Agregador de novas

O CPETIG fomenta a programación informática cunha actividade con carácter familiar

códigocero - Ven, 04/29/2016 - 22:15

Co obxectivo de difundir os valores da programación informática entre os rapaces e os seus pais, o Colexio Profesional de Enxeñaría Técnica en Informática (CPETIG) en colaboración coa Facultade de Informática da Coruña (FIC) organizará o vindeiro día 7 de maio o evento Scratch Day no que os participantes poderán acceder de forma lúdica e divertida ao mundo da programación, tomando conciencia da potencia desta ferramenta como medio de expresión de ideas e vehículo para o emprendemento.
O CPETIG quere outorgarlle a este acontecemento un carácter familiar, polo que se dirixe fundamentalmente a rapaces e rapazas de entre 10 e 14 anos, que acompañados dos seus pais, poderán compartir unha xornada aprendendo e gozando da informática. A implicación e a concienciación dos pais neste ámbito servirá de apoio para que os rapaces se sintan atraídos cara a programación informática, de xeito que esta actividade organizada polo CPETIG non sexa unha excepción, senón o principio dun labor a seguir no fogar.
Con esta actividade preténdense difundir as posibilidades que poden ofrecer as TIC, especialmente en idades temporás e contribuír, así, a reducir a fenda dixital.
A xornada comezará ás 9:30 horas coa benvida aos participantes. Logo, entre as 10:00 e as 10:30 horas, terán lugar as presentacións e demostracións, e xa entre as 10:30 e as 13:30 horas, levaranse a cabo os obradoiros de programación en Scratch. A xornada rematará ás 14:00 horas coa presentación dos proxectos.
No Scratch Day contarase coa participación de profesorado experto en Scratch así como con monitores xurdidos do curso de Scratch para formadores que tivo lugar na FIC o pasado 22 de abril organizado polo CPETIG e a FIC.
Este evento, do que está previsto realizar máis edicións ao longo deste ano, encádrase dentro do convenio de colaboración asinado entre o CPETIG e a AMTEGA o pasado 4 de abril, e os interesados en acudir deberán inscribirse a través da web, distribuíndose logo os asistentes en función da súa experiencia previa con Scratch, xa que haberá tanto un obradoiro de iniciación como outro de nivel avanzado.

Categorías: Ciencia

Bota a andar en Ourense unha campaña para visibilizar a demanda de competencias dixitais no mercado laboral

códigocero - Ven, 04/29/2016 - 21:30

Esta mañá participaron na inauguración en Ourense da segunda campaña 1 mes, 1 profesión dixital, o alcalde, Jesús Vázquez, o presidente do Colexio Profesional de Enxeñaría en Informática de Galicia (CPEIG), Fernando Suárez, e Mar Pereira, directora da AMTEGA, quen sinalou que a rápida evolución tecnolóxica destes anos xerou a demanda de habilidades e competencias dixitais en todos os sectores e, por iso, é fundamental tanto fomentar vocacións tecnolóxicas como ofrecer á cidadanía ferramentas para a capacitación dixital.
Este primeiro encontro aborda o Big Data e, ao longo do ano, desenvolveranse seis xornadas en total. Os asistentes á xornada de hoxe, a través das intervencións de destacados expertos e profesionais na materia, puideron afondar nas novas competencias e habilidades profesionais que se están a demandar no mercado laboral actual ao redor do Big Data (datos masivos), debullando as características e requisitos das súas funcións profesionais, tanto de xeito individual coma nun debate conxunto e aberto ao público.
A primeira intervención da xornada correu a cargo de David Losada, director do Master Big Data da USC, ao que sucedeu un relatorio sobre Boas Prácticas en Big Data, a través das experiencias de Abanca e PSA Groupe, impartido por Adolfo de la Torre, experto en Infraestrutura IT de PSA Groupe, quen disertou ao redor dun relatorio cuxo título é Do Big Data ao Smart Data, tecnoloxía e conceptos e por parte de Abanca interviron Jorge García Romarís e José Valiño. Como remate da xornada desenvolveuse un debate entre os relatores e o público.

Categorías: Ciencia

A Tecnópole convoca un concurso para celebrar o Día das Letras Galegas

códigocero - Ven, 04/29/2016 - 21:15

Como todos os anos festexarase o Día das Letras Galegas o 17 de maio, unha xornada de exaltación da lingua de Galicia a través da súa manifestación literaria. Esta celebración botaba a andar o 17 de maio do 1963, coincidindo co centenario da primeira edición de Cantares gallegos, de Rosalía de Castro. Emporiso, este ano o Día das Letras galegas adícaselle ao escritor Manuel María (1929-2004) e dende o ourensán Parque Tecnolóxico de Galicia-Tecnópole queren celebrar esta data cun concurso para buscar o mellor refrán en galego, no que se poderá participar vía Twitter ou correo electrónico.
O concurso, aberto a todas as persoas que traballan no Parque Tecnolóxico de Galicia, consiste en enviar o refrán favorito en galego a través da canle de Tecnópole en Twitter, precedido da referencia #omellorefrán, ou á conta de correo isabel@tecnopole.es. Valorarase de xeito especial: a sonoridade, o significado e a orixinalidade.
Informar que o prazo do concurso remata o 13 de maio e o gañador, que recibirá como premio un libro de Manuel María, darase a coñecer o día 16.
Achegándonos un pouco á figura de Manuel María Fernández Teixeiro, definímolo como poeta, narrador, dramaturgo e académico da lingua galega, salientando o seu carácter combativo e mais o seu compromiso político. Naceu en Outeiro de Rei da Terra Chá (Lugo) o 6 de outubro de 1929, no seo dunha familia de labregos ben acomodada. En Rábade prepara o ingreso no Instituto cun mestre que lle fai descubrir a existencia da literatura galega nesa etapa inicial da súa vida. Inicia o Bacharelato no curso 1942-43 no Instituto Masculino de Lugo.
Antes de rematar o primeiro curso, en maio de 1943, morre o seu pai e faise cargo da súa educación o seu tío paterno, párroco de San Froilán e profesor de Filosofía no Instituto Feminino da cidade luguesa. Son anos duros e difíciles, que o futuro poeta vive como internado na Academia Galicia dos maristas até que no 1947-48 regresa ao Instituto para rematar o bacharelato. Sempre que pode retorna aos seus eidos, a Outeiro de Rei, onde vive días moi felices coa nai e cos irmáns, integrándose plenamente no mundo labrego. Precisamente é cun criado que traballa na casa, Manuel de Paderna, co que aprende a facer versos. Ademais da influencia cultural do seu tío crego (moi formado en Teoloxía, Filosofía e Literatura) nese tempo da adolescencia de Manuel María é para el lectura habitual A Biblia, a obra de Rubén Darío, os clásicos españois e a Xeración do 27. Manuel María morre na Coruña o 8 de setembro de 2004.

Categorías: Ciencia

Cattle drug threatens thousands of vultures

Nature - Ven, 04/29/2016 - 19:07

Modelling study paints bleak picture for Europe’s bird populations.

Nature News doi: 10.1038/nature.2016.19839

Categorías: Ciencia

Apoio da Comisión de Cooperación coa UNESCO ao certame galego D3Mobile

códigocero - Ven, 04/29/2016 - 12:41

A Comisión Nacional Española de Cooperación coa UNESCO vén de anunciar que patrocinará o campionato galego D3Mobile Metrology World League. O apoio da Comisión ao certame (un concurso de alcance internacional no que se convida ás novas xeracións a facer modelos 3D de precisión coa axuda dos seus dispositivos móbiles) materializarase en 2017. Como lembraremos, a liga mundial vén da man do grupo de investigación USCAN3D da Escola Politécnica Superior do Campus de Lugo, en colaboración coa Fundación Española para a Ciencia e a Tecnoloxía (FECYT) e outras entidades. Segundo sinalan os responsábeis do proxecto D3Mobile, “o compromiso de apoio recibido pola UNESCO constitúe un novo recoñecemento e tamén un gran orgullo para o grupo de investigación USCAN3D da USC”. Ademais, inciden nas posibilidades de difusión que se abren co devandito patrocinio, “un distintivo de calidade que levará aínda máis lonxe o campionato”.
O profesor Juan Ortiz (USCAN3D) precisou asemade que o respaldo recibido responde a que a Comisión Nacional Española de Cooperación coa UNESCO cualifica este campionato científico escolar de “actividade interesante e con importantes contribucións á filosofía da Organización das Nacións Unidas para a Educación, a Ciencia e Cultura”.
Tamén lembrou que o certame D3Mobile Metrology World League 2016 está a rexistrar arestora as mellores cifras de participación de estudantes (1.348), profesores (249), centros (223) e países (37) das catro edicións deste certame desenvolvidas até o de agora, representando un medre de entre un 10 e un 30 % respecto do ano anterior. “O 27 % destas novas promesas”, sinalo, “son estranxeiros, o que implica un notábel incremento no grao de internacionalización deste campionato respecto da terceira edición celebrada en 2015”.
Segundo fixo saber, “os modelos 3D presentados a concurso na edición 2016 do D3Mobile presentan elevados estándares de calidade, o que denota a valía dos estudantes participantes e tamén do seu profesorado, os verdadeiros protagonistas do campionato, segundo salientan os organizadores”. Ortiz sinalou que os equipos participantes na presente edición de D3Mobile amosaron “a súa capacidade para converter os seus propios teléfonos móbiles nunha ferramenta de medida de coordenadas 3D de precisión cun nivel de error mínimo e todo, cun software gratuíto, dixo”.
Abertas as votacións
Recordar tamén que os organizadores do D3Mobile veñen de abrir o prazo para determinar os modelos 3D máis valorados polo público. O período de votación en liña ficará aberto até o 3 de xuño na web www.de3mobile.es. Todos os participantes nestas votacións abertas ao público en xeral e a través das que se busca achegar a ciencia á cidadanía, entrarán no sorteo de diversos agasallos. “A divulgación reporta certo recoñecemento social aos autores dos modelos 3D máis votados”, segundo sinalaron o coordinador do D3Mobile, Juan Ortiz, e Mariluz Gil Docampo, directora do grupo de investigación USCAN3D da USC, do que tamén forman parte os investigadores Santiago Martínez Rodríguez e Teresa Rego Sanmartín.

Categorías: Ciencia

O Plan de Inclusión Dixital xa permite ás entidades e profesionais TIC convertérense en “aliados dixitais”

códigocero - Ven, 04/29/2016 - 12:23

O Plan de Inclusión Dixital en Galicia, cuxos bloques de acción avanzamos o pasado 21 de abril con motivo da súa presentación, xa está en marcha e dando pasos cara a consecución dun dos seus principais obxectivos: combater a fenda tecnolóxica na nosa terra. Segundo puidemos saber, o Diario Oficial de Galicia (DOG) publicou este 29 de abril unha resolución da Axencia para a Modernización Tecnolóxica de Galicia (AMTEGA) pola que se regula a adhesión de “aliados dixitais“ ao Plan de Inclusión Dixital en Galicia, que desenvolve, precisamente, a dita axencia. Segundo informa o organismo galego que dirixe Mar Pereira, poderá ser “aliado dixital” calquera entidade ou profesional do ecosistema dixital que “teña interese en participar no desenvolvemento da sociedade dixital en Galicia contribuíndo á mellora da inclusión dixital”.
Para formalizar a adhesión como aliado dixital, indica a axencia, “só será necesario cumprimentar o procedemento telemático dispoñíbel dende hoxe mesmo na sede electrónica da Xunta de Galicia e acompañar a documentación que se require”.
Os axentes interesados en participar nesta fronte colectiva contra a fenda dixital (a través da organización de actividades formativas, conferencias e seminarios de alfabetización, capacitación dixital e innovacións social dixital, a cesión de contidos dixitais e espazos físicos, a posta en marcha de proxectos de inclusión dixital, etc) poderán facelo na categoría de “entidade colaboradora”, “mecenas dixital”, “referente dixital”, “mentor dixital” ou “voluntario/a dixital”.
No caso das entidades que actualmente colaboran coa Rede CeMIT ou co Programa de Voluntariado Dixital integraranse coma “aliados dixitais” de forma automática, sinala AMTEGA, engadindo que deste xeito seguirán a darlle continuidade aos labores arestora en marcha, e só terán que cumprimentar no formulario de solicitude electrónico os datos de identificación da entidade, a categoría de “aliado dixital”, as liñas de interese e a memoria das actividades a realizar, antes do 30 de maio.
Como lembraremos, o Plan de Inclusión Dixital de Galicia 2020 foi aprobado no Consello da Xunta do pasado 21 de abril e ofrece á sociedade galega “un servizo integral de dixitalización que abrangue desde as accións para a alfabetización dixital até aquelas que permitan a calquera persoa, con independencia do nivel de formación dixital no que se atope, avanzar, madurar e acceder a maiores niveis de coñecemento e uso das TIC”. Para acadar este obxectivo o Plan establece actuacións en 3 grandes eixos estratéxicos: a alfabetización dixital, a capacitación dixital e a innovación social dixital e participativa.

Categorías: Ciencia

Redegal, distinguida nos premios eAwards na categoría de captación de tráfico

códigocero - Ven, 04/29/2016 - 11:33

A empresa galega Redegal vén de ser recoñecida co premio á Mellor Axencia Dixital de Captación de Tráfico. O galardón foille concedido o pasado 19 de abril ao abeiro dos premios eAwards, no marco da feira eShow de México, o evento itinerante e referencial de comercio electrónico e mercadotecnia dixital. A distinción veu da man da empresa eWorld, editora da revista profesional de ecommerce eShow Magazine. A entrega de premios tivo lugar no WTC da Cidade de México (México DF) e congregou, segundo informa Redegal, “a grandes personalidades do mundo da publicidade e mercadotecnia dixital do país”.
A empresa galega obtivo o devandito recoñecemento grazas ao seu proxecto de captación de tráfico orgánico para o diario Milenio e o Grupo Martí. Segundo contan fontes da firma con sede en Ourense, o devandito xornal mexicano apostou pola experiencia de Redegal para elaborar unha estratexia en tempo real de SEO (polas súas siglas en inglés Search Engine Optimization, ou sexa todo o relativo a posicionamento en buscadores, optimización en motores e optimización web). Esta estratexia foi enfocada sobre todo a visualizar o tratamento de evento sinalados.
Pola súa banda, a cadea de roupa deportiva Grupo Martí recorreu á axencia da nosa terra para a migración e posta a punto da súa páxina web. Este premio, engade a empresa galega, súmase aos conseguidos en 2015, tras ser premiada Redegal por Google como mellor axencia española en retorno de investimento publicitario na celebración anual do All Stars Competition, ao que cómpre engadir o Premio Novo Empresario 2015 outorgado pola Federación Galega de Novos Empresarios-AJE Galicia.

Categorías: Ciencia

Lorena Otero convida ás mozas a apostar polas TIC e polo seu amplo abano de opcións laborais

códigocero - Ven, 04/29/2016 - 11:00

Onte celebrouse na sede do CESGA (da man do CESGA e do CPEIG) o Día das Rapazas nas TIC, unha actividade destinada a fomentar as vocacións TIC entre as nosas estudantes na que participaron varias representantes do panorama profesional galego das novas tecnoloxías, amosando as súas experiencias e visualizando as moitas e variadas vantaxes que atoparán as mozas pre-universitarias de elixiren unha carreira ligada ao dixital. Entre estas representantes do tecido TIC galego figurou Lorena Otero, docente da Universidade de Vigo (Escola Superior da Enxeñaría Informática do Campus de Ourense). Otero Cerdeira foi convidada a falar da súa traxectoria como profesora e investigadora no eido TIC, concretamente no LIA2, Laboratorio de Informática Aplicada da Universidade de Vigo, e tamén en calidade de membro da Xunta de Goberno do Colexio Profesional de Enxeñaría en Informática de Galicia, entidade na que preside a Comisión de Igualdade. Segundo fixo saber, “é importante que as rapazas coñezan dun xeito próximo e axustado á realidade as oportunidades que teñen no sector TIC”.
A docente tamén salientou que no eido TIC pódese atopar “un oco no que desenvolver a creatividade e facelo con boas perspectivas laborais”. Sobre a suposta dificultade das titulacións tecnolóxicas, “a clave”, apuntou, “é estar facendo o que che gusta porque se algo che gusta non che vai resultar duro, aínda que teñas que esforzarte”, sinalou, engadindo que “este tipo de carreiras” abren “un amplo abano de posibilidades profesionais”. Na súa opinión, “o software está en todo” e polo tanto os eidos de traballo son innumerábeis, e “cada día chegan novos ámbitos profesionais”. No seu caso, por exemplo, entre as cousas que máis valora do seu traballo figura o labor de impartir contidos no Programa Universitario de Maiores do Campus de Ourense, “algo que nunca pensei que faría cando comezou a estudar a carreira”.
A todos os rapaces e rapazas que estean interesados no sector TIC, Lorena Otero anímaos a continuar “profundando nel a través da formación”. E engadiu: “Se é o que lles gusta, adiante, sen medo”. Ante o descenso de alumnas que se está dando neste eido a pesar do traballo a prol do fomento da igualdade, a docente anima “especialmente ás rapazas” a coñecer as xanelas que lles abren estes estudos e a decidir o seu futuro profesional “sen atender a tópicos ou desinformación”.

Categorías: Ciencia

Mañá entran en vigor as novas tarifas europeas de roaming

códigocero - Ven, 04/29/2016 - 10:58

O ano pasado a Comisión Europea, o Parlamento Europeo e o Consello de Europa acadaron un acordo sobre o uso do móbil en itinerancia dentro do territorio da Unión, coa grande decepción de que adiaron unha vez máis os prazos previstos para o remate do sobrecusto polo roaming, que non cesará até xuño de 2017, pero esta fin de semana entra en vigor o regulamento transitorio cara a este importante cambio, o que supón unha baixada xeral nas tarifas.
O novo contorno de tarifas que bota a andar o 30 de abril limita o recargo por itinerancia en 5 céntimos/minuto nas chamadas que fagamos dende outro país da U.E., en 2 céntimos nas mensaxes de texto e en 5 céntimos por cada megabyte de datos, pero estamos a falar das subas máximas permitidas para os operadores, pero algunhas compañías optaron por adiantar o seu calendario e, por exemplo, Vodafone eliminou o sobrecusto do roaming en EE.UU. e Europa para todas as súas tarifas de contrato (sempre que activemos tal opción).
Cómpre lembrar que a aínda que se anunciou que o 15 de xuño os recargos por roaming non se poderán aplicar na Unión Europea, como se viña reclamando dende hai moitos anos, iso non é rigorosamente certo, senón que temos que matizar que só acontece con usos puntuais, estando previstas medidas para evitar que nun país se empreguen tarifas móbiles doutro país europea, pois iso crearía unha importante distorsión da competencia do mercado da telefonía móbil a nivel europeo.

Anuncio televisivo co que Vodafone dá conta da súa nova tarifa europea de roaming sen recargo

Categorías: Ciencia

InLugo realizou o ano pasado 300 actividades TIC para os maiores da provincia

códigocero - Ven, 04/29/2016 - 09:38

O Padroado da Fundación TIC, dependente da Deputación de Lugo, vén de aprobar a memoria de actividades da entidade en 2015. Ou sexa, fixo reconto do acadado ao longo do ano pasado. Na sesión de aprobación estivo presente Darío Campos, presidente do organismo provincial, quen salientou o traballo feito pola Fundación en formación de calidade, promoción da provincia e labor social. Na memoria sinálase en 2015 superouse o número de actuacións respecto aos exercicios anteriores, con máis de 1.100 actividades. “Este aumento”, sinalou Campos, “concentrouse sobre todo no primeiro e último trimestres do ano no InLugo, cunhas 300 actuacións, xa que ampliamos á provincia os cursos e obradoiros e desenvolvemos novos programas con grande acollida entre os maiores”. Como lembraremos, un dos principais cometidos de InLugo (Centro de Innovación Social, emprazado no segundo andar da Escola de Imaxe e Son da Fundación TIC) é promover actuacións e servizos baseados nas TIC e encamiñados a mellorar a calidade de vida dos veciños da provincia e dinamizar o tecido económico.
Nun plano máis específico, InLugo favorece con boa parte das súas actividades diferentes metodoloxías e técnicas de envellecemento activo e saudábel a través do emprego das novas ferramentas dixitais.
Amais do devandito, sinalar que o Padroado aprobou a conta anual do exercicio 2015, “cun grado de execución do presuposto do 82,88%”, que ascendeu a 1.608.937 euros.
Segundo comentou na sesión Darío Campos, sen dúbida unha das liñas de acción máis destacadas da Fundación TIC é o seu labor de asesoramento a formación ás persoas maiores de toda a provincia. “Un labor social”, dixo, “que ten aínda máis importancia se atendemos ao papel das novas tecnoloxías, que poden ser as nosas mellores aliadas para que os nosos maiores teñan unha mellor calidade de vida”.
O esforzo inversor neste apartado reflectiuse, dixo, “na boa acollida que tiveron as actividades organizas polo InLugo o ano pasado”. De feito, explicou que na súa sede realizáronse 94 cursos e obradoiros que tiveron unha alta demanda: 1.657 inscricións para 1.100 prazas convocadas. Ademais desenvolvéronse obradoiros por toda a provincia e programas como Memoria Dixital, Sempre en Activo, Camiña coas TIC, Nutretic e Engurras Tic. Outras actividades que acadaron grande éxito de participación entre os maiores foron as xornadas AberTIC; Día Mundial de Internet: Viaxa a mil e un lugar coas TIC; e Nadal: Sons e Recordos.
Segundo engadiu o presidente, outro dos obxectivos da TIC é promover o territorio da provincia como espazo axeitado para a rodaxe e produción de calquera tipo de obras de carácter audiovisual, neste caso a través da Lugo Film Commissión. En 2015 a Film Commssion realizou, dixo, “un exhaustivo traballo de documentación e arquivo fotográfico e de vídeo no que se recollen localizacións que poden servir de escenario a producións audiovisuais de toda índole. Este material está a disposición de todas as produtoras interesadas”.
Na sesión tamén se fixo saber que o ano pasado a Fundación TIC potenciou o programa de visitas didácticas, “aumentando o seu número e ampliado os grupos de idade aos que vai destinado, xa que o ano pasado participaron por primeira vez varios grupos de maiores, ademais dos alumnos de Primaria e Secundaria”. En total, 52 grupos, once máis que o ano pasado, que suman un total de 1.426 persoas, pasaron pola TIC para coñecer as instalacións da entidade así como as distintas especialidades do eido audiovisual que se imparten na EIS.

Categorías: Ciencia

Makemake tiene una luna

Investigación y Ciencia - Ven, 04/29/2016 - 00:00
El telescopio espacial Hubble descubre un satélite de 160 kilómetros de diámetro en torno al planeta enano, situado más allá de Plutón. El hallazgo permitirá conocer mejor las características de Makemake.
Categorías: Ciencia

Facebook estrea as súas aplicacións oficiais para Windows 10

códigocero - Xov, 04/28/2016 - 22:00

Inicialmente Facebook só apostaba pola web como plataforma de acceso, e aínda que despois comezou a apostar de xeito firma polas aplicacións móbiles, continuaba a deixar bastante abandonados os escritorios informáticos, pero finalmente superou tal barreira e hoxe presentou as versións definitivas das aplicacións de Facebook e Messenger para Windows 10 de escritorio, así como Instagram para móbiles, de xeito que por fin Facebook abandona a longa fase de proba das súas aplicacións para o último sistema operativo de Microsoft, o que agradecerán os usuarios de infinidade de equipos (entre os que destacan as tabletas con Windows 10, que agora terán un xeito máis cómodo de empregar Facebook e a súa mensaxería no seu dispositivo).
Facebook para Windows 10, aparte de contar cunha aplicación que conta coas principais funcionalidades de Facebook, tamén aproveita prestacións de Windows 10, de xeito que podemos instalar no menú de inicio un atallo á aplicación que funcione a xeito de mosaico dinámico, ou sexa, que presente información relativa a Facebook sen que teñamos que abrir a aplicación.
A nova aplicación tamén está dispoñible en máis linguas (como o español, cando a anterior versión oficial só estaba dispoñible en inglés), inclúe as novas reaccións, conta con stickers nos comentarios, conta coa columna de información de aniversarios e eventos... e incluso integra un navegador web para facilitar ler e compartir varios artigos (xa que fai uso de pestanas) dende a sección de novas.
A aplicación de Messenger tamén é unha importante novidade, xa que permite aproveitar a comunidade da aplicación nativa para manter un contacto rápido cos nosos amigos de Facebook, podendo tamén empregar stickers, conversas de grupo e imaxes GIF, tirando tamén proveito de funcionalidades de Windows 10 como o mosaico dinámico e a integración nas notificacións do sistema.
No caso dos dispositivos móbiles, o grande cambio é que a aplicación de Windows Phone 8 recibe por fin o relevo cunha aplicación oficial para Windows 10, poñéndose á altura do resto de aplicacións móbiles de Instagram. Polo momento os usuarios móbiles de Windows 10 terán que agardar un tempo para poder gozar das aplicacións finais de Facebook e Messenger.

Instagram estrea versión móbil oficial para Windows 10, mentres que Facebook e Messenger fanse de rogar
Categorías: Ciencia

Software error doomed Japanese Hitomi spacecraft

Nature - Xov, 04/28/2016 - 18:58

Space agency declares the astronomy satellite a loss.

Nature News doi: 10.1038/nature.2016.19835

Categorías: Ciencia

Un estudo dunha investigadora galega di que a rapazada segue preferindo a televisión sobre os dispositivos

códigocero - Xov, 04/28/2016 - 17:59

Os tempos mudan, mais as preferencias en canto a lecer dos menores semellan non variar moito co paso dos anos, así o constatou a investigadora de CCSS e da Comunicación Beatriz Feijóo na súa tese de doutoramento A infancia ante as pantallas: Análise do consumo de medios audiovisuais (TV, videoxogos e internet) entre os nenos galegos do último curso de primaria en 2010. No traballo levado a cabo por Feijóo entrevistáronse a máis de 2000 estudantes de 6º de primaria de diferentes localidades galegas concluíndo que, malia que internet e os videoxogos ocupan cada vez un meirande espazo na vida da rapazada, a televisión continúa a ser a predilecta. Outro deito a sinalar froito deste estudo é que os nenos e nenas galegos adican máis de dúas hora ao día ao consumo destes tres medios, segundo constatou a investigadora.
Outro aspecto comprobado é que o tempo adicado a estes dispositivos "increméntase de xeito acusado" nas fins de semana, así como o feito de que o peso crecente que estas teñen na vida e no lecer dos nenos non implica o abandono das actividades sociais, “xa que a maioría sinalaron que tamén lles gusta moito investir o seu tempo libre cos seus amigos ou xogando na rúa”.
O obxectivo final deste ensaio, dirixido polos profesores de CCSS e da Comunicación Aurora García e Jesús Pérez Seoane, era o de coñecer “o nivel de penetración e uso das pantallas” entre a infancia. Para iso, realizou unha enquisa a un total de 2202 estudantes de 77 colexios públicos e privados das catro provincias, que responderon a un cuestionario encamiñado a coñecer o tempo adicado á televisión, internet e os videoxogos, así como as súas “preferencias para o tempo libre”.
“Como consecuencia, os nenos cada vez se distancian máis das maneiras tradicionais de lecer infantil e optan polas novas tecnoloxías que os achegan a modelos de lecer adulto”, engade a investigadora, quen, non obstante, puido comprobar que o tempo que os cativos e cativas adican ás pantallas “non implica que desatendan as actividades sociais”.
En resumo, os nenos e nenas galegos adican máis de dúas horas ao día a estes tres medios, un tempo que “se incrementa de xeito acusado os sábados e domingos” e que tamén é maior no caso dos nenos con respecto ao das nenas, segundo comprobou Feijóo, quen tamén atopou que “as preferencias en canto a contidos” difiren bastante segundo o sexo, “sobre todo en programas de televisión e na selección de videoxogos”.
No tocante á televisión, preto do 65% dos enquisados afirmaron adicarlle “até dúas horas” nos días de colexio, “un consumo que se incrementa de maneira considerábel nas fins de semana”, mentres que no caso de internet, presente no 76% dos fogares dos enquisados, con “grandes diferencias” no grao de penetración entre a contorna urbana e o rural, a maioría declararon permanecer conectados menos dunha hora durante os días de colexio, tempo que de novo se incrementa nas fins de semana. Por último, os cativos aseguraron adicar menos dunha hora ao día aos videoxogos durante os días de colexio, mentres que, en sábados e domingos, “máis do 50% afirmou xogar entre unha e tres horas”.
Outra das conclusións deste estudo é que os nenos e nenas consumen produtos “non recomendados para a súa idade”. Nese senso, Feijóo apunta que, no tocante á televisión citaron programas “non aptos para unha audiencia menor de 12 ou 16 anos”, ao igual que aludiron a videoxogos para maiores de 18. De feito, a investigadora sinala que mentres que na televisión os nenos e nenas “en xeral si adoitan ver as series e debuxos animados” dirixidos a esta franxa de idade, no tocante aos videoxogos as súas preferencias pasan por aqueles “de uso xeneralizado en todas as idades”. Do mesmo xeito, en internet ademais de “visitar portais e servizos restrinxidos por lei a usuarios maiores de 14 anos, como as redes sociais”, optan por empregar tamén ”servizos, aplicacións ou portais pensados para un público adulto”, explica Feijóo, que incide na súa tese no papel que deben xogar pais e nais, como “responsábeis da alfabetización dixital dos nenos”.

Categorías: Ciencia

Os datos na nube terán unha privacidade total cun novo sistema de cifrado de AtlantTIC

códigocero - Xov, 04/28/2016 - 16:21
Juan Ramón Troncoso, investigador do Grupo de Procesado da Sinal en Comunicación

Logo de dez anos de traballo por parte dos investigadores do Grupo de Procesado da Sinal en Comunicación do centro de investigación AtlantTIC a prol de mellorar a privacidade dos datos procesados na nube, xorde un novo sistema de cifrado que garante a privacidade dende a orixe e permite traballar directamente sobre os datos cifrados sen necesidade de coñecer os seus contidos. Cómpre sinalar que este proxecto nace ao abeiro de TÁCTICA (un proxecto de I+D centrado nas tecnoloxías da información e a comunicación) desenvolvido no seo da Escola de Enxeñaría de Telecomunicación da Universidade (co apoio do Ministerio de Economía e Competitividade (MINECO) e do Fondo Europeo de Desenvolvemento Rexional (FEDER).
En canto á súa finalidade, Juan Ramón Troncoso, responsábel desta liña de traballo dentro do equipo que dirixe o catedrático Fernando Pérez González subliña que: “O noso obxectivo é protexer os datos e dar garantías de privacidade e confidencialidade para todos os usuarios, tanto persoas como negocios”.
Para acadar o seu fin este equipo de profesionais desenvolveu unha serie de ferramentas avanzadas de criptografía e procesado seguro de sinal que achegan servizos de maneira totalmente privada e segura desde a orixe, sen que ningunha das partes externas que interveñen no procesado dos datos teña acceso aos mesmos. Esta tecnoloxía, que aplican principalmente en sinais multimedia (audio, vídeo, biometría, datos xenéticos, ADN...) permite traballar de xeito cego sobre as comunicacións cifradas, sen necesidade de coñecer o contido das mesmas. “Cun cifrado tradicional da canle de comunicación non se pode ver o contido, pero tampouco é posíbel modificalo nin procesalo, mentres que con estas novas técnicas o servidor pode traballar sobre os datos sen necesidade de descifralos, coñecelos e volver a cifralos”, explica Troncoso, que abre así a porta a servizos na nube cunha garantía plena de confidencialidade e privacidade para os usuarios, xa que nin sequera o provedor ten acceso aos seus datos.
Malia ser unha área de investigación recente, os investigadores desenvolveron un demostrador que emprega un esquema de cifrado propio, podendo cifrar calquera tipo de sinais multidimensionais (audio, imaxes, vídeos, ecografías 4D...) de maneira moi compacta e procesalas eficientemente no dominio cifrado, permitindo realizar multitude de operacións (filtrados, busca de zonas de interese na imaxe, realce de bordes...) de xeito transparente para o usuario e evitando a necesidade de dispor dun hardware específico.
Para rematar cómpre lembrar que nos últimos anos, a lexislación española e (especialmente a da Unión Europea) está a avanzar con paso firme cara á provisión de maiores garantías na protección dos datos persoais en case calquera contexto; con todo, iso non significa que as aplicacións que a sociedade emprega decote introduzan os mecanismos tecnolóxicos axeitados para garantir a súa seguridade e preservar a súa intimidade, especialmente coa rápida evolución da Internet das Cousas e os fogares conectados.

Categorías: Ciencia

CESGA e CPEIG celebraron o Dia das Rapazas nas TIC tirando abaixo unha manchea de estereotipos sexistas

códigocero - Xov, 04/28/2016 - 15:57

Este 28 de abril celebrouse en Santiago unha actividade de gran importancia para o desenvolvemento da nosa terra no ámbito informático: o Dia das Rapazas nas TIC. E dicimos de “gran importancia”, porque a actividade dirixiuse a tirar abaixo os atrancos (sexismos, prexuízos, ideas preconcibidas, falsos estereotipos) que impiden ás nosas nenas e adolescentes acceder aos estudos e profesións TIC. Como dixo a secretaria xeral de Igualdade, Susana López Abella, no transcurso da xornada, a fenda dixital de xénero achega “unha infinidade de problemas”, non só para as propias mulleres, senón tamén para o propio tecido profesional e empresarial, que se resente, e moito da escaseza de mulleres no seu seo. Este foi, de feito, o lema da xornada: a construción da sociedade dixital require do potencial e das capacidades das mozas.
A cita, que se escenificou na sede do Centro de Supercomputación de Galicia (CESGA), constituíu a celebración galega do Día Internacional das Rapazas nas TIC, o Girls in ICT Day. Organizaron o CESGA e o CPEIG. En representación do Colexio participou no acto o seu presidente, Fernando Suárez.
Abriu a rolda de intervencións María José Malmierca, investigadora do CESGA, que lembrou ás presentes (ducias de mozas de varios centros de Educación Secundaria da nosa terra, atendendo aos relatorios na propia sede do CESGA e, tamén, por videoconferencia) a necesidade de incrementar a presenza feminina no ámbito profesional TIC galego. A continuación falou a secretaria xeral de Igualdade, que sinalou que “non é de xustiza que as mulleres non teñamos as mesmas oportunidades para acceder a este tipo de ámbitos sociais e profesionais”. No seu relatorio fixo mención dalgunhas profesionais sobranceiras da historia da informática (xeralmente “ninguneadas” no seu día, como Ada Lovelace, dixo, malia ter “achegado unha importante contribución á Sociedade do Información tal e como a coñecemos”) e recordou que, a día de hoxe, resulta inadmisíbel que a porcentaxe profesional feminina no ámbito da creación de ferramentas e contidos dixitais sexa só do 9%.
Logo de López Abella, foi a quenda de Natalia Costas Lago, enxeñeira en Telecomunicacións e responsábel da xestión da Rede de Ciencia e Tecnoloxía de Galicia (RECETGA) e dos servizos de rede do Centro de Supercomputación de Galicia. Costas falou da súa vocación e da súa frutífera experiencia como muller profesional das novas tecnoloxías. Asemade, reivindicou a marxe de experiencia enriquecedora que achegan as TIC, “moito máis creativas do que se pode pensar nun principio”.
A continuación interveu Rebeca Fandiño, doutora en Química, investigadora da Universidade de Santiago de Compostela e CSO en MD.USE Innovative Solutions. Rebeca fixo un percorrido pola súa formación como química, pola temática da súa tese e máis pola súa actividade con MD.USE, onde leva dous anos desenvolvendo software dirixido a avaliar, entre outras cousas, o comportamento das moléculas. Rebeca dixo que para ela e a súa equipa as TIC “serven en boa medida para ver o que decote, en circunstancias normais, non se pode ver”.
A seguinte relatora foi Susana Gómez Carnero, doutora en Enxeñaría Informática e directora executiva en Origami Soluciones, empresa de consultaría e desenvolvemento de solucións TIC. Susana comezou animando ás rapazas presentes na cita do CESGA a preguntarse que queren facer na vida, profesionalmente, e a non deixarse levar polo “que digan os demais”. Falou tamén da súa experiencia con Origami e da bagaxe amoreada fornecendo a empresas ferramentas e servizos que lles axuden a potenciar a súa actividade: os mellores vieiros para presentar unha web e para amosar produtos, metodoloxías axeitadas para informar, vender ao tempo que se subministra diversión, etc.
A continuación foi a quenda de Lorena Otero Cerdeira, doutora en Informática pola Universidade de Vigo, docente e Investigadora do LIA2 (Laboratorio de Informática Aplicada) da UVigo. Lorena, que é membro da Xunta de Goberno do Colexio Profesional de Enxeñaría en Informática de Galicia (na que tamén preside a súa comisión de Igualdade), fixo fincapé nos “moitos estereotipos” que inzan os estudos ligados á informática, ideas preconcibidas que adoitan relacionar este tipo de formación cos homes ou coa extrema dificultade técnica, e que se desmontan e tiran abaixo en canto vemos máis alá da superficie das cousas, sinalou.
Quen organizou e porqué
O evento a nivel internacional vén da man da entidade International Telecommunications Union (ITU). O seu obxectivo, con esta celebración, é “motivar as novas xeracións de mozas para que consideren o ámbito das TIC para o seu desenvolvemento académico, investigador e profesional”.
O Centro de Supercomputación de Galicia (CESGA), impulsor do proxecto europeo ICT-Go-Girls! (promoción do emprendemento das rapazas de Secundaria a través das TI), xunto co Colexio Profesional de Enxeñaría en Informática de Galicia (CPEIG) organizou a edición galega do Girls in ICT Day. Foi no marco do Plan Proxecta, baixo a coordinación da Secretaría Xeral de Igualdade da Xunta de Galicia. A iniciativa dirixiuse ás rapazas dos primeiros anos de Secundaria para proporcionarlles unha imaxe “máis atractiva do mundo do emprendemento tecnolóxico” e lograr así unha maior presenza feminina no eido das TIC.
Tamén colaboraron na xornada as seguintes entidades: a Consellería de Educación, a Axencia para a Modernización Tecnolóxica de Galicia (AMTEGA), a Facultade de Informática da UDC e Woman Emprende-USC. O Concello de Santiago tamén se sumou os días pasados a esta fronte común contra a fenda dixital de xénero.

Categorías: Ciencia

Twitter en Galego encara o 17 de maio cunha nova edición do seu premio á mellor conta na nosa lingua

códigocero - Xov, 04/28/2016 - 13:05

Xa está en marcha a segunda convocatoria do Premio á conta 2016, dirixido a salientar e visualizar os usuarios de Twitter que aposten polo galego na rede social. Igual que a primeira edición, o dito concurso vén de iniciativa Twitter en Galego, sendo o seu obxectivo último promover o uso do noso idioma nos novos servizos 2.0 de comunicación. Os encargados de achegar as candidaturas para o galardón serán os usuarios de Twitter. O concurso comezou o 26 de abril e rematará o 17 de maio (Día das Letras Galegas). A dia de hoxe aínda está en activo a fase de “escolma”. É dicir, o traballo de “apañar” as propostas que sexan achegadas polos membros da comunidade Twitter mediante un formulario ao que poden acceder na web do concurso. Esta fase estenderase até o 7 maio.
O segundo “apartado” ten que ver coa valoración. Nela, un xurado establecido polos responsábeis do certame escollerá a que ao seu xuízo sella a conta de Twitter máis destacábel. Poderán concorrer na actividade “todas aquelas contas que empreguen a lingua galega na maioría das súas publicacións”, ou sexa aquelas “que superen a porcentaxe do 80% do noso idioma nas súa comunicacións co mundo”. Por outra banda, non entrarán na recta final as propostas de contas que acubillen contidos discriminatorios ou que inciten á violencia en calquera das súas manifestacións.
O premio será de “carácter meritorio”, máis a organización avanza que haberá “unha pequena recompensa”: un miúdo espazo propio na web de Twitter en Galego durante un ano.

Categorías: Ciencia

Facebook quere blindar a súa estratexia a longo prazo

códigocero - Xov, 04/28/2016 - 12:14

Os resultados financeiros do trimestre que rematou o 31 de marzo foron moi positivos para Facebook, conseguindo case dobrar os ingresos con respecto ao ano pasado (destacando o feito de que o 82% dos ingresos corresponden á publicidade dende o móbil) e triplicando os beneficios, deixando claro que o rumbo marcado por Mark Zuckerberg é atinado e, para que non se perda este enfoque ao largo prazo, o fundador de Facebook propón a creación dun novo tipo de participacións na compañía que non terían dereito ao voto (como fixo Google hai un par de anos), de xeito que impediría que certos investidores poidan influír na dirección da compañía.
Dende a actual dirección de Facebook consideran que o éxito da compañía é consecuencia directa da visión e xestión de Mark Zuckerberg, polo que cren que a nova estrutura de capital da empresa facilitará que poidan manter o foco na visión a longo prazo que ten Zuckerberg, a quen manterían así involucrado no liderado da empresa, á vez que reducirían os riscos de sucesión e a futura dilución dos seus poderes de decisión.
Este tipo de estruturas permiten que as compañías cotizadas en mercados bolsistas poidan manter certa independencia, evitando así as presións que leven a topar decisións a curto prazo, deixando claro que Facebook non pretende funcionar como unha empresa tradicional. Deste xeito os grandes proxectos de investigación e desenvolvemento non se verán ameazados polas ansias de reparto de dividendos, e permitirá que Facebook poidan continuar a asumir riscos como a compra de Instagram, Oculus VR ou WhatsApp, que a longo prazo parecen estar a resultar axeitadas, facilitándolle unha posición de mercado moi prometedora de cara a un futuro ao que resulta moi complicado anticiparse.

Categorías: Ciencia

MásMóvil podería ter acordado acorda a compra de Pepephone por 150 millóns de euros

códigocero - Xov, 04/28/2016 - 11:46

Tras un período de emerxencia de numerosos operadores de telecomunicacións en España, o estado da competencia forzou á concentración, proceso no que estamos inmersos e que segundo publica ElEconomista, afectaría agora ao OMV con mellor sona, Pepephone, que segundo a publicación económica tería pechado un acordo de compra por parte de MásMóvil nunha operación valorada en máis de 150 millóns de euros.
Con esta adquisición MásMóvil faríase cunha carteira de máis de medio millón de clientes de Pepephone, facilitándolle así o avance no sector español, para converterse nun dos operadores máis relevantes, traxectoria que levaralle agora a procurar a compra de Yoigo (compañía pola que ofrecería uns 450 millóns de euros), de xeito que en poucos meses MásMóvil podería ocupar o cuarto posto entre os operadores españois, cumprindo así o seu ambicioso itinerario.
Lembremos que MásMóvil conseguiu a autorización da Comisión Europea para mercar parte da rede fixa de Orange-Jazztel (ante a fusión de ambos operadores) polo que conta con acceso mediante fibra óptica a 720.000 fogares e de ADSL até máis de 18 millóns, conseguindo así unha posición de mercado moi boa de cara a ofrecer servizos de telecomunicacións converxentes.
ACTUALIZACIÓN: MásMóvil confirma a compra de Pepephone. Ao parecer manterán a marca e as tarifas e incrementarán os servizos para, por exemplo, ofrecer conexións domésticas de fibra óptica aos actuais clientes de Pepephone.

Categorías: Ciencia

O CPEIG entrega os seus premios anuais o vindeiro 3 de xuño en Santiago

códigocero - Xov, 04/28/2016 - 10:27

Por oitavo ano consecutivo, o Colexio Profesional de Enxeñaría en Informática de Galicia (CPEIG) outorgará os seus galardóns ao abeiro da Noite da Enxeñaría en Informática Galicia (anoite.gal). A través de distintas categorías, os colexiados e colexiadas recoñecerán aquelas iniciativas ou persoas destacadas no ámbito da Enxeñaría en Informática da nosa terra. As distincións son as seguintes: Premio Traxectoria Profesional, Premio Iniciativa Emprendedora, Premio Proxecto Fin de Carreira (aberto á presentación de candidaturas e cunha dotación de 1.000 euros), Premio Iniciativa de Administración, Premio Iniciativa Empresarial, Premio Colexiado de Honra e Premio Ada Byron (dirixido a mulleres enxeñeiras en Informática, líderes na adopción da tecnoloxía e, segundo se fai saber nas bases do galardón, “con capacidade para mesturar coñecementos técnicos e visión social”). A maiores convócase o Premio Iniciativa eInclusión que, como se indica no seu propio nome, vai dirixido a visualizar e distinguir aquelas achegas galegas con meirande potencial e maior capacidade para rematar coa fenda dixital en calquera das súas manifestacións (de xénero, urbano-rural, económica, social, cultural, de idade, etc). Ou sexa, para traballar a prol da máxima igualdade de condicións arredor do acceso (e uso) á Sociedade da Información.
Segundo informa o CPEIG, agás no caso da persoa premiada co galardón ao Proxecto Fin de Carreira, os demais premiados recibirán unha estatuíña sen dotación económica.
A entrega destes premios realizarase o día 3 de xuño en Santiago de Compostela, no Hotel Monumento San Francisco, no marco dunha cea de gala á que están convidados diversos persoeiros da vida pública e empresarial galega, aos que cómpre engadir representantes dos nosos ámbitos académico e investigador. A previsión é xuntar a máis de douscentos colexiados/as, xunto con outros convidados/as.
Para a organización do evento, o CPEIG contará coa colaboración de diversas empresas e institucións da nosa terra centradas no eido das novas tecnoloxías da información. De feito, “co convencemento de que o apoio ao Colexio e ás súas actividades representa un pulo á profesión”, o CPEIG ofrece a posibilidade de participar na celebración de gala como entidades patrocinadoras ou colaboradores mediante a formalización dun acordo.
En palabras da entidade profesional que preside Fernando Suárez, a Noite da Enxeñaría en Informática de Galicia é xa “unha gala consolidada mediante a cal o CPEIG visualiza a súa presenza na sociedade galega, o traballo desenvolvido polos enxeñeiros en Informática dentro da Sociedade da Información e as iniciativas relacionadas no eido das novas tecnoloxías”. Segundo engade, en todas as sete convocatorias previas da Noite acadouse unha gran repercusión en múltiples vertentes: tanto na afluencia de público, autoridades e empresariado, como na repercusión nos medios de comunicación galegos e estatais como, tamén, no afianzamento de potencialmente frutíferas relacións entre profesionais do noso sector das novas tecnoloxías da información.
Para máis información, cómpre visitar a páxina web anoite.gal, onde se dá conta (entre outras moitas cousas) das diferentes modalidades establecidas, de imaxes das celebracións de anos anteriores e, tamén, do programa de actividades para o evento deste 3 de xuño, unha gala que vai contar co humorista monologuista e actor Dani Delacámara e que está previsto que comece arredor das 20.00 horas cun cóctel de benvida para logo, arredor dunha hora máis tarde, abordar o acto de entrega de galardóns propiamente dito. A cita proseguirá coa cea de gala (posterior os premios), prevista para arredor das 21.45 horas.

O Colexio

O Colexio Profesional de Enxeñaría en Informática de Galicia (CPEIG) constituíuse en decembro de 2007 como corporación de dereito público de carácter profesional con personalidade xurídica propia que se rexe pola normativa vixente na materia e polos seus estatutos. Cunha estrutura interna democrática e independente das administracións públicas, o colexio agrupa por obriga a todas as persoas que, tendo o título oficial de Enxeñaría en Informática, desenvolve actividades propias da profesión en Galicia. Arestora o CPEIG suma máis de 350 colexiadas e colexiados.

Recoñecemento a Civil UAVs Initiative

O Colexio Profesional de Enxeñaría en Informática de Galicia (CPEIG) fallou os días recentes o seu Premio Iniciativa da Administración a favor da Consellería de Economía, Emprego e Industria, polo seu proxecto Civil UAVs Initiative. A entrega do premio, que se une a outros sete galardóns pendentes de fallo, realizarase o día 3 de xuño en Santiago de Compostela durante a celebración da oitava edición da Noite da Enxeñaría en Informática de Galicia.
A iniciativa premiada, centrada no sector emerxente dos avións non tripulados, suporá un investimento de 115 millóns de euros, a creación de 600 empregos, o impulso de novos investimentos e a mellora da concorrencia industrial galega. Neste proxecto pioneiro a Xunta ten como socios industriais as empresas multinacionais Indra e Inaer.
Os membros da Xunta de Goberno do CPEIG tiveron en conta, para a concesión deste galardón, que o parque industrial e tecnolóxico das Rozas, a desenvolverse ao abeiro da Civil UAVs Initiative, situará a Galicia como unha das contornas xeográficas líderes a nivel mundial no desenvolvemento e fabricación de avións non tripulados de ámbito civil. Conformarase ademais un centro punteiro de I+D+i especializado nun sector innovador no que as enxeñeiras e os enxeñeiros en Informática realizarán achegas fundamentais.

Categorías: Ciencia

Páxinas

Subscribirse a IGACIENCIA lector de novas