Ciencia

Pagamos más por la comida que ansiamos

Investigación y Ciencia - Mér, 04/04/2018 - 00:00
Estamos dispuestos a gastar más dinero por alimentos poco saludables si sentimos deseo de consumirlos.
Categorías: Ciencia

Una lente gravitatoria permite ver una estrella de hace 9000 millones de años

Investigación y Ciencia - Mér, 04/04/2018 - 00:00
En el momento oportuno en el instante oportuno: una estrella que emitió su luz hace 9000 millones de años no debería poder verse como objeto astronómico independiente desde la Tierra. Ahora, los astrónomos han descubierto una feliz excepción.
Categorías: Ciencia

Una lente gravitatoria permite ver una estrella de hace nueve mil millones de años

Investigación y Ciencia - Mér, 04/04/2018 - 00:00
En el momento oportuno en el instante oportuno. Una estrella que emitió su luz hace nueve mil millones de años no se debería poder ver por separado en la Tierra. Pero hay una feliz excepción.
Categorías: Ciencia

Vitae mostra como tirar proveito de DISC para fortalecer as nosas capacidades

códigocero - Mar, 04/03/2018 - 23:36

O talento humano é, para moitos analistas, o principal valor dunha empresa tecnolóxica ou de calquera outro sector, e del dependen non só os proxectos da compañía para converterse finalmente en proxectos de calidade, senón tamén o propio éxito da empresa. Certo que hai máis factores, como o pulo innovador, a capacidade de traballar en equipo ou o valor da información que se xere e se manexa, pero o talento humano é o factor determinante que impulsa e une todos os demais factores. Porén, para que as capacidades que atesouran todos os nosos profesionais abrollen e medren, é preciso crear un escenario propicio. Este escenario, segundo informa a consultora galega Vitae, pode fraguarse á perfección coa metodoloxía DISC.
Para introducirnos nela e tirarlle o máximo proveito, Vitae vai organizar a nova edición (a terceira) do seu Curso Certificación Experto en DISC e Analista Conductual DISC (formato PDF), unha actividade decisiva e de recoñecido potencial (está certificada oficialmente por InterDISC) para extraermos o máximo partido do que en palabras da dita consultora, é hoxe “o sistema máis efectivo para comunicar, ensinar, liderar ou motivar”.
Segundo detalla Vitae, a metodoloxía DISC é un feixe de recursos especialmente indicado para o desenvolvemento e a valoración do talento humano da nosa empresa e, en última instancia, para levar a bo porto todo tipo de proxectos e operacións.
A actividade formativa abrangue novamente 16 horas de formación a impartir na Coruña (Hotel Attica 21) os días 7 e 8 de maio.
O sistema DISC, para quen non o saiba, aborda catro factores prognosticábeis de comportamento: como respondermos a desafíos e retos, como interrrelacionarnos cos demais e influír neles, como responder aos cambios e ao ritmo da contorna e como respondermos ás regras e procedementos.
A consultora detalla que os estilos de comportamento que mostra e defende o sistema DISC non son positivos ou negativos: “Temos certo nivel de cada un dos estilos na nosa personalidade, é cuestión de coñecernos e saber cal predomina máis no noso comportamento”. Sobre este punto, a metodoloxía DISC, que é o acrónimo de Decisivo, Influente, Sereno e Cumpridor (os catro adxectivos que reflicten as catro devanditas dimensións das nosas actitudes e disposicións), tamén nos mostra o camiño para ter a máxima información útil sobre este eido e como sacarlle proveito.
Ademais, cómpre ter en conta que o perfil DISC é hoxe en día unha ferramenta básica e de gran utilidade non só para a selección de persoal, senón tamén para o desenvolvemento profesional, o adestramento (coaching), a consultoría, a orientación familiar ou o traballo con xente nova.
Volvendo ao curso de Vitae, sinalar que inclúe a opción de certificación experto e analista conductual en DISC polo organismo oficial internacional InterDISC, que é unha organización sen arela de lucro que vela pola axeitada aplicación da metodoloxía a nivel mundial.
Vitae engade que esta actividade de formación está recomendada para todas aquelas persoas que desexan mellorar as súas habilidades en selección, avaliación, liderado e comunicación, amais de aplicar unha ferramenta efectiva de diagnóstico para profesionais de recursos humanos, adestradores, psicólogos, profesores, formadores, consultores ou comerciais, entre outros moitos perfís.
A profesional encargada de impartir os contidos será Ángeles Gris, experta en formación en metodoloxías DISC e ferramentas de diagnóstico. Ángeles é máster en adestramento no Instituto HUNE da Universidade de Alcalá e certificada como analista conductual DISC polo Instituto Internacional do DISC dende 2009.

Categorías: Ciencia

Os procesadores Intel Core i9 chegan aos portátiles

códigocero - Mar, 04/03/2018 - 22:00

Hai preto dun ano Intel anunciou no Computex de Taipei os seus novos procesadores Intel Core i9, que integran entre 10 e 18 núcleos, pero estando destinados inicialmente só a equipos de escritorio, e agora van un paso máis adiante e amplía esta familia de procesadores de 8ª xeración a dispositivos móbiles, ou sexa, que a partires de agora será posible gozar destes novos procesadores en ordenadores portátiles, o que agradecerán especialmente os creadores de contidos e os gamers, que poderán editar vídeo 4K até un 59% máis rápido e gozar de xogos con até un 41% máis de cadros por segundo.
O primeiro procesador desta nova categoría será o Intel Core i9-8950HK, optimizado para un bo rendemento, que sería o primeiro procesador móbil de Intel con 6 procesos e 12 subprocesos, que se ofrece totalmente desbloqueado e conta coa nova tecnoloxía Intel Thermal Velocity Boost (TVB) que incrementa oportunamente e de xeito automático a velocidade de reloxo até 200 MHz se a temperatura do procesador é o suficientemente baixa e atópase unha distribución de potencia turbo, o que tradúcese nunha frecuencia turbo de até 4,8 GHz.
As melloras destes novos procesadores non se notan só a nivel de potencia, senón que tamén integran o chipset Intel serie 300, con Wi-Fi Gigabit, o que permite até multiplicar por 2 a velocidade das conexións Wi-Fi AC.

Táboa de rendemento dos procesadores Intel de 8ª xeración para portátiles

Vídeo promocional dos procesadore Intel Core i9 para ordenadores portátiles

Categorías: Ciencia

O Messenger permite compartir fotografías panorámicas e en 360 graos

códigocero - Mar, 04/03/2018 - 21:00

O Messenger de Facebook permite compartir fotografías, vídeos, adhesivos e mesmo imaxes GIF animadas, e conscientes da necesidade de seguir apostando polo visual estrean agora a posibilidade de enviar fotografías en 360 graos e fotografías panorámicas, de xeito que se enviamos imaxes inmersivas será posible moverse por elas como xa se fai dende hai tempo en Facebook.
Pero non se limitaron a esta novidade, senón que a partires de agora tamén permite compartir vídeos de alta definición, de xeito que agora será posible que cando mandemos un vídeo gravado co noso móbil poidamos manter unha resolución de 720p, en vez de reducir a súa resolución para compartilo.
Estas novidades serán doadas de identificar no momento de subir os contidos ao Messenger, xa que agora os vídeos presentará unha etiqueta que indicará se están en SD ou HD, mentres que as imaxes panorámicas ou en 360 graos faranse notar cunha icona dunha esfera sobre as miniaturas das imaxes (e durante a súa visualización poderemos movernos polas mesmas cambiando a orientación do noso móbil ou deslizando o dedo pola pantalla).

Categorías: Ciencia

Os pros e contras das redes sociais para os menores, a debate na Fábrica de Oleiros

códigocero - Mar, 04/03/2018 - 17:30

Este 6 de abril, sexta feira, o Concello de Oleiros lévanos da man ás vantaxes e aos riscos do espallamento das redes sociais entre a mocidade, vantaxes e riscos que teñen relación directa co tipo de uso que se lle dea aos servizos dixitais. Trátase da xornada Redes sociais e adolescencia, que se celebra no auditorio da Fábrica ás 19.30 horas en formato de charla aberta, dirixida sobre todo ás familias. A cita fundamenta un dos seus piares no seguinte dato: as comunidades e servizos en liña son xa o lugar preferido para o lecer do 90% da mocidade. Polo tanto, tendo en conta esta elevada porcentaxe, “é fundamental que as nais e os pais teñan información para previr moitos dos problemas no futuro”, sinala o Concello.
Porén, explica a organización, o contido desta charla non é de ciberseguridade na Rede coma outras semellantes que se organizan desde os centros educativos para as familias, nin as que teñen como destinatarios/as o propio alumnado. “Esta xornada”, engade o Concello, “está enfocada ás familias, co obxectivo de coñecer os comportamentos e as relacións que manteñen os rapaces e as rapazas nesa idade, etapa fundamental no desenvolvemento e na que configuran a súa personalidade e identidade, así como as súas crenzas”.
O Goberno local tamén explica que “as redes sociais están a xogar un papel moi importante” entre as mozas e mozos, e son xa un dos elementos de socialización máis importantes para eles e elas, “polo que as familias deben coñecer de preto que hai detrás, que está a pasar nas relacións que manteñen a través desas canles, como inflúen na súa vida, no seu desenvolvemento, nas relacións entre iguais e coa súa familia”.
Logo da charla abrirase un coloquio co público asistente no que poderán realizar preguntas ás relatoras, Virginia Pañeda e Sara Vierna, educadoras especialistas en redes sociais, xénero, intelixencia emocional e adestramento educativo, que nos achegarán á realidade que están a vivir os menores de idade nestes intres nas redes.

Categorías: Ciencia

Sanidade lanza app para obtermos datos personalizados sobre o calendario de vacinas

códigocero - Mar, 04/03/2018 - 16:47

Santiago, máis en detalle o centro de saúde de Vite, deu acollida hoxe á presentación da aplicación Vacgal, unha ferramenta de balde para facilitarnos a obtención de datos personalizados sobre o calendario de vacinas. A app, impulsada pola Consellería de Sanidade, foi dada a coñecer polo director xeral de Saúde Pública, Andrés Paz-Ares, quen salientou o elemento de fiabilidade posto en xogo polo mesma, amais das vantaxes de mobilidade que achega: podemos tirarlle o máximo partido dende os nosos dispositivos móbiles, “converténdose así, nunha canle áxil e dinámica de comunicación entre nós e o programa galego de vacinacións”, engadiu.
No acto tamén participou o subdirector xeral sobre Saúde e Epidemioloxía, Xurxo Hervada, que coincidiu con Paz-Ares á hora de destacar as posibilidades da aplicación para “mellorar a concienciación das galegas e galegos respecto do valor das vacinas, así como un incremento de coberturas”. Ademais, sinalaron, “favorecerá a comodidade do propio proceso de vacinación”.
Nun plano máis detallado, fixeron fincapé en utilidades concretas como a funcionalidade para coñecermos o calendario vacinal vixente do programa galego de vacinación, tanto infantil como de adultos; ou o servizo para consultar en calquera momento os datos que ten o programa sobre a vacinación propia ou das persoas a cargo; ou a posibilidade de vermos a correspondencia entre as vacinas administradas e o calendario vacinal que lle corresponde a cada persoa por idade. A ferramenta tamén permite recibir recordatorios sobre vacinas pendentes próximas a administrar; tramitar citas para vacinarnos mediante o propio dispositivo móbil; recibir notificacións do programa sobre novas relacionadas coa vacinación e, ademais, consultar información sobre vacinación e viaxes. A app está dispoñíbel para móbiles con Android e máis con iOS.

Categorías: Ciencia

Arkitas, FEGAMP e CPEIG organizan a cuarta edición galega da Olimpíada de Robótica

códigocero - Mar, 04/03/2018 - 14:35

O vindeiro 30 de xuño, de 9:00 a 15:00 horas, celebrarase en Santiago un gran acontecemento ligado á intelixencia artificial, a automatización, as máquinas con capacidade de aprenderen (e de sorprendernos) e, sobre todo, ao espírito argalleiro e creador da nosa rapazada. Estamos a falar da cuarta edición local da WRO, a Olimpíada Internacional de Robótica, na Cidade da Cultura no Gaiás, iniciativa organizada polo Colexio Profesional de Enxeñaría en Informática de Galicia (CPEIG), a Federación Galega de Municipios e Provincias (FEGAMP) e Arkitas Robótica.
Segundo nos conta o colexio profesional que preside Fernando Suárez, a WRO é unha olimpíada na que nenos e nenas de Educación Primaria, ESO e Bacharelato compiten cos seus robots en distintas categorías e retos segundo idades. Esta competición conta cunha fase local, unha nacional, que este ano será en Platja d"Aro, Girona, e a internacional, que terá lugar en Tailandia en novembro de 2018.
Na segunda edición, clasificouse un colexio da Coruña na nacional en Logroño, conseguindo unha praza na internacional de Nova Delhi.
Para informarrnos sobre os retos da WRO e a realización de inscricións, o CPEIG recorda que podemos dirixirnos www.wroboto.es.
Ademais da WRO e, pensando naqueles que non compitan nesta e queiran probar outras especialidades, celébrase o II Campionato de Sumo Arkitas e o I Campionato de Bolos Robóticos. Para informarnos sobre as bases e inscribirse ao Campionato de Sumo ou ao de Bolos, ou para calquera dúbida ou ampliación de información sobre a WRO, desde Arkitas Robótica, como socios locais da WRO e organizadores das distintas actividades do evento do 30 de xuño, están á nosa disposición a través da conta de correo info@arkitas.es.

Categorías: Ciencia

Yoigo lanza a primeira tarifa móbil con chamadas e datos ilimitados

códigocero - Mar, 04/03/2018 - 13:48

Nos últimos anos destacaban entre as tarifas de Yoigo as que incluían volumes de datos no móbil bastante elevados, como La Sinfín, que incluía 25 GB de datos, que incluso podía combinarse con conexións de fibra óptica dende o fogar, conformando así uns plans que se axustaban a certos usuarios que queren gozar dunha conexión á Internet de calidade no fogar, pero que tampouco queren preocuparse do seu consumo de datos cando están fóra de casa. Coa vista posta neste grupo de usuarios a operadora do Grupo MásMóvil sorprende lanzando a primeira tarifa do mercado español sen limitacións no volume de datos no móbil, asegurando que «dende hoxe, Yoigo é infinito».
A tarifa Fibra + la Sinfín con GB infinitos ofrece por 99 euros/mes móbil con datos e chamadas ilimitadas, teléfono fixo e fibra no fogar, incrementándose o prezo en 10 euros/mes se queremos que a conexión sexa de 300 Mbps e en 30 euros/mes se queremos gozar de 1 Gbps.
Tamén será posible contratar até 3 liñas adicionais con chamadas e datos ilimitados por 9 euros/mes cada unha ou un móbil Samsung Galaxy J7 cun pago único de 9 euros. Tamén teñen previsto completar a oferta con 15 canles de televisión de pagamento con series e películas (Sky) por 9 euros/mes adicionais.

Dispoñible para PEME

Resulta especialmente rechamante o feito de que a nova oferta tamén estea dispoñible para PEME, que por 90 euros + IVE terán fibra, chamadas e datos ilimitados, contando tamén con chamadas de fixos a móbiles nacionais e a fixos internacionais e mensaxes de texto ilimitadas. Tamén poderán engadir liñas móbiles adicionais por 7,44 euros + IVE.

Categorías: Ciencia

A sede de SmartPEME en Pontevedra acolle en abril oito novos obradoiros

códigocero - Mar, 04/03/2018 - 13:17

SmartPEME, a rede de formación e asesoramento TIC impulsada pola Deputación de Pontevedra, vai ofrecer este mes de abril na súa sede pontevedresa (o edificio administrativo da entidade provincial) un total de oito actividades de capacitación tecnolóxica para os profesionais, os traballadores, as PEME e os emprendedores locais. A primeira cita do mes na oficina SmartPEME de Pontevedra desenvolverase esta cuarta feira, mércores, co curso n a descubrir que son e para que serven as redes sociais.
Tras este primeiro obradoiro, esa mesma semana, o 6 de abril, impartirase Como utilizar Instagram para promover a túa empresa. A seguinte semana terán lugar dous novos obradoiros: o martes 10 de abril, Prestashop I: comeza a crear a túa propia tenda online e, o 12 de abril, Como mellorar a reputación online do teu establecemento de hostalería.
Pola súa banda, a seguinte semana, os obradoiros continuarán en Pontevedra o luns 16 de abril con Prestashop II: xestión dunha tenda online e Mellora a calidade das túas imaxes con editores online, o xoves 19 de abril. Por último, o luns 23 de abril Pontevedra acollerá o obradoiro Aprende a crear vídeos promocionais para o teu negocio e rematará o mes con Colabora co teu equipo dun xeito máis sinxelo.
Todos os obradoiros realizaranse a partir das 19 horas, agás os días 6 e 12 de abril, que serán ás 17 horas, e as inscricións poden facerse chamando ao 886 202 020 ou ben a través do correo electrónico info.smartpeme@depo.es ou da páxina web www.smartpeme.depo.es.
A Deputación de Pontevedra lembra que o proxecto SmartPEME comezou 2018 afrontando unha nova etapa na súa andaina, un novo treito no que o programa verá aumentados os servizos a fornecer, abrindo tres novas grandes liñas como son o Centro Provincial de Economía Dixital (CPED), que estará situado no viveiro de empresas de Barro, SmartPEME Impulsa e TurisTIC, que se irán facendo dispoñíbeis para as persoas autónomas e empresas a partir dos vindeiros meses.
A través do Centro Provincial de Economía Dixital vaise mostrar ás empresas as ferramentas, aplicacións e solucións innovadoras máis relevantes que a economía dixital ofrece. Para iso, o CPED apoiarase nas instalacións do FabLab que a Deputación de Pontevedra ten instalado no viveiro de Barro.
Doutra banda, SmartPEME Impulsa abrirá novas vías de asesoramento en materia de innovación, competitividade e internacionalización, “unindo deste xeito os obxectivos das empresas coas máis novas tecnoloxías, procesos e servizos”, explica a Deputación, engadindo que TurisTIC, como indica o seu nome, presentarase como “un punto de apoio tecnolóxico para o o sector turístico”. Trátase dun servizo enmarcado no Plan Estratéxico de Turismo Rías Baixas e que pretende potenciar o sector a través de axudas ás empresas para adaptarse á contorna dixital.
Datos sobre o Proxecto SmartPEME
SmartPEME é un novo modelo de servizo orientado á mellora competitiva das PEME e á procura dunha melloría nas vendas e na eficacia e eficiencia das tarefas, que abre novos eidos de actuación e acada novos grupos de interese coma os emprendedores, as asociacións empresariais e os axentes de dinamización en concellos.
O devandito obxectivo, nas oficinas do Porriño, Cambados, Pontevedra, Lalín, Ponteareas, Vigo, A Estrada e (agora tamén) Barro, abrangue seguintes actividades: itinerarios de obradoiros temáticos con diversos niveis de dificultade adaptados ás necesidades das empresas, eventos de networking trimestrais coa participación de profesionais de prestixio, colaboración con asociacións e promoción de alianzas institucionais, especialización sectorial dos asesores en función das necesidades da súa área de influencia, kits de asesoramento en novas tecnoloxías a emprendedores, identificación e difusión das necesidades TIC aos provedores de solucións para as PEME e, tamén, impulso de novas carteiras de servizos de asesoramento.

Categorías: Ciencia

O CESGA introdúcenos o 16 de abril nas posibilidades e usos do Finis Terrae II

códigocero - Mar, 04/03/2018 - 12:13

O Centro de Supercomputación de Galicia (CESGA) vai celebrar o vindeiro 16 de abril un obradoiro de introdución ao seu supercomputador Finis Terrae II, empregado na actualidade por centos de empresas e investigadoras/es da nosa comunidade científica para a resolución das máis complexas operacións ligadas ao cálculo avanzado ou ao tratamento do Big Data (información a gran escala). O obradoiro desenvolverase no propio centro en horario de 10:00h a 13:00h.
Está dirixido a usuarios noveis ou potenciais usuarios do computador Finis Terrae II, co obxectivo de que coñezan o equipo e aprendan a utilizalo para as súas propias aplicacións ou as que xa están dispoñíbeis.
Os contidos da actividade incluirán un bloque introdutorio sobre arquitectura clúster e descrición de hardware e un achegamento pormenorizado á metodoloxía empregada para acceder ao Finis Terrae II, para facer uso do sistema de colas (que é?, por que é necesario?, cales son os seus límites?, etc) e para tirar proveito das súas moitas aplicacións (software instalado, petición de novos programas, uso das aplicacións, execución de traballos simples).
Máis detalles do supercomputador
O Finis Terrae II, como lembraremos, entrou en produción hai agora dous anos, incrementando de maneira notábel as prestacións do servizo de cálculo do CESGA. O novo supercomputador é un sistema de cálculo avanzado baseado en procesadores Intel Haswell e interconectado mediante rede Infiniband (FDR@56Gbps con topoloxía Fat-tree) cun rendemento pico de 328 teraflops e sostido en Linpack de 213 teraflops.
Concretamente o FinisTerrae II está composto por 3 tipos de novos de computación e 306 nodos de cómputo Thin cada un, incluíndo as seguintes características e elementos:
- 2 procesadores Haswell 2680v3, 24 cores
- 128 GB memoria
- 1 disco de 1TB
- 2 conexións 1GbE
- 1 conexión Infiniband FDR@56Gbps
- 6 Nodos de cómputo con Aceleradores:
4 nodos con GPUs, cada un con:
- 2 GPUs NVIDIA Tesla K80 (2 GPUs por cada tarxeta, 4 GPUs por nodo en total)
- 2 procesadores Haswell 2680v3, 24 cores
- 128 GB memoria
- 1 disco de 1TB
- 2 conexións 1GbE
- 1 conexión Infiniband FDR@56Gbps
2 nodos con Xeon Phi, cada un con:
- 2 Intel Xeon Phi 7120P
- 2 procesadores Haswell 2680v3, 24 cores
- 128 GB memoria
- 1 disco de 1TB
- 2 conexións 1GbE
- 1 conexión Infiniband FDR@56Gbps
- 1 FAT node de computación coa seguinte configuración:
- 8 procesadores Intel Haswell 8867v3, 128 cores
- 4096GB memoria
- 24 discos SAS de 1,2 TB e dous discos SAS de 300 GB
4 nodos de login/transfer para a conexión ao sistema e a transferencia de ficheiros, coa seguinte configuración cada un:
- 2 procesadores Haswell 2680v3, 24 cores
- 128 GB memoria
- 2 discos de 1TB
- 2 conexións 10Gbit Ethernet
- 1 conexión Infiniband FDR@56Gbps

Categorías: Ciencia

A Fundación TIC acolleu en 2017 a visita activa de 1.244 estudantes

códigocero - Mar, 04/03/2018 - 12:09

A Deputación de Lugo vén de facer balance dos importantes froitos acadados en 2017 pola Fundación TIC (integrada na entidade provincial) en materia de acción divulgativa e xornadas de portas abertas. Segundo nos contan fontes da Deputación lucense a conto deste balance 2017, a Fundación mantivo o ano pasado o programa de visitas didácticas para achegar as novas tecnoloxías á sociedade lucense, especialmente as xeracións máis novas, uns percorridos nos que se amosa o traballo que desenvolve a entidade formativa e dinamizadora.
Grazas a este programa, o ano pasado pasaron 1.244 persoas polas instalacións da TIC. En total, 44 grupos, a gran maioría de centros educativos da provincia, aínda que tamén houbo alumnas e alumnos de secundaria procedentes de Alemaña, Francia e Italia, usuarias/os da asociación Down Lugo e estudantes do cuarto ciclo da Universidade de Santiago (USC).
Durante a súa visita coñeceron as dotacións da entidade e os distintos departamentos así coma os estudos que imparten a Escola de Imaxe e Son da Fundación TIC. Esta actividade didáctica inclúe a participación activa de todos os visitantes na realización e presentación dun programa televisivo con noticias reais, os TICodiarios.

Categorías: Ciencia

Desvelan que Grindr compartía datos dos seus usuarios con outras empresas

códigocero - Mar, 04/03/2018 - 11:30

Cando o mundo aínda está a recuperarse do impacto do abuso da plataforma de aplicacións de Facebook por parte de Cambridge Analytica destapan un tratamento de datos persoais de usuarios moito peor, xa que desta volta é a aplicación para facilitar o contacto entre homosexuais Grindr a que compartía con outras dúas compañías información dos seus usuarios, incluíndo detalles tan críticos como se están infectados polos VIH.
Grindr ten actualmente máis de 3,6 millóns de usuarios en todo o mundo, e non estaría a ter moito tino co manexo da súa información, xa que remitía a Apptimize e Localytics datos dos usuarios como a información do GPS, o identificador do teléfono, o correo electrónico e se estaba infectados polo VIH (xunto coa data da última proba realizada), o que sería información sumamente sensible. Os analistas que destaparon esta práctica aseguran que se trata directamente de incompetencia por parte dos desenvolvedores de Grindr, que mandan aos seus socios directamente toda a información dispoñible sen filtro algún. Estas compañías externas terías sido contratadas para optimizar o funcionamento de Grindr.
En Grindr recóllese a información sobre as probas do VIH porque a aplicación ofrece publicidade de balde aos servizos que realizan estas probas, e incluso conta cunha opción para lembrar aos seus usuarios que volvan facer as probas cada 3-6 meses, ou sexa, que o manexo desta información está ben intencionado, procurando así velar pola saúde e seguridade dos usuarios, pero tal información debería tratarse con moita cautela e incluso debería transmitirse cifrada para evitar a súa filtración, prudencia que non teñen dende Grindr.
Tras este escándalo, dende Grindr aseguran que deixarán de compartir a información sensible con terceiras compañías, só pola resposta do público, xa que non consideran que houbese risco ao ceder datos a Apptimize e Localytics, no que semella unha postura moi inxenua, como a que propiciou o abuso de Cambridge Analytica cos datos extraídos de Facebook.

Categorías: Ciencia

¿Cómo afectan las infecciones al cerebro del bebé?

Investigación y Ciencia - Mar, 04/03/2018 - 00:00
Ante la presencia de virus y bacterias, tanto la activación del sistema inmunitario de la madre durante el embarazo como la respuesta inmunitaria del recién nacido tras el parto alterarían los circuitos neuronales del infante. Los experimentos, realizados en ratones, podrían explicar el origen de enfermedades psiquiátricas como el autismo.
Categorías: Ciencia

El experimento que lleva la contraria desde hace veinte años

Investigación y Ciencia - Mar, 04/03/2018 - 00:00
Los físicos de un experimento que se realiza en Italia siguen viendo una fluctuación en los datos que, dicen, se debe a la materia oscura, pero el misterio es cada vez mayor.
Categorías: Ciencia

Despega a quinta edición do festival galego de webseries, o Carballo Interplay

códigocero - Lun, 04/02/2018 - 23:04

Esta semana celébrase en Carballo a nova edición (a quinta) do festival Interplay de webseries, referente galego, estatal e internacional en materia de contidos dixitais e en todas as cousas que teñen que ver co audiovisual e a súa confluencia cos novos xeitos tecnolóxicos de facelo, distribuílo e, por suposto, velo. O certame, que non as proxeccións, comezou xa hoxe, coa presentación do mesmo e coa posta en marcha do Campamento Kamikaze, que converte a praia de Razo nun innovador e dinámico encontro de creadoras e creadores. O Carballo Interplay, que durará até este sábado 7 de abril, abranguerá tamén unha sección oficial con webseries de todo o mundo, xuntanzas, obradoiros, concretos, debates ou vídeo conferencias. A cita foi dada a coñecer polo alcalde de Carballo, Evencio Ferreiro, que enxalzou o potencial do certame para situar Carballo no mundo. E tamén “para poñer o mundo en Carballo”.
Na rolda tamén participou o concelleiro de Promoción Económica, Xosé Regueira, que salientou “a perspectiva de xénero que ten o evento” e como este foi concibido (este ano máis ca nunca) para “reivindicar a figura da muller na Historia”, abranguendo a historia da tecnoloxía e da innovación. Esta vontade de visualizar o pulo creativo feminino percíbese en múltiples dos elementos que acompañan esta edición, por exemplo a imaxe gráfica do Interplay ou o propio programa da gala de clausura, que presentará a actriz e cómica Akira Valero co título Mulleres e tecnoloxía: unha unión imposíbel? A idea, segundo sinalou o edil, é reivindicar a figura de creadoras e investigadoras fundamentais para o audiovisual e as invencións técnicas que son habitualmente ignoradas: Hedy Lamarr (precursora da tecnoloxía móbil, GPS e Wi-Fi), Ada Lovelace (matemática e escritora británica), Alice Guy (primeira persoa en dirixir un filme de ficción), Ángela Ruiz Robles (inventora do e-book), Delia Derbyshire (pioneira da música electrónica), Margaret Hamilton (científica computacional, matemática e enxeñeira), Radia Perlman (percursora de Internet), Mary Allen Wilkes (enxeñeira programadora), Susan Kare (pioneira no deseño de interfaces de usuario) e Agnès Varda (cineasta cunha carreira dende a Nouvelle Vague ata a autoficción dixital).
Na cita cos medios tamén interveu Sonia Méndez, directora do festival, quen fixo un percorrido polo roteiro do programa do Interplay, que arrancou hoxe co Campamento Kamikaze, cuxo resultado, por certo, poderá verse con formato de webserie esta cuarta feira (mércores) ás 20.30 horas no auditorio do Pazo de Cultura. O día seguinte, 5 de abril, celebrarase unha xuntanza para profesionais (Día Pro) na que estarán presentes (partillando coñecemento e propostas) directivos e directivas de PlayZ (RTVE), Flooxer (Atresmedia), MTMAD (Mediaset), CRTVG, Vice, Globomedia, 2btube, Hitsbook ou Infomix. Os responsábeis destas compañías participarán nun networking con profesionais acreditados no que terán ocasión de coñecer máis de 32 proxectos.
María Yáñez, coordinadora de actividades do festival, destacou os esforzos do evento para pór en valor contidos da nosa terra, salientando o Premio a proxecto de webserie en galego, que o ano pasado gañou Hai vida en Bran?, a creación de Ángela Andrada cuxa estrea pechará a xornada do 5 de abril, xusto despois de que as propostas finalistas deste ano defendan os seus proxectos.
42 webseries
Até 42 webseries de todo o mundo compiten finalmente na sección oficial da quinta edición do Festival de contidos dixitais Carballo Interplay, que repartirá máis de 5.000 euros en premios. Así nolo contaron os días pasados as principais impulsoras do certame, Sonia Méndez e Sandra Lesta, xunto co Concelo de Carballo, engadindo que a quinta edición do concurso elixiu (entre máis de 250 propostas chegadas de todo o mundo) un total de 3 propostas galegas e en galego, 12 do resto do ámbito estatal e 27 do resto do mundo.
Noutras palabras: os que acudamos ao festival, teremos a sorte e o privilexio de ver, dende o corazón de Bergantiños, achegas audiovisuais innovadoras (por formato, por contido) de Arxentina, Australia, Canadá, Chile, Estados Unidos, Finlandia, Francia, Holanda, Italia, Líbano, México, Nova Zelanda, Reino Unido, Suíza, Uruguai e, por suposto, España.
Cada unha das tres categorías repartirá 800 euros en premios. O xurado do certame estará composto polo guionista e realizador Carlo Padial, a crítica Desirée de Fez, o xornalista Iago Fernández, a actriz María Tasende, o guionista Óscar Cruz e a directora Anxos Fazáns. Ademais, o público decidirá cos seus votos (entre todas as contribucións) un premio de 400 euros e, por vez primeira nesta edición, un xurado novo entregará outro premio de 400 euros. Conforman este xurado a youtubeira Nuria Espasandín, o músico Cristian Andrade a ilustradora Laura Tova e o picadiscos e programador do Xiria Pop Maikel Pérez.

Categorías: Ciencia

A Aula TIC PEME de Lugo volve mostrarnos como vender en liña

códigocero - Lun, 04/02/2018 - 23:03

A Aula TIC PEME do Campus de Lugo (Universidade de Santiago) vén de pór en marcha a edición número once do seu obradoiro sobre novos e eficaces xeitos de vender nas redes, de facermos empresa e de comunicarnos cos nosos clientes. A vindeira edición do seu Taller Online sobre Xestión de Tendas con Pretashop é o novo paso dunha referencial actividade formativo-tecnolóxica, referencial polos recursos de axuda que ten posto en xogo para novos empresarias/os e emprendedoras/es, e tamén polos éxitos de participación acadados. De feito, a onceava convocatoria do obradoiro é unha consecuencia directa da boa acollida que tivo a última edición.
O curso tamén é unha resposta a un desafío concreto: o reto de acadar da maneira máis simple e eficaz a dixitalización da actividade das nosas empresas, e máis tendo en conta até que punto, nos últimos anos, disparáronse as cifras correspondentes ás vendas de comercio electrónico sobre o total das vendas a nivel galego e estatal. Segundo informa a Aula TIC do Campus de Lugo, entre abril e xuño do ano 2017, a facturación por vendas en liña subiu un 23,4% internanual até acadar os 7.338,1 millóns de euros. Estas cifras, que figuran nos datos sobre ecommerce achegados pola CNMC, obrigan ás empresas a facérense a seguinte pregunta: hai que permitir que a competencia se adiante ou cómpre que aproveitemos a oportunidade de negocio que nos brinda as novas tecnoloxías e canles da información?
Durante o desenvolvemento do obradoiro, o alicerce temático será a plataforma de software libre Prestashop Cartium. O contido do curso inclúe o seguinte: instalación e posta en marcha da aplicación, administración dos clientes e dos empregados, manipulación do catálogo de produtos, xestión dos pedidos e dos pagos, análises estatísticas dos datos e outras ferramentas.
Respecto da metodoloxía a seguir, é un obradoiro de natureza práctica baseado en software libre e de código aberto, impartíndose integramente de maneira virtual a través dun espazo dixital habilitado para tal efecto. Inclúe vídeo-titorías das temáticas devanditas e convídase ao alumnado a revisar os materiais fornecidos e completar as tarefas semanais para comprobar cal é o grao de aproveitamento dos módulos.
No curso, con independencia de que se dirixa sobre todo a emprendedores, PEME e autónomas/es, poderá participar calquera persoa interesada na temática do mesmo. A duración da actividade é de 50 horas. Desenvolverase entre o 13 de abril e o 23 de maio deste mesmo ano.

Categorías: Ciencia

Cloudflare ofrece servidores de DNS para navegar dun xeito máis rápido e privado

códigocero - Lun, 04/02/2018 - 21:50

Dende finais de 2009 Google ofrece servidores de DNS públicos nos enderezos 8.8.8.8 e 8.8.4.4, de xeito que como alternativa aos servidores do noso provedor de acceso á Rede podemos empregar a infraestrutura que ofrece Google para a resolución de nomes de dominio de Internet, o que en moitos casos supón unha mellor na experiencia de uso, pero dende Cloudflare consideraron necesario mellorar este servizo, tanto en velocidade como en privacidade, polo que veñen de lanzar de xeito público servidores de DNS nos enderezos 1.1.1.1 e 1.0.0.1.
Se configuramos estes servidores na nosa conexión á Internet poderemos empregar os sistemas de Cloudflare para converter nos nomes dos dominios da Internet nos enderezos IP reais nos que están hospedados os servidores das máquinas ás que queremos acceder, o que pode resultar preferible ao uso das DNS que achegan os nosos provedores de acceso, tanto en velocidade de acceso como para evitar problemas de censura, xa que en moitas ocasións hai páxinas web e outros servizos que están bloqueados a nivel de DNS dentro dun determinado territorio, e o uso de servidores de DNS exteriores poden paliar a situación.
Para compañías como Google soster servidores públicos de DNS pode resultar moi valioso xa que os usuarios que os usan están a darlles información sobre a súa actividade constantemente (o que tamén poden facer os nosos provedores de acceso á Rede) de aí que exista certa preocupación por parte de moitos usuarios que a partires de agora teñan unha alternativa para estaren máis tranquilos.

Problemas con Movistar e Vodafone

Iso si, distintos usuarios de Movistar e Vodafone están a dar conta de que o servidor de DNS principal de Cloudflare, no enderezo 1.1.1.1, non funciona correctamente para eles. No caso de Movistar parece que o seu router HGU emprega o enderezo público 1.1.1.1 para labores internas (o que supón a vulneración de normas básicas do funcionamento da Internet) aínda que aseguran que o servidor no enderezo 1.0.0.1 si parece funcionar con normalidade, mentres que no caso de Vodafone aínda non transcendeu a causa dos problemas dos seus routers co novo servidor de DNS de Cloudflare.

Categorías: Ciencia

A FCC autoriza a rede de satélites de SpaceX

códigocero - Lun, 04/02/2018 - 21:30

O lanzamento do satélite español Paz por parte de SpaceX pode ser o comezo dalgo grande, xa que como carga o Falcon 9 tamén incluía un par de microsatélites para probar a futura constelación de satélites Starlink, que a semana pasada recibiu finalmente autorización da Comisión Federal de Comunicacións (FCC), de xeito que a compañía espacial de Elon Musk poderá construír, despregar e operar un sistema de 4.425 satélites non xeoestacionarios que ofrecerán servizos de telecomunicacións dende unha altura de entre 1.110 e 1.325 quilómetros (moi inferior á dos satélites actuais, o que reducirá considerablemente a latencia).
A intención de SpaceX é comezar a dar servizo en 2019, aínda que non está previsto que complete a súa constelación de satélites até 2024, tendo que comprometerse a empresa a que en marzo de 2024 terá o 50% dos seus satélites en órbita e a totalidade dos mesmos antes de marzo de 2027.
Confíase en que Starlink poida servir para achegar servizos de banda larga a EE.UU. e outros países do mundo dun xeito fiable, rápido e asumible, o que resultará especialmente atractivo para territorios con malas redes de telecomunicacións.
Aínda que Starlink ten xa autorización da FCC, agora é preciso que reciba unha autorización análoga por parte da Unión Internacional de Telecomunicacións (ITU), xa que estamos ante un servizo que pretende operar en todo o planeta, polo que terá que cumprir con certas normas que permitan a coexistencia desta infraestrutura con outros servizos de telecomunicacións.
SpaceX non só ten prevista esta constelación inicial de satélites, senón que tamén aspira a colocar outros 7.500 satélites a unha altura inferior, para reducir a latencia e mellorar a súa capacidade, aínda que inicialmente a latencia parece que podería ser bastante boa: estímase que para conexións Gigabit conseguiría retardos de só 25-35 milisegundos (cando os satélites actuais teñen latencias que parten dos 600 millisegundos).

Categorías: Ciencia

Páxinas

Subscribirse a IGACIENCIA agregador - Ciencia