvemento de infraestruturas intelixentes de telecomunicacións a FINSA.
O fío temático da edición anterior do evento foi, como lembraremos, a ciberseguridade. O obxectivo foi analizar conxuntamente os diferentes factores que inflúen no afianzamento da utilización do espazo dixital de forma segura.

Categorías: Ciencia

Ourense contará cun grupo de expertos en drons para materializar respostas ante emerxencias

códigocero - Ven, 04/13/2018 - 12:26

A Deputación de Ourense leva certa tempo poñendo a ollada nos drons e nas súas posibilidades para executar medidas de protección ambiental (por exemplo contra as infestacións de vespa velutina ou contra os lumes forestais) ou para situacións de emerxencia (extravío de persoas ou accidentes en estradas remotas, entre outras incidencias). Seguindo nesta liña, a entidade que preside Manuel Baltar vén de impulsar a posta en marcha dun grupo de expertos en drons para promover solucións en seguridade e emerxencias desde o punto de vista lexislativo e operativo.
Así o confirmou o presidente do Goberno provincial, Manuel Baltar, trala sinatura da acta constitutiva do dito grupo de cooperación, asinada polo presidente da Deputación de Ourense; o delegado da zona norte de Servitec Medioambiente, S.L., Hugo Rodríguez; o director executivo da firma local Aerocámaras, Jaime Pereira; a directora de mercadotecnia de Dräger; Marisa López, e o director xeral de Emprego e Emprendemento da Escola Superior de Enxeñería da Universidade de Cádiz.
Segundo fixeron saber, a iniciativa ten o obxectivo de seguir mellorando a capacidade das administracións nas súas competencia nestas materias, así como a resposta operativa ante situacións de emerxencia e promover innovacións aplicando as tecnoloxías dos vehículos aéreos non tripulados (drons ou UAV).
Segundo se reflicte no acordo asinado, a finalidade do grupo de expertos é “establecer estándares de calidade en formación e produtos relacionados co ámbito das emerxencias e a seguridade pública e privada, e realizar propostas á Axencia Estatal de Seguridade Aérea (AESA) desde o punto de vista dos expertos en drons para emerxencias e seguridade”.
Entre as actividades previstas inclúese o exame das cuestións operativas e lexislativas que limitan os medios empregados e a capacidade de resposta das administracións competentes en emerxencias e seguridade. Tamén se dará acubillo ao deseño dun cronograma e un plan de traballo que permitan a empresas e administracións públicas implementar as mellores iniciativas nesta materia. A maiores, promoveres o desenvolvemento de solucións tecnolóxicas innovadoras.

Categorías: Ciencia

O COETG-AETG convoca os seus premios á investigación e ás TIC solidarias

códigocero - Ven, 04/13/2018 - 11:52
Julio Sánchez Agrelo, decano do COETG

O Colexio Oficial e a Asociación de Enxeñeiros de Telecomunicación de Galicia (COETG-AETG) veñen de convocar unha nova edición dos seus galardóns encamiñados a distinguir, visualizar e reivindicar o espírito innovador, creativo, dixitalizador e socialmente responsábel das/os nosas/os investigadoras/es, profesionais e empresas. Estamos a falar dos Premios Galicia Telecomunicacións e Sociedade da Información 2018, que collen pulo con dous galardóns concretos: o Premio Gradiant á Mellor Tese Doutoral aplicada ao Sector TIC 2018 e máis o Premio Mellor Proxecto TIC con Beneficios Sociais. Os recoñecementos entregaranse no transcurso da XXIII Noite Galega das Telecomunicacións e da Sociedade da Información, prevista para o 1 de xuño. O prazo de presentación de memorias para todos os premios remata o vindeiro 2 de maio ás 10:00 horas.
Polo que respecta ao Premio Gradiant, vén da man do COETG-AETG en colaboración coa Fundación Centro Tecnolóxico das Telecomunicacións de Galicia (Gradiant). Ten unha dotación con 1.500 euros e o seu obxectivo é “fomentar a realización de teses de doutoramento con potencial de aportar valor no mercado como vehículo de xeración de coñecemento e recoñecer a aqueles investigadores das universidades galegas que teñan completada a súa tese doutoral nun eido aplicable ao sector TIC”.
Polo que atinxe á edición 2018 do Premio Mellor Proxecto TIC con Beneficios Sociais 2018, foi convocado en colaboración coa Axencia para a Modernización Tecnolóxica de Galicia (AMTEGA). Trátase dun premio de carácter honorífico e está destinado a “recoñecer os mellores proxectos no ámbito das Tecnoloxías da Información e a Comunicación (TIC) que contribúan e aporten beneficios á sociedade”.

Categorías: Ciencia

A idade mínima para usar WhatsApp pasará de 13 a 16 anos

códigocero - Ven, 04/13/2018 - 10:41

Normalmente ignoramos as condicións de servizo das aplicacións que empregamos no noso día a día, pero estas teñen a súa importancia, especialmente no que a responsabilidade legal se refire, de aí que sorprenda bastante que dean conta que WhatsApp está a preparar unha nova redacción dos seus termos de uso, que probablemente entraría en vigor o 25 de maio, e que mudaría a idade mínima para poder empregar esta aplicación de mensaxería.
Os termos de uso actuais de WhatsApp recollen que os usuarios deben ter como mínimo 13 anos de idade (ou a idade mínima requirida en cada país) ou ter autorización dos proxenitores, pero o novo texto indicaría que a idade mínima para empregar WhatsApp pasaría a ser de 16 anos, aínda que este tipo de limitacións resulta pouco relevante para o usuario final, xa que non están establecidos mecanismos de verificación da idade dos usuarios, aínda que iso podería mudar no futuro no caso de que os lexisladores obriguen a que se faga tal.

Categorías: Ciencia

A Coruña lanza un programa de obradoiros para loitar contra as adicións dixitais

códigocero - Ven, 04/13/2018 - 09:42

O Concello da Coruña quere combater os malos hábitos derivados dun uso non axeitado das novas tecnoloxías, poñendo o foco no expostas que están as novas xeracións. Por este motivo, vén de activar un programa divulgativo para a prevención de adiccións dixitais para menores e familias que ten, entre outros obxectivos, a vontade de facilitar recursos á cidadanía para que sexa quen de detectar os primeiros síntomas do devandito problema. Ese é o obxectivo dos obradoiros que comezarán o vindeiro 15 de abril e que se desenvolverán, nun primeiro treito, até o 15 de xuño en varios centros cívicos da cidade, impulsados polo departamento municipal de Xustiza Social.
Os destinatarios desta proposta son crianzas e adolescentes, de 11 anos en diante, e as súas familias, a quen se lles achegará información sobre as Tecnoloxías da Información e a Comunicación, as TIC, e os perigos que se derivan dun uso indiscriminado das mesmas. Os obradoiros, que se inclúen dentro do Programa de Prevención de Drogodependencias, dividirán aos participantes por franxas de idade para informar dos usos correctos e incorrectos, así como dos riscos que estes últimos poden xerar, do ámbito dixital.
A asociación de loita contra a droga, ACLAD, será quen imparta estas actividades de divulgación, un total de 40 obradoiros (de 20 prazas cada un) que se prevé que cheguen a 800 persoas e nos que se falará de protección da privacidade, xestión da información ou videoxogos, ademais de ciberacoso, ciberchantaxe (sexting e outras modalidades) ou estafas de índole económica, entre outros contidos. As persoas interesadas en asistir a estes talleres deberán anotarse nos centros cívicos nos que se desenvolverán. Toda a información está na web do Concello.

Categorías: Ciencia

Vodafone terá nas tendas os pedidos dos seus clientes nun prazo máximo de dúas horas

códigocero - Ven, 04/13/2018 - 09:42

Vodafone España vén de lanzar un servizo que axiliza e facilita os procesos de solicitude de produtos en establecementos da operadora. Estamos a falar do servizo Recollida Express, que, segundo sinala a compañía, permite que os clientes poidan recoller o seu pedido de terminal e SIM nas tendas Vodafone, nun prazo de tempo máximo de 2 horas desde que o solicitan. A iniciativa, que xa está en marcha en seis locais de Madrid, Valladolid e Valencia, espallarase de maneira gradual aos case un milleiro de puntos de venda que constitúen a canle de distribución de Vodafone no eido estatal. O servizo ten, ademais, a vantaxe de ser de balde. Achégase tanto para os clientes que anoven terminal como para quen peida un número novo con ou sen terminal.
As persoas interesadas poden solicitar o servizo Recollida Express chamando ao 123 ou 1444 ou facéndoo ao 22123 ou 1444 se non son clientes. A compañía tamén lembra que en datas vindeiras a iniciativa estará dispoñíbel a través da web www.vodafone.es, o que deixará marxe aos usuarios para elixir exactamente en que tenda recoller os seus pedidos.
Por outra banda, a operadora complementará estas novidades coa posta en marcha dun servizo de cita previa que permitirá seleccionar data e hora para realizar calquera xestión en tenda (contratación de produtos, atención ao cliente, etc) e outro de Entrega Premium que fara posíbel que os clientes poidan recibir os seus pedidos en dúas horas ou en horario nocturno no seu domicilio.

Categorías: Ciencia

Algunos anfibios de Centroamérica se están recuperando

Investigación y Ciencia - Ven, 04/13/2018 - 00:00
Se han vuelto resistentes a la infección fúngica que arrasa sus poblaciones en todo el mundo.
Categorías: Ciencia

As nosas empresas innovadoras mostran os seus servizos revolucionarios nunha xornada do Cluster TIC

códigocero - Xov, 04/12/2018 - 23:05

O Cluster TIC Galicia, en colaboración co IGAPE, celebrará o 19 de abril unha xornada para dar a coñecer novos produtos innovadores do sector tecnolóxico en Galicia. O evento celebrarase na Sala Eisenman da Cidade da Cultura, a partir das 9:30 horas, contando a sesión de apertura coa presenza de Norberto Penedo, director da Área de Competitividade do IGAPE, e de Antonio Rodríguez, presidente do Cluster TIC Galicia. A empresa viguesa Xesol Innovation (centrada na condución segura e intelixente e responsábel dun asistente de condución intelixente que achega máis ángulos de visión aumentada da contorna do automóbil) será a encargada de abrir o encontro co relatorio O coche do futuro: tecnoloxía para unha nova automoción.
Tras a súa intervención, a empresa de desenvolvemento de software Tecalis, con sede no Milladoiro (Ames) explicará os últimos avances na aplicación do blockchain ao mundo das transaccións. Logo, o director do IGAPE, Juan Cividanes, moderará a rolda de presentación de produtos innovadores, na que se mostrarán servizos e solucións concretas como a tecnoloxía de xeolocalización en interiores de Situm, a plataforma de gamifación Dogoplay de Cleventy, a plataforma de intelixencia nos negocios Obsidian de Ozona, a tecnoloxía de retransmisións multipantalla de Cinfo, a plataforma cocoERP Alimentación de AVA e a plataforma para xuntanzas virtuais e presenciais con validez legal de Councilbox. O conselleiro de Economía, Francisco Conde, será o encargado de clausurar o evento. Está prevista a asistencia de grandes clientes potenciais e investidores privados.

Categorías: Ciencia

Páxinas

Subscribirse a IGACIENCIA agregador - Ciencia