Igaciencia - A prol da Ciencia Galega e do Galego na Ciencia

Conferencia de Cibrán Santamarina en Lugo

admin — Tue, 16 Dec 2025 15:13:01 +0000

Conferencia de Cibrán Santamarina en Lugo admin Mar, 12/16/2025 - 15:13

Entrega de premios do Concurso de Vídeos Científicos

admin — Thu, 11 Dec 2025 10:31:52 +0000

Entrega de premios do Concurso de Vídeos Científicos admin Xov, 12/11/2025 - 10:31

Hall of fame do XVI Concurso de Robótica Galego e V dos Drons

admin — Sat, 22 Nov 2025 17:53:39 +0000

Hall of fame do XVI Concurso de Robótica Galego e V dos Drons admin Sáb, 11/22/2025 - 17:53

Converxencias Arte e Ciencia 2026 na Coruña

admin — Sun, 26 Oct 2025 10:41:13 +0000

Converxencias Arte e Ciencia 2026 na Coruña admin Dom, 10/26/2025 - 10:41

Converxencias Arte e Ciencia 2026. Juan Gris

Unha viaxe polas obras de autores representativos de distintos movementos artísticos ao longo do tempo -desde a arte celta á arte dixital 3D-, deténdose especialmente no Cubismo e no proceso creativo de Juan Gris.

A exposición "Converxencias, arte e ciencia", organizada pola Institución Galega de Ciencia (IGACIENCIA) e o Servizo Municipal de Educación do Concello da Coruña, enmárcase dentro das actividades de difusión da ciencia e da cultura científica na sociedade, para mostrar as sinerxías e vínculos entre a arte e a ciencia, propiciar a comprensión do método científico, a resolución de problemas, o espírito crítico e o interese social pola ciencia e a innovación como base do progreso.

A quen vai dirixido?:

Alumnado de ESO, BACH e FP do Concello da Coruña e de toda Galicia.

Tamén existe a posibilidade de adaptar a sesión para a Escola de Arte e a Universidade da Coruña.

Prezo / Custo:

Gratuíto.

Obxecto:

O obxectivo fundamental dos talleres-exposición é ilustrar e profundar no diálogo entre a ciencia, a arte e a tecnoloxía, primando en todo momento a compoñente didáctica e divulgativa para achegarse ao público xeral e, especialmente, á mocidade. Trátase dunha proposta que propicia o tratamento STEAM nas aulas (ciencia, tecnoloxía, enxeñería, arte e matemáticas). Unha maneira de traballar a ciencia e a arte en proxectos conxuntos que impliquen ámbolos dous polos.

Na exposición preténdese explorar esa interacción dinámica das conexións entre a arte e a ciencia, para establecer visións integradas e integradoras, para iso selecciónanse obras e autores representativos de distintos movementos artísticos ao longo do tempo.

Nesta ocasión a viaxe iníciase na arte celta e céntrase especialmente en movementos artísticos dos últimos séculos para rematar con obras de arte dixital 3D, de Manuel Díaz Regueiro, recentemente expostas en 15 congresos internacionais.

A exposición implicitamente denota taller-exposición, coa seguinte estrutura:

ESTRUTURA E COMPOSICIÓN DA PROPOSTA PARA 2026

Cada grupo realizará as seguintes actividades:

- Anatomía do Cubismo: Arte, Ciencia e o Proceso Creativo de Juan Gris.

Relación entre o Cubismo e a teoría da relatividade. Juan Gris: O Algoritmo Cubista. Presentación animada sobre o uso das matemáticas e da cor no seu método compositivo.

-Parte expositiva

Paneis interpretativos que poñen de manifesto as conexións coa ciencia das distintas obras obxecto de análise.
Obras de arte dixital impresas en 3D de Manuel Díaz.

-Obradoiros

Para implementar a parte expositiva, en función das características do grupo, desenvolveranse algúns dos seguintes obradoiros:

Conxunto de actividades relacionadas coa simetría:
- Simetrías 2D (Libros de espellos, escritura de Leonardo, programa os 17 grupos de simetrías…)
- Simetrías 3d (poliedros, simetrías especulares, caleidoscopios poliédricos…)
Tramas e ilusións ópticas;
Espirais de Fibonacci;
Topoloxía. Cordas topolóxicas e banda de Möebius
Creando e interpretando mosaicos: xogo da Alhambra, tipo Escher, de Penrose.
Grupos. Dun poliedro ou dunha figura plana
Zome, Polidróns, Icosaedro áureo, Tensegridades, Xogos 3D…
Os poliedros na arte

Cando:

Dende o 26/01/2026 ata o 30/01/2026

• Visitas e talleres para os centros educativos de dúas horas de duración. Horarios:

o De 09:15 a 11:15

o De 10:45 a 12:45

o De 12:15 a 14:15

• Parte expositiva aberta ao público en xeral, en horario de 15:00 a 21:00 h.

Inscrición:

Realizarase a través do formulario que se atopa ao final desta entrada, dende o 9/12/2025 ata o 19/01/2026

• Prazo de inscrición para os centros educativos do Concello da Coruña (un grupo por centro): do 9/12/2025 (ás 10:00h) ao 12/12/2025 (ás 14:00h).

• Prazo de inscrición para os centros educativos doutros concellos (un grupo por centro): do 15/12/2025 (ás 10:00h) ao 19/12/2025 ás 14:00 h).

• No caso de que non se cubran todos os espazos, os centros de calquera concello poden inscribir un segundo grupo: do 12/01/2026 (ás 10:00h) ao 19/01/2026 (ás 14:00h).

CONTACTO:

Contacto:

IGACIENCIA

Inés Ben

secretaria@igaciencia.org

Servizo Municipal de Educación

Tel. 981 184 200 (ext. 10911). educacion@coruna.gal

Requisitos:

Preferiblemente grupos de ata 40/sesión.

Organizador:

IGACIENCIA http://www.igaciencia.eu

Programa financiado polo Concello da Coruña

Enderezo:

Centro Sociocultural Ágora. A Coruña

Inscrición: Faise nesta mesma entrada cubrindo o formulario.

Prégase que os centros da Coruña, se é posible, se inscriban na primeira hora para facilitar o acceso, se quedan ocos libres, a centros doutros concellos.

A orde de inscrición guiará o calendario que está aquí, consúltao antes de inscribirte. Máis información e detalles neste pdf.

Inscrición:

Realizarase a través do formulario que se atopa ao final desta entrada.

Prazo de inscrición para os centros educativos do concello da Coruña, un grupo por centro: desde o 9 (ás 10 h) ao 12 de decembro, (ás 14 h).

Prazo de inscrición para os centros educativos doutros concellos, un grupo por centro: do 15 (ás 10 h) ao 19 de decembro (ás 14 h)

De ter posibilidade, os centros de calquera municipio, poderán inscribir un segundo grupo do 12 (ás 10 h) de xaneiro, ao 19 de xaneiro (ás 14 h).

Taxonomía

Arte e Ciencia

Gañadores provisionais e definitivos do Concurso de Robótica e Drons 2025

admin — Fri, 17 Oct 2025 11:53:04 +0000

Gañadores provisionais e definitivos do Concurso de Robótica e Drons 2025 admin Ven, 10/17/2025 - 11:53

Concurso Galego de Vídeos Científicos (incluíndo Novos Poliedros)

admin — Sat, 27 Sep 2025 18:35:12 +0000

Concurso Galego de Vídeos Científicos (incluíndo Novos Poliedros) admin Sáb, 09/27/2025 - 18:35

Entrega de Premios o día 10 de decembro ás 11 horas, na Rúa de San Roque, 2, 15704 Santiago de Compostela

Prazo de inscrición: 3o de novembro. Sen inscribirse non se admiten vídeos.

Ideas eixe:

Obxectivo: Fomentar a creatividade dos centros educativos para achegar a ciencia a través do audiovisual.

Que promovemos: Iniciativas que espertan a curiosidade científica e as habilidades comunicativas do alumnado en lingua galega.

A nosa filosofía: #CienciaParaTodos. Non buscamos só excelencia, senón ofrecer apoio e valorar o esforzo de todos os participantes. O Obxectivo final é que o logro compartido sirva de inspiración e axuda para outros rapaces e rapazas, impulsando a aprendizaxe entre iguais.

Ciclo virtuoso do proxecto: aprender → crear → compartir → inspirar.

Un dos concursos que propuxemos o ano pasado foi o de Vídeos científicos sobre Astronomía, https://igaciencia.eu/gl/node/439. Nesa ligazón podedes ver propostas que vos poden dar ideas e servir de modelo sobre o tipo de experimentos e vídeos científicos que esperamos recibir (agás os que xa se fixeron na convocatoria dese ano).

En canto á temática, ademais de Astronomía, vale calquera vídeo sobre un tema científico que visualice un experimento coa correspondente explicación. Debe estar feito en galego. Lembramos que podedes tamén extraer ideas doutros concursos que temos promovido: Sensores e App Inventor. Para ampliar información pulsade Sensores e Inventa en galego no Menú.

Se queredes abordar un tema determinado, se podemos, intentaremos facilitarvos exemplos da bibliografía que coñecemos.

Todos estes experimentos deben ter por resultado un vídeo en galego, feito polo alumnado e profesorado e ser enviado antes do día 1 de decembro, xa que a entrega de premios farase en San Roque, en Santiago, sobre o día 10 de decembro.

Non esquezamos que levamos varios anos realizando un concurso de construción de Novos Poliedros. Esa temática tamén está incluída neste concurso. Os vídeos deben mostrar a construción e os problemas a resolver para realizala. Neste caso, os poliedros deben ser os propostos para este ano, que figuran a continuación. Nos poliedros, ademais de facelos, valorarase que expliquedes porque non son regulares, nin arquimedianos , nin de Catalán, nin uniformes, nin de Johnson, pero por que son case, case,... Non cómpre que teñan cor. E puntuarase o nome que lle asignedes en galego, sempre que describa o poliedro. Unha vez seleccionado o poliedro, podemos aportar os polígonos que os forman en STL, ou o listado dos vértices, se o necesitades.

Os tres poliedros elixidos, non pertencen á "aristocracia" dos poliedros pero son belos e ademais teñen unhas características que os fan "próximos".

n=142 CPI Cabo da Area de Laxe

Foto1 Foto2 Foto3

n=140 IES Menéndez Pidal da Coruña

ppt PDF obras

n=414

Vídeos científicos: A relatividade, do IESp Eusebio da Guarda, A Coruña

O efecto Invernadoiro, do CPI VIRXE DO MONTE, Cospeito

Somos materia de Estrelas CPI Plurilingüe de Castroverde

Premios, en total: 5 premios de 200 euros e libros. Só un premio por centro. Os vídeos deberán vir acompañados da autorización correspondente para, no caso de ser premiados, subilos ao youtube de Igaciencia.

Taxonomía

Ciencia en Galego

Poliedros

Vídeos

Conferencia do Dr. Cibrán Santamarina sobre "125 anos de Física Cuántica" en Lugo o día 5 de decembro

admin — Sat, 27 Sep 2025 18:24:01 +0000

Conferencia do Dr. Cibrán Santamarina sobre "125 anos de Física Cuántica" en Lugo o día 5 de decembro admin Sáb, 09/27/2025 - 18:24

Convidamos aos centros educativos que o desexen a acudir á Conferencia (agora En Youtube)

125 anos de Física Cuántica

Impartida polo Dr. Cibrán Santamarina Ríos

Director do Departamento de Física de Partículas
Instituto Galego de Física de Altas Enerxías (IGFAE).

Facultade de Física. Univ. de Santiago de Compostela

Data: día 5 de decembro de 2025, ás 12 horas.

Lugar: Salón de Actos da Deputación Provincial de Lugo.

Inscrición: como o aforo está limitado a 160 persoas, para participar debes inscribir un grupo clase no formulario que se engade ao final. Pecharemos a inscrición cando se cubran as prazas.

Relación de centros inscritos, ata o momento: Colexio Fingoi, IES Xoán Montes de Lugo, IES Muralla Romana Lugo, IES Lucus Augusti, Lugo. Pero aínda queda a posibilidade de participar algún centro máis.

Co patrocinio da Vicepresidencia Primeira da Deputación Provincial de Lugo e co motivo do Día da Ciencia en Galego 2025

Resumo: Na conferencia falarase do xurdimento e os primeiros anos da Física Cuántica presentando aos pioneiros e grandes figuras que a desenvolveron.

Taxonomía

Ciencia en Galego

Videoconferencias

Cartel 2025 de Ciencia en Galego

admin — Sat, 27 Sep 2025 11:26:21 +0000

Cartel 2025 de Ciencia en Galego admin Sáb, 09/27/2025 - 11:26

Videoconferencias do mes da Ciencia en Galego (novembro 2025)

admin — Wed, 24 Sep 2025 21:14:48 +0000

Videoconferencias do mes da Ciencia en Galego (novembro 2025) admin Mér, 09/24/2025 - 21:14

Entre as actividades programadas para esta celebración destacamos:
-Emisión de Videoconferencias realizadas co patrocinio da Xunta de Galicia.

A continuación, figura o programa, que xira sobre as temáticas do Ano Internacional da Física Cuántica, sobre o Ano Internacional da Preservación dos Glaciares e da Xenómica.

Dra. Marta Vila Taboada.
Departamento de Bioloxía. Facultade de Ciencias. UdC.
Data: 6 de novembro, xoves, ás 11 h.

Título: Historia dalgunhas especies galegas en relación ao glaciarismo pleistoceno

Resumo:

Onde viven os distintos animais e plantas depende de factores propios da especie (como a súa capacidade de dispersión) e de condicionantes ambientais. Por exemplo, hai especies de bolboretas que só viven nas montañas, sen atopalas nunca a baixa altitude.

A paisaxe que temos agora en Galicia xa é diferente da que había no século XIX, pero é extraordinariamente distinta da que houbo hai arredor de 20.000 anos cando estabamos no chamado "último máximo glaciar", cando a nosa rexión albergou mesmo mamuts e renos.

Nesta charla resumireivos o que se sabe do glaciarismo pleistoceno no noroeste Ibérico e como conxugamos esa información cos datos

O enlace para efectuar esta conexión o día 6 de novembro é:

https://youtube.com/live/WY6tWdcmFsw?feature=share

Dr. Jorge Mira Pérez.
Catedrático de Electromagnetismo. Facultade de Física. Universidade de Santiago.
Medalla Galicia de Investigación 2022 - área de física, matemática e ciencias da computación
Premio da Confederación de Sociedades Científicas de España á comunicación da ciencia 2023
Data: 20 de novembro, xoves, ás 11 h

Título: A luz: nai da cuántica e da relatividade

Resumo:

A finais do século XIX a física tiña case todos os problemas resoltos, agás dúas pequenas cuestións: a maneira na que emitía e absorbía luz unha cavidade escura, e un experimento sobre a medida da velocidade da luz.
Esas dúas pequenas cuestións desembocaron finalmente en dúas das meirandes revolucións da ciencia: o nacemento da chamada mecánica cuántica, que permitiu comprender o funcionamento do universo na escala do máis pequeno; e o nacemento da chamada teoría da relatividade, que cambiou o noso concepto de espazo e de tempo e que levou a unha nova maneira de entender a forza da gravidade.

O enlace para efectuar esta conexión o día 20 de novembro é:

https://youtube.com/live/LbcrAgjx21U?feature=share

Dr. Ángel Carracedo Álvarez.
Catedrático da Universidade de Santiago de Compostela e director da Fundación Pública Galega de Medicina Xenómica (Consellería de Sanidade)
Data: 25 de novembro, ás 12:00 h

Título: Que é e por que é tan importante o Proxecto Xenoma Galicia, e que beneficios vai traer?

Resumo:

O Proxecto Xenoma Galicia, co que intentamos secuenciar o xenoma completo de 400,000 galegos e que ademais ofrece un cribado de cancro de mama e ovario hereditario, síndrome de Lynch e hipercolesterolemia, é, por porcentaxe de poboación, o proxecto de xenómica poboacional máis importante do mundo. Vai representar unha revolución sen precedentes no noso sistema de investigación e nos sectores biotecnolóxico e farmacéutico, nos que podemos chegar a ser dos máis punteiros do mundo e supoñer un resultado directo en sáude para a nosa xente

O enlace para efectuar esta conexión o día 25 de novembro é:

https://youtube.com/live/rf6wt_RQlm4?feature=share

Tamén, podedes consultalos na seguinte ligazón:

https://www.youtube.com/@igaciencia1/streams

No caso de producirse algunha incidencia durante a emisión, tamén se poñerá nesa ligazón o enlace alternativo.

Para poder realizar preguntas en directo aos relatores e relatora, é preciso Subscríbirse á canle de Igaciencia.

Ver XVI día da Ciencia en Galego para ampliar a información das temáticas deste XVI día.

A continuación, o formulario de inscrición, que finalizará unha semana antes da data de emisión de cada conferencia.

Videoconferencia

1-Marta Vila Taboada

Día 6 de novembro ás 11h,Historia dalgunhas especies galegas en relación ao glaciarismo pleistoceno

2-Jorge Mira Pérez

Día 20 de novembro, ás 11h. A luz: nai da cuántica e da relatividade

3-Ángel Carracedo Álvarez

Día 25 de novembro. ás12h. Que é e por que é tan importante o Proxecto Xenoma Galicia, e que beneficios vai traer?

Nome do Profesor ou Profesora

Número de alumnos e alumnas

Cursos

Máis

Exemplos

5º e 6º

2º ESO,3ºESO, 4ºESO, 1º Bach

1º BAC E 4º ESO
FP de grao Medio

Escriba o nome do seu centro

Escriba o seu email de contacto

Concello do centro

Teléfono de contacto

Taxonomía

Ciencia en Galego

Videoconferencias

XVI Obradoiro e Concurso Galego de Robótica. A Maxia da Robótica e dos drons

admin — Tue, 02 Sep 2025 09:21:23 +0000

XVI Obradoiro e Concurso Galego de Robótica. A Maxia da Robótica e dos drons admin Mar, 09/02/2025 - 09:21

XVI Obradoiro e Concurso Galego de Robótica. A Maxia da Robótica e dos drons

XVI Obradoiro e Concurso Galego de Robótica. A Maxia da Robótica e dos drons

Obradoiro e concurso galego de robótica

Ver as prazas xa cubertas antes de inscribirse

Trátase dun obradoiro de programación e robótica onde se adquire a formación precisa para resolver os desafíos da fase de concurso. Os conceptos computacionais utilízanse para enfocar e resolver problemas, comunicarnos e saber como darlle ordes a un robot e xestionar múltiples aspectos da vida cotiá nun futuro xa presente.

Realizarase na Coruña no Centro Municipal de Emprego (Os Rosales). Estrada dos Fortes, 16 e Rúa Simón Bolivar, s/n. 15011 A Coruña

A quen vai dirixido?:

Alumnado dos seguintes niveis, agrupados en dúas categorías:

de 1º a 3º de ESO
4º de ESO, BACH e FP de grao medio

En cada unha delas, o centro gañador recibirá un premio de 300 euros. Cada centro só pode levar un premio. Ademais haberá un premio especial ao centro mellor clasificado do Concello da Coruña.

Localización do centro participante: de calquera concello

Titularidade do centro: Público, Concertado, Privado

Cando: dende o 10/11/2025 ata o 14/11/2025

Horario: de 9:00 a 14:30 horas.

En sesións de 9:00 a 10:30 h; 10:20 a 11:50 h; 11:40 a 13:10 h; 13:00 a 14:30 h

Ademais dos premios citados, ofertarase un obradoiro-concurso (optativo) de programación de drons para equipos de tres estudantes, para centros que estean inscritos en Robótica. Esa actividade levarase a cabo esa semana en dúas tardes a concretar. No concurso de drons tamén se dará un premio por categoría e outro para o centro mellor clasificado do Concello da Coruña.

A continuación efectuarase a entrega dos seis premios citados o venres, día 14, ás 17 h.

Prezo / Custo: Gratuíto.

Obxectivo:

Aprender de modo lúdico os conceptos básicos e rudimentos da programación de robótica e resolver unha pequena colección de problemas de robótica do concurso. O enfoque é ver a programación como unha habilidade que calquera pode adquirir, sen importar a idade, nin a formación previa.

Ademais preténdese que o alumnado sinta a paixón pola aprendizaxe, a de integrarse nun grupo no cal deben compartir obxectivos e realizar un traballo colaborativo para poder resolver os desafíos que se lles propón ao longo da experiencia. Ofréceselle ao alumnado a oportunidade de desenvolver a creatividade, o pensamento algorítmico e a habilidade para solucionar problemas.

Desenvolvemento da actividade

Presentación- Obradoiro - Concurso

Formación previa, en cada centro educativo: cada grupo comeza o seu percorrido vendo os dous vídeos de Igaciencia Video de Robótica1 e o VideodeRobótica2 para iniciar así a familiarización cos robots e coa linguaxe icónica de programación EV3.

Actividade presencial, no Centro Municipal de emprego dos Rosais. Duración: hora e media co apoio de 5 monitores/as e 15 robots lego EV3, cun sistema de programación baseado en Labview, o estándar en control.

Na primeira media hora, realizarán un Taller interactivo, conformado por unha serie de postos cun ordenador e un pack lego xa preensamblado de diversas actividades, no que realizarán os primeiros programas de forma titorizada por monitores/as e trasladaranos aos robots para que procedan a executalos e contrasten as accións realizadas coas programadas, coa finalidade de darlle vida e facerlle funcionar ao robot.

A continuación, a Fase de concurso ocupara a hora seguinte. Aínda que ten as características dun concurso, nesta fase tamén se vela especialmente por darlle continuidade á aprendizaxe. O alumnado recibirá unha serie de desafíos de dificultade progresiva que deben resolver en grupo mediante traballo colaborativo. As tarefas implicarán unha programación sinxela dun robot e unha adaptación a nivel construtivo. Por cada desafío realizado correctamente, asignaráselles unha puntuación prefixada que, unha vez sumada, determinará o seu posto na clasificación final do concurso.

Requisitos:

Preferiblemente grupos de ata 40 alumnos/as por sesión.

O alumnado debe visualizar os dous vídeos xa citados anteriormente como preparación previa.

Recursos humanos: Monitores/as especializados/as

Obradoiro e concurso de drons

Familiarización e Concurso de drons. Drons na aula. Manexo e programación con Droneblocks

Trátase de propiciar a introdución na aula dunha tecnoloxía novidosa e motivadora, e de acadar obxectivos educativos a través do manexo e programación con Droneblocks do dron Tello.

Abordaranse as posibilidades e limitacións para o voo de drons. As súas características e manexo, así como a forma de interaccionar e controlar un dron desde un ordenador ou dispositivo móbil. Realizarase a programación de drons utilizando Droneblocks, que está baseado en Scratch (lenguaje de programación a través de bloques, creado polo MIT).

Obxectivos:

Ao traballar con drons, en tanto que robots voadores, refórzanse os obxectivos pretendidos coa actividade de robótica, amais doutros engadidos pola súa capacidade de voar. Destacamos, entre outros:

-Desenvolver o pensamento computacional, incorporando o potencial do razoamento lóxico (eventos, secuencias, bucles, variables, funciones, condicionais …), como sistema de resolución de problemas.

-Desenvolver o pensamento crítico, a comunicación e o deseño colaborativos.

-Mellorar a orientación e visualización espacial.

Destinatarios:

Alumnado dos seguintes niveis, agrupados en dúas categorías:

de 1º a 3º de ESO
4º de ESO, BACH e FP de grao medio

Criterios de admisión:

-Os centros inscritos en Robótica terán preferencia para inscribir equipos de 3 membros na actividade de Drons. Ver prazos e condicións en Inscricións en ROBÓTICA e/ou en DRONS .

Desenvolvemento:

Realizarase no centro Colegio Obradoiro International School (Rúa Obradoiro, 49, 15190 A Coruña). A participación será en sesións de tarde de hora e cuarto, nas seguintes datas e horario:

-O 10 e 11 de novembro, de 16:45 a 18 horas.

Non é precisa formación previa, pero solicitase que se visualice previamente o vídeo que se elaborou para iniciar a familiarización,

Drons tello na aula. Manexo e programación con Droneblocks https://www.youtube.com/watch?v=KqZe2QPYDxg
O vídeo recolle todos os aspectos que consideramos de interese para o manexo e programación dos drons. Será imprescindible a visualización dos seguintes capítulos: - Introdución aos dróns 00:00 O dron Tello para uso educativo 11:36. Sería moi conveniente ver tamén: Manexo do dron Tello desde a app 16:55 Modos de voo coa app Tello 21:54 Programación con Droneblocks 24:49 ata 37:14.

Tede en conta que vai haber 1 premio por categoría: ESO e Bacharelato e mellor centro do concello da Coruña

O equipo de alumnos concursará pola categoría máis alta, se son de distinta categoría.

O alumnado participante deberá vir provisto de móbil, no que debe traer instalados os seguintes programas:

-DroneBlocks e Tello.

Por se tedes dúbidas enviamos os enlaces exactos dos dous programas

Para Apple IOS Tello

https://apps.apple.com/es/app/tello/id1330559633

Para Android Tello

Aplicación Tello de DJI, o seu fabricante, https://www.dji.com/es/downloads/djiapp/tello é unha apk (hai que escoller Android) e permitir instalar apk en axustes.

Para Apple IOS DroneBlocks

https://apps.apple.com/us/app/droneblocks/id1045826508

Para Android DroneBlocks

https://play.google.com/store/apps/details?id=com.unmannedairlines.droneblocks&hl=es&gl=US

Nesta páxina veñen indicados os móviles cos que é compatible a aplicación

https://www.dji.com/es/downloads/djiapp/tello https://www.dji.com/es/mobile/downloads/djiapp/tello)

Actividade desenvolvida en colaboración co Servizo Municipal de Educación do Concello da Coruña.

Contacto:

IGACIENCIA, Inés Ben Tfno.: 679419987 secretaria@igaciencia.org

SERVIZO MUNICIPAL DE EDUCACIÓN, Tfno.: 981 184 200 ext. 10260 educacion@coruna.gal

Inscricións en ROBÓTICA e/ou en DRONS:

A través da ficha de inscrición que figura a continuación e de acordo cos seguintes prazos.

Prazo de inscrición: do 1 ao 31 de outubro de 2025.
-Do 1/10, ás 10 h, ao 10/10, para os centros do Concello da Coruña: 1 grupo por centro na actividade de Robótica o que, á súa vez, dará opción a inscribir 1 equipo por centro na actividade de Drons, de ter interese en participar tamén nesta actividade.
-Do 13/10, ás 10 h, ao 24/10, para os centros de fóra do Concello da Coruña coas mesmas condicións que figuran no apartado anterior.
-Do 27/10, ás 10 h, ao 31/10, se quedan prazas libres, inscrición para todos os centros dun segundo grupo en Robótica e/ou equipo en drons. Tamén terán opción de inscribir un equipo en Drons calquera centro, aínda que non estea inscrito en Robótica.

CALENDARIO INSCRICIÓN ROBÓTICA E DRONS
.......	1 grupo centros Concello A Coruña						0.00	1 grupo centros fóra do Concello
…..…	Segundo grupo centros inscritos. 1 equipo en drons a maiores calquera centro, aínda que non estea inscrito en robótica
OUTUBRO 2025							NOVEMBRO 2025
L	M	Me	X	V	S	D	L	M	Me	X	V	S	D
		1	2	3	4	5						1	2
6	7	8	9	10	11	12	3	4	5	6	7	8	9
13	14	15	16	17	18	19	10	11	12	13	14
20	21	22	23	24	25	26	Desenvolvemento presencial
27	28	29	30	31

Antes de realizar a inscrición é conveniente lembrar que:

-Cómpre mirar antes de cubrir o formulario os CALENDARIOS PROVISIONAIS, nas páxinas respectivas de resultados da inscrición, que se irán cubrindo paulatinamente, de maneira case inmediata os dous primeiros días.

Páxina de resultados da inscrición en Robótica http://igaciencia.eu/node/4 51

Páxina de resultados da inscrición en Drons http://igaciencia.eu/gl/node/4 51

-Posteriormente débese comprobar se o voso centro aparece no calendario, pois esa é a confirmación de que a inscrición se realizou con éxito.

-Pregamos encarecidamente que os centros da cidade da Coruña ocupen preferentemente o horario de 9 a 10:30.

-Para os centros de fora da Coruña, é válida a inscrición realizada a partir das 10 da mañá do 13/10/2025.

A día de hoxe, 13/10, o calendario da actividade de Robótica está completo, os centros que se inscriban pasarán a lista de espera. Pechado o calendario de Robótica, agora só é posible incribirse nun segundo equipo de Drons

Nome do Profesor ou Profesora

Cursos

Máis

Exemplos

5º e 6º

2º ESO,3ºESO, 4ºESO, 1º Bach

1º BAC E 4º ESO
FP de grao Medio

Escriba o nome do seu centro

Escriba o seu email de contato

Concello do centro

Teléfono de contacto

Número de grupos de 3 alumnos (se fose posible)