Ciencia

Plant denizens get the big-science treatment

Nature - Lun, 07/06/2015 - 22:02

Researchers seek holistic view of botanic ecosystems.

Nature 523 137 doi: 10.1038/523137a

Categorías: Ciencia

Astronomers propose giant space telescope to replace Hubble

Nature - Lun, 07/06/2015 - 22:02

Segmented mirror four or five times wider than Hubble's would peer directly at exoplanets.

Nature News doi: 10.1038/nature.2015.17913

Categorías: Ciencia

Chega a plataforma galega Opositatest.com, a antesala online das oposicións

códigocero - Lun, 07/06/2015 - 18:58

Estudar para unhas oposicións non é tarefa doada polo que calquera ferramenta que bote unha man para facer máis levadeiro o traballo é sempre benvida. Con isto en mente botaba a andar hai seis meses na cidade da Coruña, Opositatest.com , unha start-up con capital 100% galego e nada co gallo de adaptar o estudo das oposicións ás novas tecnoloxías. Emporiso, cómpre concretar, Opositatest.com vai encamiñada aos opositores do mundo da xustiza, e como novidade, dicir que estamos perante o primeiro proxecto de oposicións que actualizou o seu temario conforme á última reforma do Código Penal.
Dentro das oposicións existentes, as de Acceso á Carreira Xudicial e Fiscal e ao Corpo de Secretarios Xudiciais son dous das máis prestixiosas do Estado e que maiores dificultades entrañan. A devandita web nace dunha necesidade, a dun grupo de opositores e exopositores que demandaban con urxencia novas ferramentas para achandar o camiño ás devanditas probas. Por iso, para dar solución ao seu problema, creouse un equipo interdisciplinar composto por mozos enxeñeiros informáticos, licenciados en Dereito e opositores, para abranguer todos os aspectos que a creación dunha ferramenta en liña destas características.
Quen visite Opositatest.com verá que o espazo está centrado na preparación da primeira proba das citadas oposicións, proba que consiste na resolución dun cuestionario tipo test.
Subliñar que existe a posibilidade de que o usuario (partindo da base de datos) poida crear unha chea de tests personalizados, incluídas probas completamente aleatorias que simulan e reproducen un exame real da oposición diferente cada vez.
Isto acompañado doutra funcionalidade nova, o seguimento personalizado. Mediante fórmulas matemáticas e gráficos conseguimos que os usuarios poidan saber e coñecer en todo intre a súa evolución, o seu progreso ou a súa posición en relación con outros.

Categorías: Ciencia

En marcha Setestrelo, a canle de divulgación científica do Consello da Cultura

códigocero - Lun, 07/06/2015 - 15:06

Galicia quere ciencia e desta demanda xorde directamente a nova canle en liña de divulgación científica presentada este luns en Raxoi polo Consello da Cultura Galega, que se suma ás xa existentes de audiovisual, literatura, música, arte e banda deseñada. “Desta demanda”, aclarou na cita cos medios a escritora e docente Marilar Aleixandre, “e da necesidade de fomentar vocacións investigadoras entre a nosa mocidade, especialmente entre as mulleres”. Segundo confirmou na cita Manuel Gago ao fío da orixe do proxecto, “constatouse a existencia dun público cada vez máis amplo que demanda na nosa terra contidos científicos, e isto é moi esperanzador”. A canle chámase Setestrelo, que é o nome en galego da constelación coñecida como Osa Maior, lembrou Aleixandre.
Detrás da web, que se visualiza a través de culturagalega.gal, atópase a Sección de Ciencia, Natureza e Sociedade do CCG, que achegará ao novo espazo en liña unha periodicidade cuadrimestral para os temas en profundidade e un ritmo “moito máis áxil” para a actualidade científica. Polo tanto, combinaranse textos xornalísticos sobre o tempo presente (ou o tempo pasado con conexións directas ao que acontece nos nosos días) con textos de investigadores galegos que explicarán en primeira persoa a súa experiencia e os seus proxectos.
Na presentación da iniciativa participaron Francisco Díaz-Fierros, vicepresidente do Consello da Cultura Galega, Marilar Aleixandre, membro da sección de Ciencia, Tecnoloxía e Sociedade, Manuel Gago, director de Culturagalega.gal e Iolanda Casal, xornalista especializada en divulgación científica. Esta última afondou nos contidos da primeira reportaxe que se subministra a a través da nova canle, que é un percorrido pormenorizado pola primeira visita na historia dun Premio Nóbel á nosa terra, máis polo miúdo Erwin Schrödinger, físico austríaco ao que tivemos a sorte de acoller (temporalmente) en 1934 e cuxa visita coincidiu casualmente co espertar de Galicia á investigación científica. “Foi un intre de efervescencia cultural e científica”, sinalou Casal, e ese espírito é o que se quere recuperar e transmitir para esta nova canle en liña do CCG. Segundo engadiu a investigadora, os piares da iniciativa son os seguintes: por unha banda fornecer xornalismo científico e, pola outra, abrir unha xanela ás achegas dos nosos científicos e ás súas investigacións.

Schrödinger impartindo a charla sobre mecánica ondulatoria na Universidade de Santiago de Compostela

Neste primeiro número, amais de Iolanda Casal, tamén participan Cibrán Santamarina, profesor do Departamento de Física de Partículas da USC; Patricia Conde, investigadora do Laboratório de Instrumentação e Física Experimental de Partículas de Lisboa; e Xabier Cid Vidal, investigador do CERN.
Na presentación tamén participou Manuel Gago, quen logo de falar dos porqués da posta en marcha da nova canle, abordou a metodoloxía a seguir. É dicir, o tratamento (“moi especial”, dixo) que se vai facer da información científica coa que se conte. Haberá, dixo, tres puntos de vista fundamentais. Primeiro os monográficos científicos, con conexións á nosa realidade na ciencia e a cuestións que estean arestora de actualidade. Serán achegas na liña da reportaxe sobre a visita de Erwin Schrödinger á nosa terra, que nesta sección concreta ten moito de modélica. Segundo explicou Gago, serán reportaxes moi traballadas e que buscarán tamén a resposta directa e a colaboración das lectoras e lectores. En segundo lugar, haberá actualidade científica, e en terceiro lugar, un libro electrónico para tabletas e móbiles que será o noso xeito de carretar a canle de divulgación da CCG a onde queiramos e cando queiramos.

Categorías: Ciencia

O corralito grego afecta aos pagamentos en liña

códigocero - Lun, 07/06/2015 - 14:06

Nos últimos meses estamos a ver como empresas como Apple toma medidas drásticas ante incertezas económicas internacionais, como bloqueando as compras en liña dende Rusia cando a moeda local muda de valor a grande velocidade, e agora este tipo de prácticas afecta a Gracia, de xeito que durante a pasada fin de semana detectouse que non é posible realizar compras en iTunes con tarxetas bancarias gregas ou realizar pagamentos a través de PayPal, o que é un grande problema para moitos usuarios que teñen que renovar servizos en liña, e que poden chegar a perder os seu datos almacenados na nube no caso de non realizar o correspondente pagamento.
Pero desta volta non parecen ser Apple ou PayPal os que pecharon a porta a Grecia, senón que sería a política local relativa ao control de capitais (o chamado vulgarmente como corralito) a que impediría utilizar sistemas de pagamento en liña para evitar que se convertan nun método moi doado de fuxida de capitais.

Categorías: Ciencia

Instagram mellora a resolución das súas fotografías

códigocero - Lun, 07/06/2015 - 13:35
As últimas fotografías subidas a Instagram presentan unha resolución de 1.080 x 1.080 píxeles en vez dos pobres 640 x 640 píxeles habituais

Actualmente o servizo máis popular á hora de compartir imaxes a través do móbil é, sen dúbida, Instagram, plataforma que incluso supera a Twitter en número de usuarios activos incluso en España, e que historicamente destacaba por ser o equivalente modernos das vellas fotografías Polaroid, cun formato cadrado e cunha calidade bastante reducida, xa que a resolución coa que traballa a plataforma é de 640 x 640 píxeles, o que parecía máis que suficiente para a pantalla do smartphone, pero que paulatinamente foi véndose como bastante pobre, xa que fixéronse normais tanto terminais con pantallas de grande tamaño como de grande densidade de píxeles.
Finalmente parece que Instagram está a tomar medidas para atallar a súa principal eiva, e así dende o pasado venres están a detectar que o servizo almacena as imaxes no seu sistema a unha resolución de 1.080 x 1.080 píxeles, aínda que continúa a amosalas ao seu tamaño habitual, pero cando accedemos a unha das súas imaxes dende un navegador de escritorio, podemos consultar o ficheiro orixinal e vemos que a resolución das imaxes é maior que a presentada en pantalla, o que fará que nos smartphones modernos as fotografías de Instagram poidan lucir ben, cun nivel de detalle máis digno do que tiñan até o momento.
Polo momento parece que esta nova práctica está dispoñible para os usuarios das aplicacións oficiais para iOS e Android, aínda que a compañía non publicou ningún comunicado dando conta da mellora de calidade das súas imaxes.

Categorías: Ciencia

O vindeiro mércores bota a andar Movistar+

códigocero - Lun, 07/06/2015 - 13:06

Telefónica anunciou hoxe Movistar+, a oferta de televisión froito da integración de Movistar TV e Canal+, que trasladarase automaticamente, e sen custo adicional, a partir do vindeiro mércores 8 de xullo a todos os clientes de Canal+ e aos de Movistar que teñan Fusión TV para Todos, e de xeito gradual trasladarase ao resto de clientes de Movistar TV, tanto se están dentro coma se se encontran fose de Movistar Fusión TV. En total, 3,6 millóns de clientes poderán acceder á nova oferta de Movistar+.
Os usuarios de Movistar que teñen na actualidade contratada a oferta converxente Fusión, incluída a TV, sumarán coa integración de Canal+ os mellores deportes en directo, todas as series de estrea, moitas en exclusiva, xunto coas series de culto; as estreas de Hollywood; os touros de Canal+; o propio Canal+ e un catálogo con máis de 5.000 títulos; e funcionalidades únicas e innovadoras como gravacións na nube, visualización dos contidos favoritos dos últimos 7 días, a aplicación Yomvi multidispositivo. E todo iso con toda a potencia dunha compañía de telecomunicacións como Telefónica, e a conectividade fixa (300 Mbps) e móbil (4G) máis potentes e con maior cobertura do mercado. Pola súa banda, os actuais clientes de Canal+ incorporarán á súa oferta novos contidos e canles como a Fórmula 1 e Moto GP ou as series de Movistar series.

A oferta comercial de Movistar+

O paquete básico de Movistar+ pódese contratar por 20 euros ao mes e inclúe máis de 80 canles de televisión, un catálogo con 5.000 títulos de cine, series, documentais e contido Infantil, así como Canal+.
A esta oferta básica, o cliente poderá engadir
- todas as series de Canal+ Series e Canal+ Series Xtra, con todos os contidos de Movistar Series e Canal+ Series (Juego de Tronos, Versalles, Orange is the new black, Better call Saul), por tan só 5 euros máis ao mes.
- todo o cine, con Canal+ Estrenos (Big Hero 6, The imitation game, Cómo entrenar a tu dragon 2) e cinco canles temáticas co mellor cine e os contidos máis exclusivos, por 9 euros adicionais mensuais.
- todos os deportes, dispostos nas canles Movistar F1, Movistar MotoGP, Canal+ Deportes, Canal+ Deportes2 e Canal+ Golf, por 20 euros mensuais. Entre as próximas citas, o final de Wimbledon, os grandes premios de Alemaña en Moto GP ou Hungría en F1, The Open)
- Ademais, a posibilidade de adquirir canles á carta como Canal+ Toros, Caza e Pesca, Mezzo e Classica.
Ademais, créanse opcións e paquetes adicionais Premium, Premium Extra e Premium Total. O primeiro permitirá sumar ao paquete básico as opcións de deportes, cine e series. Premium Extra, incluirá tamén as posibilidades de deportes, cine e series, ademais de canles á carta como Caza e Pesca, Mezzo ou Classica. E Premium Total, que incorporará todo o que teñen as dúas opcións anteriores, ademais de Canal+ Toros. As tres opcións Premium contarán sen custo co servizo de ""último sete días"", para poder ver os contidos da última semana.

Movistar+, novas canles

No novo dial os contidos ordénanse por xéneros, e estrutúranse en novas canles. Así, no paquete básico, xunto a máis de 80 canles, chega un novo Canal+, unha canle que nace para converterse no mellor xeito de descubrir a ampla proposta de Movistar+. Tamén no básico, dispoñible para 3,6 millóns de clientes, inclúese o servizo Yomvi para acceder aos contidos dende calquera lugar e dispositivo, e o gravador na nube.
Por xéneros, nace Canal+ Estrenos para os amantes do cine cos títulos máis recentes; refórzase a aposta polas series co novo Canal+ Series, que incorpora a todo o seu catálogo os títulos de Movistar Series; xorde Canal+ Series Xtra para estrear aínda máis series; crece a oferta cun amplo catálogo de canles temáticas arredor do cine (Cana+ DCine, Canal+ Comedia, Canal+ Acción, DCine Español), cos contidos máis exclusivos da televisión Premium (Canal+ Xtra); e por suposto co mellor deporte (Movistar F1, Movistar MotoGP, Canal+ Deportes, Canal+ Deportes2, Canal+ Golf).
- Canal+ ofrecerá a partir do 8 de xullo un informativo diario de deportes, produción propia como Informe Robinson, Iñaki, Reportaxes Jon Sistiaga ou Ilustres Ignorantes, ou documentais de prestixio (selo BBC Earth, Informe Blatter, Básicos NBA+). Deste xeito, a canle, que tamén emitirá programas especiais arredor de grandes eventos deportivos (Fórmula 1, MotoGP, Grand Slam de tenis, majors de golf, amigables de verán) convértese no mellor escaparate da oferta Movistar+.
- Canal+ Series e Canal+ Series Xtra. Todas as series de tendencia, cos contidos de Movistar Series e Canal+ Series, están en Movistar+. Ray Donovan, Masters of sex, True detective, Madame secretary, Penny Dreadful, Transparent, The affair, Better call Saul, Rede band society, Ballers, The brink, Juego de Tronos, Mad Men, Mozart in the jungle, Versalles, Gotham, Orange is the new black, Borgen, The missing, Braquo ou Episodes serán algúns dos títulos dispoñibles.
- Canal+ Estrenos. Todo o cine de estrea, dende os taquillazos de Hollywood ata as mellores fitas independentes: Big Hero 6, The imitation game, Cómo adestrar o teu dragón 2, REC 4, Trash, ladróns de esperanza. Ademais, as canles temáticas como Canal+ DCine, Canal+ Comedia, Canal+ Acción, DCine Español e Canal+ Xtra.
- 100% Deporte. As canles deportivas de Movistar+ incluirán citas como os grandes premios de Moto GP e Fórmula 1, todo o golf do mundo (incluído os majors), grandes de tenis como Wimbledon e os Masters 1000, a NBA, a Euroliga de baloncesto, torneos internacionais de rugby (incluído o 6 Nación), atletismo (Diamond League), WRC, deporte americano (NFL, NHL, MLB) ou liga Asobal de balonmán. Nas canles Movistar F1, Movistar MotoGP, Canal+ Deportes, Canal+ Deportes2 e Canal+ Golf.
- Yomvi é o mellor xeito de gozar de todos os contidos de Movistar+, cun catálogo de máis de 5.000 títulos para gozar onde e cando queiran contidos de cine e series: Os Soprano, El Ala Oeste da Casa Blanca, True Blood, Mad Men, Sherlock, a saga Crespúsculo, Valquiria, Buenas Noches y Buena Suerte, Reservoir Dogs, Los mercenarios, Pocoyó, o servizo Disney Pop Pick... Ademais, en función do paquete que teñan contratado, os clientes de Movistar+ incorporarán ao seu servizo Yomvi series e cine de estrea en vídeo baixo demanda con títulos como Juego de Tronos, True Detective, Orange is the new black, Versalles, Big hero 6, The imitation game, Cómo entrenar a tu dragón, REC4, así como todos os títulos dispoñibles en taquilla, os eventos deportivos en directo (Wimbledon, The Open, MotoGP Alemaña, Fórmula 1 Hungría, etc) e a emisión en lineal de todas as canles contratadas que inclúe como novidade as canles xeralistas.

Categorías: Ciencia

As exclusivas poderían ser o elemento decisivo para o éxito das plataformas de vídeo baixo demanda

códigocero - Lun, 07/06/2015 - 12:29

A nova de que Netflix chegará a España no mes de outubro daba a entender que iamos vivir unha revolución da oferta audiovisual a través de streaming no noso territorio, pero a reacción dos competidores parecer ser bastante tibia, e as limitacións neste ámbito parece que van continuar a medio prazo se atendemos a unha nova entrada do blog dun dos principais actores do sector, Wuaki.tv, na que dan a benvida a Netflix dando a entender que a súa oferta xa está á altura da do xigante norteamericano, e salientando que os contidos en exclusiva serán o factor diferencial entre as distintas plataformas.
Dende Wuaki.tv consideran que a chegada de Netflix fará que moita máis xente descubra os novos xeitos de consumir contidos de pagamento a través da Internet, detallan que o seu catálogo actual é practicamente idéntico ao que Netflix ten en Francia ou Alemaña, e salientan que Wuaki.tv ten unha oferta aínda mellor por contar con estreas de cine en aluguer por 3,99 euros (que non están dispoñibles no catálogo de Netflix nos países nos que opera) e conta xa con series exclusivas como Peaky Blinders e The Game, así como os dereitos de series estrelas como House of Cards, unha das estrelas de Netflix nos EE.UU. pero da que carecerá no seu lanzamento español (situación realmente paradoxal).
Lembremos que o peso das exclusivas son en moitos outros escenarios os que deciden as plataformas imperantes, como por exemplo, no mundo dos videoxogos, nos que os usuarios contan coa grande masa de títulos para as principais plataformas, pero optar por unha consola ou outra en función dos xogos dos que só poden gozar nunha máquina en concreto.
Dende Wuaki.tv tamén enchen o peito para dicir que o seu proxecto emprendedor naceu en España, e que rematará o ano con presencia en 11 países europeos, converténdose no meirande servizo de vídeo por Internet en Europa (aínda que este crecemento é posible principalmente grazas á adquisición do servizo por parte de Rakuten).

Categorías: Ciencia

Amazon celebrará o seu 20º aniversario con grandes rebaixas

códigocero - Lun, 07/06/2015 - 11:25

Antes das temporadas de maior volume de vendas é habitual que os establecementos comerciais realicen rebaixas para dinamizar as vendas, e ao igual que antes do Nadal é xa tradición celebrar o Black Friday (especialmente na Internet), antes da volta ao cole temos normalmente rebaixas de verán, que no caso de Amazon queren que sexan moi especiais, e aproveitan que están a cumprir 20 anos para celebrar o seu Premium Day, un evento global que se celebrará o vindeiro día 15 en EE.UU., Reino Unido, Xapón, Italia, Alemaña, Francia, Canadá, Austria e España.
Este día completo de compras en liña promete ter máis ofertas que o Black Friday, pero en exclusiva para os membros do programa Amazon Premium, que serán os que poderán acceder ás ofertas en produtos de Electrónica, Informática, Deportes, Fogar, Videoxogos, Xoguetes e moito máis, combinándose Ofertas do Día con Ofertas Flash, de xeito que unhas estarán dispoñibles todo o día e as outras iranse renovando cada 10 minutos, facendo que os usuarios estean pendentes do que pode dar de si esta xornada de promocións que pretende ser un incentivo para contratar Amazon Premium, programa que permite recibir sen custo adicional máis dun millóns de produtos nun prazo de dende 1 día laborable e sen compra mínima e que actualmente ten un prezo anual de 19,95 euros/ano.


Vídeo promocional do Premium Day de Amazon

Categorías: Ciencia

Tyco Alert permite controlar o fogar ou negocio que fiquen baleiros nas vacacións

códigocero - Lun, 07/06/2015 - 11:22

A empresa Tyco, multinacional centrada en solucións de seguridade e protección contra incendios, está a presentar estes días un desenvolvemento tecnolóxico que semella indicado para quen estea a piques de liscar de vacacións e desexe ter ao alcance da man (no seu dispositivo) unha ferramenta que achegue protección para o fogar agora baleiro. Trátase de Tyco Alert, e preséntase como “unha app que axuda a reforzar a seguridade do fogar e os negocios e que permite vixiar todo o que está a acontecer na casa ou na oficina dende calquera intre e lugar”. Está dispoñíbel para Android, e en datas vindeiras tamén para iOS na App Store.
En realidade Tyco Alert consiste nun sistema de alarma que se por algo se diferenza dos que xa coñecemos é porque boa parte do seu funcionamento artéllase a través do móbil, co que se engade un extra de comodidade e facilidade de uso. Permite, entre outras cousas, acceder a toda a rede de seguridade e control do fogar ou negocio cun só clic, achegando xestión remota do dito sistema até se nos atopamos fóra da casa ou empresa, podendo conectalo ou conectalo total ou parcialmente.
Ademais, teremos a opción de recibir no dispositivo ou tableta imaxes en tempo real do inmóbel que queiramos protexer e controlar deste xeito o que pasa dentro en cada intre. A maiores, a aplicación fornece informes da actividade do fogar ou negocio, incluíndo recibos de avisos para coñecer as entradas e saídas de xente, o que resulta moi acaido, sinalan os creadores da aplicación, para “controlar a chegada dos fillos ou os movementos do persoal”.
Por último, subminístranse alarmas para coñecer o estado xeral do sistema, avisándonos en caso de incidencias técnicas e a achegando a posibilidade de verificar o estado dos dispositivos da rede.

Categorías: Ciencia

A web de AMTEGA incorpórase ao dominio galego

códigocero - Lun, 07/06/2015 - 10:45

A Xunta anunciou esta fin de semana o inicio do proceso de migración dos portais autonómicos ao dominio .gal, proceso que arranca coa incorporación ao dominio galego da web da Axencia para a Modernización Tecnolóxica de Galicia, AMTEGA. Con este plan, a Xunta dá cumprimento ao Decreto aprobado o pasado 13 de maio,que regula a organización da presenza en internet da Administración xeral e do sector público autonómico de Galicia. Segundo informa AMTEGA, arestora son 208 os portais que integran o catálogo da Xunta e o plan prevé que un terzo dos mesmos tiren proveito do dominio galego ao remate deste ano.
O proceso rematará ao longo de 2016, “ano no que se migrarán tamén as contas de correo corporativo”. Lembrar que no 25 de xullo do ano pasado, a Administración autonómica integrouse no .gal coa activación de nove dominios na Rede, aos que se foron sumando logo a Libraría Institucional de Galicia libraria.xunta.gal; a do Museo das Peregrinacións e de Santiago museoperegrinacions.xunta.gal; a da Estación de Viticultura e Enoloxía de Galicia evega.xunta.gal ou o recentemente renovado portal Eido Local, www.eidolocal.gal e o portal de Museos de Galicia museos.xunta.gal.

Categorías: Ciencia

O Clúster TIC presenta na asemblea o seu marco de referencia para o medre do sector

códigocero - Lun, 07/06/2015 - 10:39

O Clúster TIC Galicia celebrou o 30 de xuño a súa asemblea xeral ordinaria, cita anual que lle serve á plataforma empresarial galega de reconto dos froitos recentes acadados e, tamén, de alicerce para a folla de ruta futura. A xuntanza, que segundo informa Clúster saldouse cunha “ampla participación dos socios” e cunha “ratificación por unidade de todos os puntos da orde do día”, complementouse cunha charla sobre Compra Pública Innovadora (CPI). Como dixemos, na asemblea propiamente dita deuse conta do traballo feito até o de agora. Ao fío disto, informouse que a situación económica tivo un resultado de superávit, o que vai permitir ao Clúster “desenvolver máis proxectos até final de ano”.
Na xuntanza os socios aprobaron por unanimidade a continuidade de accións nas que se potencie o empresariado TIC ampliando a carteira de proxectos colaborativos e abrindo posibilidades de negocio en mercados internacionais. Segundo informou o Clúster, todas estas accións deben enmarcarse no Decálogo de medidas estratéxicas, un documento que se está a elaborar coas achegas dos integrantes da plataforma e que “será a referencia para planificación das actividades do Clúster”. As medidas recollidas no decálogo enmarcan o traballo da entidade coas diferentes axencias e institucións con competencias en TIC. Abranguen, entre outras cousas, a celebración dun congreso tecnolóxico-dixital e dun pulo ás actividades de divulgación científica e tecnolóxica nos ámbitos docentes da nosa terra. O titular de cada unha das medidas é o seguinte:
· Medida 1: Definición lexislativa dos Clústeres
· Medida 2: Plan de promoción da creación do plan de procesos e sistemas sectoriais
· Medida 3: ReaccionaTIC
· Medida 4: Simplificación de normativas
· Medida 5: Especialización
· Medida 6: Consultas previas sobre Compra Pública Innovadora (CPI)
· Medida 7: Introdución máis intensiva da ciencia e a tecnoloxía nas aulas, na FP e nas empresas
· Medida 8: Apoio a start-ups
· Medida 9: Modelo Produtor – Exportador
· Medida 10: Ampliación do perímetro de actuación do Clúster TIC
· Medida 11: Congreso Tecnolóxico TIC de Galicia

Categorías: Ciencia

Vilagarcía presenta unha cita TIC para a mocidade de 16 a 35 anos: Tecnoverán

códigocero - Lun, 07/06/2015 - 09:56
Presentación de Tecnoverán nunha imaxe publicada por El Faro de Vigo

O Concello de Vilagarcía presentou a semana unha actividade para mozas e mozos de entre 16 e 35 anos dirixida a ampliar os seus coñecementos tecnolóxico-dixitais ao tempo que intercambian información e comunicación con outras mozas e mozos nun ambiente de lecer propio destas datas. Trátase de Tecnoverán, unha quedada estival organizada polo Centro de Formación de Matosinhos (Vilagarcía) entre os días 13 e 17 de xullo. Na actividade darase acubillo a dúas ducias de rapaces. Segundo informa o Concello, os interesados poden aínda inscribirse a través da Concellería de Xuventude. A participación é de balde e o horario do curso, de 10 a 14 horas, do luns 13 ao venres 15.
A actividade foi presentada o pasado 3 de xullo por Sonia Outón, concelleira de Xuventude, que lembrou que Tecnoverán forma parte dun programa máis amplo, Emprende VGA, que se vén desenvolvendo entre maio e xuño, pero abrangue máis accións formativas e colaborativas. En palabras da responsábel de Xuventude, estamos ante “unha oportunidade única para pasar uns días distintos neste inicio de verán”. Segundo fixo saber, os rapaces que participen terán a oportunidade de aprender cuestións básicas de deseño e desenvolvemento de aplicacións e mesmo de robótica e até poderán gozar dun concurso de deseño de empresas de base tecnolóxica.
Na presentación participaron tamén Yolanda Baños, socia do coworking DaqueQDalle, dende o que se puxo en marcha o proxecto Emprende VGA, e Diego Parajó, impulsor, xunto con Jorge Lafuente, do proxecto Anakin co que ambos pretenden levar adiante proxectos de innovación tecnolóxica na comarca. Sonia Outón rematou a súa intervención salientando a súa arela de continuar apostando pola formación e o fomento do espírito emprendedor, xa que, engadiu, “estamos convencidos de que fomentar o talento local é o mellor investimento que pode facer este e calquera outro goberno".

Categorías: Ciencia

El aire caliente que desprende un ordenador puede revelar información

Investigación y Ciencia - Lun, 07/06/2015 - 00:00

Un nuevo malware permite extraer datos de computadoras desconectadas de Internet.

Categorías: Ciencia

Pluto spacecraft temporarily loses contact with Earth

Nature - Dom, 07/05/2015 - 15:14

NASA works to recover probe less than 10 days before it reaches the dwarf planet.

Nature News doi: 10.1038/nature.2015.17919

Categorías: Ciencia

The Room organiza varias actividades formativas no verán sobre ilustración gráfica e videoxogos

códigocero - Ven, 07/03/2015 - 20:29

A escola creativa The Room da Coruña (concretamente na Aula Cromática sita no Paseo das Pontes 2, 1º derecha) está a ofrecer unha serie de cursos intensivos de grande interese durante as vindeiras semanas, nos que a ilustración por ordenador e o desenvolvemento de videoxogos cobran un grande peso.
O vindeiro luns, e até o 29 de xullo desenvolverase os luns e mércores de 19:00 a 21:00 horas un curso de Photoshop Intensivo, que pretende achegar as ferramentas para aprender a manexar a popular solución de retoque e edición fotográfica de Adobe en só 16 horas e que será impartido polo ilustrador Bernal Prieto.
O martes, e até o xoves 30 de xullo, celebrarase os martes e xoves de 19:00 a 21:00 horas o curso Ilustrando Videoxogos 2D, no que o ilustrador Jorge Peral (quen actualmente traballa no desenvolvemento do xogo Cain de Gazpacho Games), abordará o proceso de creación de sprites en pixel art, indo dende a arte conceptual até o gráficos finais e as súas animacións.
O sábado 11 de xullo Iñaqui Quenerapú encargarase de impartir de 10:30 a 14:00 unha clase mestra titulada Crea o teu portafolio dixital na que explicará a ilustradores, debuxantes, fotógrafos ou deseñadores gráficos como realizar un portafolio dixital de seu para amosar o seu traballo na Internet.
O sábado 18 de xullo, de 11:00 a 14:30 horas, Miguel Robledo impartirá a clase mestra Ilustración e Cor Dixital, na que explicará distintos xeitos de traballo para abordar o proceso de coloreado dixital en Photoshop.
Os martes e xoves entre o 4 e o 27 de agosto Víctor Fernández (Gazpacho Games) será o encargado do curso Deseño de mecánicas de videoxogos, no que introducirá na disciplina do Game Design, expondo os fundamentos básicos do deseño de videoxogos, como a formulación de dinámicas, como facer que sexa divertido e incluso as ferramentas e procedementos para crear un xogo de calidade.

Categorías: Ciencia

O vindeiro día 8 podería ver a luz Movistar+ TV, resultado da absorción de Canal+

códigocero - Ven, 07/03/2015 - 19:03

Tras a adquisición de Canal+ por parte de Telefónica, estaba pendente a reestruturación da oferta audiovisual de Movistar, que segundo información publica por Mundoplus.tv, materializaríase o vindeiro día 8 como Movistar+, contando con paquetes con prezos de entre 5 e 80 euros, e que estarían dispoñibles por satélite, fibra e ADSL, aínda que é posible que certas canles non poidan ofrecerse inicialmente vía satélite.
A opción básica de Movistar+ TV contaría con canles xeralistas (La1, La2, Antena 3, Cuatro, Telecinco e laSexta), deportivas (Teledeporte), musicais (MTV e Sol Música), de estilo de vida (Canal Cocina e Decasa), infantís (BabyTV, Disney Channel, Disney Junior, Disney XD, Nick Jr, Nickelodeon e Panda) e de lecer (AXN, AXN White, Calle13, Comedy Central, Cosmo, FOX, Fox Life, SyFy, TNT, MTV e TCM).
Con Movistar+ TV Deportes incluiríanse Canal+ F1, Canal+ MotoGP, Canal+ Deportes, Canal+ Deportes 2 e Canal+ Golf por 20 euros (a maiores da opción de Fusión contratada). Na mesma liña estaría Movistar+ TV Fútbol, que por 25 euros incluiría Canal+ Liga, Canal+ Liga 2, Canal+ Partidazo e Canal+ Fútbol.
Máis modestas serán a opción Movistar+ TV Cine, coas canles de cine da marca Canal+ por 9 euros e que incluiría o novo Canal+ Estrenos xunto con Canal+ DCine, Canal+ Acción, Canal+ Comedia, Canal+ Xtra e Canal+ DCine Español; e tamén a opción Movistar+ TV Series, que por só 5 euros/mes incluirá Canal+ Series, Canal+ Series Xtra e o servizo de vídeo baixo demanda de series de Movistar.
Aparte tamén haberá tres paquetes Premium, que incluirán as opcións temáticas, así como servizos e canles de pagamento dentro da súa oferta, e que serían Movistar+ TV Premium, cun prezo de 50 euros, Movistar+ TV Premium Total por 65 euros e, finalmente, Movistar+ TV Premium Plus Total, que chegaría até os 80 euros e incluiría canles como Canal+ Toros.

Categorías: Ciencia

TELGalicia presenta unha aplicación que fai realidade as clases 3.0

códigocero - Ven, 07/03/2015 - 18:23

Hoxe celebrouse finalmente a xornada sobre recursos docentes abertos de TELGalicia que avanzamos dende Código Cero os días pasados e o encontro serviu, entre outras cousas, para dar a coñecer un destes recursos: unha aplicación para facilitar a mestras e mestres de Primaria e Secundaria a dixitalización do seu traballo diario nas aulas. En palabras dos seus responsábeis e tal e como reflicte a UVigo, trátase dunha ferramenta “para facer realidade as clases 3.0”. A rede TELGalicia, integrada por dez grupos de investigación das tres universidades galegas, o CESGA e Gradiant, celebrou a súa xornada (a oitava xa) na Escola de Enxeñaría de Telecomunicación. O encontro contou coa presenza de integrantes da rede tamén coa participación de especialistas internacionais en recursos educativos abertos, entre eles Ignasi Labastida, referencia en Creative Commons e no movemento aberto en España.
A aplicación presentada, dada a coñecer con vistas ao vindeiro cursos, é a plataforma Edu-AREA, unha aplicación para dispositivos móbiles Android acabada de publicar no Google Play e que xa está dispoñíbel para libre descarga. A ferramenta, deseñada polos investigadores de TELGalicia, permite que os mestres poidan acceder aos cursos habilitados na web de Edu-AREA a través das súas tabletas ou teléfonos móbiles, seguir os plans e facer trocos nos mesmos, introducindo novas actividades, rexistrar observacións, e subir fotos, vídeos ou outro tipo de ficheiros. En definitiva, fíxose saber na presentación, a través desta plataforma, “un profesor pode facer cousas como seguir durante a aula o seu plan de clase actividade a actividade vendo os recursos e as orientacións que preparou e, cando o considere oportuno, facer unha foto ou gravar un vídeo para recoller algo que lle chama a atención”. Por certo que Edu-AREA achega operatividade aínda que o dispositivo non conte con conexión a Internet, o que o fai moi axeitada para abranguer tamén actividades ao aire libre. A aplicación dispón tamén dunha funcionalidade para a localización e esluído de facianas nas fotografías. Isto posibilita manter o anonimato dos nenos ou adolescentes “e manter así coas normas de moitos centros de ensino non universitario”.

Categorías: Ciencia

Imatia cumpre dez anos no desenvolvemento avanzado de software

códigocero - Ven, 07/03/2015 - 17:54

Hai dez anos vía a luz unha proposta do docente e investigador do Departamento de Enxeñaría de Sistemas de Automática Fernando Vázquez, trátase de Imatia, a segunda spin-off da Universidade de Vigo. Centrada no desenvolvemento avanzado e rápido de software (con preto de 60 persoas empregadas), a empresa festexaba este mediodía nas súas instalacións de CITEXVI os seus primeiros dez anos de vida.
Especializada na creación de tecnoloxías para o deseño de programas que achegan solucións a medida para sectores industriais e administracións públicas, Imatia tamén leva a cabo un importante labor como socio tecnolóxico ou departamento externo de Investigación e Desenvolvemento (I+D), permitindo a moitas empresas delegar estas cuestións para centrarse nas necesidades da súa clientela. A creación de oportunidades profesionais para os e as tituladas universitarias galegos é outro dos aspectos salientados do proxecto desenvolvido por Imatia.
Volvendo ao acto conmemorativo de hoxe, Fernando Vázquez fixo saber perante empregados, clientes e investigadores que “traballando cóbado con cóbado coa Universidade demostramos que unha empresa pode saír dunha institución académica, que pode ser motor de innovación e xeración de emprego”. O director de Imatia tamén afondou nos atrancos sufridos nunha época de crise, que malia todo “nos fixo máis fortes e maduros”, asegurou, animando á comunidade universitaria a emprender, tal e como el fixo hai agora unha década.

Categorías: Ciencia

How BP’s $18.7-billion oil-spill settlement could help the Gulf of Mexico

Nature - Ven, 07/03/2015 - 17:16

Marine scientist Don Boesch on the fight to restore ecosystems damaged by the Deepwater Horizon disaster.

Nature News doi: 10.1038/nature.2015.17911

Categorías: Ciencia

Páxinas

Subscribirse a IGACIENCIA agregador - Ciencia