Ciencia

O creador de Buscadestinos.com imparte en Vigo un curso de WordPress

códigocero - Xov, 09/21/2017 - 13:22

A semana que vén os profesionais de Vigo e contorna que anden na procura de coñecemento útil en materia de comunicación en liña, efectiva e económica, van ter oportunidade de acadalo. Máis polo miúdo, a través do Obradoiro sobre WordPress para principiantes que organizan AJE Vigo e Esterea na sede da primeira entidade (no número 21 da rúa Marqués de Valladares). A actividade será impartida os días 29 e 20 por José Alcañiz creador de Buscadestinos.com, Quipup.com ou a aplicación Wakaiti.
Alcañiz ten ás súas costas unha ampla experiencia como profesional vencellado ao mundo de Internet (dende 2000) e ten participado nunha manchea de proxectos web e de comercio electrónico.
Segundo informan os organizadores, trátase dun obradoiro eminentemente práctico onde se aprenderá a instalar, configurar e deseñar unha web ou tenda en liña, “sen necesidade de ter coñecementos de programación, e de maneira moi intuitiva”, explican dende AJE Vigo, engadindo que logo de crearen o seu espazo en liña, os alumnos terán recibirán formación sobre as ferramentas máis acaídas para xestionar páxinas web e tendas dixitais con WordPress. Asemade, coñecerán a estrutura troncal e o funcionamento de temas, widgets, menús e plugins co obxectivo de capacitalos para montar practicamente calquera tipo de web ou tenda de forma autónoma.
Alcañiz ten unha ampla experiencia como relatora e formador, sendo profesor da Escola de Negocios IESIDE Afundación desde 2010, e impartindo cursos de formación en novas tecnoloxías e mercadotecnia para a Universitat de Barcelona, Universidade de Vigo, Universidade da Coruña, Xunta de Galicia, AJE Vigo, Confederacións de Empresarios ou AMTEGA entre outros.
Horario do obradoiro
Venres 29 de Setembro, 16:00 - 20:00
Sábado 30 de Setembro, 10:00 - 14:00

Categorías: Ciencia

O curso de auditoria no ENS do CPETIG achegará contidos a 30 profesionais

códigocero - Xov, 09/21/2017 - 13:04

O CPETIG, en colaboración coa Axencia para a Modernización Tecnolóxica de Galicia (AMTEGA), organiza a partir deste 22 de setembro un curso de auditoría no Esquema Nacional de Seguridade (ENS), que capacitará ás persoas asistentes para levar a cabo as auditorías previstas no marco do RD 3/2010 de implementación do ENS no eido a administración pública. O curso, de 20 horas de duración, será impartido por Juan Luis García Rambla e Diego Cordero Domenech, de Sidertia. O obradoiro está estruturado en catro sesións que terán lugar mañá e os días 23, 29 e 30 de setembro no GH Los Abetos, de Santiago de Compostela. Segundo informan AMTEGA e o CPETIG participarán na actividade 30 profesionais.
Segundo informa o colexio que preside Marcos Mata, os contidos teóricos estarán centrados nos fundamentos da implementación do ENS e nas medidas para cada un dos marcos que constitúen a norma de seguridade. Estes, engade o CPETIG, “veranse complementados con sesións prácticas de revisión das medidas aplicábeis e da súa adecuación para o nivel establecido”.
Amais do devandito, a entidade profesional engade que os 30 participantes finalmente inscritos no curso “sairán cualificados para realizar as auditorías establecidas no real decreto, que deben levarse a cabo ao menos cada dous anos, dirixidas a asegurar o cumprimento do ENS”.
O colexio tamén fai saber que o ENS está deseñado para garantir o acceso, integridade, dispoñibilidade, autenticidade, confidencialidade, rastrexabilidade e conservación dos datos e informacións empregadas en medios electrónicos xestionados polas administracións públicas no exercicio das súas competencias.
Máis información do curso e inscricións en cursoens.cpetig.org

Categorías: Ciencia

Google faise con parte do equipo móbil de HTC por 1.100 millóns de dólares

códigocero - Xov, 09/21/2017 - 12:57

A relación de HTC e Google é moi longa, pois a compañía taiwanesa era a que estaba detrás dos primeiros smartphones con Android, de xeito que este fabricante encargouse de varios dos dispositivos da familia Nexus e dos actuais Pixel, pero a empresa non conseguiu transmitir a debida confianza ao consumidor, e nos últimos anos os seus móbiles non conseguiron despuntar en vendas de xeito que actualmente incluso carecen de presenza comercial en tendas físicas españolas (o que acontece en practicamente toda Europa).
O feito de que os móbiles insignia de Google sexan fabricados en moitas ocasións por HTC tampouco paliaba a situación dado que a súa distribución está moi limitada (os smartphones Google Pixel non se comercializan en España nin sequera a través da tenda en liña de Google), o que agudizaba a crise dun fabricante sobre o que había intensos rumores de adquisición por parte de Google como vía de saída á actual situación, pero finalmente atoparon unha solución parcial consistente nun acordo de cooperación con Google por valor de 1.100 millóns de dólares en efectivo.
Con esta operación Google non merca a división de móbiles de HTC, pero si faise con moitos dos seus empregados, especialmente os que estaban involucrados no desenvolvemento dos móbiles Pixel, de xeito que non se expulsa a HTC do mercado. Coa operación Google tamén recibe una licenza non exclusiva da propiedade intelectual de HTC, ou sexa, que Google poderá ter smartphones de seu captando o coñecemento de HTC. A transacción completarase a primeiros de 2018.
HTC continuará a traballar con Google no vindeiro smartphone Pixel (que presentarase en breve) e tamén manterá o seu negocio de realidade virtual, a liña HTC Vive, que en contraste co que acontece cos móbiles, está a ser moi ben considerada, de xeito que actualmente HTC é referente neste ámbito (pese a que a compañía considerada pioneira no mesmo é Oculus).
Temos así que a colaboración durante a última década de Google e HTC remata dun xeito tan drástico como cando Microsoft absorbeu a Nokia, senón que desta volta Google actúa máis como un salvavidas da compañía taiwanesa, dándolle unha inxección económica que precisa para manterse en activo e buscar avanzar en liñas de negocio como a Internet das Cousas que poidan garantirlle un futuro.

Categorías: Ciencia

MediaMarkt abre as súas portas en Compostela

códigocero - Xov, 09/21/2017 - 11:57

A cadea de tendas MediaMarkt iniciou a súa actividade en Galicia en febreiro de 2008, cun avance paseniño que comezou polas grandes cidades de Vigo e A Coruña, para chegar logo a Lugo, Ferrol e, finalmente, a Santiago de Compostela, polo que quixemos achegarnos ao xerente do novo establecemento, Alfonso Chenlo, para comentar o que ofrece esta nova tenda sita no Polígono Costa Vella.

– Santiago de Compostela é a quinta tenda de MediaMarkt na nosa comunidade. Podemos entender que é a que pecha o espallamento de MediaMarkt en Galicia?
– Non, para nada. Viños con moita ilusión a Santiago, lugar no que queriamos estar dende hai tempo, pero MediaMarkt segue nun proceso de expansión grande, combinando tendas en liña e fóra de liña, e facendo que as tendas sexan o máis experienciais posible.

– Aparte da presenza en tenda, contar cun novo establecemento tamén mellora o servizo en proximidade, con facilidades como o envío a domicilio.
– Sen dúbida. Temos distintas opcións adaptadas ás necesidades que poida ter o cliente, que pode mercar pola Internet na nosa páxina web e recoller o produto na tenda, pode recollelo na tenda no seu propio coche a través do servizo de Stop&Go, pode mercalo en liña e que llo envíen á súa casa, pode mercalo na tenda e tamén que llo envíen a casa con distintos radios de 5 e 15 quilómetros de forma inmediata, e tamén pode elixir o día e franxa horaria na que recibir o seu produto. O que queremos é satisfacer ao cliente ao máximo.

Alfonso Chenlo, xerente de MediaMarkt Santiago

– No establecemento físico, aparte dun bo inventario de produtos, que servizos ofrecedes de xeito adicional?
– A nosa tenda é a máis omnicanle, dixital e experiencial que temos hoxe en Galicia, precisamente porque queremos que o protagonista sexa o cliente e todas as experiencias que poida ter ao redor dos produtos. Neste senso temos espazos como o da realidade virtual ou o gaming onde o cliente pode interactuar; o mundo do son, onde tamén o cliente, de xeito táctil pode interactuar cos seus dispositivos coas distintas opcións que temos; tamén a zona de robótica educacional; a zona de coidado persoal; unha zona de Customer Experience onde hai un calendario de formacións grupais de balde para os clientes e tamén formacións one-to-one (adaptadas ás necesidades de cada cliente individual); é dicir, que do que se trata é de que o cliente poida vivir experiencias en cada recuncho da nosa tenda.

– O servizo técnico tamén é unha grande preocupación dos consumidores. Que achegades vós como valor engadido?
– Temos un Media Service (que todos os clientes que veñan á tenda poderán ver na zona das caixas) onde hai técnicos especializados que o que fan é reparar a pantalla dun teléfono cando está rota, se tes un problema co ordenador tentamos solucionarcho... toda esta parte pecha un círculo: dende a compra do produto até cando, por desgraza, pode fallar. Contar con profesionais formados tecnicamente para isto segue profundando no tipo de servizo que queremos dar: todo o que necesite o cliente.

«A nosa tenda é a máis omnicanle, dixital e experiencial que temos hoxe en Galicia» – Alfonso Chenlo, xerente de MediaMarkt Santiago

– Xa que comenta o do servizo técnico, podemos dicir que cos móbiles, ao igual que coas enfermidades, é mellor previr que curar.
– Sen dúbida. O que temos é distintas opcións de protección de pantalla, de fundas para os móbiles... son aspectos que hoxe en día, cando mercamos un teléfono, realmente valoramos.
Aproveito para dicir que coas fundas temos un servizo de personalización. Podemos personalizar as fundas dos teléfonos e calquera outro produto electrodoméstico ou outro tipo de soporte (por exemplo, para as túas fotografías, poñéndoas en distintos cadros). Se queremos dar un aire novo á neveira e pórlle unha fotografía nosa, tamén podemos. Facemos isto coa cafeteira, cun disco duro... temos distintas opcións para que teñas o produto o máis customizado posible ao teu xeito.

– Aínda que os establecementos de electrónica de consumo estaban ao comezo restrinxidos á liña branca, cada vez teñen máis presenza de produtos de informática, telefonía móbil... Cal é o segmento que está a medrar máis entre os produtos que tedes actualmente?
– Temos todo o abano de electrónica de consumo, pero tamén robótica educacional, drons, gaming... son segmentos que hoxe están crecendo de forma exponencial.

– No mundo da telefonía non notades como a xente cada vez se anima máis á compra en liña, ou percibides que o público quere tocar o produto antes de mercalo?
– A venda pola Internet para nós é unha forma máis de contactar co cliente. Se é a opción que escolle, para nós non é un problema. E na tenda damos a opción de probar os produtos.

– E agora que xa son 5 as tendas de MediaMarkt en Galicia, dende Compostela tedes como obxectivo superar a algún outro dos vosos establecementos galegos?
– Non máis aló do pique san que teñen os propios vendedores. É simplemente a paixón polos clientes e o servizo. Orgullécenos que os clientes que veñen hoxe vaian volver mañá porque quedan satisfeitos co servizo que lles damos.

Categorías: Ciencia

As novas charlas TEDxGalicia celébranse no Gaiás o 2 de decembro

códigocero - Xov, 09/21/2017 - 11:23

Xa se albisca ao lonxe un dos eventos divulgativos e formativos que máis tocan de preto a quen ande cun pé nas novas tecnoloxías e outro na creación de contidos de toda índole. Falamos das novas charlas TEDxGalicia, que se celebran o sábado 2 de decembro no Museo Centro Gaiás e que nesta edición terán como lema Ultreia. Ánimo para ir máis alá. A edición galega virá novamente (logo de dúas convocatorias consecutivas) da man da Cidade da Cultura, respondendo ao seu obxectivo de “apostar por promover a difusión de ideas innovadoras”.
As charlas desenvólvense en todo mundo coa arela de situarnos aos usuarios das novas tecnoloxías máis alá (moito máis alá) do noso papel de usuarios. As sesións TEDxGalicia queren amosar a innovación da innovación e, a maiores, converternos a todos e innovadores e creadores.
Segundo nos recordan dende a Cidade da Cultura, as xeiras de divulgación e debate TED creáronse en 1984 en California como un evento para a transmisión “daquelas ideas que pagan a pena ser difundidas”, sendo TED o acrónimo de Tecnoloxía, Entretemento e Deseño, as súas tres grandes áreas temáticas. O seu formato áxil (duración máxima de 18 minutos), así como a escolla de relatores e temas fixo que axiña se convertesen nun fenómeno viral con millóns de visualizacións a través de YouTube. Teñen pasado polas sesións persoeiros da tecnoloxía, as artes, o activismo e a política como Bill Clinton, Bill Gates (o creador de Microsoft), Jane Goodall, Frank Ghery ou Bono (U2).
Co lema Cara unha sociedade movida pola talento, a primeira edición dos TEDxGalicia celebrouse no ano 2010. Desde 2015, a Cidade da Cultura acolle este evento no marco de seu programa de apoio ao emprendemento e a innovación.
A organización de TEDxGalicia anuncia que os nomes de conferenciantes non se darán a coñecer ate principios de novembro, pero que as entradas para asistir como público sairán a venda o 1 de outubro en tedxgalicia.com ou en cidadedacultura.gal.

Categorías: Ciencia

Vitae introdúcenos en outubro na selección de perfís TI baseada na neurociencia

códigocero - Xov, 09/21/2017 - 11:00

Vitae Consultores está a achegar un outono cargado de formación avanzada para axudarnos a subir novos chanzos na escaleira da excelencia profesional no ámbito tecnolóxico. Nesta liña insírese a oitava edición do Curso Avaliación e Selección Avanzada de Perfís TI (e non TI) baseadas na Neurociencia (PDF), que Vitae organiza os vindeiros días (23, 24, 30 e 31 de outubro, en horario de 16.00 a 21.00 horas) no Hotel Attica 21 Coruña. A actividade, que terá unha duración de 20 horas, está encamiñada sobre todo a directores de proxectos e profesionais de recursos humanos. Proporcionaralles 18 PDU (Unidades de Desenvolvemento Profesional, polas súas siglas en inglés Professional Development Unit) a validar polo PMI (Project Management Institute). O curso busca loitar contra un dos grandes problemas das metodoloxías máis comúns de análise profesional, que fallan á hora de equipar aos axentes e avaliación coas ferramentas psicolóxicas básicas para estimar que tipo de talentos ten un profesional a valorar.
“Isto”, sinala a consultora galega, “implica que toda metodoloxía falle, pois fallou previamente o alicerce da mesma, é dicir, quen avalía non foi formado nin capacitado para esta tarefa”. En base a este punto, explica Vitae, o primeiro paso para calibrar a outro profesional será aprender a calibrarnos a nós mesmos. “Coñecéndonos deste xeito acadaremos meirande obxectividade na avaliación doutras persoas”, sinalan dende a consultora, engadindo que neste curso subministraranse as ferramentas e recursos máis indicados para lograr o autocoñecemento e para o exame doutros profesionais, sexa cal sexa o modelo de avaliación do desempeño do que se bote finalmente man.
Para Vitae, é unha realidade incontestábel que o sector das novas tecnoloxías da información (o sector TI) demanda cada vez máis profesionais dos dispoñíbeis no mercado laboral, o que xera tensións nas empresas en canto a dar cumprido cos compromisos profesionais en calidade e prazo cos clientes de seu e en controlar os custes salariais e a equidade interna dos mesmos.
O curso que presenta Vitae céntrase “na eficacia, en que facer, máis que na eficiencia, en como facer, para seleccionar candidatas/os e avaliar o desempeño dos nosos profesionais en contornas de escaseza de traballadores, aínda que ambas as facetas, a eficacia e a eficiencia, son necesarias para o éxito nos procesos de selección e avaliación”.
En definitiva, neste curso proporcionarase un método e unhas ferramentas coas “que se conseguiu unha porcentaxe de éxito de máis do 90% en selección de perfís TI, incluíndo perfís técnicos, perfís de xefes de proxectos, perfís de desenvolvemento de negocio e perfís de alta dirección”, informan os organizadores do obradoiro.
O curso virá da man de Marcos Carbonell, profesional con máis de tres décadas de experiencia nos sectores do deporte, as novas tecnoloxías e os recursos humanos. Carbonell é diplomado en Empresariais, máster en Recursos Humanos e posgrao en Marketing e en Organización de Empresas. Dende 2006 é socio director de Vitae Consultores e tense responsabilizado, directa ou indirectamente, de máis de 1.000 procesos de selección cunha taxa de máis dun 90% de éxito.

Categorías: Ciencia

A semana que vén Pontevedra celebrará a segunda edición do TEK-FEST

códigocero - Xov, 09/21/2017 - 10:58

O Museo de Pontevedra, sede principal do festival TEK-FEST, acolleu a presentación da segunda edición deste encontro de tecnoloxía e patrimonio que desenvolverase entre os días 25 e 30 de setembro cun completo programa de actividades. No seis días que dura esta iniciativa impartiranse obradoiros e conferencias, realizaranse encontros e incluso poderase asistir a performances sonoras no que será unha mostra das disciplinas que tocará o TEK-FEST este ano: a realidade virtual, a artesanía dixital, a fotografía inmersiva e a innovación aplicada aos tecidos. Estes ámbitos conectarán coa memoria da cidade de Pontevedra para amosar ao mundo a potencialidade de pór en valor o patrimonio a través de tecnoloxías emerxentes.
No acto de presentación, o concelleiro de Xuventude e Tecnoloxía, Alberto Oubiña, destacou que «se o ano pasado o lema do TEK-FEST era “a cidade do futuro”, este ano facemos unha viaxe inversa para conectar o pasado e o presente, sempre con esa idea de proxectar o futuro». Pola súa banda, o delegado de Cultura da Deputación de Pontevedra, Xosé Leal, destacou «a necesidade de situarnos na vangarda para comprender o tempo que vivimos», salientando que a súa entidade aposta polo TEK-FEST como «unha iniciativa con percorrido que axude, a través da tecnoloxía, a estreitar a relación que a cidadanía ten co patrimonio cultural».
O director artístico do certame, Toño Cabanelas, subliñou a potencialidade que ten o uso do patrimonio nas tecnoloxías emerxentes. Cabanelas tamén é responsable do obradoiro de realidade virtual e patrimonio fotográfico que ten lugar no TEK-FEST, e do que sairá unha peza artística que se enviará a festivais internacionais especializados neste novo medio.
O TEK-FEST tamén achegará a Pontevedra a primeira Mostra Internacional de VR e Patrimonio, cunha selección de 6 pezas de realidade virtual, ás que sumaranse os resultados do obradoiro con imaxes 3D de Pontevedra.
O festival tamén renderá homenaxe aos pioneiros da tecnoloxía en Galicia, de xeito que este ano terán como protagonista ao finado inventor compostelán Juan Portela Seijo, inventor de aparellos electroacústicos como o Organ Sound, altofalante modular inspirado nos órganos da catedral de Santiago de Compostela.

Categorías: Ciencia

A Cámara de Santiago mostra os segredos dunha boa estratexia de mercadotecnia comercial en liña

códigocero - Xov, 09/21/2017 - 10:35
O especialista en mercadotecnia dixital Modesto Gómez, nunha imaxe de Xaime Cortizo

A semana que vén os profesionais do pequeno comercio da contorna compostelá van ter unha oportunidade para introducirse nas redes como recursos para a promoción dos seus negocios e para a busca de clientes novos (e o mantemento no tempo dos que xa teñen). Estamos a falar do obradoiro O Comercio dixital, as 40 chaves da mercadotecnia 2.0 (formato PDF), que organiza a Cámara de Comercio de Santiago o día 27 de setembro. Esta acción divulgativa centrada no marketing dixital será de balde previa inscrición, e celebrarase no salón de actos da sede cameral, no 44 da rúa San Pedro de Mezonzo, en horario de 16.00 a 20.00 horas. Será impartida por Modesto Luis Gómez, experto en novos recursos tecnolóxicos ao servizo da promoción, a comunicación e as vendas.
A acción formativa, dirixida preferentemente a autónomos, microempresas, PEME, empregados e emprendedores do sector comercial minorista, ten por obxecto que os participantes comprendan a importancia das novas tecnoloxías e a dixitalización no desenvolvemento actual do comercio, que tomen conciencia da envergadura da dimensión 2.0 nos negocios e como afecta aos métodos de traballo e ao potencial do mercado. Ademais, engade a Cámara de Santiago, os asistentes aprenderán como a mercadotecnia dixital pode chegar a transformar as oportunidades de negocio e comercialización grazas ao uso das habilidades dixitais.
Como dixemos, a conferencia estará impartida por Modesto Luis Gómez (Santiago, 1974), licenciado en Económicas pola Universidade de Santiago, e consultor de mercadotecnia da Fundación INCYDE. Segundo o experto, “as novas tecnoloxías poden mellorar a visibilidade dunha empresa, amplificar as súas oportunidades, multiplicar o seu target, mellorar a experiencia dos seus clientes e facerlle gañar reputación”. E engade: “Hoxe en día as novas tecnoloxías son imprescindibles como elemento de economía de escala dixital”.
Modesto Luis Gómez sinala que, para alcanzar estas metas, as mellores ferramentas son as webs, blogs, redes sociais, aplicacións móbiles e elementos de deseño personalizado como os wallpapers. “Quen non as teña e non as use limita moito os seus escenarios de negocio”, explica. Porén, avanza (en referencia á acción divulgativa da semana que vén), que acadar a máxima efectividade, “o pequeno comercio debe centrarse en métodos de traballo dixitais que impliquen “cooperación competitiva”, como por exemplo o email marketing, a xestión de redes, os sistemas integrados de pagos a distancia e os websites colaborativos que se nutran do traballo participativo e colaborativo (coworking).

Categorías: Ciencia

¿Cuántos neandertales había?

Investigación y Ciencia - Xov, 09/21/2017 - 00:00
La arqueología y la genética han dado respuestas muy diferentes a esa pregunta. Un nuevo estudio las reconcilia y descubre la historia de aquella antigua gente, en la que rozaron alguna vez, mucho antes de la definitiva, la extinción.
Categorías: Ciencia

CRISPR used to peer into human embryos' first days

Nature - Mér, 09/20/2017 - 21:26

Gene-edited embryos enable researchers to unpick role of a crucial gene, with more studies likely to follow.

Nature News doi: 10.1038/nature.2017.22646

Categorías: Ciencia

MediaMarkt chega a Compostela cun Día sen IVE

códigocero - Mér, 09/20/2017 - 20:55
Alfonso Chenlo, xerente de MediaMarkt Santiago, presentou esta mañá o establecemento aos medios de comunicación

A expansión da cadea de tendas MediaMarkt ao longo da xeografía galega non para, e mañá inaugurará no nº 2 da Rúa Malta de Santiago de Compostela o seu establecemento número 83 en España e 5º en Galicia (a marca xa tiña presenza en A Coruña, Vigo, Lugo e Ferrol), que nos seus preto de 2.400 metros cadrados alberga unha rica selección de produtos de electrónica de consumo atendendo así boa parte da demanda do interior de Galicia e, para convidar ao público a achegarse á súa primeira xornada de portas abertas, celebran un dos seus Días sen IVE cun horario especial de 8:00 a 23:00 horas (cando o horario habitual do centro é de 10:00 a 22:00 horas).

Día sen IVE

Os consumidores que se achegue durante a xornada do xoves ao novo MediaMarkt de Santiago de Compostela poderán gozar dun desconto nos produtos equivalente a eliminar o IVE nos prezo (ou sexa, un 17,36% de desconto) que aplicarase incluso a produtos de Apple (que noutras ocasións quedan fóra de promoción) polo que o efecto de reclamo é máis que salientable.

Tenda moderna

MediaMarkt Santiago ten unha imaxe moderna e actual, e combina a oferta de produtos con numerosos servizos que fan que a tenda xere un valor que anime aos consumidores a continuar a recorrer a establecementos físicos, empregando a canle dixital como un interesante complemento, xa que os clientes poden realizar os seus pedidos para recollelos en só 2 horas en tenda ou incluso no exterior da mesma dende o seu vehículo (o centro conta con 4 prazas de aparcadoiro Stop&Go para a recollida rápida de pedidos) sen ter que pagar gastos de envío, aínda que nas proximidades de Compostela tamén será posible gozar dun servizo de entrega a domicilio tamén en 2 horas, o que supón unha grande vantaxe para os consumidores que non poden achegarse até a tenda física.
O espazo comercial conta cun completo inventario de produtos entre os que destacan liñas emerxentes como o da robótica educativa, a impresión 3D ou a realidade virtual, de xeito que os interesados nestas tecnoloxías poden velas in situ. A tenda tamén fai unha grande aposta polo sector do gaming, que cada vez esixe mellores equipos que ofrezan as tecnoloxías máis punteiras, e para non quedar atrás en prezos, e centrarse na atención ao cliente en vez de na renovación de etiquetas físicas, o centro conta coas novas etiquetas dixitais Smart Price, que amosan sempre prezos actualizados dos produtos en exposición. Tamén é de agradecer que o establecemento non esqueza a nosa lingua nos seus grafismos.

Servizos que engaden valor

A tenda tamén conta con servizo técnico especializado, que procura dar solución rápida aos problemas dos clientes, é posible contratar un servizo de técnico a domicilio para calquera tipo de instalación; e incluso o servizo postvenda inclúe obradoiros para que os clientes poidan tirar un maior partido aos seus dispositivos electrónicos.
Outros servizos de interese que ofrece o novo establecemento é a personalización de produtos grazas a unha impresora de última xeración que pode funcionar sobre a meirande parte de superficies (de xeito que poden personalizarse móbiles, discos duros portátiles, consolas de videoxogos ou metacrilatos); a instalación de protectores de pantalla para o móbil (destacando especialmente a presenza do sistema InvisibleShield On Demand de ZAGG, que permite protexer a superficie da meirande parte dos smartphones do mercado en poucos minutos); e incluso un servizo de asesoramento a empresas, xa que a tenda ten un espazo específico para tal fin, MediaMarkt Business.

MediaMarkt Santiago conta cun servizo de instalación de protectores para smartphones
A tenda aposta firmemente polo gaming
As etiquetas Smart Price facilitan que os prezos do establecemento estean sempre actualizados
As últimas consolas de videoxogos están presentes na tenda, destacándose o servizo de personalización das mesmas
O novo establecemento non esquece a lingua galega á hora de comunicar cos clientes
Categorías: Ciencia

Snow leopards, ancient zero and Cassini’s big finish

Nature - Mér, 09/20/2017 - 17:29

The week in science: 15–21 September 2017.

Nature 549 312 doi: 10.1038/549312a

Categorías: Ciencia

Sexual competition among ducks wreaks havoc on penis size

Nature - Mér, 09/20/2017 - 17:29

When forced to compete for mates, some birds develop longer penises and others almost nothing at all.

Nature News doi: 10.1038/nature.2017.22648

Categorías: Ciencia

Marine scientists allege Japan has blocked researchers from joining South Korean ship

Nature - Mér, 09/20/2017 - 17:29

Controversy over vessel's name may impede oceanographic collaboration.

Nature 549 318 doi: 10.1038/nature.2017.22621

Categorías: Ciencia

How the Internet of cells has biologists buzzing

Nature - Mér, 09/20/2017 - 15:13

Networks of nanotubes may allow cells to share everything from infections and cancer to dementia-linked proteins.

Nature 549 322 doi: 10.1038/549322a

Categorías: Ciencia

A xira @asLAN comeza o seu percorrido de novidades TIC en Compostela

códigocero - Mér, 09/20/2017 - 14:40

A nova edición da xira Tour Tecnolóxico @asLAN, que organiza a asociación do mesmo nome por unha manchea de localidades estatais, chega este 21 de setembro ao Hotel Araguaney, en Santiago, baixo o epígrafe Transformación dixital, Todo Conectado. Na cita participarán unhas vinte empresas asociadas achegando os seus puntos de vista sobre as diferentes opcións tecnolóxicas para que grandes e pequenas empresas poidan afacerse ao novo proceso de transformación dixital, tirándolle o máximo partido. A cita de mañá en Compostela será a primeira da xira. Contarase co respaldo do Colexio Oficial de Enxeñería en Telecomunicacións de Galicia (COETG), da asociación tecnolóxica Ineo e do Cluster TIC Galicia. Asemade, o Colexio Profesional de Enxeñaría Informática de Galicia tamén achegou o seu respaldo.
Entre as empresas que darán a coñecer as súas novidades atópase Gigaset, patrocinadora global do evento. Segundo vén de informar a compañía, esta mostrará ao detalle os seus novos produtos profesionais para as empresas. Máis polo miúdo, Gigaset dará conta do seu catálogo de terminais IP de sobremesa e bases DECT-IP ou sistemas multicela.
O tour @asLAN está encamiñando a crear espazos de encontro e divulgación tecnolóxica. A nivel empresarial o periplo ten o apoio dunha manchea de empresas de primeira liña de mercado, como a devandita Gigaset, Sophos, Cambium Networks, Watchguard, Dell EMC, Flytech, Eset, Alcatel, Allied Telesis, CCTV Center e Thycotic.
Esta edición número 12 do itinerario virará sobre “o papel das tecnoloxías en rede para impulsar a transformación dixital" e ofrecerá, en palabras da organización, “unha ampla perspectiva sobre importantes tendencias de futuro e solucións tecnolóxicas dispoñibles para construír infraestruturas dixitais aliñadas co negocio”. Cousas como a Internet das Cousas ou a nube híbrida.
Durante o Foro Tecnolóxico Santiago, os asistentes coñecerán de primeira man as novidades sobre traballo en rede, Internet das Cousas, centros de procesamento de datos, seguridade, análise da información, identidade dixital, computación na nube, mobilidade e colaboración en rede.

Categorías: Ciencia

O CPEIG e AMTEGA achegan aos profesionais do Dereito ás novidades en materia de protección de datos

códigocero - Mér, 09/20/2017 - 14:33

Achegar claves e resolver dúbidas sobre as cuestión xurídicas ligadas á información e as obrigas legais en materia de privacidade (propia e allea) é o gran obxectivo da Xornada sobre a adaptación da Lei de Protección de Datos ao Regulamento Europeo organizada pola Axencia para a Modernización Tecnolóxica de Galicia (AMTEGA) e o Colexio Profesional de Enxeñaría en Informática de Galicia (CPEIG).
O evento, previsto para o 29 de setembro na EGAP de Compostela, contará coa presenza de relatores cunha ampla experiencia en materia legal e tecnolóxica, como Miguel Ángel Davara, catedrático de Dereito Informático e de Informática para Xuristas da Facultade de Dereito da Universidade Pontificia Comillas de Madrid (ICAI-ICADE), e Mar España Martí, directora da Axencia Española de Protección de Datos (AEPD). A xornada está dirixida a xuristas e (tamén) a non xuristas.
Sinalar que a actividade insírese no convenio que o CPEIG mantén coa Axencia para a Modernización Tecnolóxica de Galicia (Amtega). As persoas interesadas en asistir poden inscribirse en eventos@cpeig.gal.
Despois da presentación da xornada, que terá lugar ás 10.00 horas e na que participarán a directora da EGAP, Sonia Rodríguez-Campos, e o presidente do CPEIG, Fernando Suárez, o programa proseguirá cun relatorio a cargo de Miguel Ángel Davara, previsto para as 10.30 horas, e coa intervención de Mar España Martí, programado para o fío das 13.30 horas. A clausura celebrarase sobre as 14.00 horas, e contará coa presenza da directora de AMTEGA, Mar Pereira, e do presidente do CPEIG, Fernando Suárez.
Relatores
Segundo nos conta o CPEIG, Miguel Ángel Davara é doutor en Dereito e socio-fundador da firma de asesores xurídicos Davara & Davara, Asesores Xurídicos, especialistas en Dereito das Tecnoloxías da Información e as Comunicacións. Catedrático de Dereito Informático e de Informática para Xuristas da Facultade de Dereito da Universidade Pontificia Comillas de Madrid (ICAI-ICADE), é tamén coordinador da Área de Informática Xurídica de ICADE.
Davara é director do Master en Dereito das Tecnoloxías da Información e as Comunicacións de ICADE e director dos Cursos de Doutorado en Dereito Informático na mesma Universidade. Tamén exerce como profesor da materia Implicacións socio-xurídicas das Tecnoloxías da Información na Escola de Enxeñaría Informática de ICAI. Asemade, o relator é membro do Grupo de Asesores Legais en Tecnoloxías da Información da Unión Europea en Luxemburgo (DG Sociedade da Información).
Pola súa Banda, Mar España é licenciada en Dereito pola Universidade Pontificia de Comillas, Máster en Protección Internacional en Dereitos Humanos pola Universidade de Alcalá e experta en xestión de entidades sen ánimo de lucro pola Fundación Luis Vives. É funcionaria de carreira do Corpo Superior de Administradores Civís do Estado na especialidade xurídica desde 1989. En canto á súa actividade académica, foi profesora do Máster de Protección Internacional de Dereitos Humanos da Universidade de Alcalá, profesora do Máster de Acción Política do Colexio de Avogados na Universidade Rey Juan Carlos e profesora colaboradora de Dereito Administrativo en ICADE. O CPEIG outorgoulle este ano o recoñecemento de colexiada de honra.
Baixo o seu mandato como directora da AEPD desde xullo de 2015, este organismo puxo en marcha un Plan Estratéxico con máis de 100 iniciativas que inclúe, entre outros puntos, o desenvolvemento de accións que favorecen a innovación e a confianza dixital, así como a realización de labores proactivos para detectar o impacto que poden ter os novos desenvolvementos tecnolóxicos na privacidade. Neste sentido, a Axencia creou a Unidade de Avaliación e Estudos Tecnolóxicos, que ten entre as súas funcións o establecemento de canles de colaboración tecnolóxica con universidades e grupos profesionais.

Categorías: Ciencia

ABANCA e IESIDE xuntan en Compostela centos de expertos de todo o mundo arredor dos retos da transparencia

códigocero - Mér, 09/20/2017 - 12:41

Como conseguir no dixital, e botando man de ferramentas dixitais, que a información dunha entidade financeira coincida punto por punto co que de verdade se está a xerar nesa entidade financeira? Que beneficios ten esta vontade de transparencia tecnolóxica para unha entidade? As vantaxes (credibilidade, fiabilidade, confianza, participación, ética) compensan os riscos? Disto e de moitas cousas máis vaise falar os vindeiros días, entre o 27 e o 29 de setembro, no marco do XIX Congreso Internacional AECA, organizado en Compostela, de maneira conxunta, por ABANCA e o o Instituto de Educación Superior Intercontinental da Empresa (IESIDE) baixo o título de Información corporativa. Claves para un crecemento sostido nunha contorna dixital. O evento foi presentado hoxe en todos os seus detalles, na sede de ABANCA na praza de Cervantes de Santiago.
No acto participaron Miguel Ángel Escotet, director xeral de Responsabilidade Social Corporativa e Comunicación de ABANCA e reitor presidente de IESIDE, José Luis Lizcano, director xerente de AECA, e Manuel Rodríguez, xerente de Cobros e Pagos de ABANCA e director da Cátedra AECA-ABANCA.
Segundo fixeron saber, trátase dun ambicioso encontro internacional nunha cidade internacional. De feito, non é casualidade que se desenvolva nun emprazamento que é encrucillada e destino de viaxeiros, Compostela, nin de que se busque a concorrencia da meirande cantidade especialistas na materia (20 entidades colaboradoras, comezando pola propia Casa Real e incluíndo a Xunta e o Concello de Santiago; 300 congresistas de dez países, medio cento de relatores). Do que se trata, sinalouse na rolda de prensa, é de afondar, a través de contactos e de redes de intercambio de coñecemento, nos desafíos da era dixital para o sector empresarial e financeiro, asentando os alicerces de vindeiros proxectos conxuntos. Dito doutro xeito: o congreso virá con feitura global para afondar unha cuestión global: a información corporativa como clave para un medre sostido.
Segundo sinalaron os participantes na rolda da prensa, esta importancia dos datos estase a traducir nunha relevancia cada vez maior da transparencia, tanto a nivel de entidades públicas como, por suposto, a nivel de empresas. Neste senso, e tendo en conta até que punto é consciente a comunidade internauta (cidadáns en canto ás institucións, clientes en canto a entidades financeiras e empresas) da importancia da transparencia, o evento compostelán centrará boa parte dos seus esforzos en mostrar recursos para garantir esta demanda: que o que se diga sexa real e veraz.
Amais destas cuestións, trataranse temas clave como as novidades na normativa española e internacional sobre contabilidade e auditoría, todo da man de cualificados relatores procedentes de diversos ámbitos e países.
Detalles do programa
A conferencia inaugural correrá a cargo do subsecretario de Economía, Industria e Competitividade, Alfredo González-Panizo, que dará paso á xornada profesional dedicada ás Novidades na normativa española e internacional sobre contabilidade e auditoría, onde o regulador, as corporacións profesionais, firmas e académicos de primeiro nivel tratarán as principais novidades contables aprobadas polo RD 602/2016, de 2 de decembro, polo que se modifican o PGC, o PGC de Pemes, as NOFCAC e as normas de adaptación do PGC de ESFL, ademais das próximas normas internacionais a ter en conta: NIIF-UE 9; NIIF-UE 15 e NIIF 16.
No primeiro día do congreso haberá tamén sesións e seminarios sobre práctica profesional en auditoría e aplicación da nova lei do sector, impartidos polos subdirectores do regulador e outros axentes implicados ademais de expertos contables acreditados (ECA).
O segundo día adicarase á Información corporativa e economía dixital, onde a través de dous obradoiros específicos, unha conferencia-coloquio e un simposio internacional, abordaranse cuestións vencelladas á economía dixital para o sector financeiro, o financiamento empresarial e das PEME, así como a transparencia da información corporativa. Segundo se fixo saber na rolda de prensa, “haberá relatores de importantes organismos internacionais, ademais de conselleiros e directivos de importantes entidades financeiras”.
O último día do evento adicarase a un workshop sobre responsabilidade social corporativa, ademais das sesións paralelas de exposición de comunicacións dos propios congresistas e unha sesión onde se presentarán os últimos documentos AECA e as súas novas opinións emitidas polas súas comisións de estudo, ademais da nova revista AECA-FAEDPYME, e as novidades de experto contable acreditado (ECA), acreditación de referencia para o profesional da contabilidade. A entrega do Premio Enrique Fernández Peña de Historia da Contabilidade 2017, e dos diplomas REFC e certificados CDCC, darán paso ao anuncio do vindeiro Congreso e Encontro AECA, tras o cal, procederase a dar clausura á xuntanza.

Categorías: Ciencia

Este sábado 23 os Amigus Labs converten As Pontes en laboratorio argalleiro

códigocero - Mér, 09/20/2017 - 12:10

Esta semana a asociación Amigus, con centro de operacións nas Pontes, retoma o fío dos seus Amigus Labs. Isto que significa? Pois basicamente que imos ter unha nova oportunidade de abrir as portas da creación tecnolóxica: sermos algo máis que simples usuarios. A cita, que é de balde, será o sábado 23 no Mercado Vello das Pontes. Trátase, máis en detalle, dunha serie de Obradoiros Tecnolóxicos que xirarán arredor de diferentes ferramentas TIC de arte e creación dixital.
Cousas como impresión 3D, fabricación dixital, robótica, programación, realidade virtual, drones, radio control e videxogos, entre outras cuestións. Amais dos obradoiros sobre robótica ou fabricación de kits electrónicos, tamén se achegará a posibilidade de pilotar drones ou de viaxar, como sinala Amigus, “a mundos virtuais en primeira persoa”.
Por se isto fose pouco, habilitarase un recanto onde se mostrarán algunhas das creacións materializadas ao longo dos últimos anos ao abeiro de Amigus Labs. Esta exposición ficará de portas abertas dende as 11.00 até as 14.00 horas, e dende as 17.00 até as 20.00 horas.
Estes son os piares temáticos dos Amigus Labs deste sábado 23:
Fabricación dixital
Exposición de máquinas de fabricación dixital: Impresoras 3D, CNC, fresadora, así como exemplos de ferramentas construídas en Amigus Labs e materiais utilizados.
Xogos retro
Máquinas recreativas feitas por usuarios de Amigus Labs, deseñadas e programadas nos obradoiros.
Minecraft
O popular xogo de Minecraft, hackeado vía Scratch, co que os máis pequenos poden xerar o seu mundo e manipulalo vía programación.
Dron e Radio Control
Exposición de drones e vehículos teledirixidos. Mediante simuladores de voo, os asistentes poderán aprender a manexar vehículos aéreos non tripulados.
Laboratorio sonoros
Oportunidade para introducirnos nas novas tecnoloxías aplicadas á creación musical, en palabras da organización o xermolo “dunha autentica revolución nas maneiras de acceder, crear e transformar o mundo dos sons”.
Escornabots
Introdución teórico-práctica ao proxecto Escornabot: robot educativo aberto para iniciar aos nenos e nenas máis pequenos no eido da robótica e da programación. Os rapaces terán a oportunidade de fabricalos ou ben manexalos a través de taboleiros.
Robótica Lego
Neste obradoiro os asistentes poderán construír, programar e controlar os teus propios robots Lego do xeito máis intelixente, rápido e divertido.
Experimentos Arduino
Os participantes coñecerán diferentes proxectos creados con Arduino, a placa libre de creación tecnolóxica e robótica.
Realidade Virtual
Oportunidade de vivir en primeira persoa distintas experiencias de contornas de realidade virtual.
Organizadores e colaboradores
A cita vén da man da Asociación Informática Amigus, de Amigus Labs e de Merca Nas Pontes. Colaboran, entre outras moitas entidades, o Concello das Pontes, a OMIX local, a Concellería de Cultura, COHEMPO, EuroEume, Nauta, No Ping, Nodo Dixital ou Triade.

Categorías: Ciencia

Xeopesca introdúcenos este 30 de setembro nas potencialidades de Arduino

códigocero - Mér, 09/20/2017 - 12:09

Este sábado 30 de setembro, a partir das 10.30 horas, temos en Compostela unha cita coa tecnoloxía Arduino, plataforma de electrónica aberta que se complementa cun software do mesmo nome e que comparten (hardware e sofware), a arela de tirar abaixo os muros da creación interactiva, robótica e informática. A cita con Arduino, novamente, virá da man da Asociación Xeopesca. Será no Centro Sociocultural de Caramoniña (Santiago de Compostela). O obradoiro incluirá un achegamento ás estruturas e operadores de Arduino, as vertentes analóxicas e dixitais desta tecnoloxía e máis un achegamento a exercicios prácticos coa mesma.
Segundo informa Xeopesca, para participarmos é preciso facermos unha inscrición previa (hai prazas limitadas). Tamén é necesario que levemos o portátil co software Arduino instalado.
Esta actividade insírese no programa de accións que a asociación Xeopesca realiza no marco do convenio de colaboración asinado coa Axencia para a Modernización Tecnolóxica de Galicia (AMTEGA), e incluídas no Plan de Acción de Software Libre 2017 da Xunta de Galicia.
Dende Xeopesca agradecen a colaboración do Recuncho-Maker na execución desta actividade.

Categorías: Ciencia

Páxinas

Subscribirse a IGACIENCIA agregador - Ciencia