Ciencia

Bacterial 'aphrodisiac' sends single-celled organism into mating frenzy

Nature - Mér, 09/06/2017 - 16:38

Researchers surprised to observe bacterial protein triggering a switch from asexual to sexual behaviour.

Nature News doi: 10.1038/nature.2017.22549

Categorías: Ciencia

A Deputación de Ourense sitúase á fronte do Estado no uso de Twitter como canle de comunicación

códigocero - Mér, 09/06/2017 - 12:19

A Deputación de Ourense vén de informar de que se trata da institución provincial de todo o territorio estatal que está a acadar meirande actividade e seguimento na rede social Twitter, segundo datos extraídos dos novos informes da consultora Postanalytics, que analiza a presenza dos gobernos provinciais no dito servizo dixital amais da súa pegada e influencia. A Deputación lembra que xa o pasado mes de agosto, o titular da Deputación de Ourense, Manuel Baltar, destacou “como o presidente máis activo en Galicia na rede social Twitter”, ocupando na actualidade o segundo posto dos 46 presidentes provinciais.
Segundo engade a institución ourensá, esta presenza na rede social abrolla do seu compromiso a prol do goberno aberto, a transparencia e a interactividade coa cidadanía, compromiso que lle valeu (recentemente) un recoñecemento do Colexio Profesional de Enxeñaría Informática de Galicia (CPEIG), o Premio Iniciativa da Administración.
Ao fío do devandito (o fío da Administración Electrónica e dos novos xeitos de establecer comunicación cos ourensáns) a Deputación tamén fixo saber que será a primeira institución pública do Estado en implantar o sistema de Auditoría Social da Transparencia, un método que permite avaliar a transparencia na xestión en tempo real. A ferramenta, desenvolvida por Dyntra (a plataforma global da Sociedade Civil para a Transparencia e Rendición de Contas das Institucións), permitirá “coñecer en cada intre o nivel de cumprimento coas obrigas de transparencia e dereito ao acceso á información de todos os entes obrigados por lei na provincia de Ourense”. Ademais, engade o Goberno de Manuel Baltar, “permitirá a participación dos cidadáns e actores sociais no proceso de avaliación continua, nun exercicio único de rendición de contas en España”.

Categorías: Ciencia

Huawei supera a Apple en número de smartphones vendidos

códigocero - Mér, 09/06/2017 - 12:19

Hai pouco máis dun mes dabamos conta de como Canalys Research situaba a Huawei na terceira posición en cota do mercado de smartphones, achegándose perigosamente a Apple en número de unidades vendidas (que non en facturación), e agora é Counterpoint a compañía que sitúa a Huawei xa na segunda posición mundial no mercado de smartphones atendendo ás vendas dos meses de xuño e xullo.
Dende Counterpoint consideran que estamos ante un fito para Huawei, que demostra así o seu impresionante crecemento global (xa que a súa posición en mercados como o chinés sempre foi boa), pero matizan que estamos ante unha situación que dificilmente durará, a que estamos a piques de ver a chegada de novos iPhone, o que sempre supón un incremento significativo das vendas de Apple, compañía que con certeza recuperará a segunda posición do mercado no que resta de ano.
Apple pode presumir de manter o liderado en vendas de dispositivos en concretos, de xeito que o iPhone 7 tería o 4% das vendas de smartphones a nivel mundial, seguido polo iPhone 7 Plus (2,9%), quedando as outras dúas posicións para Oppo (fabricante de grande peso en China), mentres que Samsung non entraría en escena até a quinta posición pese a ser o fabricante coa maior cota de mercado (pero tamén cun catálogo máis amplo). De falamos de facturación os resultados tamén serían moi diferentes, xa que os terminais de Apple teñen prezos moi elevados, de xeito que a efectos de empresa segue a ser a marca líder a nivel mundial.

Categorías: Ciencia

En marcha un curso avanzado para incorporarmos os drones ao noso agro

códigocero - Mér, 09/06/2017 - 11:57

A firma lucense Proyestegal está a organizar unha actividade formativa directamente encamiñada a informar e formar aos nosos profesionais do agro no emprego aplicado de vehículos aéreos non tripulados. O Curso de uso de drones en gandería e agricultura celebrase en diferentes localidades galegas durante os meses de setembro e outubro. Virá acompañado de accións demostrativas sobre o emprego destes aparellos no millo, nos viñedos, no control e produción de carne, nos cultivos de grelo e na protección e rendibilidade de áreas da Rede Natura.
Proyestegal sinala que os cursos (co-financiados pola Consellería de Medio Rural) teñen o obxectivo de aumentar a produtividade e eficiencia das explotacións. Segundo informa o Concello de Vedra, un dos municipios sumados á iniciativa, “co uso dos drones é posíbel facer un seguimento e control de cultivos, superficies, seguir o medre da planta, e así mellorar o manexo agronómico incidindo no uso eficiente de recursos como o solo, auga, optimizar rendementos e reducir o impacto da nosa actividade sobre o medio ambiente”.
Nas accións formativas propostas por Proyestegal tentarase demostrar como coa axuda dun único drone é posíbel facer seguimento de centos de hectáreas de maneira precisa, avaliando as condicións do terreo e co obxectivo de recoller información sobre elementos como o nivel de humidade, a temperatura ou o ritmo de crecemento dos cultivos. A empresa tamén recorda que entre as funcións máis importantes destes vehículos aéreos non tripulados e das tecnoloxías dixitais de comunicación que os acompañan atópase a de previr e evitar as pragas nos cultivos. Ademais, os aparellos de voo poden enviar fotos e vídeos en tempo real, serven de espantallos e manteñen afastadas as aves.
Para o Concello de Vedra, está claro que tamén poden contribuír en certa medida a introducir metodoloxías de traballo innovadoras, abrir nichos laborais e loitar contra o despoboamento do rural. “A incorporación de xente moza a agricultura é unha prioridade polo cal o uso drones pode facilitar a man de obra e pode ser unha vía máis de atraer xente nova ó campo, vinculando a actividade produtiva da agricultura cunha actividade máis rendible co uso de novas tecnoloxías”.
O curso inclúe 20 horas de contidos en catro xornadas de cinco horas. Está dirixido a agricultores e futuros agricultores de Galicia.

Categorías: Ciencia

O Congreso INLG de Santiago impulsa a capacidade de comunicación das máquinas

códigocero - Mér, 09/06/2017 - 11:09

Esta semana estase a desenvolver en Santiago (até este 7 de setembro) o que está considerado o congreso mundial de maior relevancia en materia de linguaxe natural e intelixencia artificial. A cita é na Escola Técnica Superior de Enxeñaría (ETSE), da man do centro CiTIUS, da Universidade de Santiago. Trátase da décima edición do Congreso Internacional INLG (International Natural Language Generation), que se celebra por primeira vez en territorio español. O evento foi inaugurado onte no salón de actos da ETSE polo reitor Juan Viaño. Na xornada de apertura tamén interviñeron Ángel Morales, da Association of Computational Linguistics e do Special Interesy Group on Natural Language Generation (SIGGEN); Ehud Reiter, do comité organizador; e o director do CiTIUS, Paulo Félix Lamas, entre outros.
Como sinalamos onte, no congreso participan representantes de compañías sobranceiras como Microsoft, eBay ou IBM e máis de 100 expertos de 20 países e catro continentes (América, África, Asia, e Europa). O evento, nun plano máis concreto, xira arredor dun aspecto concreto da intelixencia artificial que xa é unha realidade constatada: a capacidade das máquinas para comunicarse de maneira perfectamente comprensíbel a través das linguaxes oral e escrita.
Como dixemos, a organización da edición galega do evento corre a conta do CiTIUS, que con esta nova cita promovida polo Grupo de Sistemas Intelixentes culmina unha tempada estival ateigada de encontros científicos referenciais, incluíndo duas escolas de verán en Intelixencia Artificial e o Congreso Internacional Euro-Par 2017, referente europeo en computación paralela e distribuída. Respecto do programa, entre os asistentes ao congreso atópase o investigador postdoutoral do CiTIUS Alejandro Ramos, recoñecido polo seu traballo ao abeiro de GALiWeather con distintos premios a nivel nacional e internacional, entre os que destaca o Premio de investigación 2017 da Sociedade Científica Informática de España (SCIE) - Fundación BBVA. Ramos, que intervirá este mércores 6 de setembro a primeira hora da tarde, é o responsábel dun programa avanzado (GALiWeather) que, entre outras cousas, foi quen de traducir a linguaxe humana un ensarillado de datos numéricos climáticos só xestionábeis eficazmente por potentes máquinas de cómputo. Este é o alicerce das predicións do tempo que fai MeteoGalicia.
Segundo teñen sinalado o CiTIUS e máis o devandito investigador, a linguaxe natural constitúe un “mercado emerxente que move millóns de euros”, o que nos dá unha idea da importancia do congreso que se está a celebrar en Compostela, no que boa parte do seu centenar de expertos enfróntase arestora ao reto de complementar as informacións que nos traducen as máquinas cun fondo afectivo que impulse e amplíe o coñecemento fornecido.
Amais de Ramos, participan no evento unha manchea de referencias investigadores da linguaxe natural, como o profesor Ehud Reiter, catedrático de Lingüística Computacional na Universidade de Aberdeen (Escocia) e pioneiro en NLG. Reiter é tamén fundador dunha das principais empresas na área, a compañía ARRIA NLG, unha das patrocinadoras da presente edición xunto coa compañía de mercadotecnia por correo electrónico Phrasee e a consultora multinacional Accenture.
Ademais, o congreso conta tamén coa presenza de dous relatores convidados, por unha banda Frank Schilder, de Thomson Reuters, e, pola outra, Gemma Boleda (Universidade Pompeu Fabra), unha nova investigadora do programa Ramón y Cajal que segundo informa o CiTIUS atesoura xa “un prometedor currículo”, e á que o Consello Europeo de Investigación vén de conceder unha das prestixiosas axudas ERC Starting Grant para consolidar o seu traballo.
Entre o resto dos asistentes o CiTIUS tamén salienta á investigadora Claire Gardent, presidenta de SIGGEN (o grupo de interés que auspicia o congreso) e membro do CNRS (Centro Nacional en Francia para a Investigación Científica, polas súas siglas en francés).

Categorías: Ciencia

Los bebés de pocos meses ya distinguen los colores

Investigación y Ciencia - Mér, 09/06/2017 - 00:00
Demuestran que la biología desempeña un papel más importante en la percepción del color de lo que se creía hasta ahora.
Categorías: Ciencia

Una gota como Saturno

Investigación y Ciencia - Mér, 09/06/2017 - 00:00
Bajo la influencia de un campo eléctrico, esta gota de aceite de silicona adquiere una forma asombrosa.
Categorías: Ciencia

Despedimento fulgurante por unha mostra de odio en Facebook

códigocero - Mar, 09/05/2017 - 23:30

As crises de reputación nas redes sociais son un problema cada día maior, no que unha empresa pode resultar moi mal parada se non toma medidas con certa axilidade, e durante a xornada de hoxe resultou abraiante o rápida que foi a resposta da empresa de taxación inmobiliaria Tinsa España, que a poucas horas de ter coñecemento a través das redes sociais de que o pasado día 3 unha das súas traballadoras temporais realizou uns polémicos comentarios contra Inés Arrimadas, presidenta do Grupo Parlamentario de Ciudadanos no Parlamento de Cataluña, optou por expresar a súa repulsa aos comentarios e publicaron un comunicado dando conta do cesamento da relación profesional coa autora dos mesmos.
Os comentarios da polémica non foron para menos, xa que Rosa María Miras i Puigpinós, tras ver a intervención de Arrimadas nun debate en Telecinco desexoulle publicamente «que cando saia esta noite a violen en grupo porque non merece outra cousa semellante cadela noxenta», o que provocou a denuncia por parte de Arrimadas, o que levou a varios internautas a identificar á autora da mensaxe de odio, de xeito que sóubose do seu actual posto de traballo e iniciouse unha campaña na Rede na que informábase á compañía dos comentarios de quen nese momento traballaba no seu departamento de atención ao cliente a través dunha ETT.
Aínda que é probable que esta historia continúe nos xulgados (de ter formalizado a denuncia Inés Arrimadas) é especialmente rechamante ver como un linchamento dixital provocou un despedimento en pouco máis de 3 horas, deixando claro que algunhas empresas entenden o dano que pode facer a asociación da súa marca a condutas censurables (e posiblemente delituosas).

Categorías: Ciencia

YouTube para iOS xa permite facer streaming de aplicacións

códigocero - Mar, 09/05/2017 - 22:30

A aplicación de YouTube para iOS estrea versión 12.34, e esta no actualización que corrixe erros e mellora a estabilidade, tamén incorpora unha novidade moi atractiva: a posibilidade de realizar retransmisións de vídeo en directo empregado ReplayKit, un framework de Apple que permite gravar ou transmitir vídeo da pantalla e son de aplicacións e micrófono.
Isto quere dicir que en aplicacións compatibles con ReplayKit será posible retransmitir en vivo a imaxe na pantalla do iPhone ou do iPad, o que agradecerán especialmente os usuarios que queiran amosar as súas partidas de videoxogos ao mundo, sendo posible tamén captar e integrar a imaxe (captada pola cámara frontal do dispositivo) e a voz do usuario en pantalla para ofrecer así un tipo de retransmisión moi habitual no mundo do PC, pero que agora podería popularizarse no contorno móbil.
Dado que YouTube tamén mellorou a súa tecnoloxía de retransmisión para conseguir retardos de só un par de segundos, temos que a interacción entre o youtuber e a súa audiencia será moi fluída, polo que será cada vez máis frecuente ver a xogadores amosando a súa pericia en xogos móbiles e compartindo trucos e consellos cos seus seareiros.

Categorías: Ciencia

WhatsApp está a probar o seu uso comercial

códigocero - Mar, 09/05/2017 - 22:00

WhatsApp confirmou hai uns días que estaba a probar as contas de empresa verificadas como un xeito de facilitar que as compañías atendan ao público, pero serán varias as funcionalidades que facilitarán as comunicacións con empresas que poranse en marcha nos vindeiros meses, de xeito que, aparte dos perfís verificados tamén haberá unha aplicación de balde WhatsApp Business para pequenas empresas (que sería semellante á versión web de WhatsApp) así como unha versión para grandes compañías como liñas aéreas, compañías de comercio electrónico ou entidades bancarias, que poderán empregar WhatsApp como un xeito de enviar notificacións importantes como horarios de voos, confirmacións de entrega de pedidos e outras actualizacións.
Como exemplo xa temos unha empresa que confirmou a súa participación no programa piloto de WhatsApp, KLM Royal Dutch Airlines, que é unha desas compañías con perfil verificado que permite que os seus pasaxeiros reciban a confirmación da reserva, a notificación de rexistro, a tarxetas de embarque e incluso actualizacións sobre os voos a través de WhatsApp, plataforma a través da que tamén atenden a preguntas dos clientes. Esta plataforma integrouse no CRM da empresa (Salesforce) de xeito que os seus 250 axentes poden atender agora a clientes por WhatsApp como unha plataforma máis de atención como poden ser o teléfono, o correo electrónico ou as redes sociais. Para axilizar as interaccións a plataforma integrada en KLM conta cun sistema de intelixencia artificial que suxire respostas.
Polo momento este tipo de funcionalidades están en probas, e pode que tardemos meses en velas en España, pero resulta interesante ver como WhatsApp avanza para conseguir un modelo de negocio que poida sustentar o servizo agora que non cobra cotas anuais aos usuarios.

Vídeo no que podemos ver como sería o funcionamento da comunicación dunha liña aérea a través de WhatsApp

Categorías: Ciencia

Budget battle looms for US science programmes

Nature - Mar, 09/05/2017 - 17:05

Competing spending priorities in the House of Representative and Senate could push funding negotiations into December.

Nature 549 17 doi: 10.1038/nature.2017.22548

Categorías: Ciencia

O Museo do Castro de Viladonga dáse a coñecer ao detalle na Rede

códigocero - Mar, 09/05/2017 - 16:33

O Museo do Castro de Viladonga (Castro de Rei, Lugo) vén de estrear presenza na Rede, viladonga.xunta.gal. Trátase dun portal que nos achega, entre outras cousas, a posibilidade de facermos unha visita virtual polas salas de exposición permanente e termos acceso ás pezas máis salientábeis da colección. Por certo que boa parte delas podemos velas en formato tridimensional e en movemento (foron tratadas mediante fotogrametría ou xiro 360 graos). Detrás destes traballos atópase a Axencia para a Modernización Tecnolóxica de Galicia (AMTEGA) e a Consellería de Cultura e Educación. O seu obxectivo foi “enriquecer a experiencia da visita ao complexo, ofrecer información completa sobre os seus contidos e dar a coñecer o labor que vén realizando o museo”.
AMTEGA e Cultura salientan do portal (entre outras cousas) o seu deseño adaptábel e accesíbel e o seu apartado multimedia, con vídeos sobre a historia do castro, a súa contorna natural e as escavacións realizadas en anos previos. O material audiovisual complétase cunha galería fotográfica coas actividades do castro e co flora e fauna do mesmo.
O portal tamén inclúe un enlace que dá acceso ao catálogo dixital das coleccións do museo xestionado pola Xunta de Galicia, na Rede Dixital de Coleccións de Museos de España Rede Dixital de Coleccións de Museos de España (Ceres).
Sinalar que a web está feita para facilitar a navegación desde móbiles e tabletas, cun deseño responsive baseado en “estruturas e imaxes fluídas que se adaptan ao tamaño da pantalla desde a que se visita a páxina”, informan AMTEGA e Cultura e Educación.

Categorías: Ciencia

Optare Ventures xa impulsou catro firmas innovadoras no seu primeiro ano de vida

códigocero - Mar, 09/05/2017 - 16:33
Luis Álvarez-Sestelo, director de Optare Ventures

O fondo galego Optare Ventures, iniciativa a prol do emprendemento e o capital semente da consultora TIC Optare, vén de facer balance do seu primeiro ano de actividade. Entre os datos máis salientábeis do informe sobre os seus doce primeiro meses de anos figuran os seguintes: foi quen de impulsar catro participadas e mobilizou un investimento total de 200.000 euros. No balance tamén se fai saber que o fondo, dirixido polo galego Luis Álvarez-Sestelo, desenvolveu os seus dous investimentos máis recentes en Boardfy e máis en Wisestate IoT. De Boardfy, plataforma galega de seguimento de prezos en liña, falamos recentemente para facer fincapé na súa rolda de financiamento de 230.000 euros. Wisestate IoT, pola súa banda, é unha firma innovadora con sede en Londres e raizame e Barcelona, posta en marcha en 2016 e centrada en tirar partido da Internet das Cousas. Os outros dous investimentos de Optare Ventures son Sila Games e SetPay.
Segundo fixemos saber con motivo da súa posta en marcha, Optare Ventures ten a súa orixe na consultora galega Optare Solutions, radicada no Parque Tecnolóxico e Loxístico de Vigo e especializada en achegar recursos avanzados ao sector das telecomunicacións. Con Optare Ventures, o obxectivo foi achegar unha innovadora contribución ao emprendemento tecnolóxico, fornecendo as novas propostas de mercado de capital semente (sobre todo nos primeiros treitos do camiño dos proxectos seleccionados).
A primeira iniciativa pola que apostou Optare Ventures foi a firma galega SetPay (tecnoloxías avanzadas para facilitar o pagamento mediante tarxetas bancarias en mobilidade). Máis adiante foi a quenda de Sila Games. Trátase dunha startup de venda de videoxogos dixitais, fundada en 2013 polo galego Francisco Mosquera e Óscar Mas. O seu cometido é desenvolver e implantar no mercado dos videoxogos o modelo de tarifa plana, de xeito que os usuarios poderán dispoñer sen límites dun catálogo de xogos de primeiro nivel a cambio dun pagamento mensual.

Categorías: Ciencia

Unha actualización de firmware permite ás cámaras LUMIX GH5 gravar vídeo 6K

códigocero - Mar, 09/05/2017 - 13:39

A cámara Panasonic DC-GH5 actualizou o seu firmware á versión 2.0 para mellorar o seu rendemento e as súas funcións, o que facilita que esta magnífica cámara poida empregarse agora a través dun ordenador persoal conectado por USB a través do software LUMIX Tether (o que resulta moi práctico para ver na pantalla do PC as imaxes que se están a tomar en sesións fotográficas nas que se precise dunha confirmación continua), mellórase o enfoque automático, redúcense os tempos de espera ao disparar en secuencia, estréase un modo de gravación de vídeo ALL-Intra (que rexistra vídeo Full HD ou 4K a 10 bits e 4:2:2), engádese a posibilidade de gravar vídeo 4K con HDR, mellórase o modo de gravación de vídeo anamórfico e outros pequenos cambios.
Aínda que o modo de gravación de vídeo ALL-Intra supón unha importante mellora, xa que ofrece unha elevada calidade de imaxe, resulta máis rechamante a incorporación do novo modo anamórfico de alta resolución, que grava vídeo en 18 Mpíxeles, o que podería describirse como gravación en 6K, algo que normalmente está reservado a cámaras de prezos moi superiores (a Panasonic DC-GH5 custa 1.999,90 euros). Temos así que está cámara incorpora modos de gravación de vídeo nos que podemos ter fotogramas de 4.992 x 3.744 píxeles gravados a 200 Mbps en 4:2:0 e 10 bits con compresión de imaxe Long GOP frecuencias de fotograma PAL, NTSC ou cine. Sen dúbida, unha magnífica opción para creadores audiovisuais que non queren realizar grandes investimentos económicos, conseguindo así uns resultados impresionantes e nuns formatos doados de integrar no fluxo de traballo.

Categorías: Ciencia

A formación TIC de COGAMI acada unha taxa de inserción laboral do 52%

códigocero - Mar, 09/05/2017 - 12:07

A organización galega COGAMI vén de facer balance dos éxitos acadados a través do seu programa de emprego para persoas con diversidades financiado a través da Fundación Vodafone España, máis concretamente a través do programa de inserción Participa coa dis-capacidade, impulsado pola operadora para loitar contra a exclusión social e laboral a través das novas tecnoloxías da información (recursos para atopar emprego, mellorar currículo e rendibilizar as capacidades de cada quen). O programa, que se iniciou coa entrada de 2017 e que remata co ano, cumpriu e mesmo superou as expectativas da área de emprego de COGAMI, que eran de acadar unha taxa de inserción do 49% sobre o total das persoas participantes (150). As cifras finalmente conseguidas roldan xa o 52%. Ou sexa, 78 persoas inseridas.
Polo que respecta ás persoas que se están a beneficiar da iniciativa teñen perfís semellantes e comparten alicerces de partida: son homes e mulleres en risco de exclusión social e laboral, con diversidades funcionais ou cognitivas e sen contrato laboral previo. Segundo o lugar do que proceden, 24 dos participantes son de A Coruña, outras 24 son de Santiago Compostela, 18 de Ferrol, 18 de Lugo, 19 de Ourense, 22 de Pontevedra e 25 proceden de Vigo.
Sete orientadores laborais, situados nas oficinas que COGAMI ten abertas nas principais cidades galegas, son os que se encargan de valorar e avaliar as potencialidades e capacidades de cada unha das persoas participantes no programa e a súa motivación. Amais de asesoramento, o programa ofrece información, formación e capacitación en TIC baseadas en soportes, equipamentos, tecnoloxías e software adaptados, co “propósito de facilitar a busca de emprego e poder acceder ao mercado laboral”. Para isto, desenvolvéronse 5 obradoiros grupais explicativos (encamiñando aos participantes na busca dunha actividade laboral) nos que participaron 102 persoas do programa; xestionáronse 33 prácticas en empresas; impartíronse obradoiros sobre novas tecnoloxías nos que participaron 105 persoas; asesorouse na elaboración do curriculum 2.0 ou audiovisual dende a preparación do guión ata a presentación e gravación; impartíronse 11 círculos de emprego (compartindo experiencias e estratexias seguidas durante a busca de emprego) e, por último, impartiuse formación para explicar as ferramentas ou aplicacións móbiles que existen especializadas na busca de emprego e que se poden descargar nun smartphone.
Por outra banda, visitáronse 176 empresas novas, fíxose seguimento a 243 firmas coas que xa se mantén o contacto. Finalmente, abríronse un total de 427 ofertas de emprego.

Categorías: Ciencia

O CPEIG lanza un curso para perderlle o medo á comunicación

códigocero - Mar, 09/05/2017 - 11:00

Comunicar non é simplemente falar. E facelo e que se nos entenda e, a poder ser, sen renunciar a esas cousas que van alén das simples palabras e que se coñecen como empatía, comprensión e afinidade. Isto pódese conseguir na vida real e na dixital e para acadar o meirande impacto comunicativo, nada mellor que someternos a un algo de adestramento. Así o entende o Colexio Profesional de Enxeñaría Informática de Galicia (CPEIG), que está a organizar un Curso de Comunicación Exprés para aprender aos asistentes (dunha maneira “áxil e entretida”) os coñecementos precisos para comunicárense co seu público “en situacións de todo tipo”. Trátase, polo tanto, de recursos para todo tipo de situacións, dende o ámbito da oratoria até a formación de portavoces pasando polos recursos máis acaidos para expresarnos no medio e medio dunha crise.
A orixe desta actividade está nunha demanda concreta de gran parte de profesionais de todos os sectores: a demanda de comunicarse ben nun mundo cada vez mellor comunicado. Ou sexa, que non abonda con termos todo o preciso para informar do que queremos informar, cómpre retomar a vella máxima dos grandes escritores de todos os tempos: a mensaxe en si mesma é importante, pero o que importa de verdade é o xeito de dicila. En base a isto, o curso do CPEIG ten o obxectivo firme de axudarnos a superar o que se coñece como medo escénico en materia comunicativa.
A coordinación desta sesión formativa corre a cargo de Luís Fraga, profesional de dilatada experiencia nos medios de comunicación e na comunicación corporativa, e contará coa colaboración de Iván Olmos, subcampión mundial de oratoria. O curso ten unha duración de 8 horas e impartirase o venres 15 de setembro (16:30 - 20:30) e o sábado 16 de setembro (9:30 – 13:30). Celebrarase en Santiago de Compostela.
Programa do obradoiro
Venres
16:30h. A Comunicación Corporativa. Que é a comunicación corporativa? O dircom. A xestión da reputación.
17:00h. Relacións cos medios. Creación de contidos para seducir aos medios. Como redactar unha nota de prensa. Como dar unha rolda de prensa.
18:00h. Formación de portavoces. Simulación de intervencións reais en medios de comunicación: a entrevista en televisión, o "canutazo" para os reporteiros, a participación nun debate televisado.
Sábado
9:30h. Introdución á comunicación escrita. Como evitar os erros máis habituais. O correo electrónico.
10:00h. Introdución á locución. Dicción e expresividade ante o público.
10:30h. Oratoria. Como construír e pronunciar un discurso (sección impartida por Iván Olmos).
12:00h. A Comunicación de crise. Comunicar para resolver crise. Caso práctico de comunicación de crise.
O curso está previsto para 20 asistentes. As prazas asignaranse en rigoroso orde de solicitude de inscrición. O prazo de matrícula neste curso remata o xoves 14 de setembro ás 23:00. Para ampliar información ou para aclarar calquera dúbida, cómpre que nos dirixamos ao presidente da Comisión de Formación, Francisco Javier Rodríguez Martínez, a través da súa conta tesoureiro@cpeig.gal.

Categorías: Ciencia

O CiTIUS organiza en Compostela o evento referente sobre linguaxe natural, o Congreso INLG

códigocero - Mar, 09/05/2017 - 10:37

O centro compostelán CiTIUS, dependente da Universidade de Santiago e emprazado no Campus Sur, está a organizar estes días en Compostela un evento que pasa por ser a xuntanza de referencia internacional en materia de Xeración de Linguaxe Natural (polas súas siglas en inglés, NLG). O encontro, que chega por vez primeira a territorio estatal, comezou onte e esténdese até este 7 de setembro. Participan representantes de compañías sobranceiras como Microsoft, eBay ou IBM e máis de 100 expertos de 20 países e catro continentes (América, África, Asia, e Europa). A décima edición do Congreso Internacional INLG (International Natural Language Generation) xira arredor dun aspecto concreto da intelixencia artificial que xa é unha realidade constatada: a capacidade das máquinas para comunicarse de maneira perfectamente comprensíbel a través das linguaxes oral e escrita.
Como dixemos, a organización da edición galega do evento corre a conta do CiTIUS, que con esta nova cita promovida polo Grupo de Sistemas Intelixentes culmina unha tempada estival ateigada de encontros científicos referenciais, incluíndo duas escolas de verán en Intelixencia Artificial e o Congreso Internacional Euro-Par 2017, referente europeo en computación paralela e distribuída.
Entre os asistentes máis salientábeis ao congreso está o profesor Ehud Reiter, catedrático de Lingüística Computacional na Universidade de Aberdeen (Escocia) e pioneiro en NLG; Reiter é tamén fundador dunha das principais empresas na área, a compañía ARRIA NLG, unha das patrocinadoras da presente edición xunto coa compañía de mercadotecnia por correo electrónico Phrasee e a consultora multinacional Accenture.
Ademais, o congreso conta tamén coa presenza de dous relatores convidados, por unha banda Frank Schilder, de Thomson Reuters, e, pola outra, Gemma Boleda (Universidade Pompeu Fabra), unha nova investigadora do programa Ramón y Cajal que segundo informa o CiTIUS atesoura xa “un prometedor currículo”, e á que o Consello Europeo de Investigación vén de conceder unha das prestixiosas axudas ERC Starting Grant para consolidar o seu traballo.
Entre o resto dos asistentes o CiTIUS tamén salienta á investigadora Claire Gardent, presidenta de SIGGEN (o grupo de interés que auspicia o congreso) e membro do CNRS (Centro Nacional en Francia para a Investigación Científica, polas súas siglas en francés), así como ao investigador postdoctoral do CiTIUS Alejandro Ramos, recoñecido polo seu traballo GALiWeather con distintos premios a nivel nacional e internacional, entre os que destaca o Premio de investigación 2017 da Sociedade Científica Informática de España (SCIE) - Fundación BBVA.

Categorías: Ciencia

La Molinera achega 16 actividades TIC para este mes de setembro

códigocero - Mar, 09/05/2017 - 10:21

O Centro La Molinera de Ourense vai enfiar con listón ben alto o mes de setembro. Tanto no que se refire ao número e calado tecnolóxico das súas actividade formativas coma á variedade do público potencial ao que se dirixen. En total, serán 16 obradoiros e accións de divulgación e formación a desenvolver ao longo deste mes. A oferta abrangue un curso de iniciación á informática, tres talleres Maker (sobre reciclaxe de compoñentes electrónicos, sobre fabricación de impresoras 3D e sobre robótica elemental), catro xeiras para escolares, catro novas sesións de xoves inspiradores, outros tantos relatorios da Escola de Organización Industrial e, tamén, un encontro de redes sociais.
No que atinxe ao Espazo Maker, acolle como dixemos tres obradoiros sobre autocreatividade e sobre tecnoloxías abertas, colaborativas e democráticas. Por unha banda Introdución da economía circular dende a perspectiva da reciclaxe de compoñentes electrónicos, a desenvolver dende o 26 de setembro até o 14 de novembro. Ao longo das sesións procederase á identificación de compoñentes de materiais electrónicos en desuso, recuperación, precaucións, técnicas, probas dos compoñentes recuperados, catalogación e reutilización en fabricación de robots, impresoras 3D e demais tecnoloxías da Industria 4.0. En segundo lugar, o Espazo Maker acollerá o obradoiro Taller de fabricación de impresora 3D, os mércores dende o 27 de setembro até o 22 de novembro, xirando a actividade arredor dos recursos principais para fabricamos, calibrarmos e pór en funcionamento unha impresora 3D a partir de compoñentes autofabricados. Por último, o Espazo Maker tamén dará acubillo ao Taller de fabricación de robótica elemental e Internet das Cousas. Será os xoves dende o 21 de setembro até o 9 de novembro. Aprenderásenos a dar forma a robots e aos diferentes elementos dos trebellos móbiles, mecánica, electrónica, comunicacións, ensamblado, axustes e programación.
Polo que se refire á Aula CeMIT, do 18 ao 27 de setembro celebrarase un Obradoiro de iniciación á informática, co obxectivo de facilitar ao público en xeral “a oportunidade de capacitarse e adquirir uns principios básicos de achegamento que faciliten compartir información, a interoperatividade, o deseño centrado no usuario e a colaboración en liña”.
No Espazo Kids, para nenas e nenos de 8 a 15 anos, haberá tres talleres. Primeiro, Creatividade aplicada ao emprendemento infantil e educación financeira, os martes do 19 de setembro ao 12 de decembro, centrándose o seu programa en introducir á rapazada no espírito emprendedor e no uso das moitas capacidades de cada quen para poñer unha idea innovadora en funcionamento. Segundo, Obradoiro Arquimakers III, Os mundos da auga a través de Minecraft, a desenvolver os mércores dende o 22 de setembro até o 29 de novembro e orientado a facilitar que as nenas e nenos entendan os conceptos básicos da auga nos diferentes estados, na nosa contorna e empregando as “enormes posibilidades de Minecraft, creando cidades dixitais e resolvendo desafíos de maneira colaborativa”. E en terceiro lugar, o Obradoiro de programación orientada a videoxogos a través de Scratch. Levarase a cabo os xoves dende o 21 de setembro ao 30 de novembro, dirixíndose a fomentar as habilidades cognitivas, o pensamento crítico, a concentración e o coñecemento das novas tecnoloxías a través da popular ferramenta de programación Scratch.
No que respecta ao Taller Team Maker For Kids céntrase na Programación de aplicacións de robótica e youtubers. Será os venres de setembro a novembro, para que as nenas e os nenos se introduzan nas metodoloxías de traballo dun proxecto multidisciplinar, fomentando a creatividade arredor das tecnoloxías e desenvolvendo as súas habilidades de comunicación.
Amais de todo isto, ao abeiro do programa Xoves Inspiradores o centro municipal desenvolverá o Obradoiro do informática para superheroes ao alcance de simples mortais, os xoves pola tarde, con sesións tituladas O Produto es ti: De que viven Google e Facebook, Ábrete sésamo: como crear contrasinais pésimas, regulares e indestrutíbeis e Navegar como Snowden… apelidándose García.
Por outra banda, o programa da Escola de Organización Industrial achega catro relatorios, para todos os público, os mércores pola tardes:
· Customer Development II (6 de setembro)
· Contabilidadd para StartUps (13 de setembro)
· Pactos de socios e acordos parasociais 20 de setembro
· Como construír el equipo de una StartUp 27 de setembro
Finalmente o 13 de setembro celebrarase un meetup de 20:00 a 21:30 horas. Segundo lembran dende La Molinera, un meetup é unha plataforma de redes sociais que permite a quen a integran reunirse na vida real a grupos unidos por un interese común.

Categorías: Ciencia

Un experimento con calentamiento artificial descubre cambios inesperados en la fauna del fondo marino

Investigación y Ciencia - Mar, 09/05/2017 - 00:00
Se ha calentado artificialmente una capa de agua en un fondo a poca profundidad del Antártico para ver cómo respondían los ecosistemas.
Categorías: Ciencia

A tecnoloxía do ITG avaliou 13,58 millóns de datos no evento surfeiro de Pantín

códigocero - Lun, 09/04/2017 - 22:39
Os datos achegados polo sistema dos movementos de Andy Criere/Imaxe de Laurent Masurel

O Instituto Tecnolóxico de Galicia (ITG) vén de facer balance dos fitos acadados trala súa cobertura TIC no gran evento galego de surf, a Pull & Bear Pantín Classic Galicia Pro, unha cobertura que terá continuidade e evolución nos vindeiros anos, polo menos até 2020. Como sinalamos os días pasados dende Código Cero, o ITG puxo en xogo na proba galega, xa rematada, un sistema de telemetría con capacidade para avaliar e calibrar cousas como a forza que imprime o surfeiro á táboa ou a velocidade de execución dos seus xiros. A finalidade desta novidade (FlyThings Surf) foi a de achegar “información obxectiva, medíbel e útil ao deportista e axudalo a evolucionar nas súas manobras e movementos”. Amais, buscouse fornecer de valor informativo aos relatores e comunicadores encargados das retransmisións en directo para o público. Segundo informa o ITG, participantes, técnicos e profesionais do surf reunidos en Pantín coincidiron en salientar moi positivamente as vantaxes que achega FlyThings Surf ao seu traballo.
Por exemplo Andy Criere, un dos deportistas que empregaron o sistema durante a competición, que resultou ser o surfeiro español que obtivo a mellor cualificación no evento, chegando a oitavos de final. Segundo fixo saber, o contacto coa tecnoloxía foi “de moita utilidade para avaliar o noso traballo antes e despois de cada campionato. É o futuro”.
Pola súa banda, Rob Gunning, o director para Europa da World Surf League mostrouse “moi satisfeito coa capacidade de resposta dos enxeñeiros de ITG, que estiveron á altura da esixencia da WSL probando a súa tecnoloxía nun campionato do nivel de Pantín”.
Outros profesionais deste deporte como Ricardo Bilbao, ex seleccionador nacional da Federación Española de Surf e adestrador profesional, salientaron que “esta solución podería facilitar o traballo dun preparador nun 40%; é unha tecnoloxía revolucionaria para o surf, que chegou para ficar”. Pola súa banda, David Prescott, comunicador da WSL, comentou que “para nós é fantástico dispor desta información. O público demanda datos, gráficos, comparativas... e a integración con sinal de televisión dá moito xogo”.
Como lembraremos, FlyThings Surf é unha solución formada por un dispositivo hardware (un sensor de 51 gramos de peso, 6 centímetros de diámetro e 2 centímetros de espesor que se instala na punta da táboa) e por un software que representa sobre a imaxe de vídeo os valores que acada o surfeiro en cada unha das súas manobras. Segundo explica o ITG, a información obtida permite valorar, de forma obxectiva, o esforzo, a habilidade e a destreza destes deportistas.

William Cardoso nunha imaxe de Laurent Masurel

O sensor, de alta precisión e baixo consumo, rexistra 50 datos por segundo. Durante o campionato galego celebrado os días pasados, foron analizados e tratados un total de 13,58 millóns de datos con técnicas de intelixencia artificial dando como resultado “unhas estatísticas comprensíbeis para o espectador”, explicou o ITG, engadindo que “algunhas das ondas mellor puntuadas polos xuíces durante o campionato foron de surfeiros que levaban o dispositivo na súa táboa”.
Segundo fixo saber Óscar González, director TIC do ITG, “o dispositivo non interfire na actuación do deportista en absoluto, pero xa traballamos na redución do seu tamaño”. A día de hoxe, dixo, “só estamos a mostrar dous do nove parámetros que recolle o dispositivo”.
Tokio 2020
Os enxeñeiros de ITG traballan coa mira posta nas olimpíadas de Tokio 2020, unha edición na que o surf estrearase como deporte olímpico. De feito, o instituto informou que está a desenvolver un novo prototipo que suporá, nas súas palabras, “melloras notábeis na velocidade de transmisión da información e no número de parámetros medíbeis, achegando moita máis información nun tamaño aínda máis pequeno”.

Categorías: Ciencia

Páxinas

Subscribirse a IGACIENCIA agregador - Ciencia