Ciencia

Ponteareas achega a mocidade á creación de blogs

códigocero - Mér, 09/13/2017 - 16:15

A Oficina Municipal de Información Xuvenil (OMIX) do Concello de Ponteareas, dependente da Concellería de Mocidade que dirixe Verónica Carrera, vén de anunciar a organización dun curso de creación de blogs os días 18, 19, 25 e 26 de setembro. O horario será de 16:00 a 18:30 horas e o lugar onde se impartirán as clases será a sala multiusos da Biblioteca Municipal. No obradoiro trataranse diversos aspectos que introducirán ao alumnado no concepto de blogs (bitácoras en liña persoais onde se achegan contidos actualizados e comentados polos lectores do caderno dixital) e nas súas características.
Tamén se abordarán no obradoiro os diferentes tipos de plataformas para crear un caderno dixital destas características e o manexo nas plataformas de mantemento de bitácoras, Blogger e WordPress. Igualmente, afondarase nas principais características e diferencias das plataformas así como na inclusión de vídeos, imaxes, presentacións e diversos arquivos. As/Os interesadas/os poden dirixirse á Oficina Municipal de Información Xuvenil, situada na Rúa A Perillana 9/11 ou ben chamando ao 672105468.

Categorías: Ciencia

A Deputación de Lugo organiza unha xornada sobre transparencia e acceso aos datos nos concellos

códigocero - Mér, 09/13/2017 - 13:21
O deputado Argelio Fernández na presentación do encontro

A Deputación de Lugo quere fomentar o coñecemento sobre innovación aplicada ao goberno: a gran listaxe de vantaxes que poñen en xogo as novas tecnoloxías para facermos unha mellor xestión pública e para que esta sexa compartida e visíbel por parte da cidadanía. Por estas e outras razóns (por exemplo que se coñezan detalles importantes sobre as obrigas das entidades locais con respecto á información), vai organizar a sétima edición do Encontro Provincial de Cooperación e Asistencia aos Concellos. Segundo fixo saber hoxe o deputado Argelio Fernández Queipo, o evento xirará arredor da transparencia e o acceso a información no ámbito local. Este xornada celebrarase o día 19 de outubro no salón de actos do Pazo de San Marcos.
Fernández Queipo avanzou que o programa está centrado “na importancia da transparencia e o acceso aos datos públicos nas entidades locais”. O encontro, dixo, ten a súa orixe na necesidade de dar resposta ás demandas dos concellos en materia de novos xeitos de administrar e novos xeitos de manexar e obter datos (facendo fincapé en cuestións como privacidade, seguridade, visibilidade). “Dende o Goberno da Deputación entendemos que a transparencia, o acceso á información pública e as normas de bo goberno deben ser os piares de calquera acción política”, explicou.
O Deputado remarcou que nesta xornada participarán dous expertos de recoñecido prestixio, como son os catedráticos de Dereito Administrativo, Emilio Guichot Reina da Universidade de Sevilla; e Oriol Mir Puigpelat da Universidade Pompeu Fabra, autores de numerosos estudios sobre este asunto.
Segundo engadiu nun plano máis detallado, ao longo do encontro debaterase sobre as normativas de transparencia e sobre protección de datos, amais de abordar cuestións complementarias como o límites do dereito de acceso ao coñecemento, así como a publicidade activa nas entidades locais e o dereito de acceso á información pública. Por último analizarase a normativa de transparencia e a dispoñibilidade da información municipal en relación cos concelleiros.
Esta edición está dirixida a representantes institucionais, como secretarios, interventores, tesoureiros ou outros traballadores das administracións locais. Todos os interesados terán en www.deputacionlugo.gal, a partir do día 2 outubro un espazo habilitado co formulario e a información para anotarse. O prazo remata o 13 de outubro. Todos os participantes recibirán un diploma acreditativo da súa asistencia.
Programa da xornada
Mañá
9:15h.- Recepción dos asistentes e entrega da documentación.
9:30h.- Apertura do Encontro. Intervención de Darío Campos Conde, presidente da Deputación de Lugo e de Argelio Fernández Queipo, deputado delegado da Área de Cooperación e Asistencia aos Concellos e Medio Ambiente.
10:00h.- Relatorio: As normativas sobre transparencia e sobre protección de datos. Panorámica e reformas. Emilio Guichot Reina. Catedrático de Dereito Administrativo da Universidade de Sevilla.
11:30h.- Pausa.
12:00h.- Relatorio: Os límites do dereito de acceso. En especial, a protección de datos persoais. Emilio Guichot Reina. Catedrático de Dereito Administrativo da Universidade de Sevilla.
13:30h.- Relatorio: A publicidade activa nas entidades locais. Emilio Guichot Reina. Catedrático de Dereito Administrativo da Universidade de Sevilla.
Tarde
16:30h.- Relatorio: O dereito de acceso á información pública: suxeitos, procedemento e garantías. Oriol Mir Puigpelat. Catedrático acreditado de Dereito Administrativo da Universidade Pompeu Fabra.
17:30h.- Relatorio: A normativa sobre transparencia e o acceso dos concelleiros á información. Oriol Mir Puigpelat. Catedrático acreditado de Dereito Administrativo da Universidade Pompeu Fabra.
18:30h.- Clausura. Intervención de Darío Campos Conde, presidente da Deputación de Lugo e de Argelio Fernández Queipo, deputado delegado da Área de Cooperación e Asistencia aos Concellos e Medio Ambiente.

Categorías: Ciencia

UK gender-equality scheme spreads across the world

Nature - Mér, 09/13/2017 - 12:48

The United States is set to trial a version that will also cover race and disability, while other countries have already embraced the voluntary rating system.

Nature 549 143 doi: 10.1038/549143a

Categorías: Ciencia

Imatia engade novas cidades aos seus traballos de eAdministración en Brasil

códigocero - Mér, 09/13/2017 - 12:22

Imatia segue a espallar os seus achados tecnolóxicos en Brasil. E de que maneira? Pois basicamente aplicando alí os recursos de Administración Electrónica que aquí, na nosa terra, foron integrados en concellos como o de Pontevedra ou o de Ourense, por citar algúns dos máis recentes. Polo que respecta a Brasil, o afianzamento de Imatia non é novo, e xa deu froitos en cidades como Valinhos, Olinda ou Campina Grande. A novidade reside na incorporación da cidade de Cariacica, emprazada no litoral e pertencente ao estado de Espírito Santo, sendo equiparábel en poboación ás nosas urbes da Coruña ou Vigo. É o exemplo máis recente de localidade brasileira “adherida” aos procesos de implantación de eAdministración de Imatia. Ademais de Cariacica, está previsto que durante este ano se somen novas cidades aos estudos técnicos de Imatia dirixidos a avaliar o impacto da dixitalización pública. Por certo que Imatia dispón dunha oficina de seu en São Paulo desde 2015.
Boa parte dos traballos despregados alá pola empresa galega encamíñanse a preparar aos municipios de cara ao medre económico e demográfico experimentado nos últimos anos por boa parte das localidades, un crecemento que desencadeou novas demandas que non están a ser cubertas de abondo polas ferramentas de xestión das que dispoñen, “sobre todo no ámbito recadatorio”, lembra Imatia, explicando que “en moitos casos non existe información actualizada ou a que hai está rexistrada de forma manual, dificultando enormemente a súa procura e mantemento”. Esta situación, explica a firma galega, non permite ás administracións realizar “unha correcta xestión dos recursos, producindo desigualdades e dificultando a planificación de políticas públicas”.
Imatia participa nestas implantacións como parte do Projeto Breogam, un consorcio de empresas brasileiras e españolas especializadas en varios eidos relacionados coa modernización das administracións, fornecendo de experiencia no desenvolvemento e implantación de solucións de software para a automatización de procesos no sector público.

Categorías: Ciencia

A eAdministración e a ciberseguridade centran parte do programa formativo da UIMP

códigocero - Mér, 09/13/2017 - 12:14

Administración Electrónica e ciberseguridade, entre outras cuestións. Estes serán algúns dos eixes temáticos da proposta formativa da Universidade Internacional Menéndez Pelayo para a súa sede da Coruña. O programa de ensino para esta recta final de ano foi dado a coñecer onte na sede da Deputación, contándose coa presenza do director Jaime Rodriguez Arana, da vicepresidenta da Deputación, Goretti Sanmartín Rei e do concelleiro de Culturas da Coruña, Xosé Manuel Sande, ademais directores e directoras dos cursos.
Segundo explicou a vicepresidenta da Deputación (entidade colaboradora), os cursos da UIMP contribúen ao abrollar dos coñecementos da Universidade cara a súa contorna, sendo pioneiros na cuestión de “facer accesíbel a información e as figuras da investigación en relación a un público que vai alén do universitario”. Tamén destacou o contido de “interese social” dos obradoiros, ademais da novidade do ciclo e conferencias Talento e Sociedade, en que participarán Darío Villanueva, Mabel Loza ou Andreu Palop.
Pola súa banda, o director da UIMP en Galiza, Jaime Rodríguez Arana, salientou que o programa de cursos avanzados está conformado por actividades con contidos diversos e “a actualidade como denominador común”. Rodríguez Arana fixo fincapé no curso dirixido por Xosé Antonio Fraga sobre Salvador de Madariaga, Innovación na administración pública, a cargo de Manuel Arenilla; en Políticas públicas e servizos sociais, dirixido por Victoria de Dios Vieitez, en O rol das políticas urbanas e o urbanismo nos próximos vinte anos de Almudena Fernández, en O futuro do protocolo de Rafael Vidal.
Tamén salientou o curso Hacking ético para novos escenarios da ciberseguridade, a desenvolver os días 6 e 7 de novembro na sede da UIMP e da man do profesor Pablo González Pérez. Neste evento divulgativo, expertos do sector impartirán coñecementos a través de diversos relatorio e mesas redondas. O fío temático condutor será como o hacking ético inflúe na ciberseguridade actual e vindeira e fornece de solucións para acadar novas tecnoloxías máis seguras e confiábeis. O programa inclúe diferentes achegamentos colectivos (mesas redondas) ao futuro da ciberseguridade a través da IA (Intelixencia Artificial) e o Machine Learning, á empregabilidade no sector e a cuestións como a criptografía, a liberdade, a privacidade e o que se coñece como blockchain (tecnoloxías de codificación da información que sustenta a moeda virtual).

Categorías: Ciencia

As historias de Instagram poden compartirse en privado

códigocero - Mér, 09/13/2017 - 11:14

As historias de Instagram están a ser un éxito rotundo, e dado que son un tipo de contido cada vez máis atractivo, pero que conta cun nivel de interacción moi reducido (xa que carece de comentarios público), o que está a cambiar con medidas como a posibilidade de compartir as historias cos nosos amigos a través de mensaxes directas.
Deste xeito, cando vexamos unha historia interesante, poderemos premer na icona do avión de papel que aparece na parte inferior dereita da pantalla, para logo elixir as persoas coas que queiramos compartila e premer logo no botón de enviar, de xeito que logo teremos conversas cos nosos amigos nas que poder reproducir/ver a historia e realizar comentarios sobre a mesma.
Esta funcionalidade respecta o espírito das historias de Instagram, ou sexa, que continúan a ser efémeras, de xeito que cando transcorren 24 horas dende a súa publicación inicial desaparecerán tanto do perfil do seu creador como das conversas na que se compartiu. Amais, os creadores tamén teñen a opción de limitar esta funcionalidade dende as opcións das historias, e nos casos de contas privadas só os amigos comúns poderán intercambiar as historias.
Poder compartir as historias entre amigos pode ser unha funcionalidade de grande interesa para as marcas, xa que facilitará a viralización de contidos dentro de Instagram, algo que até o momento non acontece por mor das mecánicas desta plataforma.

Categorías: Ciencia

Por qué el estrés pica

Investigación y Ciencia - Mér, 09/13/2017 - 00:00
Una investigación con monos relaciona el acto de rascarse cuando se está estresado con una función social.
Categorías: Ciencia

¿Un agujero negro de masa intermedia cerca de Sagitario A*?

Investigación y Ciencia - Mér, 09/13/2017 - 00:00
Los astrónomos encuentran un singular objeto en una nube de gas. Podría explicar la enorme masa del agujero negro del centro de la Vía Láctea. 
Categorías: Ciencia

A USC convídanos a reflexionar da importancia de ter (ou non) competencias TIC

códigocero - Mar, 09/12/2017 - 23:30

Saber até que punto as tecnoloxías poden supor un novo factor de exclusión social, unido aos que xa existían previamente (a procedencia do rural fronte ao urbano, a nacionalidade, a etnia, o sexo, a idade, etc) é un dos grandes obxectivos das I Xornadas internacionais IncluyeT, que veñen da man do grupo de investigación Stellae da Universidade de Santiago e que se celebran esta mesma semana, os días 13 e 14 de setembro, na Facultade de Ciencias da Educación (Campus Vida). Os encontros, en palabras da organización, servirán para debater sobre a importancia de termos competencias dixitais en todos os ámbitos formativos e o papel que estas desempeñan na inclusión social dos cidadáns.
As xornadas están dirixidas á comunidade educativa, especialmente ao profesorado, persoal investigador, familias e crianzas. Outro dos obxectivos é crear un marco para partillar experiencias sobre como dar forma á competencia dixital, o papel da familia, a escola e a contorna e a súa importancia na inclusión/exclusión social. A asistencia é aberta e de balde, previa inscrición na web. Indo ás xornadas en cuestión, dicir que botan a andar mañá (mércores 13 setembro) ás 17 horas cun relatorio de Inés Dussel (profesora do Departamento de Investigacións Educativas do CINVESTAV-IPN, México) titulado A inclusión dixital desde a escola: significados experiencias e perspectivas. De seguido realizaranse dous obradoiros encamiñados a nais, pais e profesorado, un centrado na creación de contidos e outro na seguridade na rede.
En canto á xornada do xoves 14, a sesión de tarde comezará coa presentación de experiencias docentes centradas no desenvolvemento da competencia dixital. Logo haberá unha mesa redonda coa presenza de investigadores/as da USC, Salamanca e a Autónoma de Madrid. Ás 19:45 h Jordi Adell (profesor da Universidade Jaume I de Castelló e director do Centre d""Educació i Noves Tecnologies desa cidade) encargarase de pechar o encontro coa conferencia titulada Cara a un docente dixital crítico.
Engadir que estas xornadas se atopan inseridas no marco do proxecto CDEPI (Competencia Dixital en estudantes de educación obrigatoria. Contornas socio-familiares, procesos de apropiación e propostas de e-inclusión) dirixido polo grupo Stellae e subvencionado polo Ministerio de Economía, Industria e Competitividade.

Categorías: Ciencia

Apple presenta os novos iPhone

códigocero - Mar, 09/12/2017 - 23:00

Durante o evento especial de Apple que inaugurou o Steve Jobs Theater, tras presentar o novo Apple Watch Series 3 e o Apple TV 4K chegou o momento de confirmar os rumores dos últimos meses, e dar conta dos que serán os novos smartphones da compañía da mazá, que parten dos iPhone 8 e 8 Plus, evolución directa dos iPhone 7 e 7 Plus, pero cunhas aparencias externas tan semellantes que sorprendeu que non se adoptase a denominación iPhone 7S e 7S Plus.
Os novos iPhone 8 e 8 Plus chegarán ao mercado español o 22 de setembro (abríndose a reserva o 15 de setembro), repetindo a xogada de comercializarse con pantalla Retina HD de 4,7 e 5,5 polgadas, que desta volta evolucionan ao contar con True Tone e unha gama de cores máis ampla. Venderanse en cor prata, ouro e gris espacial cun prezo de 809 euros para o iPhone 8 con 64 GB de almacenamento e a 979 euros con 256 GB de almacenamento, mentres que o iPhone 8 Plus custará 919 e 1.089 euros nas súas versións con 64 e 256 GB de almacenamento.
Como base da renovación destes teléfonos temos a integración dun procesador A11 Bionic de 6 núcleos e a substitución da súa carcasa traseira metálica por outra de vidro, o que permite a incorporación da carga sen fíos baixo o estándar Qi (ou sexa, que Apple apostaría pola norma presente en móbiles da competencia e que conta cun amplo abano de accesorios entre os que non faltan distintos mobles de IKEA).
Outras novidades serían moito máis sutís, de xeito que volvemos ver como o modelo de 4,7 polgadas ten unha única cámara traseira, mentres que o modelo de 5,5 polgada goza de cámara dual. Aínda que o procesado de imaxe inclúe melloras con respecto á anterior xeración, parece que o máis salientable das novas cámaras é que melloran a gravación de vídeo, de xeito que agora podemos gozar de vídeo 4K a 60 imaxes por segundo e de cámara lenta Full HD até a 240 fotogramas por segundo.
O aproveitamento da dobre cámara do iPhone 8 Plus non se limitará a deixar elixir entre 2 distancias focais ou en conseguir información para poder aplicar o enfoque selectivo, senón que tamén será posible realizar funcións de laboratorio fotográfico en vivo, con distintos efectos que axustan a iluminación en función dun sistema de recoñecemento da escena que separa o fondo do obxecto a retratar, conseguindo así fermosas instantáneas.
No que se refire á carga sen fíos, Apple tamén decidiu integrala no Apple Watch e nos AirPods, e para facilitar a carga de todos estes dispositivos teñen previsto comercializar o ano que vén unha base chamada AirPower na que poderanse pousar os 3 dispositivos á vez para a súa recarga, de xeito que este accesorio aspira seriamente a facerse un oco nos dormitorios de moitos seareiros dos produtos de Apple.

Vídeo de presentación do iPhone 8 e iPhone 8 Plus

Unha cousa máis

Pero o público quedou bastante frío tras verse que os novos iPhone eran moi semellantes aos anteriores, e buscaban algo máis, que atendese aos rumores dun cambio importante de deseño, o que finalmente chegou cando Tim Cook asegurou que quedaba por presentar «One More Thing», ou sexa, unha sorpresa máis que non era outra cousa que o iPhone X, sendo ese nome referencia directa ao décimo aniversario do smartphone de Apple.
Este novo terminal inclúe numerosas novidades, pero non todas se recibirán co mesmo entusiasmo, xa que algunhas decisións de deseño parecen terse adoptado para axustarse ás tendencias de mercado, pero que poden chegar a entenderse como un paso atrás por parte de moitos consumidores, como a erradicación do Touch ID, xa que o novo smartphone ten unha pantalla Super Retina de 5,8 polgadas que ocupa case toda a superficie frontal do móbil, non deixando oco dabondo para un sensor de pegadas dixitais, o que levou a Apple a substituílo por un sistema de recoñecemento facial (baseado na proxección de 30.000 puntos infravermellos para facer un mapa tridimensional da cara do usuario), en vez de mover o sensor á parte traseira (como fixo Samsung co Galaxy S8 ou co Note8), medida pouco xustificada por Apple e que parece un paso atrás en seguridade, xa que o novo Face ID non se empregará unicamente para desbloquear o teléfono, senón tamén para a realización de pagamentos móbiles.
O iPhone X sería o primeiro smartphone de Apple en contar con pantalla OLED, que soporta HDR (Dolby Vision e HDR10) de xeito que consegue reproducir de xeito impresionante os contidos audiovisuais que fagan uso das últimas tecnoloxías da imaxe. Coa tecnoloxía True Tone a pantalla tamén realiza un balance de brancos con respecto á iluminación ao redor, conseguindo unha experiencia de visualización bastante confortable.
A nivel de cámaras si se produce unha mellora importante, xa que a cámara de profundidade que fai posible o Face ID tamén serve para achegar información de profundidade ás fotografías, servindo así tamén para poder disparar atractivos retratos coa cámara frontal do móbil. As cámaras traseiras, pola súa banda, son dúas de 12 Mpíxeles con aperturas f/1.8 e f/2.4 e estabilización óptica, polo que deberían ofrecer magníficos resultados tanto en fotografía como en vídeo.
O iPhone X pode gravar vídeo 4K até a 60 cadros por segundo e Full HD a até 240 fotogramas por segundos, aínda que non faltará o que se fixe especialmente nos Animoji, unha nova prestación que aproveita a cámara de profundidade do iPhone para recrear a súa cara tridimensionalmente e detectar a súa expresión facial, empregando tal tecnoloxía para que certas emoticonas poidan expresar emocións ou incluso empregarse para gravar mensaxes falados que intercambiar a través de mensaxería instantánea. Unha desas prestacións que non supoñen ningunha evolución real (esta tecnoloxía emprégase, por exemplo, nas máscaras de Snapchat e Facebook), pero que son un elemento que resultará rechamante durante os primeiros días dos novos móbiles no mercado.
O iPhone X non poderá reservarse até o 27 de outubro, chegando ás tendas a partires do 3 de novembro a un prezo de 1.159 euros para o modelo con 64 GB de almacenamento interno e a 1.329 euros no caso do modelo con 256 GB de almacenamento interno, deixando claro que este será o dispositivo de Apple ao que aspirar durante os vindeiros meses.

Vídeo de presentación do iPhone X

Categorías: Ciencia

A campaña 1m2 polas praias botará man dos móbiles para limpar os nosos areais

códigocero - Mar, 09/12/2017 - 17:59

Poñer en xogo xeiras colectivas de recollida de refugallos e máis novas tecnoloxías para combater o lixo no mar e os plásticos nas praias. Nisto consiste a campaña 1m2 polas praias e os mares que están a impulsar as organizacións medioambientais Ecoembes e SEO/BirdLife (a través de Libera) e que os días vindeiros, entre o 29 de setembro e o 8 de outubro, desenvolverase en medio cento de puntos xeográficos das costas estatais. A iniciativa, que en Galicia desenvolverase en areais como o de Abeleira ou o de Rodas (entre outros que están por concretar e engadir), complementarase co emprego e coa promoción da ferramenta Marnoba.
Trátase, para quen non o saiba, dunha plataforma tecnolóxica participativa que recompila, rexistra e mostra información sobre os lixos mariños das costas mediante a utilización dunha aplicación gratuíta para móbiles (nela os usuarios poden dar conta das acumulacións de lixo en calquera praia, enviando información, imaxes e localizacións exactas).
Os datos obtidos durante as xornadas convocadas a través da campaña 1m2 polas praias e os mares integraranse na base de datos do MAPAMA (Ministerio de Agricultura e Pesca, Alimentación e Medio Ambiente) para estudalos e acadaremos coñecemento útil que poida servir para ver até que punto os refugallos humanos no mar xeran impactos irreversíbeis.
Ecoembes non é unha entidade acabada de chegar ao aproveitamento das TIC para loitar contra a contaminación. En datas recentes, de feito, desenvolveu o espazo virtual Marine-LITTERHUB, un recurso tecnolóxico dirixido á formación de formadores sobre lixo mariño. A web integra (precisamente) unha ligazón directa ao visor de resultados da aplicación Marnoba, que, como dixemos, permite o envío de datos de caracterización de lixos mariños.

Categorías: Ciencia

MediaMarkt abre este mes de setembro a súa sede de Compostela

códigocero - Mar, 09/12/2017 - 17:58

Tal e como anunciamos dende Código Cero os meses pasados, a empresa de electrónica de consumo MediaMarkt ten entre os seus plans inmediatos abrir sede en Santiago de Compostela, concretamente a través dun establecemento da marca. A data de apertura está prevista para o 21 deste mes de setembro, estando arestora ultimando o proceso de selección do seu persoal, cun total de máis de 1.500 currículos recibidos e 500 candidatos entrevistados. Emporiso, cómpre salientar que para este complexo proceso apostouse polo compromiso social e a loita contra as fendas laborais, contándose coa colaboración de COGAMI (Confederación Galega de Persoas con Discapacidade), incorporando así ao equipo de MediaMarkt a persoas con características funcionais, motrices e cognitivas diversas.
A dita compañía, que xa contratou a máis de 70 profesionais neste seu novo establecemento galego, contou tamén coa achega da Asociación de Empresarios do Polígono do Tambre, quen puxo a disposición de MediaMarkt a súa bolsa de emprego.
Indo ao miolo destes profesionais, entre eles figuran catro nacionalidades diferentes e máis da metade dos empregados pertencen á área metropolitana da cidade compostelá abranguendo diversas funcións que van dende a atención e servizo ao cliente en todos os seus eidos, até perfís de xestión de mercadoría e distribución.
Engadir que con este novo establecemento, a compañía creará 20 postos de emprego indirectos.

Categorías: Ciencia

Jordan seeks to become an oasis of water-saving technology

Nature - Mar, 09/12/2017 - 17:04

As strains on the desert nation’s supply increase, scientists collaborate on projects to keep water flowing.

Nature 549 142 doi: 10.1038/549142a

Categorías: Ciencia

Wallaby milk acts as a placenta for babies

Nature - Mar, 09/12/2017 - 17:04

Gene-expression analysis suggests that marsupial placentas take two different forms.

Nature News doi: 10.1038/nature.2017.22587

Categorías: Ciencia

Samsung prepara un smartphone con pantalla dobrable para 2018

códigocero - Mar, 09/12/2017 - 14:34

Na mesma semana na que sairá á venda o Galaxy Note8 o presidente da división móbil de Samsung Electronics, Koh Dong-jin, realizou comentarios sobre futuros produtos que dan a entender que aínda queda moito espazo para a innovación, xa que asegura que para o ano que vén pretenden comercializar un smartphone cunha pantalla que poidan dobrarse, produto que leva anos nos laboratorios da compañía, e que aínda ten que superar algúns atrancos para converterse nun produto de consumo.
Lembremos que Samsung xa innovou coas pantallas curvas, que foron integrándose pouco a pouco en distintos teléfonos até converterse en todo un estándar para os dispositivos de gama alta, e de conseguir fabricar un teléfono cunha pantalla que non só poida adoptar unha forma curva ou lixeiramente flexible, senón que poida dobrarse completamente para poder transportarse nunha forma compacta, suporía toda unha revolución para o xeito de entendermos os teléfonos móbil (que xa as pantallas de grande tamaño deixarían de ser un problema para moitos usuarios).
Koh Dong-jin tamén confirmou que están a traballar con Harman para desenvolver un altofalante cunha intelixencia artificial para que os usuarios poidan darlle ordes (como reproducir música) na liña do Homepod que tamén prepara Apple.
Sobre o lanzamento do Note8, dende Samsung confirman que en Corea do Sur recibiron unhas 650.000 reservas, o que é un volume impresionante se temos en conta que estamos ante o smartphone máis caro da compañía, aínda que esta boa acollida podería ter moito que ver co feito de que o Note7 fose retirado do mercado, de xeito que os incondicionais da familia Note están ansiosos por volver ter un smartphone de alta gama con S Pen.

Vídeo no que podemos ver conceptos de futuras tecnoloxías de pantalla para smartphones desenvolvidas por Samsung

Categorías: Ciencia

Faculty promotion must assess reproducibility

Nature - Mar, 09/12/2017 - 13:16

Research institutions should explicitly seek job candidates who can be frankly self-critical of their work, says Jeffrey Flier.

Nature 549 133 doi: 10.1038/549133a

Categorías: Ciencia

Vitae mostra as chaves para unha óptima selección de profesionais TI

códigocero - Mar, 09/12/2017 - 12:50

Vitae Consultores quere que as nosas empresas e profesionais se acheguen o máximo posíbel ás correntes da avaliación de profesionais máis innovadoras, correntes que pasan (si ou si) polo autocoñecemento e o autorecoñecemento como primeiro elo da cadea de selección. Nesta liña insírese a oitava edición do Curso Avaliación e Selección Avanzada de Perfís TI (e non TI) baseadas na Neurociencia (PDF), que Vitae organiza os vindeiros días (23, 24, 30 e 31 de outubro, en horario de 16.00 a 21.00 horas) no Hotel Attica 21 Coruña. A actividade, que terá unha duración de 20 horas, está especialmente dirixida a directores de proxectos e profesionais de recursos humanos. Proporcionaralles 18 PDU (Unidades de Desenvolvemento Profesional, polas súas siglas en inglés Professional Development Unit) a validar polo PMI (Project Management Institute).
O curso, segundo explica Vitae Consultores, pretende contrarrestar unha das principais eivas dos modelos de análise profesional máis estendidos, que non adoitan capacitar aos axentes de avaliación coas ferramentas psicolóxicas básicas para estimar que tipo de talentos ten un profesional. “Isto”, sinala a consultora galega, “implica que toda metodoloxía falle, pois fallou previamente o alicerce da mesma, é dicir, quen avalía non foi formado nin capacitado para esta tarefa”. En base a este punto, explica Vitae, o primeiro paso para calibrar a outro profesional será aprender a calibrarnos a nós mesmos. “Coñecéndonos deste xeito acadaremos meirande obxectividade na avaliación doutras persoas”, sinalan dende a consultora, engadindo que neste curso subministraranse as ferramentas e recursos máis indicados para lograr o autocoñecemento e para o exame doutros profesionais, sexa cal sexa o modelo de avaliación do desempeño do que se bote finalmente man.
Para Vitae, é unha realidade incontestábel que o sector das novas tecnoloxías da información (o sector TI) demanda cada vez máis profesionais dos dispoñíbeis no mercado laboral, o que xera tensións nas empresas en canto a dar cumprido cos compromisos profesionais en calidade e prazo cos clientes de seu e en controlar os custes salariais e a equidade interna dos mesmos.
O curso que presenta Vitae céntrase “na eficacia, en que facer, máis que na eficiencia, en como facer, para seleccionar candidatas/os e avaliar o desempeño dos nosos profesionais en contornas de escaseza de traballadores, aínda que ambas as facetas, a eficacia e a eficiencia, son necesarias para o éxito nos procesos de selección e avaliación”.
En definitiva, neste curso proporcionarase un método e unhas ferramentas coas “que se conseguiu unha porcentaxe de éxito de máis do 90% en selección de perfís TI, incluíndo perfís técnicos, perfís de xefes de proxectos, perfís de desenvolvemento de negocio e perfís de alta dirección”, informan os organizadores do obradoiro.
O curso virá da man de Marcos Carbonell, profesional con máis de tres décadas de experiencia nos sectores do deporte, as novas tecnoloxías e os recursos humanos.

Categorías: Ciencia

O Laboratorio de Innovación Audiovisual da Coruña presentará mañá a súa programación

códigocero - Mar, 09/12/2017 - 12:21

O pasado mes de xuño dende a concellería de Culturas, Deporte e Coñecemento da Coruña anunciaron a creación dun laboratorio de innovación audiovisual (LAIC) dentro do programa Coruña Dixital, para o que organizaron un encontro informal a xeito de toma de contacto cos interesados nesta iniciativa, que mañá mesmo vai ter unha segunda edición para poder así concretarse na presentación da súa programación.
Este segundo encontro aberto coas comunidades #LAIC vai ter lugar mañá ás 19:00 horas no espazo de coworking Accede Papagaio, contando o evento coa presenza do concelleiro José Manuel Sande e do equipo de Coruña Dixital, para así presentar a programación para os vindeiros meses, dialogar cos asistentes sobre as liñas de traballo do laboratorio e as distintas iniciativas que se están a levar a cabo na cidade herculina relacionadas coa cultura audiovisual e dixital. Simultaneamente tamén abrirase a preinscrición nas distintas actividades que impulsa o LAIC (todas de balde).

Categorías: Ciencia

O Museo do Pobo Galego convida ao CPEIG aos seus foros de reflexión

códigocero - Mar, 09/12/2017 - 12:09

O Museo do Pobo Galego (MPG) está a organizar este ano un ciclo de foros para albiscarmos en clave colectiva o futuro da galeguidade. O ciclo O noso Pobo. De hoxe noutros corenta anos, actividade inserida na celebración das catro décadas de vida do MPG, pretende reflexionar sobre o tempo que vimos de deixar atrás (a que se cadra é a transformación económica, demográfica e social máis acelerada da historia de Galicia) para mostrar os vieiros que transitaremos no tempo vindeiro. Faise ademais dende diferentes ópticas, un total de catro sesións de debate e análise participativa: o xermolo do noso futuro chantado polo Estatuto dos Dezaseis (9 de maio), as perspectivas demográficas do noso pobo (29 de xuño), a nova economía do coñecemento e a ciencia (xoves 14 de setembro) e o futuro da sociedade do benestar nunha Galicia avellentada (26 de outubro).
Segundo informa o Museo, cada foro inclúe varios relatorios breves sobre as cuestións máis relevantes do tema proposto e un debate coa participación do público. A vindeira sesión (Unha nova economía para a Galicia do porvir na industria e nos servizos) celébrase esta mesma semana, o día 14. Contará coa presenza de Fernando Suárez, presidente do Colexio Profesional de Enxeñaría en Informática de Galicia (CPEIG), Carme Pampín presidenta do Cúster das Ciencias da Vida (BIOGA), e Cesáreo González, secretario do Clúster do Turismo e presidente de FEGATUR. A sesión, que comeza ás 19.00 horas, estará moderada por Enrique Sáez Ponte, do Padroado do Museo do Pobo de Galicia.
Os porqués do ciclo
O ciclo quere fornecer de claves de futuro conmemorando e avaliando as transformacións que o noso pobo vén de deixar atrás (o porvir explicado en base ao presente e o pretérito), remontándose o espectro temático até 1977 (cando comezou a andaina do MPG coa arela de contribuír a un novo rexurdimento da nosa cultura e do noso pobo, “en tanto que suxeito senlleiro dunha historia de seu”). A través das xeiras previstas, o propósito do Padroado é “convidar á sociedade galega a albiscar como ha ser Galicia no futuro inmediato desde a reflexión sobre os cambios habidos nas últimas catro décadas”.
No plano que nos ocupa en Código Cero, o tecnolóxico-dixital baixo unha óptica galega, o fío temático TIC virá da man do presidente do CPEIG, Fernando Suárez, esta mesma semana. A entrada é libre, polo que as persoas colexiadas están convidadas a asistir e participar coas súas preguntas.

Categorías: Ciencia

SmartPEME porá en xogo unha carteira de servizos para o sector turístico

códigocero - Mar, 09/12/2017 - 11:39

A Deputación de Pontevedra vén de achegar máis novidades sobre o seu programa de formación e asesoramento tecnolóxico-dixital SmartPEME, logo de dar a coñecer hai uns días un importante medre (dun 50%) no número de asesoramentos ás empresas, aos profesionais e aos autónomos da provincia. Do que se trata agora é de ampliar esforzos cara ao turismo. Máis en detalle, a entidade provincial engadirá a SmartPEME unha carteira de servizos para o sector turístico e novas temáticas de obradoiros acaídas para as necesidades dos participantes. Estes datos foron subministrados pola presidenta da Deputación, Carmela Silva, e polo deputado de Innovación e Promoción Económica, Javier Dios, durante unha xuntanza cos responsábeis de SmartPEME e cos axentes TIC presentes en cada unha das seis oficinas coas que conta este programa.
Amais das devanditas novidades (incremento nos asesoramentos, ampliación temática dos obradoiros adaptados ás características das persoas usuarias), Silva sinalou que a través do programa asesorarase ás persoas que integran o espazo de coworking do polígono de Barro-Meis, traballarase para a captación de novos colectivos (máis en detalle os comercios minoristas e o sector cooperativista) e elaborarase un plan de difusión para aumentar a presenza de SmartPEME no tecido empresarial. Para acadar isto último está programado enviar boletíns informativos periódicos, actualizar a páxina web do programa, subministrar correos electrónicos recordatorios coa programación dos obradoiros e incrementar a colaboración cos concellos para implantar espazos publicitarios que permitan incrementar o coñecemento da cidadanía deste proxecto.
Ademais, a Deputación de Pontevedra presentará o que Silva e Dios denominaron “un dos seus proxectos máis ambiciosos”, a devandita carteira de servizos para o sector turístico. A través desta, sinalaron, “empregarase a base de datos da Smart Destination para identificar as necesidades do sector”, ademais de contar con actividades formativas “de alto impacto”, cun servizo de información e asesoramento personalizados e un calendario de accións de promoción específicas. Carmela Silva asegurou que “esta carteira de servizos terá un lugar destacado dentro do plan estratéxico que está a elaborar a Deputación de Pontevedra para o turismo da provincia”.
A presidenta provincial lembrou que nos últimos meses xa se incorporaron outras novidades como o asesoramento telemático, unha medida “fundamental para quen cremos na igualdade de oportunidades, xa que as persoas con diversidade funcional non teñen outra forma de acceder a este servizo”. A titular do Goberno provincial tamén recordou a incorporación dun kit de emprendedoras e emprendedores con “ferramentas doadas e rápidas para cada unha das fases de cadanseus proxectos” de mercado, un recurso que, recalcou, xa está dispoñíbel na páxina web de SmartPEME.
Tamén fixo fincapé no servizo SmartPEME Informa, que atende a temas de actualidade “cando algo alerta á sociedade, informando con rigor e aclarando dúbidas”, e SmartPEME Conecta, que pon en contacto ás persoas demandantes coas empresas que teñen ese tipo de produtos, “nos casos nos que o propio persoal do programa non pode dar resposta a esas necesidades.
Resultados excelentes”
Carmela Silva tamén informou que SmartPEME obtivo “uns excelentes resultados” debido a que “é unha moi boa idea que é necesario que se potencie aínda máis, para chegar ao conxunto da cidadanía". Este programa, lembrou, consiste en "levar ás persoas emprendedoras e autónomas e ás pequenas e medianas empresas da provincia as novas tecnoloxías para mellorar a súa competitividade, rachar coa brecha dixital que existe en moitos sectores como o do pequeno comercio ou o sector agrogandeiro, mellorar a eficacia e eficiencia da nosa rede empresarial e xerar maiores beneficios, maior emprego e, ademais, que ese emprego sexa de maior calidade”.
Silva recordou que este ano aumentouse “en preto dun 50% tanto as persoas que se formaron a través dos obradoiros e accións formativas, por unha banda, como o número de empresas e persoas ás que se lles realizaron asesoramentos, pola outra”. Deste xeito, “preto de 3.300 persoas adquiriron novos coñecementos entre xullo de 2016 e xullo de 2017, un 45,5% máis que no período anterior”. Ademais, entre xaneiro e agosto de 2017 atendéronse un 26% máis de consultas, con preto de 1.000, organizáronse 210 obradoiros (un 6% máis) cunha asistencia de preto de 1.700 persoas (un 32% máis) e xeráronse 603 altas (un 3% máis).
Sobre SmartPEME
Recordar que SmartPEME é un modelo de servizo orientado á mellora competitiva das pequenas e medianas empresas e á procura dunha melloría nas vendas e na eficacia e eficiencia das súas tarefas. “Este proxecto”, explica a institución que preside Carmela Silva, “abre novos eidos de actuación e alcanza novos grupos de interese coma os emprendedores, as asociacións empresariais e os axentes de dinamización en concellos”.
Para o seu desenvolvemento, os asesores e asesoras TIC das oficinas do Porriño, Cambados, Pontevedra, Lalín, Ponteareas e Vigo póñense en marcha itinerarios de obradoiros temáticos con diversos niveis de dificultade adaptados ás necesidades das empresas, eventos de networking trimestrais coa participación de profesionais de prestixio, colaboración con asociacións e promoción de alianzas institucionais, especialización sectorial dos asesores en función das necesidades da súa área de influencia, kits de asesoramento en novas tecnoloxías a emprendedores e emprendedoras, identificación e difusión das necesidades TIC aos provedores de solucións para as PEME e, tamén, impulso de novas carteiras de servizos de asesoramento.

Categorías: Ciencia

Páxinas

Subscribirse a IGACIENCIA agregador - Ciencia