Ciencia

O alumnado de ensino obrigatorio terá formación en robótica e programación no curso 2020/21

códigocero - Xov, 09/14/2017 - 22:00

Alberto Núñez Feijoo avanzou hoxe na rolda de prensa do Consello da Xunta que a Estratexia galega para a educación dixital, Edudixital 2020, terá como obxectivos centrais que no curso 2020/21 todo o alumnado do ensino obrigatorio teña acceso a formación en robótica e programación; así como acabar coa fenda de xénero nos estudos STEM, isto é, de ciencia, tecnoloxía, enxeñaría e matemáticas.
Entre as principais medidas que se van implantar para acadar este dobre obxectivo, Feijoo destacou as seguintes: a extensión dos kits de robótica a todos os centros de ensino obrigatorio, a creación do bacharelato de excelencia en ciencias e tecnoloxía, a posta en marcha dos Espazos Maker como zonas de creación científica e a mellora do sistema de libro dixital, con máis centros, mellor conectividade, mellores equipamentos e mellores contidos.
Nesta liña, lembrou que nos últimos cursos foron incorporándose aos currículos novas materias de libre configuración autonómica como Robótica, Programación ou Identidade dixital, que debuta este curso. Paralelamente, durante o curso pasado repartíronse kits de robótica, programación e impresión 3D en todos os centros de secundaria. Deste xeito, hoxe xa hai 12.000 alumnos implicados nalgunha acción de formación científico-tecnolóxica e máis de 750 kits de robótica despregados.
Como primeira grande medida do plan, o presidente da Xunta explicou que durante o ano académico que está comezando se levarán os kits de robótica a 120 centros de primaria e se ofrecerá ao profesorado un plan de formación específico para coñecer mellor estes novos recursos.
«O obxectivo, no horizonte 2020/21, é que todos os centros de primaria dispoñan de kits de robótica e programación, para que os galegos desde a primaria aprendan a destreza nestas disciplinas», incidiu o presidente da Xunta.

Bacharelato de excelencia en ciencias e tecnoloxía

En relación á segunda gran iniciativa: a posta en marcha do bacharelato de excelencia en ciencias e tecnoloxía, o presidente precisou que os mozos que o cursen terán unha materia extracurricular semanal, de dúas ou tres horas, dedicada a afondar no seu coñecemento sobre as materias STEM.
«En lugar de 32 horas lectivas, pasarán a ter 34 ou 35, ademais de participación en charlas, obradoiros ou cursos», aseverou, ao que engadiu que o alumnado deberá realizar, ao longo de dous cursos, un traballo de investigación semellante aos traballos de fin de grao e deberán facer unha defensa pública do proxecto, que será avaliado por unha comisión.
Ao final da etapa, os alumnos recibirán unha certificación na que se acredite que realizaron este bacharelato de excelencia. O obxectivo é que, no curso 2020/21, Galicia conte con 20 centros de ensino secundario con bacharelato de excelencia en ciencias e tecnoloxía.

Espazos Maker e libro dixital

Esta estratexia para a educación dixital integra tamén o desenvolvemento dos Espazos Maker, zonas con equipamento específico dedicadas a fomentar a creatividade e a innovación da mocidade. Estímase que desta iniciativa se beneficien 300 centros no horizonte 2020/21.
Con respecto ao cuarto eixo do plan, prevese estender o libro dixital a 300 centros e a máis de 20.000 alumnos no curso 2020/21, contando con dúas novidades: un módulo específico nos plans de convivencia para traballar a identidade dixital e prever condutas negativas en Internet e premios individuais á creatividade en contornas dixitais vinculados aos proxectos dos centros.

Rede de centros eSTEM.gal

Ademais destes catro grandes eixos, a estratexia tamén incorpora outras novidades como a a creación da rede de centros eSTEM.gal, que aglutinará aqueles centros cunha especial motivación polo desenvolvemento científico-tecnolóxico, permitíndolles compartir as boas prácticas e crear comunidades de interese.
Coa previsión de sumar 100 centros a esta rede no horizonte 2020/21, os que se integren na rede partirán con beneficios á hora de participar en proxectos de innovación educativa.

Máis formación

Así mesmo, para os alumnos cunha gran vocación científica, esta estratexia abre tamén a posibilidade de que poidan ir formarse uns meses a outro centro educativo, nacional ou estranxeiro.
Tamén orientado aos científicos en potencia, este curso comezarase a celebrar a Semana STEM, que brindará de xeito gratuíto a 300 alumnos unha inmersión lúdica nos ámbitos vinculados coa robótica, programación o pensamento computacional ou as tres dimensións.
Ademais, a Estratexia ambiciona multiplicar por 20 o número de clubs de ciencia que hai no ensino público galego, pasando dos 10 do curso pasado a 200 dentro de tres cursos.
No tocante á formación do profesorado, Feijoo afirmou que, ao igual que ocorre co plurilingüismo, se porá á disposición dos docentes máis de 10.000 prazas de formación específica, para garantir a mellor calidade no ensino.

Categorías: Ciencia

Seismologists stumped by mystery shock after North Korean nuclear test

Nature - Xov, 09/14/2017 - 21:37

A second jolt felt minutes after this month's detonation continues to confound researchers.

Nature News doi: 10.1038/nature.2017.22618

Categorías: Ciencia

A Deputación de Lugo e COGAMI colaboran na inserción polo vieiro tecnolóxico

códigocero - Xov, 09/14/2017 - 18:30

A Deputación de Lugo informou hoxe do seu traballo a prol da inserción laboral de persoas con características funcionais diversas, parte do cal apóiase directamente na formación tecnolóxico-dixital (a través dos programas Ben Empregado ou o Comunnitteando). Os datos viñeron da man da deputada de Promoción Económica e Social, Sonsoles López Izquierdo, durante unha xuntanza cun usuario da Confederación Galega de Persoas con Discapacidade (COGAMI) que está a traballar nunha empresa lucense como operario de imprenta (a través do servizo de intermediación laboral en zonas rurais da provincia, que financia o Executivo da Deputación).
A deputada lembrou “o compromiso e a aposta decidida do Goberno da Deputación”, para acadar “unha plena integración e igualdade de oportunidades para as persoas con capacidades diferentes na nosa provincia”. Segundo engadiu, todas as iniciativas de emprego postas en marcha pola entidade provincial (como os devanditos programas Ben Empregado ou o Comunnitteando) van encamiñadas cara ao obxectivo da plena inclusión.
Segundo dixo, son 117.000 euros os que o Goberno achega ao mencionado colectivo para a realización de distintas programacións ao longo do ano. En concreto, destínanse 90.000 euros ao servizo de intermediación laboral, co que “se promove a igualdade de oportunidades no acceso ao mercado laboral en contornas rurais e a través do desenvolvemento de accións formativas”.
Porén, a deputada recordou que o Goberno da Deputación colabora con COGAMI a través de outras moitas programacións. Por exemplo, o colectivo reforzou os servizos que ofrecen aos seus usuarios grazas a anteriores edicións do Ben Empregado, pois contrataron un total de 5 persoas: un axudante de mantemento de xardinería, un profesor de actividade artísticas e unha auxiliar de Enfermería, ambos con discapacidade física, así como un logopeda e fisioterapeuta.
Ademais, a Deputación levou a cabo o Communitteando na provincia dende as instalacións de COGAMI na cidade da Muralla. Trátase dun obradoiro social de emprego xuvenil, con formación teórica e práctica e incluíndo remuneración por valor de 650 euros mensuais (o salario mínimo interprofesional). Nel xa participaron 15 mozos lucenses no paro, incluídos no Sistema de Garantía Xuvenil, polas “súas dificultades para acceder ao mercado laboral”. Especializáronse en xestión de contidos dixitais, sistemas operativos, elementos da rede e aplicacións informáticas e microinformáticas. Por exemplo, crearon a nova páxina web e redes sociais de COGAMI Lugo.

Categorías: Ciencia

FalaRedes e Os Bolechas acompañan a súa nova xira cun concurso en liña

códigocero - Xov, 09/14/2017 - 17:42

A Secretaría Xeral de Política Lingüística informou esta semana da nova edición, a sexta, da iniciativa de dinamización lingüística FalaRedes. Trátase, segundo lembrou o secretario xeral Valentín García, dun programa participativo, itinerante e lúdico para a promoción do galego, tanto no plano real (con accións in situ para as crianzas) coma no dixital. A sexta edición de FalaRedes foi dada a coñecer dende Moraña (Pontevedra), onde comezará (este 16 de setembro ás 18.00 horas na Casa da Cultura) unha xira por 21 concellos da Rede de Dinamización Lingüística (RDL) da Xunta. O percorrido (De Chispa a Tatá, imos de Moraña a Zas) será conducido por uns convidados de excepción: a familia de Os Bolechas, os populares personaxes creados por Pepe Carreiro.
O secretario de Política Lingüística engadiu que se trata dunha actividade “especificamente pensada para familias novas con cativada dos catro aos dez anos, para quen os coñecidos bonecos son referentes galegofalantes cos que ano a ano tentamos chegar con temáticas e propostas diversas pero sempre atractivas co obxectivo de animalos a participar, a socializar e a desenvolverse en galego”. Acompañárono na presentación a alcaldesa, Luisa Piñeiro, e mais un dos responsábeis de Bolanda Edicións, Tomás Valín.
O espectáculo chegará, do 16 de setembro ao 5 de novembro, a Moraña, Sober, Castrelo de Miño, Barro, Caldas de Reis, Castro Caldelas, Triacastela, Quiroga, Rianxo (en colaboración coa Mancomunidade Ría de Arousa Zona Norte), Pazos de Borbén, A Bola, Frades (en colaboración coa Mancomunidade da Comarca de Ordes), Padrón, Negreira, Santa Comba, Arteixo, Zas, Mos, Bueu, Ordes e Xove.
O secretario xeral tamén recordou que esta sexta edición de FalaRedes virá novamente cun correlativo no plano dixital, complementándose os espectáculos itinerantes (coas súas datas e os seus emprazamentos) con retos a desenvolver nas redes. Neste senso, a organización acompañará cada cita cun concurso no que se convidará ás nenas e aos nenos a coñecer unha palabra máxica que lles permitirá acceder á páxina web para “seguir xogando e aprendendo máis” para conseguir até 20 lotes dos libros de Os Bolechas.
A iniciativa presentada esta semana en Moraña é a cuarta proposta de dinamización lingüística que chega á RDL en exclusiva da man dos Bolechas, que xa levaron as actividades Os Bolechas na máquina do tempo, Os Bolechas e o sabichón e mais Os Bolechas van ás Olimpíadas en edicións anteriores do FalaRedes.
FalaRedes 2017
A sexta edición do programa de dinamización lingüística FalaRedes mantén os obxectivos das anteriores de “ofrecer propostas de lecer de calidade en galego para todas as idades e de promover, con elas, o uso e mais a valoración positiva da lingua propia de Galicia”.
Desde o mes de marzo e ata finais de ano, as actividades do FalaRedes están a percorrer os concellos da RDL, unha iniciativa impulsada polo Goberno galego para incidir na promoción do uso da lingua galega desde as administracións local e autonómica que conta con máis de 180 entidades adscritas. Nas cinco edicións anteriores do programa foron preto de 800 as actividades programadas para públicos de todas as idades.

Categorías: Ciencia

MásMóvil estrea tarifa plana de voz por 9,90 euros/mes

códigocero - Xov, 09/14/2017 - 13:36

Cando parecía que as tarifas móbiles só de voz eran cousa do pasado, varias compañías comezan a competir en tarifas planas de chamadas sen datos, de xeito que agora podemos ver como MásMóvil ofrece chamadas nacionais ilimitadas a fixos e móbiles (agás para números de tarificación especial e numeración curta ou no caso de abusos como empregar a liña a xeito de vixía-bebés) por 9,90 euros/mes.
Esta tarifa carece de limitacións de minutos e destinos, para tranquilidade dos seus usuarios. Os usuarios que queiran gozar de acceso á Rede con esta tarifa terán que pagar os bloques de 100 MB a 1,5 euros, cun máximo de 6 bloques, de xeito que tras superar os 9 euros de recarga a velocidade baixará a 16 Kbps.
O máis curioso desta oferta é que ten como un dos seus principais competidores a tarifa de FreedomPop que por 8,99 euros/mes ofrece chamadas ilimitadas e 2 GB de datos, funcionando este operador a través da rede de MásMóvil.

Categorías: Ciencia

Amazon Unlimited chega a España

códigocero - Xov, 09/14/2017 - 12:14

Hai preto dun ano Amazon estreou nos EE.UU. o seu servizo de streaming musical chamado Music Unlimited, co que competir con Apple, Google e Spotify, entre outros, e finalmente o servizo estréase en España, de xeito que de xeito que xa temos a posibilidade de subscribirnos a este servizo que achega un catálogo de máis de 50 millóns de cancións e centos de listaxes de reprodución e emisoras, de xeito que os usuarios poden elixir temas dun completo repertorio musical no que non faltan artistas supervendas (Shakira, Taylor Swift, Katy Perry...) e clásicos (Elvis Presley, David Bowie, Mecano...) así como descubrir música que non coñecen, xa que o sistema integra recomendacións personalizadas.
O lanzamento español de Amazon Music Unlimited non se limita a ofrecer o material dispoñible en EE.UU., senón que tamén inclúe centos de listaxes de reprodución e emisoras coidadosamente seleccionadas por expertos de Amazon Music en música española, de xeito que tanto atoparemos música pop como flamenco, así como tamén poderemos elixir música en función do noso estado de ánimo.
Music Unlimited funciona a través da Internet, tanto no nos ordenador como a través de dispositivos móbiles, contando con opcións de funcionamento sen conexión para que podamos escoitar música cando imos de viaxe e non poidamos/queiramos facer uso da nosa conexión de banda larga móbil.
A subscrición a Music Unlimited custa 9,99 euros/mes para usuarios individuais e 14,99 euros/mes para familias (até 6 membros), aínda que os usuarios de Amazon Prime poderán gozar dun prezo especial de 99 euros/ano para o plan individual e de 149 euros/ano para o plan familiar. A maiores, e como oferta de lanzamento (até o 14 de outubro), os membros de Amazon Prime recibirán 10 euros de crédito promocional coa súa subscrición.

Categorías: Ciencia

Vitae Consultores móstranos o camiño para sermos mellores líderes na nosa empresa

códigocero - Xov, 09/14/2017 - 09:54

Vitae Consultores vai organizar en Vigo unha actividade formativa directamente encamiñada a optimizar o labor dos profesionais que dirixen equipos de profesionais. O Curso Auto Liderado Baseado en Neurociencia (PDF) introdúcenos nas metodoloxías que nos van permitir coñecernos a nós mesmos (autocoñecemento) para comprender os perfís profesionais diferentes ao noso. Isto, sinala Vitae, resulta hoxe en día un paso fundamental para entender as intencións e as motivacións de cada un dos integrantes dunha equipa profesional, o que está na base da resolución de múltiples conflitos e, dende logo, nunha mellor comunicación.
No curso, de 10 horas, proporcionaranse as ferramentas precisas de autocoñecemento e autoliderado para podermos ter unha perspectiva baseada na ciencia que nos axude a ser mellores líderes e traballar en equipo.
O curso, segundo informan os organizadores, fornecerá aos asistentes de 10 PDU (Unidades de Desenvolvemento Profesional, polas súas siglas en inglés Professional Development Unit) a validar polo PMI (Project Management Institute).
Os obxectivos concretos desta actividade formativa son elaborar unha descrición baseada na ciencia do perfil de comportamento profesional, achegar un método eficaz para o autocoñecemento e o autoliderado e subministrar ferramentas para liderar e traballar en equipo xestionando as expectativas e os conflitos.
Como dixemos, inclúe dez horas lectivas a distribuír en dúas xornadas de cinco horas. Celebrarase os días 20 e 12 de outubro no Centro Social A Fundación ABANCA de Vigo, nos números 24-26 da rúa Policarpo Sanz de Vigo.
O curso virá da man de Marcos Carbonell, profesional con máis de tres décadas de experiencia nos sectores do deporte, as novas tecnoloxías e os recursos humanos. Carbonell é diplomado en Empresariais, máster en Recursos Humanos e posgrao en Marketing e en Organización de Empresas. Dende 2006 é socio director de Vitae Consultores e tense responsabilizado, directa ou indirectamente, de máis de 1.000 procesos de selección cunha taxa de máis dun 90% de éxito.

Categorías: Ciencia

Los satélites evidencian que el nivel del mar está aumentando de forma desigual en todo el mundo

Investigación y Ciencia - Xov, 09/14/2017 - 00:00
El agua procedente de la fusión de los glaciares y las capas de hielo se desplaza en mayor proporción hacia las latitudes medias debido a procesos geológicos.
Categorías: Ciencia

O LAIC da Coruña presenta a súa programación de outono

códigocero - Mér, 09/13/2017 - 23:30

Esta tarde desenvolveuse o 2º encontro aberto coas comunidades #LAIC no centro de coworking Accede Papagaio, nun acto no que estiveron presentes o concelleiro de Culturas Deporte e Coñecemento da Coruña, José Manuel Sande, o coordinador do programa Coruña Dixital, Sergio Lago, e a responsable de LAIC, María Yáñez, nunha cita na que pretendían tanto retomar o contacto con participantes do novo Laboratorio Audiovisual de Innovación e Creación (LAIC) como para dar a coñecer a súa programación para os vindeiros meses.
As actividades que xa se atopan programadas son as seguintes:
- Como publicar contidos audiovisuais con licenzas libres: un obradoiro impartido por Jorge Lama sobre licenzas Creative Commons. Desenvolverase no 5 de outubro de 19:00 a 20:30 horas en Accede Papagaio.
- Como profesionalizar a túa canle de YouTube: seminario impartido por un par de profesionais da axencia de representación de talentos dixitais 2btube e polo booktuber lugués Sebas G. Mouret. Terá lugar o 19 de outubro de 16:00 a 20:00 horas en Accede Papagaio.
- Supercine: Taller de Cinema Crowd: achegamento ao movemento colaborativo por parte de Miguel Ángel Rolland, que está dirixido a cineastas e produtores audiovisuais con proxecto. Terá lugar o 21 de outubro de 10:30 a 20:00 horas no Centro Cívico da Cidade Vella.
- Laboratorio Transmedia A Coruña Rebelde: Arquivatón. Esta iniciativa procurará recompilar, dixitalizar e publicar 50 elementos en Archive.org baixo o lema A Coruña rebelde para poder conseguir así crear unha colección sobre ese tema aproveitando a celebración do Día Internacional do Patrimonio Audiovisual. Desenvolverase no Quiosco Alfonso o 27 de outubro de 17:00 a 20:00 horas e o 28 de outubro de 10:00 a 14:00 horas.
- Aventuras dunha youtuber legal: Bárbara Román e José Manuel Sendín de NoLegalTech falarán da súa guía legal para youtubeiros o 2 de novembro de 19:00 a 20:30 horas en Accede Papagaio.
- Laboratorio Transmedia A Coruña Rebelde: Hackatón. Desta volta realizarase un obradoiro de realidade aumentada co material arquivado no repositorio A Coruña rebelde. Quérese crear un prototipo de aplicación para móbiles e tabletas que poida acceder aos materiais de xeito xeolocalizado, relacionando cada arquivo con espazos reais a través da cámara do móbil. Tamén realizarase un webdoc cun mapa interactivo que comparta os mesmos materiais. Esta actividade organizada en colaboración con Bermudas.land terá lugar o 3 de novembro de 16:00 a 20:00 horas e o 4 de novembro de 10:00 a 20:00 horas no Centro Ágora.
- Novos modelos profesionais para o audiovisual: trátase dun encontro para presentar novas oportunidades que abre a Internet ao sector audiovisual, e que está organizada en colaboración coa Academia Galega do Audiovisual. Terá lugar o 9 de novembro de 10:00 a 14:00 horas e de 16:00 a 20:00 horas nun lugar por determinar.
- Taller de narrativas populares contemporáneas: obradoiro teórico-práctico impartido por Felipe G. Gil e Lucas Tello de Zemos98 que permitirá coñecer e experimentar con novas narrativas audiovisuais baseadas en microformatos (GIF, memes, emoticonas, historias efémeras...). Terá lugar o 18 de novembro de 10:30 horas a 14:00 horas e de 16:00 horas a 20:00 horas no Centro Cívico da Cidade Vella
- Laboratorio de Creación de Videoxogos: xornada para idear e prototipar proxectos, organizada en colaboración co Monkey Laboratory, e que terá lugar no Centro Cívico da Cidade Vella o 24 de novembro de 16:00 a 20:00 horas.

Categorías: Ciencia

A Fundación Araguaney e Atresmedia xuntan forzas a prol da formación en innovación audiovisual

códigocero - Mér, 09/13/2017 - 23:22

A Fundación Araguaney-Ponte de Culturas (con sede de operacións en Santiago) e Atresmedia van colaborar en innovación audiovisual e en formación en contidos dixitais. Así o deron a coñecer ámbalas entidades esta mañá en Compostela, logo de asinar un convenio de cooperación que ten por obxecto, nas súas palabras, “crear un marco de relación estábel coa arela de impulsar, executar e coordinar o deseño e realización de cursos, conferencias, seminarios, charlas ou outras actividades”. No acto participaron o presidente da fundación galega, Ghaleb Jaber Martínez; o director de Recursos Humanos do grupo Atresmedia, Lucio Fernández; o director de Onda Cero Galicia, Ignacio Capeáns; a delegada de Antena 3 en Galicia, Eva Vázquez Lima; e o xornalista e formador Luis Fraga.
Segundo fixeron saber, o acordo ten unha duración de dous anos e o deseño dos cursos será responsabilidade de Atresmedia, quedando reservada a organización e a loxística á Fundación Araguaney-Ponte de Culturas. As actividades estarán orientadas sobre todo a innovación, tanto conceptual como técnica dos medios audiovisuais. Nun plano máis concreto, farase especial fincapé nas habilidades e nos coñecementos técnicos dos medios de comunicación actuais, incluíndo “expresamente” as novas tecnoloxías da información, os novos procesos de traballo na área audiovisual, as redes sociais, os medios dixitais ou os contidos multiplataforma.
Ghaleb Jaber Martínez explicou que esta formación ofrece aos profesionais do sector audiovisual “a posibilidade de cursar unha docencia de calidade”, actualizada e inmediata. Lucio Fernández, pola súa banda, asegurou que este acordo permitirá ofrecer en Galicia “formación de calidade”, impartida a través do proxecto Atresmedia Formación que naceu na corporación hai un ano e polo que xa se organizaron cursos en Madrid, Andalucía, Levante ou Castela A Mancha. Tamén dixo que os cursos que se van organizar en Compostela están encamiñados a persoas interesadas en mellorar as súas actitudes profesionais e desenvolver novas habilidades, “principalmente licenciados ou profesionais preocupados por actualizar os seus coñecementos”. Segundo engadiu, “son cursos prácticos presenciais indicados para mellorar a locución e as técnicas de presentación ou ensinar a facer gravacións con móbiles, sempre co acompañamento de formadores da casa ou externos elixidos pola súa recoñecida traxectoria”.
Os cursos impartiranse preferentemente na sede da Fundación Araguaney-Ponte de Culturas (Hotel Araguaney de Santiago), aínda que tamén se poderán celebrar en diferentes cidades de Galicia. Terán unha duración de 15 horas (impartidos en tres días) e un máximo de 15 alumnos que recibirán un diploma acreditativo asinado por ambas as entidades.

Categorías: Ciencia

O programa TIC Arqueolóxico de Lugo comeza este mes con 16 alumnos

códigocero - Mér, 09/13/2017 - 22:54
A concelleira de Economía e Emprego Ana Prieto nunha rolda de prensa recente

O Concello de Lugo vén de publicar na súa web (www.lugo.gal) as actas de selección dos alumnos traballadores (31) e dos monitores e directores dos dous obradoiros de emprego que conseguiu o Goberno local: o Lugo Cóidate, orientado aos servizos de atención sociosanitaria, e o TIC Arqueolóxico, encamiñado á dinamización do Vello Cárcere a través das novas tecnoloxías. As actividades, que comezan o 29 deste mes, teñen un orzamento total de 360.000 euros e veñen da man da Concellería de Economía, Emprego e Desenvolvemento Económico que dirixe Ana Prieto.
O obradoiro TIC Arqueolóxico, con 224.000 euros de orzamento, ten como obxectivo a “posta en valor e comunicación do patrimonio arqueolóxico de Lugo”, amais de facilitar a formación de 16 desempregados maiores de 18 anos e fornecelos de coñecementos para a súa posterior inserción laboral. De xeito complementario búscase impulsar a actividade no Vello Cárcere, centro que conta cun espazo adicado á arqueoloxía.
Segundo a proposta municipal, aprobada integramente pola Xunta, este obradoiro terá unha duración de 9 meses e desenvolverase no Vello Cárcere. Entre as actuacións principais que abranguen as diferentes especialidades formativas a impartir atópase a dixitalización en 3D de bens móbeis e inmóbeis do patrimonio histórico e arqueolóxico do municipio, a elaboración de diversas programacións culturais para desenvolver no Vello Cárcere e a creación dunha canle tecnolóxica cultural.
En canto ao outro obradoiro que poñerá en marcha o Concello, trátase do Lugo Cóidate, que ten un importe de 135.000 euros, 6 meses de duración e 15 beneficiarios, neste caso, menores de 30 anos. Ofrecerase formación e traballo no coidado e atención de persoas maiores, dependentes e nenos e nenas.
O TIC-Arqueolóxico e o Lugo Cóidate súmanse aos programas de emprego que ten en marcha o Concello: Inicia Coworking, Mellora Lugo e (Con) trato feito!

Categorías: Ciencia

A Deputación da Coruña estrea unha plataforma turística integradora e participativa

códigocero - Mér, 09/13/2017 - 22:26

Máis tecnoloxía, máis participación integral e máis colaboración cos concellos. Este podería ser o resumo de obxectivos da actual estratexia turística da Deputación de Pontevedra, que se materializa nunha plataforma de promoción “adaptada aos novos tempos” e coa arela de facer o propio co sector, contribuíndo á súa modernización. A plataforma, que foi presentada hoxe polo deputado Xosé Regueira, ten nas súas palabras o obxectivo principal de “responder aos avances do século XXI”, achegando unha canle interactiva que visualice os diferentes destinos da provincia e, sexa, a maiores, unha ferramenta de utilidade para os concellos.
Regueira lembrou na súa intervención “o importante labor de actualización e mellora da administración en materia turística e de apoio aos entes de xestión”, un labor que se manifesta en cousas como o financiamento integral da incorporación de persoal técnico ás oficinas de información turística en 53 dos concellos da provincia, cun orzamento de 700.000 € que supón, nas súas palabras, “un esforzo na creación de emprego no sector que se complementa coa liña de apoio a Museos e Centros de Interpretación ao que se destinaron 350.000 euros”.
Volvendo á plataforma en si mesma, Regueira recordou que é froito dun importante traballo de actualización para acadar un recurso que fose alén dun simple espazo en liña de promoción turística. De feito, quíxose crear en boa medida un obradoiro común de traballo. Así, ademais de fornecer de información dos distintos destinos, a plataforma “ten a singularidade de incorporar unha intranet que vai permitir contacto directo entre a área de Turismo da Deputación e o persoal dos concellos para que a colaboración sexa máis eficaz”.
Regueira, que estivo acompañado na presentación da xefa de sección, Maite Loureiro e o técnico da empresa adxudicataria do concurso, Óscar Vázquez, lembrou que a páxina web está xa operativa na Rede, baixo o dominio turismo.dacoruna.gal. Abrangue, entre outras cousas, unha parte pública orientada a fornecer información en aberto, e máis unha interna de interacción entre o persoal técnico da Deputación e os concellos. Esta parte interna, lembrou Regueira, pon en xogo “un sistema de colaboración que se inaugura por primeira vez no sector en Galiza”. A páxina tamén destaca pola facilidade de uso que mostra, pola súa vontade de achegarnos á actualidade do turismo coruñés (sección de actualidade e axenda) e por aproximarnos (tamén) a información completa dos seis xeodestinos provinciais, os bens patrimoniais, os distintos camiños ou os programas de promoción da Deputación como o de turismo escolar ou industrial.

Categorías: Ciencia

Preto de 70 negocios galegos contarán cun xestor de redes sociais co apoio da Xunta e a Federación Galega de Comercio

códigocero - Mér, 09/13/2017 - 18:00

A directora xeral de Comercio e Consumo, Sol Vázquez Abeal, e o presidente da Federación Galega de Comercio, José María Seijas, mantiveron hoxe un encontro cos seis xestores de redes sociais que van prestar servizo a preto de 70 negocios galegos no marco do programa de social commerce que desenvolven a Consellería de Economía, Emprego e Industria e a asociación de comerciantes.
Este programa, que se pon en marcha dentro do convenio de colaboración entre ambas entidades, diríxese fundamentalmente a afianzar o éxito dos comercios galegos no eido das novas tecnoloxías, fixando obxectivos empresariais e compartindo experiencias, novas fórmulas de promoción e comercialización, recursos e tendencias para mellorar a súa competitividade.
Con esta iniciativa, achégase ademais unha oportunidade laboral a seis mozos e mozas desempregados que previamente se formaron nun curso de márketing online-community manager dirixido ao sector comercial impartido pola Xunta no Centro das Novas Tecnoloxías de Galicia.
Os comercios foron seleccionados a través da convocatoria de axudas para a modernización do comercio galego, e enmárcanse no Plan Estratéxico de Impulso ao Comercio de Galicia, que ten entre os seus retos o establecemento dun novo modelo de comercio intelixente que sitúe ao cliente no centro da súa estratexia aproveitando todos os recursos á súa disposición.

Categorías: Ciencia

Hurricane havoc, deep-ocean floats and Mexico’s fatal quake

Nature - Mér, 09/13/2017 - 17:03

The week in science: 8–14 September 2017.

Nature 549 136 doi: 10.1038/549136a

Categorías: Ciencia

The new economy of excrement

Nature - Mér, 09/13/2017 - 17:03

Entrepreneurs are finding profits turning human waste into fertiliser, fuel and even food.

Nature 549 146 doi: 10.1038/549146a

Categorías: Ciencia

Ponteareas achega a mocidade á creación de blogs

códigocero - Mér, 09/13/2017 - 16:15

A Oficina Municipal de Información Xuvenil (OMIX) do Concello de Ponteareas, dependente da Concellería de Mocidade que dirixe Verónica Carrera, vén de anunciar a organización dun curso de creación de blogs os días 18, 19, 25 e 26 de setembro. O horario será de 16:00 a 18:30 horas e o lugar onde se impartirán as clases será a sala multiusos da Biblioteca Municipal. No obradoiro trataranse diversos aspectos que introducirán ao alumnado no concepto de blogs (bitácoras en liña persoais onde se achegan contidos actualizados e comentados polos lectores do caderno dixital) e nas súas características.
Tamén se abordarán no obradoiro os diferentes tipos de plataformas para crear un caderno dixital destas características e o manexo nas plataformas de mantemento de bitácoras, Blogger e WordPress. Igualmente, afondarase nas principais características e diferencias das plataformas así como na inclusión de vídeos, imaxes, presentacións e diversos arquivos. As/Os interesadas/os poden dirixirse á Oficina Municipal de Información Xuvenil, situada na Rúa A Perillana 9/11 ou ben chamando ao 672105468.

Categorías: Ciencia

A Deputación de Lugo organiza unha xornada sobre transparencia e acceso aos datos nos concellos

códigocero - Mér, 09/13/2017 - 13:21
O deputado Argelio Fernández na presentación do encontro

A Deputación de Lugo quere fomentar o coñecemento sobre innovación aplicada ao goberno: a gran listaxe de vantaxes que poñen en xogo as novas tecnoloxías para facermos unha mellor xestión pública e para que esta sexa compartida e visíbel por parte da cidadanía. Por estas e outras razóns (por exemplo que se coñezan detalles importantes sobre as obrigas das entidades locais con respecto á información), vai organizar a sétima edición do Encontro Provincial de Cooperación e Asistencia aos Concellos. Segundo fixo saber hoxe o deputado Argelio Fernández Queipo, o evento xirará arredor da transparencia e o acceso a información no ámbito local. Este xornada celebrarase o día 19 de outubro no salón de actos do Pazo de San Marcos.
Fernández Queipo avanzou que o programa está centrado “na importancia da transparencia e o acceso aos datos públicos nas entidades locais”. O encontro, dixo, ten a súa orixe na necesidade de dar resposta ás demandas dos concellos en materia de novos xeitos de administrar e novos xeitos de manexar e obter datos (facendo fincapé en cuestións como privacidade, seguridade, visibilidade). “Dende o Goberno da Deputación entendemos que a transparencia, o acceso á información pública e as normas de bo goberno deben ser os piares de calquera acción política”, explicou.
O Deputado remarcou que nesta xornada participarán dous expertos de recoñecido prestixio, como son os catedráticos de Dereito Administrativo, Emilio Guichot Reina da Universidade de Sevilla; e Oriol Mir Puigpelat da Universidade Pompeu Fabra, autores de numerosos estudios sobre este asunto.
Segundo engadiu nun plano máis detallado, ao longo do encontro debaterase sobre as normativas de transparencia e sobre protección de datos, amais de abordar cuestións complementarias como o límites do dereito de acceso ao coñecemento, así como a publicidade activa nas entidades locais e o dereito de acceso á información pública. Por último analizarase a normativa de transparencia e a dispoñibilidade da información municipal en relación cos concelleiros.
Esta edición está dirixida a representantes institucionais, como secretarios, interventores, tesoureiros ou outros traballadores das administracións locais. Todos os interesados terán en www.deputacionlugo.gal, a partir do día 2 outubro un espazo habilitado co formulario e a información para anotarse. O prazo remata o 13 de outubro. Todos os participantes recibirán un diploma acreditativo da súa asistencia.
Programa da xornada
Mañá
9:15h.- Recepción dos asistentes e entrega da documentación.
9:30h.- Apertura do Encontro. Intervención de Darío Campos Conde, presidente da Deputación de Lugo e de Argelio Fernández Queipo, deputado delegado da Área de Cooperación e Asistencia aos Concellos e Medio Ambiente.
10:00h.- Relatorio: As normativas sobre transparencia e sobre protección de datos. Panorámica e reformas. Emilio Guichot Reina. Catedrático de Dereito Administrativo da Universidade de Sevilla.
11:30h.- Pausa.
12:00h.- Relatorio: Os límites do dereito de acceso. En especial, a protección de datos persoais. Emilio Guichot Reina. Catedrático de Dereito Administrativo da Universidade de Sevilla.
13:30h.- Relatorio: A publicidade activa nas entidades locais. Emilio Guichot Reina. Catedrático de Dereito Administrativo da Universidade de Sevilla.
Tarde
16:30h.- Relatorio: O dereito de acceso á información pública: suxeitos, procedemento e garantías. Oriol Mir Puigpelat. Catedrático acreditado de Dereito Administrativo da Universidade Pompeu Fabra.
17:30h.- Relatorio: A normativa sobre transparencia e o acceso dos concelleiros á información. Oriol Mir Puigpelat. Catedrático acreditado de Dereito Administrativo da Universidade Pompeu Fabra.
18:30h.- Clausura. Intervención de Darío Campos Conde, presidente da Deputación de Lugo e de Argelio Fernández Queipo, deputado delegado da Área de Cooperación e Asistencia aos Concellos e Medio Ambiente.

Categorías: Ciencia

UK gender-equality scheme spreads across the world

Nature - Mér, 09/13/2017 - 12:48

The United States is set to trial a version that will also cover race and disability, while other countries have already embraced the voluntary rating system.

Nature 549 143 doi: 10.1038/549143a

Categorías: Ciencia

Imatia engade novas cidades aos seus traballos de eAdministración en Brasil

códigocero - Mér, 09/13/2017 - 12:22

Imatia segue a espallar os seus achados tecnolóxicos en Brasil. E de que maneira? Pois basicamente aplicando alí os recursos de Administración Electrónica que aquí, na nosa terra, foron integrados en concellos como o de Pontevedra ou o de Ourense, por citar algúns dos máis recentes. Polo que respecta a Brasil, o afianzamento de Imatia non é novo, e xa deu froitos en cidades como Valinhos, Olinda ou Campina Grande. A novidade reside na incorporación da cidade de Cariacica, emprazada no litoral e pertencente ao estado de Espírito Santo, sendo equiparábel en poboación ás nosas urbes da Coruña ou Vigo. É o exemplo máis recente de localidade brasileira “adherida” aos procesos de implantación de eAdministración de Imatia. Ademais de Cariacica, está previsto que durante este ano se somen novas cidades aos estudos técnicos de Imatia dirixidos a avaliar o impacto da dixitalización pública. Por certo que Imatia dispón dunha oficina de seu en São Paulo desde 2015.
Boa parte dos traballos despregados alá pola empresa galega encamíñanse a preparar aos municipios de cara ao medre económico e demográfico experimentado nos últimos anos por boa parte das localidades, un crecemento que desencadeou novas demandas que non están a ser cubertas de abondo polas ferramentas de xestión das que dispoñen, “sobre todo no ámbito recadatorio”, lembra Imatia, explicando que “en moitos casos non existe información actualizada ou a que hai está rexistrada de forma manual, dificultando enormemente a súa procura e mantemento”. Esta situación, explica a firma galega, non permite ás administracións realizar “unha correcta xestión dos recursos, producindo desigualdades e dificultando a planificación de políticas públicas”.
Imatia participa nestas implantacións como parte do Projeto Breogam, un consorcio de empresas brasileiras e españolas especializadas en varios eidos relacionados coa modernización das administracións, fornecendo de experiencia no desenvolvemento e implantación de solucións de software para a automatización de procesos no sector público.

Categorías: Ciencia

A eAdministración e a ciberseguridade centran parte do programa formativo da UIMP

códigocero - Mér, 09/13/2017 - 12:14

Administración Electrónica e ciberseguridade, entre outras cuestións. Estes serán algúns dos eixes temáticos da proposta formativa da Universidade Internacional Menéndez Pelayo para a súa sede da Coruña. O programa de ensino para esta recta final de ano foi dado a coñecer onte na sede da Deputación, contándose coa presenza do director Jaime Rodriguez Arana, da vicepresidenta da Deputación, Goretti Sanmartín Rei e do concelleiro de Culturas da Coruña, Xosé Manuel Sande, ademais directores e directoras dos cursos.
Segundo explicou a vicepresidenta da Deputación (entidade colaboradora), os cursos da UIMP contribúen ao abrollar dos coñecementos da Universidade cara a súa contorna, sendo pioneiros na cuestión de “facer accesíbel a información e as figuras da investigación en relación a un público que vai alén do universitario”. Tamén destacou o contido de “interese social” dos obradoiros, ademais da novidade do ciclo e conferencias Talento e Sociedade, en que participarán Darío Villanueva, Mabel Loza ou Andreu Palop.
Pola súa banda, o director da UIMP en Galiza, Jaime Rodríguez Arana, salientou que o programa de cursos avanzados está conformado por actividades con contidos diversos e “a actualidade como denominador común”. Rodríguez Arana fixo fincapé no curso dirixido por Xosé Antonio Fraga sobre Salvador de Madariaga, Innovación na administración pública, a cargo de Manuel Arenilla; en Políticas públicas e servizos sociais, dirixido por Victoria de Dios Vieitez, en O rol das políticas urbanas e o urbanismo nos próximos vinte anos de Almudena Fernández, en O futuro do protocolo de Rafael Vidal.
Tamén salientou o curso Hacking ético para novos escenarios da ciberseguridade, a desenvolver os días 6 e 7 de novembro na sede da UIMP e da man do profesor Pablo González Pérez. Neste evento divulgativo, expertos do sector impartirán coñecementos a través de diversos relatorio e mesas redondas. O fío temático condutor será como o hacking ético inflúe na ciberseguridade actual e vindeira e fornece de solucións para acadar novas tecnoloxías máis seguras e confiábeis. O programa inclúe diferentes achegamentos colectivos (mesas redondas) ao futuro da ciberseguridade a través da IA (Intelixencia Artificial) e o Machine Learning, á empregabilidade no sector e a cuestións como a criptografía, a liberdade, a privacidade e o que se coñece como blockchain (tecnoloxías de codificación da información que sustenta a moeda virtual).

Categorías: Ciencia

Páxinas

Subscribirse a IGACIENCIA agregador - Ciencia