Ciencia

Dous doutorandos da USC, premiados no Congreso Galego de Estatística

códigocero - Xov, 11/09/2017 - 15:10

O Campus de Ferrol acolleu os días pasados a 13 edición do Congreso Galego de Estatística e Investigación de Operacións, organizado polo departamento de Matemáticas da Universidade da Coruña a petición da Sociedade Galega para a Promoción da Estatística e a Investigación de Operacións (SGAPEIO), contándose coa colaboración directa do Centro de Investigación TIC (CITIC) da Coruña. No congreso, que tivo o obxectivo de contribuír á divulgación dos avances na teoría e nas aplicacións da estatística e a investigación de operacións, houbo conferencias, mesas redondas, obradoiros, comunicacións e máis premios. Respecto destes últimos, os galardóns ás mellores comunicacións foron dar aos doutorandos da Universidade de Santiago, Jorge Rodríguez Veiga e Isabel Borrajo García.
Segundo informa a USC, o premio á mellor comunicación aplicada foi para o traballo Un modelo de programación matemática para a selección e asignación temporal de recursos aéreos destinados á contención dun incendio forestal de Jorge Rodríguez Veiga e da que son coautoras Balbina Virginia Casas Méndez e María José Ginzo Villamayor, tamén da USC. No traballo proponse un modelo de optimización matemática para seleccionar os recursos necesarios na extinción de incendios, así como a asignación das tarefas que as aeronaves realizarán en cada instante.
Pola súa banda, a mellor comunicación teórica foi a de María Isabel Borrajo García polo traballo Characterization of point processes with covariates through the first-order intensity function da que tamén son autores Wenceslao González Manteiga, da USC, e María Dolores Martínez Miranda, da Universidade de Granada. No seu traballo subministra dúas achegas ao ámbito da inferencia estatística en procesos puntuais: estimación e contraste da función de intensidade empregando co-variábeis.
Tanto Rodríguez Veiga como Borrajo García son estudantes de doutoramento no Departamento de Estatística, Análise Matemática e Optimización da Facultade de Matemáticas da USC, baixo a dirección de Balbina Casas e Wenceslao González e María Dolores Martínez. A cada unha das dúas comunicacións premiadas correspondeulles un premio en metálico de 500€.

Categorías: Ciencia

O sistema SIR, que permite o intercambio electrónico de documentos, xa está dispoñíbel en 79 concellos da Coruña

códigocero - Xov, 11/09/2017 - 13:12
Valentín González Formoso, presidente da Deputación da Coruña

A Deputación de Coruña segue a subir novos chanzos en materia de interoperabilidade entre entidades e Administración Electrónica. Se recentemente falamos da súa plataforma turística integradora (unha plataforma para implicar a máxima participación dos concellos), hoxe a Deputación deu conta do estado de cousas relativo á implantación do sistema SIR, que permite aos concellos rexistrar documentos para calquera administración do Estado, posibilitando o intercambio dos mesmos de maneira electrónica. O sistema SIR, que foi adoptado hai aproximadamente un ano pola entidade coruñesa, xa abrangue a día de hoxe todas as entidades locais da provincia integradas na plataforma de Administración Electrónica da Deputación Provincial. Segundo informa a entidade que preside Valentín González, a Deputación da Coruña foi a primeira entidade local galega en adherirse a este sistema.
Polo que respecta ao proceso implantación nos concellos, xa cubriu os seguintes: Abegondo, Ames, Aranga, Arteixo, Arzúa, A Baña, Bergondo, Betanzos, Boimorto, Boiro, Boqueixón, Brión, Cabana de Bergantiños, Cabanas, Camariñas, Cambre, A Capela, Carballo, Cariño, Carnota, Carral, Cedeira, Cee, Cerceda, Cerdido, Coirós, Corcubión, Coristanco, Curtis, Dodro, Dumbría, Fene, Fisterra, Frades, Irixoa, A Laracha, Laxe, Lousame, Malpica de Bergantiños, Mañón, Mazaricos, Melide, Mesía, Miño, Moeche, Monfero, Mugardos, Muxía, Neda, Negreira, Ordes, Oroso, Outes, Paderne, Padrón, O Pino, Ponteceso, Pontedeume, As Pontes de García Rodríguez, Rianxo, Rois, Sada, San Sadurniño, Santa Comba, Santiso, Sobrado, As Somozas, Teo, Toques, Tordoia, Touro, Trazo, Val do Dubra, Valdoviño, Vedra, Vilarmaior, Vilasantar, Vimianzo e Zas, ademais do Consorcio das Mariñas e o Consorcio Provincial contra Incendios e Salvamento da Coruña.
Para reforzar o proceso de integración de SIR, a institución provincial creou un equipo de técnicos que asesora e apoia os concellos para superar as dificultades tecnolóxicas que implica a dixitalización dos trámites. Segundo informa a Deputación, a colaboración cos técnicos municipais deu como resultado que en menos dun ano se completase este “ambicioso proxecto”, logrando que “todas as entidades locais da provincia integradas na plataforma de Administración Electrónica xa estean completamente adheridas ao SIR”.
A Deputación tamén lembra que o devandito servizo ten como consecuencia que calquera cidadán poida presentar e enviar documentos a través da oficina de rexistro do seu concello ou da Deputación, dirixidos a calquera outra administración do Estado, tanto da administración central como da comunidade autónoma ou doutros concellos. “Outra das grandes vantaxes do SIR”, engade a entidade provincial, “é que, ao realizarse os intercambios de maneira electrónica, a recepción dos documentos prodúcese poucos minutos despois do seu envío, reducindo de maneira considerábel os prazos na tramitación”.
Até o de agora, a través do SIR na plataforma TEDeC, producíronse xa máis de 40.200 intercambios, cifra que se prevé vaia en aumento. A nivel estatal, desde 2012 intercambiáronse por SIR máis de 4.500.000 asentos rexistrais.

Categorías: Ciencia

A Cidade da Cultura convídanos o 1 de decembro a mergullarnos na innovación educativa que se fai aquí

códigocero - Xov, 11/09/2017 - 12:15

O 1 de decembro temos cita no Gaiás (Santiago) con todas aquelas cousas que fan que o ensino de hoxe sexa máis inclusivo, universal, tecnolóxico e moderno có que as xeracións previas tivemos ocasión de coñecer. Estamos a falar da xornada InquEDU: Falemos de Educación, que organizan a Consellería de Cultura e Educación e a Fundación Galicia Sustentable. A cita, en palabras das entidades impulsoras, é unha “ocasión para compartir iniciativas, divulgar ideas e fomentar o debate a reflexión sobre propostas educativas innovadoras”. Diríxese a todos os integrantes da comunidade escolar: mestres, familias e estudantes. Por temáticas, porase sobre a mesa unha manchea de proxectos que salientan por facer das aulas mellores espazos para vivir e convivir (máis respectuosos co diverso e con menos atrancos para tirar proveito da música, as ciencias ou a tecnoloxía). Nun plano máis concreto, presentarase o libro musical Sira e Robot.
O libro-CD, que será presentado polo mestre de idiomas e música Mark Wiersma, co-autor da obra, sitúa ao lector na Galicia do ano 2050, nun intre en que o inglés vén de ser declarado lingua oficial xunto co galego. Segundo avanza a organización da xornada, Sira e Robot ten un amplo potencial como instrumento lúdico e didáctico en relación coa nosa lingua e co inglés, de interese non só para os escolares senón tamén para as familias.
O evento InquEDU celebrarase no Edificio CINC do Gaiás e artellarase en dúas xeiras de divulgación. A quenda da mañá é de carácter pechado para as rapazas e rapaces dos centros educativos gañadores do concurso escolar para impulsar as competencias orais activas ComunicaTedu; mentres que a da tarde é aberta, con asistencia de balde para todos os públicos, previa inscrición na páxina web inquedu.galiciasustentable.org.
Pola mañá presentarase o devandito libro-CD de Mark Wiersma e, ademais, a rapazada terá ocasión de achegarse ás propostas músico-lúdicas de Roi Casal, ao abeiro das charlas denominadas Edumotiva.
O programa en aberto da tarde comeza coa presentación do evento por parte de Paco Castillo, docente e investigador, que ademais tirará proveito desta xornada para afondar na paisaxe coma obxecto de ensino e aprendizaxe. Seguiralle a charla de Cristina Palacios que leva por título Escola sen armarios, e que é un achegamento ás metodoloxías que garanten a transformación das escolas en lugares seguros para a diversidade sexual.
A continuación Lola Ferreiro Díaz, doutora en medicina e especialista en educación, saúde e perspectiva feminina, abordará a coeducación global na familia e na escola.
Na xeira de tarde tamén se vai presentar o Proxecto Educativo Semente Compostela, da man do educador, escritor e activista Sechu Sende, que mostrará os obxectivos e os resultados obtidos ao abeiro das dúas escolas compostelás do proxecto (Salvadas e Torreira), impulsado hai cinco anos por unha comunidade de familias e persoas colaboradoras co obxecto de “reforzar a galeguización das xeracións máis novas” e apostar, de xeito complementario, por unha educación libre, inclusiva e diversa.
Logo do faladoiro A ilusión dun cambio, da man de Laura Adela Fernández Blanco, profesora do CPI de Atios (Valdoviño), e da intervención de Juan Sanmartín para contar en que consiste Flipped Classroom (plataforma tecnolóxica-educativa integrada por mestres de todo o ámbito estatal, xuntando forzas para impulsar o modelo pedagóxico das clases inversas, ou sexa, un modelo onde as sesións formativas nas aulas se centren nas actividades que requiren máis participación e interacción, deixando para os fogares o resto das tarefas), a xornada clausurase cun obradoiro de divulgación a cargo de Vicente Mohedano que forma parte do proxecto Peripeciencia, unha iniciativa para espertar o interese pola ciencia e as tecnoloxías dende formatos de comunicación innovadores que se abeiran ás artes escénicas e tiran proveito delas: obradoiros, discurshows, ludiconferencias ou cafés.

Categorías: Ciencia

O acceso á cultura na era dos móbiles, polo miúdo hoxe na sede do CCG

códigocero - Xov, 11/09/2017 - 10:30

Hoxe ás 9.30 horas inaugúrase en Santiago, na sede do Consello da Cultura Galega, unha xornada dirixida a avaliar polo miúdo as transformacións que están a imprimir as TIC nos nosos hábitos diarios de comunicación e acceso á cultura. A apertura de actividades virá da man do presidente do CCG, Ramón Villares, e do coordinador da xornada, Xosé López. O evento Sociedade móbil e cultura: novos e vellos desafíos será unha oportunidade para ver até onde chegamos en materia de comunicación móbil e albiscar o que nos reserva o futuro neste ámbito. Segundo avanza o CCG, todo indica a que este modelo comunicativo e cultural (tendo en conta o espectacular medre no tráfico de mensaxes nos dispositivos móbiles) “veu para quedar”. A xornada conta na comisión organizadora con Manuel Gago, Xosé López García e Alba Silva.
O CCG tamén lembra que os datos recentes achegan evidencias claras sobre a importancia destes dispositivos no ámbito da comunicación e da cultura: no ano 2016, o tráfico de Google alcanzou a marca do 50 por cento para dispositivos móbiles por primeira vez, fronte a un 42 por cento nos dispositivos de escritorio. E no ano 2017 esta cifra medrou ata o 60 por cento, mentres o de Facebook pasou do 78 por cento ao 87 por cento.
Neste contexto, o obxectivo desta xornada é “analizar como a sociedade móbil está a mudar usos e consumos de produtos culturais”. Trátase, engade o CCG, “de dispoñer de visións do novo marco, nas vésperas da cuarta revolución industrial, e da situación da cultura galega nese escenario en construción”.

Programa da xornada

9:15 horas - Inauguración
9:30 horas - Contornas de información ubicua. Catálogo de desafíos pendentes - Juan Miguel Aguado. Universidad de Murcia. Director xeral de RTRM
10:30 horas - Produción e consumo de información en móbiles. Unha visión do panorama europeo - Oscar Westlund. Götegorgs Universitet
11:30 horas - Descanso
12:00 horas - Periodismo móbil e cultura móbil - Koldobika Meso Ayerdi. Euskal Herriko Unibertsitateak
13:00 horas - O móbil como oportunidade para producir contidos e intervir
João Canavilhas. Universidade da Beira Interior
16:30 horas - A comunicación política na sociedade móbil: oportunidades e retos nunha contorna híbrida - Andreu Casero-Ripollés. Universitat Jaume I
17:30 horas - Oportunidades da comunicación móbil para os actores culturais: o prosumo como actividade creativa - Eva Campos. Universidade de Valladolid
18:30 horas - A conquista de novos territorios comunicativos para a cultura galega - Manuel Gago. Consello da Cultura Galega, Universidade de Santiago de Compostela
19:30 horas - Clausura - Trazos e identidades dunha cultural con identidade e migrante - Ramón Villares. Presidente do Consello da Cultura Galega

Categorías: Ciencia

Novo número da nosa edición impresa

códigocero - Xov, 11/09/2017 - 03:37

Como todos os meses, chega outro número de Código Cero na súa edición impresa, que se pode achegar de balde nunha completa rede de puntos de distribución, podéndose descargar tamén en formato PDF ou ler en dispositivos móbiles a través da aplicación de quiosco dixital Magzter.
Nesta nova entrega salientamos a o pulo que ten en Galicia a programación aberta e o movemento Maker. Tamén abordamos temas como os seguintes:
- O CITIC lidera un proxecto para dar con tecnoloxías axeitadas para estudar o noso xenoma
- A Deputación de Lugo combate o esquecemento co seu banco de recordos Memoria Dixital
- O CPEIG fomenta o talento TIC mostrando casos concretos de talento TIC
- O Centro Ramón Piñeiro presenta a versión 3.0 do corpus lingüístico galego CORGA
- Medra o número de galegos que empregan as TIC nas súas xestións coas administracións
- Divulgacción achéganos á figura do home das 40 vacinas
- O Goberno galego salienta as posibilidades laborais que se abren co Fondo Social Europeo
- O Consello da Cultura Galega prepara importantes iniciativas TIC para o ano vindeiro
- Un investigador do CiTIUS, recoñecido nos Premios de Informática Fundación BBVA
- As operadoras que achegan servizos na nosa terra, a exame

Categorías: Ciencia

Hallan un mecanismo que corrige proteínas defectuosas en las plantas

Investigación y Ciencia - Xov, 11/09/2017 - 00:00
El hallazgo puede ayudar a avanzar en la comprensión de enfermedades del sistema nervioso asociadas a un incorrecto plegamiento de proteínas, como el alzhéimer o el párkinson.
Categorías: Ciencia

Niveles altos de glucosa en el cerebro podrían agravar la enfermedad de Alzheimer

Investigación y Ciencia - Xov, 11/09/2017 - 00:00
Un estudio muestra la relación entre el metabolismo de la glucosa y los síntomas de la patología.
Categorías: Ciencia

Redegal celebra este 9 de novembro a súa primeira xornada de portas abertas para estudantes

códigocero - Mér, 11/08/2017 - 22:54
Jorge Vázquez, CEO de Redegal, nunha imaxe de Guille Dacal

A axencia galega Redegal, especializada en servizos avanzados de desenvolvemento web e mercadotecnia en liña, vai celebrar este 9 de novembro a súa primeira Xornada de Portas Abertas na súa sede central de Ourense. A cita, que se desenvolve baixo o epígrafe Pensa en Dixital, quere facer avanzar con este tipo de actividades a súa colaboración coas universidades, colexios e institutos, dándolle a coñecer á nosa comunidade de estudantes as moitas vantaxes das profesións vencelladas ao dixital. Nesta primeira visita participarán alumnos de Bacharelato do Colexio Maristas Santa María de Ourense. O obxectivo da firma galega é conseguir que os estudantes vexan de preto os novos perfís profesionais dixitais e afonden nas diferentes saídas profesionais do ámbito tecnolóxico.
A xornada contará coas intervencións Javier Rodríguez Martínez, director da Escola Superior de Enxeñaría Informática e Jorge Vázquez, director executivo (CEO) de Redegal. Grazas a esta iniciativa, a empresa galega quere “reforzar a aposta polo talento local” e mostrar o seu compromiso coa Universidade de Vigo.
A xornada, como dixemos, celebrarase na sede ourensá de Redegal, no número 9 (baixo) da Avenida de Santiago. A actividade desenvolverase entre as 15.00 e as 16.30 horas.

Categorías: Ciencia

Desactivan os certificados dixitais dos DNIe por motivos de seguridade

códigocero - Mér, 11/08/2017 - 22:30

A Dirección Xeral da Policía decidiu reforzar a seguridade do DNI electrónico para o seu uso telemático, polo que decidiron que os certificados electrónicos contidos no DNIe serán substituídos sucesivamente para garantir a seguridade dos usuarios da certificación e a sinatura electrónica en España, o que terá como consecuencia a suspensión da funcionalidade dos certificados.
Esta medida parte dun estudio publicado pola Universidade da República Checa que podería alertar dunha vulnerabilidade nos certificados dixitais do DNIe que afectaría aos documentos con número de soporte posterior ao ASG160.000 expedidos a partires de abril de 2015, de aí que se procedeu á desactivación dos certificados dixitais mentres se estuda como solucionar a situación.
Mentres tanto, os DNIe continuarán a ser válidos como documentos de identificación e documentos de viaxe, descoñecéndose cando se comezarán a expedir os novos certificados seguros, para os que será preciso que os titulares dos carnés acudan ás Oficinas de Documentación.
Dende aposta en funcionamento do DNIe a Policía expediu máis de 59,4 millóns de documentos, indo esta tecnoloxía xa pola súa terceira versión, que destaca por incorporar NFC, o que facilitaría o uso do DNIe en dispositivos con tecnoloxía contactless, o que podería resultar moi práctico para a súa utilización en móbiles (facilitando que os usuarios poidan identificarse ante a Administración virtual achegando o seu DNI ao smartphone).

Categorías: Ciencia

Rohingya refugees, Bulgarian protests and a prize for negative results

Nature - Mér, 11/08/2017 - 19:43

The week in science: 3–9 November 2017.

Nature 551 146 doi: 10.1038/551146a

Categorías: Ciencia

UK government appoints next chief scientific adviser

Nature - Mér, 11/08/2017 - 19:43

A former pharmaceutical boss will help navigate the UK's exit from the European Union.

Nature News doi: 10.1038/nature.2017.22956

Categorías: Ciencia

A Deputación e o Concello de Lugo inauguran XENERGAL, no que participan máis de cen profesionais

códigocero - Mér, 11/08/2017 - 16:39

Hoxe comezou en Lugo un evento destinado a pór de relevo a importancia da innovación smart e as novas tecnoloxías para dar con formas máis sustentábeis, eficientes, eficaces, limpas e rendíbeis de xestionar e consumir enerxía. Falamos da cuarta edición do Congreso Galego de Xestión Enerxética, XENERGAL 2017, que se desenvolve até mañá no Pazo de San Marcos da man do Colexio de Enxeñeiros Industriais de Galicia (ICOIIG), coa colaboración da Deputación de Lugo e do Concello. A inauguración correu a cargo do deputado de Relacións Institucionais, Álvaro Santos Ramos, a alcaldesa de Lugo, Lara Méndez López, o decano do ICOIIG, Oriol Sarmiento, e o director do Congreso, Fernando Blanco. Segundo fixeron saber, no evento están a participar un centenar de profesionais de toda a Comunidade, achegando 36 relatorios.
O obxectivo deste encontro é “difundir o coñecemento relacionado coa xestión da enerxía”, pero ao mesmo tempo “servir como plataforma de contacto entre profesionais, para o que ademais das correspondentes mesas está previsto a celebración de actos networking paralelos”.
Santos Ramos subliñou no acto de apertura que “é un orgullo para a nosa provincia poder acoller a maior cita do sector enerxético en Galicia coa celebración deste Congreso”, que versará sobre enerxías renovábeis, tecnoloxías smart, eficiencia enerxética e mantemento de edificios, iluminación, innovación e xestión transversal dos devanditos recursos.
Segundo engadiu o deputado, “dende o Executivo provincial estamos comprometidos e sensibilizados nesta materia”. Esta é a razón, dixo, de que a entidade provincial destinase 1,5 millón de euros a través do Plan de Aforro Enerxético (ao que se adheriron 37 Concellos, permitíndolles aforrar máis dun 10% nos custos municipais); de que se elaborase un novo programa de aforro enerxético chamado ILUMIN@ (dirixido a todos os municipios da provincia de menos de 20.000 habitantes e totalmente gratuíto para os mesmos, recibindo unha axuda económica para a compra e instalación de novo equipamento de baixo consumo en dotacións municipais) e de que se investisen 750.000 euros para fornecer dun novo sistema de iluminación ao Paseo do Río Rato, con 283 novos puntos de luz LED ecolóxicos nun treito de 7 quilómetros.
Pola súa parte, Méndez López engadiu que “énchenos de orgullo que Lugo sexa unha cidade na que cada vez se celebran máis citas deste tipo, citas importantes polo contido, e polas conclusións ás que se chegará”. Segundo dixo, existe o firme compromiso dende o Goberno local de converter a cidade nunha urbe sustentábel, e nesa liña leváronse a cabo medidas como reducir a velocidade a 30 nunha manchea de rúas ou habilitar máis zonas peonís en múltiples barrios. Ademais, engadiu, “fomos quen de acadar 22 millóns de euros de fondos europeos, para implantar este tipo de medidas de aforro enerxético”.
Oriol Sarmiento reivindicou “o papel dos enxeñeiros industriais como profesionais de referencia da enerxía; este papel debe estar apoiado por outras profesións complementarias, e por iso este congreso exponse aberto á participación de diferentes disciplinas”.
Pola súa banda Fernando Blanco salientou “a necesidade de implantar a xestión enerxética na empresa e na administración pública” indicando que “esta é unha disciplina que se integra e aplica dende finais do século XX pola necesidade de diminuír as emisións de gases de efecto invernadoiro, así como para garantir a seguridade das instalacións en funcionamento”.
24 relatorios na xornada de hoxe
Ademais da inauguración, na xornada de hoxe celebráronse un total de 24 relatorios, en sete mesas. En horario de mañá celebrouse a mesa institucional, na que estiveron presentes as iniciativas do Concello de Lugo e da Feira da Enerxía de Galicia; a segunda mesa centrouse no aforro en instalacións industriais, mentres que a terceira versou sobre as aplicacións da enerxía xeotérmica en Galicia, que contou á súa vez coa colaboración do Clúster Galego de Enerxía Xeotérmica (ACLUXEGA).
En horario de tarde desenvolvéronse a segunda edición do Seminario Técnico Galego de Iluminación, a quinta Xornada Eólica de Galicia (en colaboración co Clúster de Enerxías Renovables de Galicia, Cluergal) e as mesas correspondentes ao mantemento de edificios e pobreza enerxética e compoñentes sociais da enerxía.

Categorías: Ciencia

Vitae leva á Coruña o seu curso sobre autoliderado baseado na neurociencia

códigocero - Mér, 11/08/2017 - 16:38

Vitae Consultores vai desenvolver na Coruña, este mes de novembro, unha achega formativa para facer máis rendíbel, eficaz e doado o día a día dos profesionais que coordinan e dirixen equipas de profesionais. Trátase do Curso Auto Liderado Baseado na Neurociencia (PDF), que xa tivo a súa edición en Vigo, os días pasados, e que agora chega á cidade herculina para despregar novamente, ante a vista dos profesionais locais, diferentes técnicas e recursos para (primeiro) coñecérense a si mesmos e (segundo) coñecer os perfís dos demais profesionais e, sobre todo, dos que están baixo a súa responsabilidade. Isto, sinala Vitae, resulta crucial para entender as intencións e as motivacións de cada un dos integrantes dunha equipa profesional, o que está na base da resolución de múltiples conflitos e, dende logo, nunha mellor comunicación.
No curso, de 10 horas, proporcionaranse as ferramentas precisas de autocoñecemento e autoliderado para podermos ter unha perspectiva baseada na ciencia que nos axude a ser mellores líderes e traballar en equipo.
O curso, segundo informan os organizadores, fornecerá aos asistentes de 10 PDU (Unidades de Desenvolvemento Profesional, polas súas siglas en inglés Professional Development Unit) a validar polo PMI (Project Management Institute).
Os obxectivos concretos desta actividade formativa son elaborar unha descrición baseada na ciencia do perfil de comportamento profesional, achegar un método eficaz para o autocoñecemento e o autoliderado e subministrar ferramentas para liderar e traballar en equipo xestionando as expectativas e os conflitos.
O obradoiro inclúe dez horas lectivas a distribuír en dúas xornadas de cinco horas. Celebrarase os días 27 e 28 de novembro no Hotel Attica 21 da Coruña, no número 34 da rúa Enrique Mariñas.
O curso virá da man de Marcos Carbonell, profesional con máis de tres décadas de experiencia nos sectores do deporte, as novas tecnoloxías e os recursos humanos. Carbonell é diplomado en Empresariais, máster en Recursos Humanos e posgrao en Marketing e en Organización de Empresas. Dende 2006 é socio director de Vitae Consultores e tense responsabilizado, directa ou indirectamente, de máis de 1.000 procesos de selección cunha taxa de máis dun 90% de éxito.

Categorías: Ciencia

The bitter battle over the world’s most popular insecticides

Nature - Mér, 11/08/2017 - 14:58

As regulators consider a ban on neonicotinoids, debate rages over the harm they cause to bees.

Nature 551 156 doi: 10.1038/551156a

Categorías: Ciencia

GAIN afronta 2018 con máis orzamentos e máis foco no talento e na innovación

códigocero - Mér, 11/08/2017 - 12:58
Patricia Argerey, directora de GAIN, nun dos actos de celebración dos 25 anos da Tecnópole

Onte tivemos ocasión de coñecer boa parte da folla de ruta para 2018 da Axencia Galega de Innovación, GAIN, un roteiro que se centrará principalmente en cousas que nos tocan de preto, como incrementar a competitividade das PEME a través da innovación, impulsar a transferencia de tecnoloxía dos investigadores ás empresas, apoiar o espallamento da Industria 4.0 no noso tecido produtivo ou captar e reter talento innovador. Os plans para o ano vindeiro foron dados a coñecer no Parlamento pola directora da axencia, Patrica Argerey, quen salientou que os orzamentos do organismo medraron nun 26%, situándose preto dos 80 millóns de euros. Respecto dos eidos onde se rexistrou meirande crecemento, foi sobre todo no ámbito das partidas de investimento.
Respecto do talento e a captación e retención do mesmo, Argerey sinalou que se lle dará continuidade aos programas Oportunius e Principia, con 3,4 millóns de euros, “aos que se engadirá unha liña para facilitar a contratación de persoal investigador sénior por parte de centros de coñecemento e empresas, cun orzamento dun millón de euros”.
No que atinxe á transferencia tecnolóxica, prolongarase e reforzarase o programa Ignicia, con 2,5 millóns de euros, co obxectivo de “impulsar entre 7 e 10 novos proxectos de proba de concepto que acheguen a investigación galega ao mercado”. Ademais, activarase unha convocatoria para o fortalecemento dos centros tecnolóxicos galegos para apoiar a dotación e actualización de equipamento actualizado e diferencial, que permitirá mobilizar 13 millóns de euros.
Respecto da cultura da innovación nas PEME, manterase o programa Innova PEME e lanzaranse dous novos programas: o Reacciona Innovación (en colaboración co IGAPE e destinado ás firmas que queiran orientar o seu camiño cara á innovación e para que teñan acceso a servizos especializados) e un programa de impulso do deseño como factor facilitador da innovación, “que conecta a empresa co mercado cun enfoque de innovación non tecnolóxica”.
Así mesmo, lanzarase a cuarta convocatoria do Conecta PEME, con 25 millóns de euros, coa finalidade de “desenvolver proxectos innovadores en cooperación”. Por outra banda, no marco do polo tecnolóxico e industrial de vehículos non tripulados de Rozas (que conta con 9 millóns de euros consignados no orzamento do vindeiro ano), Argerey explicou que se vai pór en marcha un programa de aceleración de proxectos aeroespaciais “para que emprendedores de todo o mundo poidan validar as súas solucións e xerar actividade económica”. A aceleradora, que contará coa colaboración de Indra e Babcock, busca apoiar 15 start-ups. Tamén está prevista a incorporación dun espazo de coworking e viveiro de empresas en Lugo, nas instalacións do antigo hospital.
Do mesmo xeito, tamén se dará continuidade ao programa de I+D+i da Civil UAVs Initiative, que segundo fixo saber a directora de GAIN, “está a xerar 170 empregos altamente cualificados, tanto en Indra como en Babcock como nas 17 PEME e centros tecnolóxicos galegos que están subcontratados até o de agora”.

Categorías: Ciencia

O certame europeo de navegación por satélite premia o proxecto Alivetor de Gradiant

códigocero - Mér, 11/08/2017 - 12:33

Finalmente houbo presenza galega no palmarés do Concurso Europeo de Navegación por Satélite (ESNC 2017, polas súas siglas en inglés), resolto en Tallin (Estonia) durante a noite deste 7 de novembro ao abeiro da celebración da Semana Europea do Espazo. Máis en concreto, a do Centro Tecnolóxico Gradiant, que viu recoñecido no devandito certame o seu proxecto Alivetor, destinado, entre outras cousas, a extremar a eficacia nos labores de rescate das persoas vítimas dun terremoto, dun alude ou da caída dun edificio. Alivetor, segundo nos recorda Gradiant, tira proveito para o seu funcionamento dun equipo de sensores montados sobre un vehículo aéreo non tripulado e comunicado por satélite, un UAV polas súas siglas en inglés. Respecto da súa participación no dito certame impulsado pola Comisión Europea, Alivetor chegou á final tras proclamarse vencedor da competición galega, organizada polo Consorcio da Zona Franca de Vigo.
Respecto do papel despregado en Tallin, o proxecto galego obtivo un dos tres premios especiais de servizos incubación que outorga E-GNSS Accelerator, o programa europeo de aceleración de start-ups que realizan desenvolvementos tecnolóxicos a partir do sistema Galileo, o sistema europeo de navegación por satélite.
Os líderes do equipo de Gradiant que estivo á fronte de Alivetor foron os encargados de defender o proxecto na fase final do ESNC 2017. Da explicación das características e funcionalidades de Alivetor encargáronse o director do Departamento de Comunicacións Avanzadas de Gradiant, Jorge Munir El Malek Vázquez, e o enxeñeiro Pablo González Fernández.
Como dixemos, Alivetor permite buscar vítimas en extensas contornas de territorio en pouco tempo e en escenarios de catástrofe. Os seus sensores funcionan con ondas electromagnéticas e poden detectar a presenza de persoas atrapadas até a medio metro de profundidade e a través de materiais como pedra, madeira, terra ou tea. A través da súa conexión satelital GNSS, Alivetor transmite a localización exacta dos datos que obtén. Entre outras cousas, posibilita unha importante redución nos tempos de procura de persoas con vida despois dunha catástrofe, “algo fundamental para minimizar o número final de vítimas”, sinalan os seus desenvolvedores.

Categorías: Ciencia

A web redepatrimonio.gal, eixe das celebracións galegas do Día do Patrimonio Mundial

códigocero - Mér, 11/08/2017 - 12:07

O vindeiro 16 de novembro celébrase o Día do Patrimonio Mundial, unha data para pór de relevo o moito que temos que avanzar en determinadas contornas (coma a nosa) para conservar e reivindicar a riqueza arquitectónica, artística, etnográfica, cultural ou lingüística creada e transmitida polos que viñeron antes ca nós. Dito doutra maneira: en Galicia temos moito que preservar e reivindicar, pero tamén moito que roer e moito que avanzar. Só así se explica que cada pouco tempo se esborralle sen remedio unha casa nun casco histórico ou que a maquinaria arrase cun castro ou cunha mámoa. Estas e outras cousas son as cuestións que quere pór de relevo a Rede do Patrimonio Cultural con motivo da celebración do 16. Haberá unha manchea de actividades (case 40) en defensa dos nosos bens, moitas delas nas nosas vilas e cidades e outras tantas na contorna dixital. Teremos que estar atentos do que se faga ao abeiro de #DiadoPatrimonio e na web redepatrimonio.gal.
O programa inclúe, entre outras cousas, roteiros, visitas guiadas, conferencias, concertos, xantares e actividades varias, a desenvolver ao longo das vindeiras fins de semana (esta que se achega e máis a que vén) co obxectivo de concienciar aos galegos da importancia da conservación e promoción da súa riqueza histórica. Convocadas pola Rede do Patrimonio Cultural (RPC), un total de 25 entidades realizarán case 40 actividades para celebrar a festividade internacional do 16.
Segundo informa a Rede, será a primeira vez que a entidade contribúa á visualización do patrimonio cultural galego e das entidades que o promoven, protexen e poñen en valor.
Para darlle unidade á campaña e achegarlle cumprido eco no plano dixital, a RPC propuxo empregar o cancelo #DiadoPatrimonio para as as comunicacións nas redes sociais relativas aos distintos eventos convocados.
Actividades
Así, entre as devanditas accións, a Asociación Cultural e Pedagóxica Ponte nas Ondas realizará un programa de radio sobre o pergameo Vindel. O Sorriso de Daniel fará o domingo 19 unha xeira románica por Guntín e unha visita guiada ao museo diocesano de Lugo. Amigos do Patrimonio de Castroverde realizarán o sábado día 11 un percorrido por parte do roteiro do val do río Tórdea e Xérmolos, unha andaina ata a Pena Xiboi de Parga.
Pola súa banda, Petón do Lobo, Asociación Galega Cova Crea e Asociación Ouriol do Anllóns organizan un roteiro tras ao antigo cemiterio civil de Corcoesto o 18 de novembro e a Asociación de Amigos do Pasatempo unha visita guiada ao Parque do Pasatempo o 19 de novembro. Tamén a Gentalha do Pichel convoca ás III Conversas sobre a xestion cultural e a presentación do tríptico sobre o Megalitismo en Compostela, así como a un roteiro polos castros e mámoas de Santiago.
A Asociación Cultural Apelón Educación organiza unha andaina Cultural con visita ao xacemento romano de Noville o 18 de Novembro e a Asociación Amigos dos Castros de Cuntis unha saída fotográfica. Tamén Patrimonio dos Ancares realizará un roteiro e a Asociación Monte Pituco, o sábado 25, unha visita aos conxuntos rupestres da Carrasca e Champás. Pola súa banda, a Asociación Festa da Prehistoria organiza unha visita á Laxe das Cruces e a Asociación Batistales, un concerto nas campás da Igrexa de Mondoñedo.
Segundo recalca a Rede, toda a información, horarios, lugares e días de actividades pódese consultar na web redepatrimonio.gal onde tamén hai un mapa interactivo e os carteis con toda e cada unha das accións da RPC.


Categorías: Ciencia

Os desafíos da ciberseguridade no tecido produtivo, ao detalle no Club Financeiro Atlántico

códigocero - Mér, 11/08/2017 - 11:40

A Escola de Finanzas e a Academia Galega de Seguridade Pública (AGASP) organizan esta semana un encontro profesional dirixido a atallar e frear as ameazas intelixentes que proliferan nas contornas dixitais con recursos análogos: metodoloxías avanzadas e intelixentes. A xornada Intelixencia & Ciberseguridade. Retos ante un mundo global desenvolverase no Club Financeiro Atlántico, na Coruña, o vindeiro venres día 10 a partir das 9:30 horas. O seminario, que será inaugurado por Alfonso Rueda, vicepresidente da Xunta, responde ao reto a prol da protección dixital da Escola de Finanzas, responsábel da posta en marcha de recurso como a Unidade Académica de Intelixencia e Ciberseguridade, que responde ás demandas do tecido empresarial galego e que ten o obxectivo de “achegar formación a todo o capital humano das empresas así como aos candidatos que se incorporen a elas”.
A respecto dos porqués da organización da xornada, a Escola de Finanzas salienta que “as ameazas intelixentes comezan a acaparar protagonismo e a asentarse como unha preocupación e un reto para os CISO na defensa das contornas dixitais e os sistemas da información”. Desta maneira, grazas á crecente converxencia entre a seguridade física e a informática, o compromiso corporativo coa seguridade integral aumentou. Dese compromiso e da necesidade de darlle resposta abrollan actividades como a xornada do día 10. Nela participarán representantes do noso tecido tecnolóxico-dixital, como por exemplo o presidente do CPEIG, Fernando Suárez, que intervirá na mesa redonda O desafío da ciberseguridade, xunto con outros relatores como Roberto Baratta, director de Loss Prevention de ABANCA, e Antonio Bueno Iglesias, xefe do Servizo de Infraestruturas e Arquitectura Tecnolóxicas do SERGAS. Moderará Rafael Ave, director da Área de Transformación Dixital e Ciberseguridade de Emetel.

Categorías: Ciencia

Dark-matter hunt fails to find the elusive particles

Nature - Mér, 11/08/2017 - 11:23

Physicists begin to embrace alternative explanations for the missing material.

Nature 551 153 doi: 10.1038/551153a

Categorías: Ciencia

Dormir poco favorece los lapsos cognitivos

Investigación y Ciencia - Mér, 11/08/2017 - 00:00
La privación de sueño interrumpe la comunicación de las neuronas, fenómeno que afecta  la memoria y la percepción visual.
Categorías: Ciencia

Páxinas

Subscribirse a IGACIENCIA agregador - Ciencia