Ciencia

Sky ofrece 12 canles de televisión por 10 euros/mes

códigocero - Lun, 09/11/2017 - 20:00

A oferta audiovisual desligada a operadores de telecomunicacións continúa a medrar en España, e chega agora Sky, compañía que por 10 euros/mes achega 12 das canles de pagamento máis vistas da televisión (Fox, TNT, Historia, SyFy, Disney Junior, Nickelodeon, Fox Life, TCM, Comedy Central, Calle 13, Disney XD e National Geographic) que poden verse en directo ou á carta até en 3 dispositivos ao mesmo tempo a través da web, de aplicacións móbiles (Android ou iOS) ou da Sky TV Box, dispositivo que ofertan a só 25 euros e que achega os contidos de Sky ao televisor (así como de aplicacións como YouTube).
O servizo precisa para funcionar que contemos cunha conexión de acceso á Rede cunha velocidade mínima de 2,5 Mbps, e aínda que as retransmisións en directo non teñen moito misterio, no caso da oferta á carta temos unha combinación de series e películas que poden verse baixo demanda como dos contidos das distintas canles ofrecidos mediante catch-up, ou sexa, mediante gravacións por tempo limitado (normalmente os últimos 30 días).
Temos así unha oferta que por unha banda pode lembrarnos a NetFlix ou a HBO (polos contidos baixo demanda) e, por outra, que competiría directamente con BeIN Connect, que ten un paquete de Entretemento por 7,99 euros/mes que inclúe as canles Fox, AXN, TNT, TCM, Fox Life, Nickelodeon, National Geographic, Comedy Central e Historia).

Categorías: Ciencia

A Fundación TIC duplica as prazas nos cursos de InLugo para maiores

códigocero - Lun, 09/11/2017 - 17:00

A Fundación TIC, dependente da Deputación de Lugo, enfía o derradeiro treito formativo do ano e faino achegando a cidadanía á parte máis decididamente creativa, social e dinamizadora das novas tecnoloxías da información. Segundo fixeron saber os responsábeis da fundación, ao longo do cuarto trimestre de 2017 impartiranse 64 cursos e obradoiros de balde. Que significa isto en relación ao fornecido na anterior tempada? Pois a cifra nada desprezábel de 21 actividades máis.
Estas accións, que se van desenvolver a través de InLugo, foron dadas a coñecer hoxe polo presidente da TIC e da Deputación, Darío Campos. Segundo explicou, trátase obradoiros e cursos sobre novas tecnoloxías destinadas aos lucenses de máis de 55 anos, sumando un total de 877 prazas, “o dobre que no trimestre anterior”. Arrancara este mércores, 13 de setembro.
Darío Campos, que estivo acompañado pola alcaldesa de Lugo, Lara Méndez, dixo que “neste trimestre imos reforzar o labor social que está a desenvolver a TIC cun sensíbel incremento no número de cursos e prazas”. A intención, engadiu, é atender a alta demanda formativa da que é o obxecto a Fundación TIC. Ademais, quérese ampliar na medida do posíbel o radio de acción das vantaxes sociais, comunicativas e informativas que teñen as novas tecnoloxías.
Os cursos, engadiu Campos, serán de diversa duración. Deles, 37 serán de dous ou tres días, mentres que os outros 27 terán unha duración dun día. Estes últimos, que se impartirán os luns pola mañá e pola tarde e os venres pola mañá, estarán especialmente adicados ao reforzamento de coñecementos.
Con respecto ás materias, Campos anunciou que aumentarase o número daqueles cursos con máis demanda, os do uso do móbil e de Internet. De feito, pasarase de dúas a tres edicións, tanto do primeiro nivel como do segundo.
O presidente da Deputación tamén salientou a importancia dos obradoiros destinados á mellora da memoria e das habilidades cognitivas e psicomotrices, como os de Xbox ou Wii, “que fomentan este tipo de exercicios mentais”. A demanda e o interese arredor destas actividades motivou que este trimestre haxa oito obradoiros de memoria. Ademais, dentro da programación os maiores da provincia poderán elixir entre talleres de redes sociais, correo electrónico ou uso de Whatsapp, entre outros.
O prazo para apuntarse ábrese este luns 11 de setembro. Os interesados xa poden inscribirse a través de www.fundaciontic.org e www.deputacionlugo.gal ou chamando ao teléfono 982 225 186.

Categorías: Ciencia

A UDC fortalece cunha nova app a súa comunicación co mundo

códigocero - Lun, 09/11/2017 - 17:00

A Universidade da Coruña presentou hoxe unha aplicación móbil para incrementar e mellorar o seu labor comunicativo. A nova app da UDC, dispoñíbel para a súa descarga nos dispositivos Apple e Android, foi dada a coñecer polo reitor Julio Abalde en rolda de prensa. O obxectivo, segundo fixo saber Abalde, é abrir novas vías de contacto entre a Universidade e súa comunidade así como co resto da sociedade. Trátase, pois, dunha xanela aberta a todas as contornas ás que se abren os campus coruñeses, a académica, a social, a institucional e mesmo a empresarial. Deuse a coñecer baixo o nome xenérico de UDC móbil.
O reitor salientou na presentación o traballo despregado polo Servizo de Informática e Comunicacións da UDC. Nun plano máis concreto, enxalzou o labor da área de Innovación, que, xunto co seu principal responsábel, o adxunto para Tecnoloxías da Información, Carlos Escudero, desenvolveu e puxo en marcha esta nova aplicación.
Precisamente foi o propio Escudero quen debullo as características e funcionalidades da ferramenta. Entre outras cousas, sinalou que UDC móbil xorde cunha primeira versión con varias funcións xa definidas “pero que se irán aumentando e actualizando de forma moi dinámica”. Ademais de portal de titulacións e de investigación, explicou, a app conta (entre outras cousas) cun servizo de localización de centros e servizos con acceso directo aos mesmos, fornecendo a maiores de notificacións de notas, avisos e un agregador de novas. Estas funcionalidades serán obxecto de ampliacións en datas vindeiras, sobre todo coa posta en marcha da nova web da UDC.

Categorías: Ciencia

O polo tecnolóxico das Rozas xa sumou 11 millóns de euros en licitacións

códigocero - Lun, 09/11/2017 - 13:41

O Goberno galego achegou este 11 de setembro unha serie de novidades sobre as actuacións que se están a levar a cabo nas Rozas (Lugo) para crear alí un polo de innovación e emprendemento arredor dos vehículos aéreos non tripulados (UAV) e as tecnoloxías de control e xestión que os acompañan. As cifras e datos foron dados a coñecer polo conselleiro de Economía, Francisco Conde, e pola conselleira de Medio Ambiente, Beatriz Mato. Segundo explicaron, as licitacións abertas na fase de solucións do polo de Rozas suman xa preto de 11 millóns de euros. Nas súas palabras, o obxectivo é as tecnoloxías que abrollen deste novo centro de innovación melloren a prestación de servizos públicos.
Na cita celebrada en Santiago presentáronse cinco novas licitacións, que abrollan da Axencia Galega de Innovación (GAIN) e ás que se destinan 7,2 millóns de euros. Segundo se fixo saber, estes contratos permitirán “realizar unha mellor xestión do Catastro en Galicia; identificar usos do solo; mellorar a xestión de diferentes infraestruturas; optimizar a xestión da auga e das mareas vermellas nas zonas de marisqueo; ou incrementar a seguridade da frota pesqueira”. A previsión é que no mes de outubro se sumen a estas licitacións dúas máis centradas na xestión e control forestal e a seguridade aérea, cun investimento de 6,7 millóns de euros. “Así”, sinalouse, “no primeiro semestre de 2020 estarían entregadas e aprobadas as solucións seleccionadas neste primeiro paquete de licitacións”.
Na sesión de hoxe, Conde e Mato tamén lembrar que ás devanditas cinco licitacións cómpre engadir as tres xa publicadas pola Axencia para a Modernización Tecnolóxica de Galicia (AMTEGA), ligadas ao eido agrario e centradas no control automatizado e intelixente da actividade rural asociada ás axudas da política agraria común (PAC); nunha plataforma para procesar a información das parcelas agrarias galegas; e nun sistema de xestión de información xeorreferenciada para o control da actividade agraria en Galicia.
Todo isto súmase un total de 11 millóns de euros en licitacións xa publicadas, o que, tal e como salientou Conde, “demostra o nivel de implicación das Administracións no campo dos avións non tripulados para uso civil”. Conde tamén recordou que no seu conxunto, o polo tecnolóxico e industrial de Rozas está a mobilizar no seu conxunto 150 millóns de euros.

Categorías: Ciencia

A UIMP introdúcenos nas novas correntes de hacking ético na Coruña

códigocero - Lun, 09/11/2017 - 13:03

Os vindeiros días a Universidade Internacional Menéndez Pelayo (UIMP) vai organizar na Coruña unha importante xuntanza arredor das diferentes metodoloxías que podemos adoptar para loitar contra as ameazas e riscos en liña con medidas efectivas de prevención e poñéndonos, de xeito complementario, da pel dos atacantes (para facer o ben). O encontro Hacking ético para novos escenarios da ciberseguridade desenvolverase os días 6 e 7 de novembro na sede da UIMP na cidade da Coruña. Neste evento, expertos do sector impartirán coñecementos a través de diversos relatorio e mesas redondas.
O fío temático condutor será como o hacking ético inflúe na ciberseguridade actual e vindeira e fornece de solucións para acadar novas tecnoloxías máis seguras e confiábeis.
Para quen a estas alturas aínda non saiba en que consiste o hacking ético, dicirlle que é un xeito preventivo de traballar en seguridade tecnolóxica. Ou sexa, que se trata de empregar os nosos coñecementos informáticos para facer probas en redes atopar eivas que logo documentaremos e tentaremos emendar.
Segundo nos conta o Colexio Profesional de Enxeñaría en Informática (CPEIG), que participa no evento, o programa inclúe diferentes achegamentos colectivos (mesas redondas) ao futuro da ciberseguridade a través da IA (Intelixencia Artificial) e o Machine Learning, á empregabilidade no sector e a cuestións como a criptografía, a liberdade, a privacidade e o que se coñece como blockchain (tecnoloxías de codificación da información que sustenta a moeda virtual).
Amais do devandito, o programa abrangue media ducia de exposicións levadas a cabo por expertos en protección do coñecemento e das canles polas que circula ese coñecemento, tocando temas como as principais ameazas en Internet ás que nos enfrontamos, o día a día dun profesional da ciberseguridade ou os elementos diferenciadores e esenciais da ciberseguridade.
Entre o os especialistas TIC que participan nesta xeira de divulgación e debate figuran Pilar Vila (membro da xunta de goberno do Colexio Profesional de Enxeñaría en Informática de Galicia (CPEIG), empresaria e perita informática), Francisco José Ramírez, investigador en Seguridade de Telefónica Dixital España, ou Rafael Sánchez Gómez, arquitecto en Seguridade de BBVA.

Categorías: Ciencia

A AEPD impón unha sanción de 1,2 millóns de euros a Facebook

códigocero - Lun, 09/11/2017 - 12:16

A Axencia Española de Protección de Datos (AEPD) ditou unha resolución no procedemento iniciado contra Facebook para analizar se os tratamentos de datos que realiza a plataforma social axustábanse á normativa de protección de datos, no que detectaron 2 infraccións graves e unha moi grave da Lei Orgánica de Protección de Datos (LOPD) polo que impoñen a Facebook unha sanción total de 1,2 millóns de euros (300.000 euros polas dúas primeiras e 600.000 euros pola última), que sería a meirande sanción imposta nunca pola AEPD.
A Axencia constatou que Facebook recolle datos de ideoloxía, sexo, crenzas, gustos e navegación sen informar claramente do seu uso e finalidade. Precisamente entre estes usos sería o publicitario, para o que Facebook non obtén consentimento expreso como esixe a Lei, polo que estarían a cometer unha infracción moi grave.
A AEPD tamén confirmou que os usuarios non reciben información do que se fai cos datos obtidos a través de cookies, que nalgúns casos son para publicidade, pero noutros o seu uso está declarado como segredo pola compañía. Amais, Facebook tamén recolle datos de páxinas de terceiros que conteñen o botón de gústame de Facebook, polo que obteñen información de internautas que non son usuarios de Facebook.
Facebook tampouco contaría cunha política de privacidade clara, pois a súa redacción contén expresións xenéricas e pouco claras (estando tamén bastante agochada tal información) e fai unha referencia pouco precisa sobre o uso de datos que vai facer. Enténdese así que Facebook comete unha infracción grave ao non obter o consentimento dos usuarios da Facebook (e os que non o son) para o tratamento dos seus datos.
A outra infracción grave correspondería ao feito de que Facebook non elimina a información recollida sobre os hábitos de navegación dos usuarios, nin sequera tras a solicitude do usuario.

Categorías: Ciencia

As carcasas solares de Star-T Case, premiadas polo Concello de Vilagarcía

códigocero - Lun, 09/11/2017 - 12:03

Os días pasados o Concello de Vilagarcía fixo entrega dos seus Premios de Emprendemento (Emprende VGA 2017), unha iniciativa dirixida a alentar o espírito creativo e innovador en relación coa nova actividade empresarial. O palmarés tivo un claro alicerce TIC. De feito, o galardón Mellor Iniciativa Empresarial foi dar ao proxecto local Star-T Case, unha iniciativa de desenvolvemento de novas tecnoloxías baseada no deseño e comercialización de carcasas solares de teléfono móbil que actúan como cargador das baterías. Star-T Case é unha nova proposta empresarial posta en marcha por Diego Riveiro. Na súa web específica, star-tcase.com, podemos ver todo o relativo a estes enxeños e os diferentes modelos dispoñíbeis e mesmo tirarlle proveito á tenda en liña.
Polo que respecta ao resto das novas firmas distinguidas, o premio á Actividade Comercial máis Innovadora foi para Galo Galego, posta en marcha por dolores Ramos e consistindo na creación dunha granxa artesá e un horto ecolóxico para producir e comercializar os produtos e tamén para a realización de actividades didácticas.
Por último, North West é un proxecto de turismo formativo que se centra en traer á Vilagarcía e a súa zona a estudantes e xente nova de Irlanda e Gran Bretaña co obxectivo complementario de aprender español á vez que coñecen a ría e a cultura marítima arousá e practican actividades náuticas.
Os premios convocados polo Concello de Vilagarcía están dotados cunha bolsa económica de 3.000 euros para cada proxecto, co obxecto de contribuír aos gastos iniciais para a súa posta en marcha, así como de tres meses de formación específica para cada un deles (a impartir no Coworking DallequeDalle por mentores especializados nas respectivas materias que abordan os proxectos). A formación e asesoramento comezará o 15 de setembro. A demais, o Concello promoverá e divulgará as iniciativas gañadoras desta primeira edición dos premios promovidos pola Concellería de Promoción Económica e Emprego que dirixe Juan Antonio Pérez Callón.

Categorías: Ciencia

Representantes da Universidade Área Andina de Colombia visitan a sede do CITIC

códigocero - Lun, 09/11/2017 - 09:47

O pasado 8 de setembro, unha delegación da Universidade Área Andina de Colombia visitou as instalacións do Centro de Investigación TIC (CITIC) da UDC. Na visita participaron a reitora reitora da sede de Valledupar da dita institución académica colombiana, Gelca Gutiérrez, e ao director de Relacións Internacionais, Fernando Téllez, quen tiveron ocasión de coñecer os moitos e variados ámbitos de investigación nos que traballa o CITIC (arquitectura de computadores, tecnoloxía electrónica e comunicacións, bases de datos, intelixencia artificial, modelado e inferencia estatística, sistemas adaptativos, intelixencia matemática, visión artificial, etc).
Gutiérrez e Téllez foron recibidos polo coordinador do CITIC, Manuel F. González Penedo. A estadía na Coruña dos representantes da Universidade Área Andina tivo como obxectivo perfilar os aspectos dunha colaboración entre as dúas institucións para a realización de intercambios de docentes e estudantes.
Segundo fixo saber a UDC, a dita colaboración comezará a concretarse este mesmo curso. Así, alén dos alumnos que poidan vir en canto se formalicen os detalles da alianza, para este ano académico está previsto que, a raíz doutros contactos realizados pola UDC en Colombia, cinco alumnos dese país realicen nos Campus da Coruña e Ferrol os seus estudos de grao.
Durante a visita, os representantes da Universidade Área Andina manifestaron o seu interese nos títulos de Grao en Enxeñaría en Tecnoloxías Industriais e o Mestrado en Eficiencia e Aproveitamento Enerxético e nas liñas de traballo despregadas pola UDC en materia de responsabilidade social universitaria (por exemplo a través da Cátedra UDC-Inditex de Responsabilidade Social).

Categorías: Ciencia

¿Ha cambiado la densidad de energía oscura a lo largo del tiempo?

Investigación y Ciencia - Lun, 09/11/2017 - 00:00
Un estudio argumenta que una energía oscura variable podría explicar las persistentes discrepancias que aparecen en los datos cosmológicos.
Categorías: Ciencia

Un púlsar a 707 revoluciones por segundo

Investigación y Ciencia - Dom, 09/10/2017 - 00:00
Al devorar a su ya diezmada vecina, una estrella de neutrones adquiere una enorme velocidad de rotación, la mayor conocida en la galaxia fuera de los cúmulos globulares de estrellas.
Categorías: Ciencia

Deadly Mexico earthquake had unusual cause

Nature - Sáb, 09/09/2017 - 04:51

US Geological Survey says tremor originated within Cocos Plate, not subduction zone.

Nature News doi: 10.1038/nature.2017.22586

Categorías: Ciencia

Principia o programa Lambóns Dixitais na Radio Galega

códigocero - Ven, 09/08/2017 - 23:30

Tras a pausa estival volve á Radio Galega o seu espazo semanal de tecnoloxía que conta coa colaboración de Código Cero para achegar as últimas novidades no sector TIC, que nesta nova tempada muda de nome e formato, de xeito que Banda Ancha pásalle o relevo a Lambóns Dixitais, programa que emitirase os sábados ás 12:04 horas e completará a súa presenza nas ondas radiofónicas coa participación nas plataformas de redes sociais de referencia, como son Facebook, Twitter e Instagram.
Lambóns Dixitais botará a andar este sábado cun repaso da actualidade tecnolóxica e entrevistas ao produtor musical e enxeñeiro de son Steven Rebollido, a Helena Calo Pousa, técnica de animación sociocultural de Geriatros Noia (para falar do uso que fan da Wii como ferramenta de inclusión tecnolóxica), ao director TIC do Instituto Tecnolóxico de Galicia (para achegarnos ao proxecto FlyThings Surf), a actriz da serie Serramoura Isabel Naveira (quen contará a súa relación co mundo tecnolóxico) e a Pablo Grandío, fundador de Vandal.net (web especializada en videoxogos que vén de celebrar o seu 20º aniversario).
O programa está conducido por Carlos García-Verdugo, a quen acompañan todas as semanas fronte aos micrófonos Daniel Portela e o webmaster de Código Cero, Marcus Fernández.

Categorías: Ciencia

Geneticists pan paper that claims to predict a person's face from their DNA

Nature - Ven, 09/08/2017 - 21:54

Reviewers and a co-author of a paper by genomics entrepreneur Craig Venter claim that it misrepresents the risks of public access to genome data.

Nature News doi: 10.1038/nature.2017.22580

Categorías: Ciencia

South Korean researchers lobby government to lift human-embryo restrictions

Nature - Ven, 09/08/2017 - 18:41

Regulations are deterring research that could lead to disease treatments, say scientists.

Nature News doi: 10.1038/nature.2017.22585

Categorías: Ciencia

A Deputación seguirá impulsando o emprego TIC con Ben Empregado 4

códigocero - Ven, 09/08/2017 - 16:34

A Deputación de Lugo achegou hoxe detalles importantes da cuarta edición de Ben Empregado, o seu programa dirixido a favorecer a inserción laboral das persoas en emprego. Segundo fixo saber o voceiro da entidade provincial, Álvaro Santos Ramos, Ben Empregado 4, máis social! está dotado con 2,2 millóns de euros. O obxectivo: permitir a xeración “duns 150 novos postos de traballo de calidade no conxunto do territorio lugués”. Novamente, unha parte importante do programa irá destinado a fomentar o emprego relacionado coas novas tecnoloxías. Por exemplo profesionais community managers, técnicos en informática ou responsábeis de proxectos transmedia.
Santos Ramos engadiu que a cuarta edición do programa Inclúe axudas dun máximo de 22.000 euros, dirixidas a empresas e colectivos sociais de toda a provincia, para a contratación, durante 1 ano, de novos traballadores cos que, “ademais de facer fronte ao taxa de paro, contribuír á actividade de autónomos, PEME e asociacións lucenses”, e todo “co obxectivo de dinamizar a economía da provincia e contribuír á importante labor social do tecido asociativo”.
Abránguense tres liñas de financiamento: financiamento ao 100% dos custos laborais de novos traballadores en empresas da provincia cando se traten de persoas “con capacidades diferentes ou en risco de exclusión laboral”; financiamento ao 90% dos custos laborais de novos traballadores en colectivos sociais lucenses para “contribuír á importante actividade que desenvolven na provincia en atención á cidadanía”; e financiamento ao 50% dos custos laborais de novos traballadores en xeral en empresas de toda índole e da provincia.
Logo da aprobación deste novo programa por parte do Goberno da Deputación, agora enviarase á Base Nacional de Subvencións para a súa publicación, tal e como esixe a normativa vixente. A continuación, publicarase no Boletín Oficial da Provincia, abrindo o prazo de solicitude das axudas.
O voceiro da entidade provincial tamén lembrou que, a día de hoxe, hai uns 130 lucenses previamente no paro que traballan en empresas e colectivos da provincia co Ben Empregado 3, que inclúe máis postos. Santos Ramos informou que “co Ben Empregado 1, que é o único que rematou, conseguimos unha inserción laboral do 30%”.

Categorías: Ciencia

O INCIBE subministra teléfono de balde para asesorar na cuestión das TIC e os menores

códigocero - Ven, 09/08/2017 - 13:17

O Instituto Nacional de Ciberseguridade (INCIBE) pon en marcha partir do luns 11 de setembro unha liña de asistencia telefónica 900 116 117 para resolver, en palabras da entidade dependente do Ministerio de Enerxía, Turismo e Axenda Dixital, “as dúbidas e conflitos que decote xorden no uso de Internet e as tecnoloxías por parte de nenos, adolescentes e os seus pais”. O servizo quere ser un recurso de utilidade e asesoramento fronte a un problema crecente: o uso non axeitado das redes e dos aparellos tecnolóxicos por parte dos menores idade, unido á presenza de ameazas que tiran proveito deste emprego non supervisado nin asesorado das TIC.
Segundo informa o INCIBE, a liña de asesoramento telefónico estará atendida por un equipo multidisciplinar formado por psicólogos, expertos en seguridade das tecnoloxías e cuestións legais. As chamadas atenderanse en horario de 10:00 a 20:00 horas de luns a venres e de 10:00 a 14:00 horas os sábados. Ademais, durante as 24 horas do día, existe a disposición dos usuarios unha dirección de correo electrónico ayuda@is4k.es ao que se poden remitir dúbidas e consultas.
O servizo será “confidencial e de balde” e fornecerá aos menores “de asistencia sobre calquera consulta relacionada co uso seguro e responsábel de Internet e os seus riscos”, como poden ser os conflitos sobre privacidade e reputación, o ciberbullying, o uso indiscriminado das novas tecnoloxías (posíbeis adiccións), contidos e contactos inapropiados, comunidades perigosas, así como cuestións sobre protección de dispositivos, virus ou fraudes, entre outros.
Xunto a nenos e adolescentes, tamén poderán facer chamadas pais, educadores e profesionais do ámbito do menor e atopar axuda para facer fronte a calquera circunstancia que poida xurdir en relación ao uso de Internet.
Esta liña de asistencia forma parte da iniciativa Internet Segura for Kids que se puxo en marcha o pasado mes de febreiro.

Categorías: Ciencia

O Goberno galego achegará unha app para axilizar as autorizacións de acceso ás Catedrais

códigocero - Ven, 09/08/2017 - 12:52

O Goberno galego quere optimizar a xestión da afluencia de turistas á praia das Catedrais. E quere facelo botando man das novas tecnoloxías da información e, máis polo miúdo, dos teléfonos móbiles. Por esta razón, hoxe mesmo anunciou a vindeira posta en marcha dunha aplicación que axilice as autorizacións de acceso ao devandito Monumento Natural do concello de Ribadeo. Os detalles foron dados pola directora xeral de Patrimonio Natural, Ana Díaz, durante a súa visita a esta paraxe da Mariña, xunto co delegado provincial en Lugo, José Manuel Balseiro.
A representante da Consellería de Medio Ambiente avanzou que a aplicación móbil estará dispoñíbel a partir da próxima Semana Santa e “permitirá aos usuarios solicitar, desde o seu propio terminal, o permiso correspondente para visitar o areal e descargar o código QR identificativo, que deberá presentar nos controis de acceso”. Desta maneira, dixo a directora xeral, “poñemos ao alcance do cidadán un recurso rápido e cómodo e damos continuidade ao Plan de Conservación elaborado pola Xunta de Galicia para equilibrar a protección do enclave e facilitar a afluencia”.
A representante da Consellería de Medio Ambiente sinalou que estas medidas van en consonancia “co aumento progresivo de visitantes”, que durante este verán supuxeron un 23 por cento máis con respecto ao mesmo período en 2016. En total, durante os pasados meses de xullo e agosto, 245.000 persoas coñeceron o Monumento Natural da Praia das Catedrais, que contrastan coas 198.000 que visitaron este enclave no mesmo período en 2016. Xa o ano pasado, se rexistrou un aumento do 20 por cento en relación ao 2015, cando se contabilizaron 165.214 visitas.

Categorías: Ciencia

Lugo lémbralle á cidadanía a dispoñibilidade da app para o pago de impostos locais

códigocero - Ven, 09/08/2017 - 11:37

O Concello de Lugo vén de lembrar ás veciñas e veciños a dispoñibilidade dunha aplicación móbil para facilitarlles o pago dos impostos locais a través de smarphones ou tabletas, sen custo adicional. Trátase dunha app recentemente implantada en Lugo grazas ao Goberno local e a ABANCA, e que permite ás persoas contribuíntes o pagamento de recibos as 24 horas do día durante os 365 días do ano. A ferramenta foi debullada pola concelleira de Economía, Emprego e Desenvolvemento Económico, Ana Prieto, quen salientou que a día hoxe están ao cobro os impostos sobre vehículos de tracción mecánica e de pasaxes. A aplicación, como sinalamos no seu día dende Código Cero, iniciou a súa actividade o pasado mes de maio.
Respecto ao recordatorio desenvolvido esta semana, a concelleira Ana Prieto lembrou que a app está dispoñíbel tanto para dispositivos Android como iOS co nome de Concello de Lugo. “Soamente é necesario dispoñer dunha tarxeta de débito ou crédito”, sinalou aludindo ás facilidades de uso que pon en xogo, engadindo que “a aplicación permite realizar o pagamento do recibo en dous cómodos pasos”. Primeiro, elíxese como se introducen os datos do recibo (facendo unha foto coa cámara do móbil ou tableta ao código de barras, introducindo os números do código de barras ou escribindo os datos do recibo) e, a continuación, “cómpre teclear os datos da tarxeta para efectuar o pagamento”. Prieto fixo saber que para axilizar a achega de información persoal, tanto da tarxeta como do recibo, “a ferramenta permite engadilos facéndolles unha foto coa cámara do dispositivo”.
Tamén recordou que a aplicación conta, ademais, cun asistente que axuda ao usuario a formalizar o pagamento de recibos guiándoo en todo o proceso. O abono de recibos a través deste recurso informático é de balde, sen ningún tipo de comisión. “Este”, sinalou a edil, “é un avance máis no pago telemático, para facelo máis doado e accesíbel, e que se suma ás ferramentas de pago en liña que ofrece o Concello dende o 2009”.
Lugo, informou, é o segundo Concello que dispón desta aplicación, tralo da Coruña, e a cuarta institución, tralas Deputacións de Coruña e Ourense e a entidade local coruñesa.

Categorías: Ciencia

A fabricación dixital, a creatividade e a innovación, eixes da Pont-Up Store 2017

códigocero - Ven, 09/08/2017 - 11:12

O evento Pont-Up Store 2017 vai ser o referente galego e estatal do emprendemento innovador este mes de setembro. Por que motivo? Pois para comezar, porque máis de corenta empresas amosarán os seus produtos e servizos (sobre todo no recinto da Praza de España) e, tamén, porque o programa vai incluír preto de 40 actividades, entre obradoiros, seminarios, coloquios e encontros. A maiores, no roteiro participarán arredor dun cento de especialistas en emprendemento. A nivel de cobertura urbana, sinalar que estas actividades desenvolveranse nunha ducia de emprazamentos da cidade. Amais da devandita Praza de España, as salas de exposicións da Facultade de Belas Artes e da Escola Superior de Conservación de Bens Culturais acollerán presentacións de propostas empresariais innovadoras. Máis polo miúdo, nestas salas celebrarase (a partir do día 19) un fablab con diferentes obradoiros e coloquios sobre fabricación dixital e creatividade.
A cuarta edición da Pont-Up Store 2017 celébrase entre o 21 e o 23 de setembro e vén novamente da man do Universidade de Vigo (Campus de Pontevedra) no marco do proxecto e especialización CREA S2i. Amais, cóntase coa colaboración de tres ducias de empresas e institucións, co Concello como patrocinador principal.
O programa definitivo do evento foi presentado este 7 de setembro polo seu director, Pedro Figueroa, acompañado polo vicerreitor do Campus, Juan Manuel Corbacho; a concelleira de Promoción Económica, Anabel Gulías, e o deputado provincial de Economía, Carlos López Font. Corbacho e Figueroa salientaron o poder de convocatoria da feira e o seu carácter multidisplinar. De feito, destacaron, “ten capacidade para xuntar empresas de múltiples sectores, desde a moda, a alimentación ou ecoloxía, ata o deseño gráfico, a educación e as novas tecnoloxías da información, outorgando ademais un “papel moi importante á economía social", como salientou o director dun evento que reúne a emprendedores de toda Galicia e no que “máis do 33% dos proxectos proceden das vilas e do rural”.
Como dixemos, Pont-Up Store terá como núcleo o recinto da Praza de España no que, os días 22 e 23, as 41 empresas con menos de tres anos e medio de traxectoria seleccionadas de entre máis de 120 candidaturas, amosarán á cidadanía os seus produtos e servizos. Farano nos 36 stands cos que contará este recinto e a través de diferentes actividades de dinamización, que abranguen propostas como a arte floral, o álbum ilustrado ou a cata de cervexas, así como no Puntazo Express, evento no que dez emprendedores presentarán o seu proxecto empresarial a perante directivos de compañías galegas referenciais.
A carpa verase complementada cun recanto de foodtrucks, tanto de emprendedores seleccionados como da PonteVan, promovida por diferentes institutos da cidade, así como pola súa prolongación nas salas de exposicións do edificio que comparten Belas Artes e Restauración. Segundo se fixo saber na presentación instalarase nas salas un fablab que arrincará a súa actividade o mércores 19 co obradoiro de creatividade e fabricación dixital Fabricando cidade, cuxos resultados exporanse o venres 22. A esta iniciativa súmanse ademais talleres de fabricación dixital e robótica, coloquios e un obradoiro para docentes e familias.
O evento quecerá motores o día 21 cunha sesión de networking sobre economía social na Casa das Campás organizada pola Unión de Cooperativas Espazocoop. Amais disto, está programado un seminario de mercadotecnia dixital, na sede de AJE Pontevedra; dous coloquios promovidos polas cámaras de comercio de Pontevedra, Vigo e Vilagarcía e Santiago; un obradoiro sobre posicionamento en internet, promovido pola Deputación, e o encontro Familias Creativas, organizado por Equipo Sequoia.
O venres 23 o recinto do evento será a sede dunha sesión de networking das e os emprendedores participantes, un obradoiro sobre economía social para nenos de 6 a 10 anos, promovido pola rede Eusumo, así como de diferentes actividades de dinamización. A estas súmanse a celebración do Puntazo Express no Museo, a sesión formativa Preparado para a inversión?, que ABANCA celebra no Café Moderno, e a presentación dunha plataforma de venda de empresas que traballan con criterios sociais e éticos en Belas Artes.
Lembrar tamén que o evento Pont-Up Store foi seleccionado por diferentes colectivos para promover os seus encontros, como o que celebrará a comunidade WordPress de Pontevedra en Belas Artes, e as actividades que a Asociación Galega de Méntoring (Amces), desenvolverá o sábado no Liceo Casino. Nesa xornada de clausura, ademais, terá lugar unha nova edición da Xincana Bike, dirixida promover o traballo en equipo e a cooperación entre nenos e nenas de ata 14 anos.

Categorías: Ciencia

Fíltranse os datos persoais de 143 millóns de usuarios dunha axencia de crédito

códigocero - Ven, 09/08/2017 - 11:11

Unha das maiores axencias crediticias do mundo, Equifax, vén de recoñecer un incidente de ciberseguridade que podería ter afectado a 143 millóns de consumidores estadounidenses ao aproveitarse un fallo de seguridade nunha aplicación web da compañía para acceder a certos ficheiros.
A investigación iniciada pola empresa desvelou que os accesos sen autorización aos seus sistemas tiveron lugar entre mediados de maio e o mes de xullo, sen atoparse evidencias de actividade non autorizada nas bases de datos de crédito comercial ou de consumo.
Os datos expostos incluirían nomes, números de seguridade social, datas de nacemento, enderezos e, nalgúns casos, matrículas de vehículos, e números de tarxetas de crédito duns 209.000 consumidores estadounidenses, así como documentos que involucrarían a uns 182.000 consumidores estadounidenses. Tamén se identificou algún acceso sen autorización a información persoal dalgún residente en Canadá e Reino Unido.
Tal é o impacto deste fallo de seguridade que Equifax puxo en funcionamento unha páxina web destinada a dar información sobre esta importante filtración de datos que iría moito máis aló dos que outras compañías recoñeceron nos últimos anos, xa que desta volta a información é moi sensible e achega demasiada información de cada afectado, facilitando enormemente a súa suplantación.
A intrusión da que están a dar conta detectouse o 29 de xullo, resultando un tanto alarmante que tardasen tanto tempo en dar conta dun roubo de datos que podería ter serias repercusións para os cidadáns, cos que Equifax porase en contacto por correo electrónico para advertilos da filtración dos seus datos.

Categorías: Ciencia

Páxinas

Subscribirse a IGACIENCIA agregador - Ciencia