Achegámosvos un resumo das aplicacións e proxectos premiados nas convocatorias Inventa en galego con Appinventor e Sensores para todos, realizadas por Igaciencia no segundo semestre de 2014.

Concursos 2014 Parte I from INES BEN on Vimeo.

A entrega de premios farase no Centro Sociocultural Ágora de A Coruña, ás 11 e media da mañá do día 12 de decembro, venres. Os equipos gañadores farán unha presentación dos traballos  merecedores dos premios. Parabéns a eses equipos gañadores, e aos profesores e profesoras que, como dicía Plutarco, ou Yeats, non conciben a educación dos rapaces como o traballo de encher un cubo senón de provocar un incendio de paixón pola Ciencia ("Education is not filling a bucket, but lighting a fire").

Sentimos non poder satisfacer todas as demandas de participación pero grazas polo voso interese pola robótica e a ciencia

O noso agradecemento a todos os visitantes, especialmente aos que nos acompañaron na inauguración e, sobre todo, ao profesorado que reiteradamente deposita a súa confianza en nós, en que as actividades que brindamos merecen incluso facer unha viaxe de moitos quilómetros  para asistir a elas en exclusiva.

Balance da  concorrencia á exposición Arte e Ciencia:

O número de asistentes superou as 500 persoas.

Os máis de 200 alumnos que pasaron pola sala de exposicións o luns e o martes, 17 e 18 de novembro, saíron contentos e agradeceron a actividade de Igaciencia con aplausos finais. Entenderon a exposición, pois viron que ía dedicada á xente xove, e gozaron cos múltiplos exemplos de toma de datos e competición realizados. Grazas a todos, profesorado e alumnado, pola súa implicación: