Ciencia en Galego

O día da Ciencia en Galego 2016 no Parlamento Galego

Igaciencia estivo presente na conferencia sobre Gallástegui, homenaxeado no día da Ciencia en Galego, realizada no Parlamento de Galicia. E é o momento de agradecer a todos aqueles que participan neste día, fundamentalmente desde os centros educativos galegos. Queremos responder ás "Moitas, moitas grazas" de Eva e de moitos outros profesores e profesoras coas nosas Moitas, moitas grazas pola vosa participación. Que dure, que estamos aínda no mes da Ciencia en Galego.

Ciencia en Galego, Ciencia é Cultura

Para recibir material adicional do día da Ciencia en Galego feito por Igaciencia, inscríbete aquí mesmo.

Con isto conseguiredes unha pequena miniexposición do día da Ciencia en Galego. Contrapartida? Que tal se nos contades como saíron os experimentos, en cales gozaron máis, que dixeron dos carteis, que habería que mellorar, etc. e toda aquela información que nos queirades dar.

Conferencia de Ánxela Bugallo sobre Isidro Parga Pondal, organizada por Igaciencia

No IES Menéndez Pidal de Zalaeta, en A Coruña o 18-11, celebrouse unha conferencia de Ánxela Bugallo, profesora da Facultade de Formación do Profesorado da Coruña, organizada por Igaciencia, sobre Isidro Parga Pondal co motivo do dia (mes) da Ciencia en Galego. A conferencia, moi interesante, destacou a Isidro Parga Pondal como o modelo de galego ao que non hai barreiras impostas que lle impidan progresar, máis que os sufrimentos e represalias que sufreu (como vén sendo habitual).

Bota a andar a exposición "A ciencia e a Tecnoloxia da Luz" en Lugo

Quizais este vídeo da Fundación TIC de Lugo poda explicar algo de que vai a exposición. En realidade necesitaríanse varias horas...

https://www.youtube.com/watch?v=tQYhF_TeLv0

 

Inauguración da exposición "A Ciencia e a Tecnoloxía da Luz" no Museo Provincial de Lugo

O día 16 de novembro, luns, ás 20 horas inaugurarase a exposición "A Ciencia e a Tecnoloxía da Luz" no Museo Provincial de Lugo. Convidámosvos a participar nesta festa da Luz no Ano Internacional da Luz á primeira visita guiada en Lugo. Pero desde o día 14 xa se pode visitar.

Unha lección de clase que me molou máis que ningunha outra

Un alumno  do  CEIP López Ferreiro definiu así a súa visita á Exposición " A Ciencia e a Tecnoloxía da Luz" na Galería Sargadelos de Santiago. En conclusión, a exposición non só é que sexa abraiante, completa, e integradora de diversos tipos de tecnoloxías, medios e recursos. Senón que ademáis, mola. E mola máis que ningunha outra lección de clase.

https://dicoruna.es/dicoruna-noticia/servlet/Noticias?accion=2&ver=19&ni...

Carteis actividades outono

Algúns carteis de actividades de novembro de Igaciencia

 

 

 

Páxinas

Subscribirse a RSS - Ciencia en Galego